Szeyhui's Profile

The grill room 係其中一間我最喜愛餐廳之一第一次帶屋企人黎食大家都給予高度評價，覺得環境舒適食物有質素價錢合理。第二次要帶男朋友黎，雖然都係午餐時間，但已能滿足我倆愛吃的心。套餐均有餐湯或沙律推介********12安士肉眼扒(五成熟)牛扒以碟上，伴以薯角和露荀。先吃一口蔬菜清理餐湯的餘韻，然後慢慢把肉眼牛扒送進口中，五成熟的肉眼扒肉嫩多汁，牛扒表面的香料令牛肉的味道多了一個層次，吃得出牛扒的原汁之餘，味道更為豐富。三文魚闊條麵闊麵軟硬程度剛剛好，口感很不錯。忌廉醬汁掛麵的程度也洽好，不太乾，也不太漏。至於三文魚味道十分突出，配上闊麵口感味道都很豐富。唯一失色的是太過油膩了，吃到一半已看見很多油光，對於怕油的女孩子還是會在意的。有空閒的日子就會想來嘆個午餐/晚餐 推介大家都黎試下…Read More

九龍城出名是美食天堂，各款特色美食聚首一堂。今次相約朋友去試下海鮮為主打的火鍋店！朋友們都是海鮮迷，所以火鍋頭配料款式多，正合我地脾胃！先講火鍋湯底，睇餐牌前我地本身想問有咩鴛鴦湯底，點知係老闆娘話：我地呢度湯底好咁好味，唔洗咁hea食鴛鴦湯啦！哈哈！最後，我地簡咗番茄牛腩湯底， 番茄味幾濃，帶香甜，最意想不到係淆湯舊牛腩竟然又林又香又入味！！！先數下我地覺得最掂嘅海鮮啦！韓國象拔蚌兩隻都只係$１９６，見到店內有魚缸養住，新鮮即點即開，切薄片，非常爽口彈牙，冰鎮生食好鮮甜！！鮑魚一人一隻，四隻都係$２３２，足料到呢～勁大隻， 切片好爽脆！呢個要淥熟食的！冰鎮花螺，粒粒鮮甜，又多肉，如果可以加點酒調味下會幾正！除咗海鮮，打邊爐點少得有肥牛，特級手切安格斯肥牛，塊塊肉質幼嫩，淥到半熟擺入口真係即刻融化，半肥半瘦口感，牛肉鮮味出嚟！總括嚟講：用料鮮、爽脆甜、火鍋配料夠齊！值得一提，仲有自家制的涼茶，竹庶水唔太甜又足料，幫我地下下火，非常貼心的店鋪！下次會再黎食！…Read More

尖沙咀行街行到攰又經過呢間芒果甜品店 以往既大大份芒果甜品已經令人印象深刻，估唔到而家新推出嘅抹茶系列更為吸引~黎個mango vs macha!!!!! 作為一個matchaHolic 更係要會一會佢啦~ 今次一人叫左一份，分別叫個抹茶芭菲，窩夫，拿破崙。 No.1推介抹茶吉士醬拿破崙配豆腐雪糕$78外相非常吸引呢～～ 千層酥鬆脆可口，外層甜甜脆脆，一切落去抹茶醬經已㵼出，醬和千層酥的比例剛剛好，不會太乾也不太漏。抹茶醬味道濃而不苦，配上淡味既千層酥，味道十分突出，正。伴豆腐雪糕 豆腐味超濃郁，口感綿密，出面好少食到咁濃既豆腐雪糕。 抹茶窩夫配豆腐雪糕$68外觀十分精緻，每個部分都分隔開可以慢慢食之餘又唔怕溶左凍左，就連杯茶都蓋住保溫，十分細心：）窩夫是新鮮焗成，熱辣辣，最重要是外脆內軟。窩夫抹茶味也不弱，可是配上豆腐雪糕後茶味相對清淡。紅豆小白玉分量很充足，可以平均分於每格窩夫，加上雪糕一啖食哂口感非常豐富。最後配上熱茶確是窩夫後的良品。 抹茶紅豆白玉聖代$68先嚐了最上面的馬卡龍，口感就像外面的馬卡龍，唯一不像的是沒那麼甜，個人十分喜歡。豆腐雪糕拌上紅豆後，味道十分配合。中間是黑芝麻，啫喱，小白玉，抹茶白玉和抹茶布丁，布丁十分軟滑，美中不足是抹茶味相對略淡，也被黑芝麻蓋過了。不過每一口的口感十分豐富，有大滿足的感覺。三款當中芭菲的抹茶味有待加強，如果把雪糕換成抹茶雪糕，味道一定更加濃郁美味 …Read More

想食炭爐串燒燒烤?唔駛去到大美督既，銅鑼灣都食到：）一個個小爐加上抽氣裝置，空內都可以享受炭火燒。 旁邊仲有三筒醬汁，油，鹽同黑椒任我地發揮，重點係呢度既食物不經調味，唔會覺得樣樣都一樣味，想食原味又得，燒烤味又得，鹽燒都得。 一黎緊係食d沙律開開胃，有數款沙律，其中我較喜歡漁夫沙律，當中帶有墨魚嘴粒，感覺新鮮同個沙律好夾。 食物主要是牛，雞，羊，豬，蔬菜，腸，海鮮等等。部分海鮮需另外order，亦有專人燒好調好味端上。我認為好食既食材: 法式蒜蓉包d蒜蓉夠多，烤出黎好香軟。燒番薯仔：估唔到呢個番薯仔會甘好食，燒到個皮脆卜卜，內餡好煙韌，甜甜地又唔會濟，真心正。翠玉瓜：燒時加上燒汁燒至入味，爽脆美味燒菠蘿：一向簡單又美味，必食燒薯蛋: 鹽燒皮脆最正 肉類：個人no.1 牛柳粒 食落juicy 又軟身，正! No.2 牛舌 好有咬口，有牛味No.3 豬頸肉 肥瘦均勻，口感很好No.4 腸仔 居然係腸!!! 無錯，真心正，要燒到皮夠脆，有芝士流出。 海鮮類:加了二人櫻之貝$96 有勁大勁大隻鮑魚，海螺，蜆，蠔，帶子。全部都好鬼大隻。然後幫我地燒埋，裡面燒海鮮比較好，火喉應該大d, 唔會咁易燒乾海鮮的水份。鮑魚夠淋，唔會咬唔到，其他的都十分有口感，感覺新鮮。 飲品可以加錢任飲，個人認為需要的，燒物較上火，需喝涼茶一邊下火伴餐。整體都覺得不錯，只少每種食材都原汁原味，有得落手燒，反下反下好好玩，略嫌燒熟食物的時間較長，多人同分一爐，要等較奈既時間先食得滿足。…Read More

上次係呢棟大廈進餐，見到the grill room 既banner 已經幾impressed, 價錢都經濟，今次同屋企人黎開呢邊，決定一於黎試下。 週末中午時間唔駛等位仲有梳化位坐，十分舒適之餘，環境十分優閒，光線亦很充足，適合一家大細，朋友情侶來相聚聊天。 開放式廚房給我整潔的感覺，廚師們都打扮得專業。服務員十分有禮，服務快捷，上菜十分有效率，還會幫食客添加黑椒呢~~哈 外在質素就無一百分都九十八分喇，重點還是食物的質素。Set lunch for sat & sun和爸媽一人叫一款分別有西冷扒，鱈魚扒，port ribs。 前菜: 蘑菇湯/凱薩沙律熱湯裡頭還食得出蘑菇蓉，十分香滑，配上一片香烤麵包，我個人喜歡沾湯食，正 沙律媽媽也十分欣賞，已拌均的沙律菜，olive oil & cesar salad 既dressing 是沙律的重點，配上香脆麵包粒，感覺好fresh 。 主菜: 香煎鱈魚柳一來，外觀精緻吸引。二來，食物都是新鮮煮起，連薯角露荀都係熱辣辣上碟的。鱈魚柳外皮香脆，魚肉十分軟滑，火口掌握得很好，忌廉汁的texture和味道剛剛好，完全吃不到雪藏味，啖啖肉又唔會太濟，母親大人表現九十分美味。 主菜：8oz西冷扒三個之中最喜歡的。外觀較為平淡，但內在都有九十分。同樣的薯角露荀，配菜已經令我們感覺不夠喉，牛扒下單時點了五成熟，來到已經有八成熟。雖然如此，肉質依然好夠淋，而且食得出牛味，算是很不錯的西冷。父親大人很滿意了。 主菜：坑燒豬小排擺碟很美，針板上，還有新鮮即炸薯條一筒和沙律。豬小排外觀都燒黑似的，不太討好，但食落並不如此焦味，是醬料來的，味道其實不錯，只是肉質較鬆散和肉汁較少，所以豬小排的評分沒以上的高。 最後，以呢個價格，呢個環境，呢個質素，呢間餐廳整體我會俾98分，豬小排有少許改善空間，但真係真心推介，同絕對會再去，試埋其他。…Read More

食完飯經過見到呢間裝潢別緻的甜品店立即被門口的多款芝士撻吸引住呢度既芝士撻有榴連，抹茶，香芋，酥皮，真係任均選擇。 作為抹茶迷的我，當然要試抹茶芝士撻啦~~ 外皮係曲奇，脆而不厚，唔會覺得個撻皮比例太重。抹茶餡色澤抹綠而且脹卜卜，咬一口已經感受到到流心芝士的溫暖。芝士並不像外間的平淡，而是酸酸的乳酪芝士，吃起來頗為特別，唯一是抹茶味有點被蓋過了。外賣的靚靚包裝，方便帶走又唔怕夾爛。 還有抹茶芝士奶昔 好特別既奶昔，口感濃郁，絕不是水汪汪那種。而且不會太甜，飲落很順口，配上芝士撻確是一個芝士迷的絕配。人流很多，設有bar位讓客人品嚐美食，但也不需等很久，下次還想試試糖果奶昔呢。 …Read More

今晚慶祝拍拖紀念日，想食西餐但一般的意粉牛扒已經沒有新意了。想食啲特別些少的西餐, 剛好經過此小店，平日都滿座了店舖外的餐牌，美食圖片已經很吸引, 咁有人氣的餐廳又有咁多甜品任均選擇,當然值得一試幸好等了大概10分鐘便有位了晚餐有Set Dinner的選擇, 價格頗高亦有單點的食物，好似平d我們最後點了一個Set Dinner, 一個單點早餐和甜品這裡的食物, 任何一款的賣相都非常可觀, 精緻, 可以說是眼球的享受先來餐湯,我們選了蘑菇湯, 西式湯很足料，都是蘑菇蓉，很香滑。唯一失色的是配上此麵包，由於麵包沒有烘過，沾湯後的口感不太好。 餐飲: 蜜桃茶, 香甜之餘裡面還有蜜桃果肉呢~~ 奧斯英式早餐配燒牛肉$89食物放在木板上，顏色外觀都十分吸引，垂涎三尺呢。首先吃了口燒牛肉粒，軟熟多汁，入面仲帶粉紅色的肉，已經令人胃口大開薯條脆卜卜熱辣辣英式鬆餅烘到微暖，有點乾果及微甜，配上自家果醬，清甜可口，一會兒就吃光了整罐果醬。而溫的茄汁豆跟太陽蛋更是早餐的絕配吧! 兩個人share食，份量剛剛好，不多也不少。 跟餐多加了焗田螺，剛焗完所以熱度十足，田螺鮮甜，十分滋味，只是薯蓉較少，只是吃了幾口有剛不夠喉。再來就是今晚的重點--- 焗龍蝦海鮮芝士意大利飯 套餐價$198只是第一眼已經心花怒放，完整一隻龍蝦呢，還有滿滿拉絲的芝士。急不及待地吃一口飯，海鮮料很多，汁剛剛好，芝士海鮮的味道簡直是一流。龍蝦的肉很容易取出，飽滿的龍蝦肉，一口吃下去只是感到無比的滿足，加上平時很少吃到龍蝦，所以感覺也太滿足吧。美中不足的是蝦鉗焗得太乾了，也沒有供上開鉗器，不想浪費食物 ，要用牙去咬開卻也太硬了，吃得有點麻煩。最後當然是我期待已久的甜品，有很多種都十分吸引，經過店員的推介還是選擇了宇治抹茶鑊仔窩夫$98 一上個甜品已經听到ziizii聲，睇個樣已經超級吸引。抹茶朱古力醬係熱鑊上跳動般，急不及待試下個窩夫，都係抹茶味，真係抹茶愛好者的大愛，充滿濃濃抹茶味。不過唯一覺得個窩夫唔夠脆身，偏軟但都有點口感既，overall都好好。其實價錢都覺得係有點高，不過食完都覺得值既，真係好特別又好味。總括呢餐覺得好signature , 相比以往普通既西餐，呢度俾到好多surprise我地。而且服務員都好友善，俾意見我地之餘，張枱唔大，上菜都係續樣上，可以慢慢享受每個dishes，收碟都好快，所以整個晚餐都好smooth好滿足。 …Read More

一班朋友想食好D食質素高d既放題火鍋 ，所以就黎試下呢間八幡屋涮涮鍋。餐廳環境不錯，平日不太需要等位，坐位寬敞且有不同人數的搭配，感覺良好。揀左$298呢個餐，湯底有多款選擇，我們選了清甜的壽喜燒及有蕃茄肉的番茄湯底。兩個湯底味道都越煮越濃，不錯。先不說食物，服務十分好，服務員不時為我們加湯，收碟，上菜也不慢，還跟我們推介食物，笑容滿面。食物方面，我們加了海鮮拼盤。有刺生和火鍋。 帶子和大蝦刺身已經食慾大增，新鮮且蝦大條得誇張，口感一流。 海鮮拼盤有蠔，大蝦，蜆，帶子，十分大方，都是滿滿的。 全部size都十分足秤，鮮甜，唯蜆煮完還有沙在內，烚完連個湯底都有沙。希望餐廳能改善一下先把蜆吐沙再端出。外面還有其他刺身選擇， 旁邊有燒物， 不過感覺還好，選擇不太多，所以沒吃很多，還是留肚食重點。重點就是...牛和豚肉都要大讚!!!! 很薄 薄到透光咁，淨係睇已經覺得正，脂肪肉色鮮明又分明，食落仲很滑口，只需四五秒，便可品嚐，剛剛好的肉質十分美味，一食便停不了口，因為不油不濟，感覺吃了很多碟。 吃肉的享受! 另要一提的是配料，丸的選擇很多，而且不是一般街市質素，就連我不愛丸的都吃了很多，芝士丸有兩種，兩種都大讚，口感綿蜜，不像一般的芝士丸般肉質較硬。 還有奇形怪狀的熊熊和星星。菜十分新鮮，乾淨，看到應該確實有沖洗過。 飲品選擇多，還有自製沙冰，本以為是伏，但檸檬柑桔，酸已不太甜。我飲左兩杯，確實不錯，旁邊還有雪糕機。 最後甜品有一個雪櫃的選擇和朱古力噴泉，但不太吸引，一口蛋糕仔好的適，啫喱布甸感覺還好，反而mini puff幾好味我食左好多粒。整體主打涮涮鍋食物很好，唯本人喜愛的甜品環節有很大進步空間。下次要同男友再來，食肉獸的好選擇)) …Read More

又食嚕其實係第一城黎講 呢度係我既不二之選Encore 鮮草莓奶茶 少甜都係甜 下次可以半甜就岩岩好 有果肉係底雖然唔係鮮但似jam 個種不過都好味新餐牌下，價錢貴了一點 也改變了食物的配搭 我最愛的依然係egg benedict 有得揀ham or salmon , corn changed to mushroom, balcon 依舊的油(dislike ) 主角- 蛋 煮得岩岩好 漏汁既熟度very good 所以雖然貴左 依舊捧場)…Read More

一見到抹茶就心花怒放六七點食飯時間少人D 都要等一陣 裝潢幾有特色既 款式還算可以 拍得住日本食既款式叫左兩樣半月布丁 還可以 但沒有太大驚喜 味道晍太出 質地還好 只係覺得好靚香港版既芭菲 好似吸引d 日本版唔係軟雪糕 有蕨餅 白玉 紅豆 士多啤梨 抹茶味重 味道同京都食既差不多 不過價錢同份量更係差得遠 不過已經好開心 食完大滿足唔多人可以坐奈少少都無人催 服務幾好食抹茶都係呢D價錢…Read More

黎開呢面見環境唔錯即管試試一入到去 服務員態度差得兩個人好忙我體諒 但 叫餐 黎錯兩次 仲要枱枱都錯 又唔寫低 記又記錯雖然等既時間唔奈午餐得幾樣 茶餐廳咁款雞扒 豬扒 配飯，意粉 黎錯既意思係d combination 錯哂 第三次終於岩喇不過飯好硬 碟頭飯既質素算差 飲料得coffee 勁甜既汽水type既檸檬茶湯 全部自助任飲 不過我飲左一碗湯 一杯熱水 就唔想再飲 所以咁既環境 求其整d午餐set 人手又晤夠 真係無意欲再去…Read More

一大班朋友黎食 最緊要夠食又抵食一黎就已經有驚喜，大大條曼魚 ，汁夠又香 炒雜菜，還算新鮮爽脆芝士波波，有流心的感覺，熱辣辣上碟，足夠一人一粒軟殻蟹正，熱兼脆，飯岩岩好，不多也不少，醬汁味道配合得很好大份又睇得最後甜品係完美ending , 雖然雪糕唔大，窩天味道還可，不過不失。 …Read More

寶琳開過不少糖水舖 但必選呢間 正常正路 想食甜 想滋潤 想暖胃 都係呢間平時食開士多西米露今晚要滋潤下 男友選擇了綠豆沙 我則選了自己熱食之選 南瓜西米露 推介的男友是綠豆沙控 佢話最緊要多豆 呢道絕對滿足要求 又唔太甜 至於我呢但南瓜西米露 足料到啖啖南瓜容 椰香奶滑 我最愛 中西甜品呢度都有 正 !…Read More

今晚同男友食生日飯 訂左九點不過最後玩到成十點幾先黎到 十半last order 好彩都仲食到一黎就黑糖包先 見個個都大讚 一開豍食其實還好 有大家說得這麼誇張嗎?食落係好食既  不過$65 個包 有d貴 肉眼扒應該係最安全 四成熟 邊位都係好熟 中間就四五成feel 都正常既 中間生少少 見大家都話over cook 四成差不多 配菜兩款 雞飯麻麻 焗薯正 餐有湯/salad 因為散叫左 所以跟湯特別既味道同質地 唔似湯似source 喊到要點薯仔食 不推介 燒雞凱薩沙律 雞有點辣 正常菜 普通 最欣賞 生日送甜品 大讚 冷熱之間 brownie 有nuts 口感大好 雪糕夠大又有知名雪糕品牌的質感 還有忌廉係面同勁多朱古力醬 不過大多朱古力太甜 食到底要停了 三四個人既份量 好滿足 價錢亦經濟 不錯 有下次 …Read More

同媽媽黎撐抬腳 兩個人 唔駛嗌好多 少少地都好滋味首先係串燒 豬同雞 好味 熱食加上美味沙爹醬 正 媽媽最欣賞這波蘿炒飯 多料波蘿又新鮮 我就欣賞上面既肉鬆同腰果 脆卜卜好有口感 至於個炒椰菜仔 就咸左少少同太脆了 可以炒熟一點就正嚕 仲有柚子沙律同椰汁冰都good ) 整體好味同坐既環境都感覺良好小人唔駛等位 都值得食…Read More