chihuocouple's Profile

屋企黎緊會請工人姐姐佢話佢只係會煮菲律賓菜聽完先驚覺，原來我連佢地食咩都完全無concept, 不過印象中就覺得會好重口，重咸重甜快速搵一搵香港有邊間餐廳專食菲菜，都見到幾個site 都推薦呢間Dara__________________________🔹Liemposilog $108👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌食落似中菜既東玻肉再加上帶點咸甜味既燒烤醬腩肉炆到中左化骨綿掌既程度啲腩肉勁淋，中間夾住啲肥膏，勁正美中不足就係如果再大舊少少就perfect la.佢仲會serve with garlic rice 白飯底加入炸蒜粒，好香口再配埋流心太陽蛋，隻蛋仲要煎到有脆底，不得了碟邊仲有啲醋醃木瓜絲(Alsara)同洋蔥醋汁，酸爽解膩，幾送飯.🔹Tapsilog $108👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌牛肉好入味，咸咸地仲食到少少黑椒味不過口感略乾結論係都係豬好食啲😛.🔹Sinigang Dagat $168👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️呢個係菲律賓菜必食既其中一道，酸酸的羅望子加入大量海鮮(或其他肉類)同蔬菜既酸辣湯.呢度係用左一大塊鱸魚，虎蝦做base，原本已經好鮮味再加入蕃茄，茄子，通菜，青椒，芋頭令湯頭多了一股蔬菜的甜.上菜好有儀式感，係裝滿海鮮菜餚上用茶壺倒出濃濃既熱湯，既可以保存菜餚既擺盤，又能保持湯既溫度係個好聰明既做法.入口衝上腦門既係羅望子既酸，再黎就係海鮮蔬菜既鮮甜係一種好新既口味，其他國家既菜無既味道嗜酸人士必點，送飯都食多幾碗.🔹Four Seasons $68🔹Pandan Guava Fizz $88👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌聽店員推薦左兩杯mocktail 紅色杯four season 甜甜酸酸，好開胃另一杯guava都係酸酸地，但多左啲斑斕既香味同埋氣泡水做base, 個人覺得幾refreshing 但老公就覺得草青味😂.🔹Mango Graham Float $88👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌有啲似食雪糕版拿破崙是菲律賓的一種冰箱蛋糕，由多層手指餅乾（broas）全麥消化餅乾、生奶油、煉乳和成熟的芒果製成。食用前需冷藏幾個小時，但也可以冷藏一天以上以使其具有類似冰淇淋的稠度和口感。.🔹Halo Halo $78👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌Halo-halo係菲律賓很平民，很受歡迎的甜品是一種把甜豆、果凍等東西一同摻在沾著煉奶椰奶的刨冰在菲律賓語裡哈囉哈囉有「把東西混合在一起」的意思.ube芋頭雪糕+leche flan 焦糖布丁+Sweet Potato 番薯+Sago 西米+kaong (sugar palm)棕櫚芋頭雪糕食落煙靱，有啲似糯米糍蕃薯口感甜甜糯糯的.脆口部分有Banana chip 香蕉片pinipig（烤米花）(吃起黎似糙米)Crushed Ice 刨冰唔係綿綿冰，係古早碎冰咁，不過都打得好幼，咬出ASRM立體聲，加埋Evaporated milk 淡奶同其他配料，口感勁豐富.裡面仲有Pan de Coco 即係菲律賓椰香面包同Melon 蜜瓜食既時候真係好似挖寶咁，每一啖都有滿滿的，不同既料.總結兩款甜品真係打破我對菲律賓甜品既印象，原本以為會好甜好重口味，結果甜度岩岩好，好有驚喜…Read More

燒雞翼，我自細鍾意食😂不過個frd約食雞翼放題都諗會唔會食到好膩點知佢啲口味又真係多到完全無呢種感覺__________________________🔹雞翼放題 (90分鐘)3款口味 $138/$14810款口味 $188/$208全部2x口味+小飲 $260/$278兩個價錢分別係Mon to Thur 或者Fri to Sun 不過最抵係OpenRice 訂餐有齊咁多款口味同小食飲品都係$209記得個openrice 餐得星期一二四日先有👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ⭕️ 唔計啲醬🤪雞翼係即叫即炸，保證新鮮熱辣上菜如果你唔係想打卡砌滿一隻碟的話基本上唔洗等好耐就有得食.口味方面實在太多，我揀啲特別既黎講最中意係加州風情灑上大量巴馬臣芝士碎同蒜粒，炸雞嘅熱力令芝士喺半溶狀態加埋重蒜，夠晒重口味.另外一隻鍾意嘅口味，意外地係田園口味係用酸奶油再加青葱，sour cream 酸酸地，夾油膩野就最正.如果中意食辣嘅朋友千祈唔好錯過死神辣醬辣到條脷有啲痛，太刺激了不過我認，我係譚仔食三小辣嘅廢丁.中意中式口味既朋友佢竟然有醉雞同中式海鮮醬嘅選擇.記得記得！每次唔好貪心落太多雞翼新鮮炸出嚟嗰陣時真係爆汁但我影相太耐，攤咗一陣就無咁juicy la .雞翼size medium , 我覺得岩岩好有肉食得黎，又成隻都沾滿醬汁，係用無激素雞食落都好放心…Read More

🥩Birria Beef Stew $189湯頭濃郁鮮甜，但厲害的是濃得黎又好清，飲晒都唔會覺得膩牛肉精華煲晒出黎跟餐可以揀配玉米烤餅或香料飯原本諗住配肉，所以要左夾餅救命！飲完啖湯勁後悔！早知要飯，個湯配飯一定好正個湯仲可以加生洋蔥、青檸汁、芫茜，牛肉湯汁微酸微辣，更豐富濃郁.牛肉花了兩日時間慢煮肉質嫩滑軟腍，用脷輕輕推已經化開肉汁豐富仲好入味.一口鮮嫩牛肉配濃郁鮮甜的肉湯諗起都流口水.🧀Oaxaca Cheese Fundido $159芝士以熱鐵板煮溶，混入碎豬肉腸，配以粟米脆片。餐廳用上墨西哥產嘅Oaxaca cheese，口感軟綿，拉絲效果強，唔算重鹹香但充滿奶香，配上粟米脆片一齊食，夾雜香脆同軟綿口感，相當有層次。芝士攤涼咗就會無咗拉絲效果，建議盡快打完卡食.🍟AVOCADO FRIES $79炸過既牛油果好似食緊天婦羅咁薄薄既炸衣好酥脆牛油果夠熟夠淋，加熱後質感好薯蓉咁牛油果食太多會小膩但沾上搭配既酸橙蘸醬，酸酸辣辣，感覺平衡清新晒.🥑Avocado Icecream $88黎到最期待既甜品賣相好靚，佢用牛油果外殼裝住牛油果雪糕，中間係芒果雪葩，賣相十足成個牛油果。.雪糕部分用牛油果同牛奶整成，口感好絲滑，一啲都唔甜，超濃郁牛油果味，牛油果迷表示十分滿意. 中間既芒果雪芭微酸帶甜，絕對有畫龍點睛嘅作用，味道非常夾…Read More

前幾排係社交平台見到有人post 有個超抵食既居酒屋痴線！最平係$10就有交易仲要有我居酒屋必點既五花腩串燒咁緊係要試下伏__________$10戰區🔹 大䓤雞肉串 $10🔹鹽燒西班牙五花腩 $10🔹翠玉瓜 $10👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️雖然只係$10一串，但都真係交足功課好有誠意五花腩唔會係薄到紙咁，有返咁上下厚度腩位又唔會得全肥, 係好靚既分層，一層肥一層瘦表面仲燒到微焦, 輕輕鹽味配合肉汁已經好正.雞肉串有驚喜，肉質有彈性又夠juicy一啖落口大蔥香爆出黎, 同雞肉好match.翠玉瓜同樣厚肉juicy, 高質!.要提一提$10-20既串燒最少要叫兩串.🔹味噌松板豬 $15🔹椒鹽雞軟骨 $15🔹話梅粉豚肉燒車厘茄卷 $15👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ⭕️板豬咬落肉質紮實, 食到味噌蛋黃醬嘅味道, 惹味話梅粉燒車厘茄卷, 車厘茄甜甜酸酸, 同有D肥肥既豚肉片一齊食, 正!.🔹 老油條釀墨魚滑爆芝士 $20👰🏻:🌕🌕🌕🌗🌑🤵🏻:🌕🌕🌕🌘🌑Keto friendly: ❌平時唔知點解得火鍋店先食到, 成日都覺得佢同酒水好夾, 終於有人聽到我心聲, 居酒屋都食到!! 一早應該要有喇!!外層油炸鬼炸到鬆脆，脆卜卜, 裡面釀左彈牙嘅墨魚滑再包住流心芝士多重口感好鬼正.🔹咖哩牛舌菠蘿包 $58👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌咖哩牛舌菠蘿包呢個經合好新好港式, 但估唔到出奇地真係好食外層菠蘿皮食落鬆化甜甜地, 再夾住半生熟太陽蛋，同濃郁嘅咖哩牛舌好過癮好惹味, 必試!.🔹 焦糖雪糕三文治 $48👰🏻:🌕🌕🌕🌔🌑🤵🏻:🌕🌕🌕🌕🌑Keto friendly: ❌推薦呢個超邪惡！多士燒得好脆之餘, 上面仲好有心咁沾滿大量砂糖，令烤左嘅多士更加脆！脆蜜糖多士夾雲呢拿雪糕，冰火交融, 口感味道都好正！…Read More

每次係荔枝角做完yoga 都經過成日見人排隊__________________________👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌小店用上花紋磚飾，壁畫，鮮豔嘅橘紅色牆身加上溫暖的木質裝潢, 風格十分之異國風情座位唔算太多，四張4人台還有一張長吧檯，7點已滿座，氣氛頗熱鬧雖然唔大, 但我幾中意餐廳整體氛圍，侍應招待又好熱情，會主動推介同講解，好warm既用餐體驗.🔹西班牙凍湯Gazpacho $68西班牙冷湯傳統做叉係番茄加上隔夜麵包、鹽、橄欖油、大蒜、醋blend埋做成既湯飲落去好酸爽開胃, 少少橄欖油同白鯷魚提供油分同埋香味係個非常好既starter, 令人胃口大開.🔹Pan Tomato $42番茄多士極極極鬆脆!蕃茄夠甜點湯食令蕃茄味更濃, 同打邊爐點響鈴食一樣咁正.🔹蟹肉Croquette, 松露蘑菇Croquette $20/粒可以想像Croquette係波波可樂餅, 即點即炸熱辣辣, 炸衣非常酥脆皮薄, 脆卜卜, 裡面口感就滑漏軟綿綿嘅口感店員好貼心咁建議你進食順序，教你由相對淡口食到濃, 蟹肉Croquette內餡有d似cabonara, 超creamy, 蘑菇微微松露香，粒粒蘑菇兩粒都好爆餡好食, 係個價位有D進取, 如果唔係一定不斷encore!!.🔹Huevos Rotos Broken Egg $98西班牙薯仔切成幼薯絲, 好幼炸到完全脆火灸過帶咸香既chorizo煙肉逼哂d油脂出黎加埋兩隻半熟流心煎蛋，勁香口幼薯條掛住哂啲蛋汁同油脂, 再加左啲唔同既herbs, 薯條索左汁都仲係好香脆層次好豐富好鹹香, 呢個真係必點!!!!!.🔹西班牙蒜油蝦Gambas al Ajillo $108新鮮蝦肉爽口彈牙, 蒜油辣辣地充滿橄欖油香氣, 配埋非常之香脆多士, 惹味值得一讚係蒜片炸到有蒜香，又不會overfry到有蒜既焦苦味.🔹西班牙海鮮飯Paella $258上台已經聞到好香海鮮味西班牙飯用熱既平底鍋端上，只有薄薄一層，平鋪關係特別平均受熱, 每粒飯粒吸飽鮮味雞湯和海鮮湯的湯汁係鮮味既, 不過個人中意再收乾身少少, 可能我太心急食XDD面頭有爽彈大蝦、青口和蜆肉等 食得出新鮮鮮味…Read More

科學園發現超抵食川菜$158超大盤滕椒酸菜魚藤椒啱晒我呢啲鍾意食麻多過辣既人個湯底咁正配埋啲索汁嘅配料真係食多幾碗都得平時食酸菜魚，餐廳都會放超級多酸菜鋪底但始終酸菜食唔到好多呢間反而放咗好多可以食嘅配料有粉絲，金菇，薯仔片，雲耳，萵筍最顛係白飯任裝識我嘅朋友都知，我盡量食少澱粉不過真係忍唔住叫多咗碗飯🔹麻辣真鴨血豚肉米線 $58食得太多中伏鴨血見到呢度寫到明，係真鴨血即管試試佢鴨血的確幾高質，口感水嫩，又唔會有奇怪腥臭味湯底麻辣都幾惹味米線煮得唔會過淋過硬整體唔錯科學園長期做緊泊車優惠真係好啱啲渣車友食輕鬆食飯，唔使煩泊車…Read More

🔹伊勢海老天丼 $198👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌呢個真係超抵食個天丼包左澳洲龍蝦，唔係平價既波士頓龍蝦我估平極都用西澳喇講緊西澳平時都$2xx一隻呢度有半隻份量，整埋做天婦羅都唔洗二百仲要咁岩龍蝦到貨，見住師傅生猛新鮮現宰真係用料上乘認真！龍蝦肉質真係非常非常彈牙，鮮味十足.除左澳龍，其他配料仲有南瓜，蓮藕，秋葵，冬菇，茄子同流心蛋一個set有前菜醃物，味噌湯，同可以配日本米飯，暖/凍手打烏冬，或者暖/凍蕎麥麵.南瓜既甜度都幾高，外脆內軟，好食蓮藕夠爽脆重點係個流心蛋，吉穿佢望住啲蛋汁流出來，真係好治癒，撈飯食正！.🔹經典雜錦天丼 $118👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌天婦羅點可以唔提佢嘅嘅炸衣呢度既炸衣夠晒脆，又唔油膩我影完一輪相，都仲keep到個脆度.講返個雜錦天丼，配料非常豐富有海虎蝦，沙錐魚，穴子，茄子，秋葵，南瓜，蓮藕，冬菇同埋流心蛋唔知大家有冇發覺，有啲餐廳聲稱係用咗虎蝦，但個size就同普通蝦差唔多呢間真童叟無欺，虎蝦夠大隻穴子長過筷子完全對得住個價錢食完好滿足🫶🏻.而家食$150仲有九折…Read More

每次有人問我邊間放題抵食好食第一時間都會諗起大喜屋已經去左第n次__________________________晚市最平星期一到四 17:00-19:00 $258+10%最貴星期五六日假期20:30後入座 $288+10%👰🏻:🌕🌕🌕🌕🌗🤵🏻:🌕🌕🌕🌕🌗Keto friendly: ❌首先佢係QR code 入單，唔洗叫staff黎浪費時間叫左都好快就上菜，所以就住張枱大細叫😂叫幾多真係會上幾多，無試過漏單.出面都有熟食區，凍海鮮區，冷盤前菜，蒸點心，湯品飲品區，甜品雪條雪糕區，仲有水果區.以下係歸類左食左無數次，覺得最回本同好食既🍣刺身: 厚切新鮮，推薦油甘魚，三文魚同赤蝦, 仲有鱆紅魚薄切！另外泰式生蝦都好正！.🍱創作壽司: 款式多到爆炸，好多組合都好正，同埋唔係好大粒飯，一啖一款，正！推薦鵝肝，海膽拖羅，蝦沙律多士，火炙左口魚邊.🍟炸物：黃金炸軟殼蟹，我知好多地方有，不過呢炸得真心脆，又多咸蛋黃香，超邪惡！避風塘賴尿蝦都唔錯。炸乳鴿都係必點，皮脆肉嫩，咬開仲爆肉汁.🍖燒物: 首推一定係燒生蠔🦪超厚肉肥美，配上巨量炸蒜，不得了！燒羊架無論調味肉質都好食。串燒類，厚切牛舌可以一J.🍲煮物: 醉鮑魚花雕甜酒味好入味，口感柔軟彈牙。仲有花膠都唔錯。如果食得落，鮑魚黃帝蟹黃粥都食得過.🍰甜品: 如果係榴連控，一定一定要叫燒榴連，燒完特別香甜。炸貓山王波波同芋泥波波都正！.第二樣就係無限任食哈根大師，呢個價位都有得食，大癲，仲有三款正路既口味，我拍片個日係朱古chip, Oreo 同士多啤梨(有時放題得啲消唔去既怪味).甜品櫃有個芋圓仙草凍，同order 既芒果蓉奶凍都值得一食.📌‼️去之前記得網上book 位，長期爆滿同埋記得準時到，因為佢係由book 既時間開始計🤪.除左銅鑼灣，尖沙咀，旺角，沙田都有分店…Read More

🔹牛舌心 $68🔹免治雞肉棒配日本初生蛋 $42🔹鹽燒豬肋條 $48 😍😍😍🔹 雞胸脆骨 $32👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️所有串燒都係師傅係你面前即叫即燒師傅既火候同調味絕對係功架牛舌心有厚度，燒完依然好嫩.豬肋條唔係常規menu有既item 會寫係廚師每日推薦既小黑板但見到絕對一定要點！有少少好似dry age牛咁，豬肉味相當濃郁.雞肉棒裏面有好多軟骨粒，食起嚟口感相當豐富.🔹慢煮鵝肝 $98/4件👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️煎鵝肝大家食得多，相信比較少見到慢煮不過真係有驚喜入口即溶，口感非常幼滑同埋唔知係咪因為慢煮嘅關係，味道特別濃郁平時食煎嘅鵝肝，始終會覺得有啲油膩，好有罪惡感呢個就完全無左呢種感覺.🔹蒜香牛肉葱卷 $78👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️薄切牛肉包住大量蒜粒葱粒蒜同葱完全起到提味升華作用.牛肉雖然唔係厚，但已經好有肉味微煎過，未去到全熟，帶出油脂香又保留軟淋juicy口感.🔹油甘魚鮫 $168👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️外皮整得非常薄脆難得嘅係裏面嘅魚肉，仲係非常之多汁鮮嫩.睇得出師傅對食材非常之了解，同埋有心得唔會因為想快啲出貨，就將就食物預先整定非常欣賞…Read More

去咗尖沙咀一間丼飯專門店食嘢與其話佢專食丼飯，更加覺得佢似居酒屋餐廳有兩層，有望到師傅既bar 台位全晚座無虛席，氣氛好熱鬧，好有小日本feel__________________________🔹日本時令生蠔 $196🔹 中拖羅刺身 $188🔹 油甘魚刺身 $80🔹 牡丹蝦刺身$178👰🏻:🌕🌕🌕🌖🌑🤵🏻:🌕🌕🌕🌕🌑Keto friendly: ⭕️刺身四點，有牡丹蝦，好爽甜鮮味手掌咁大嘅岩手縣厚岸蠔刺身雖然係分開點，但係擺盤都好精緻食落仲要好新鮮，原來係豐州直送！.蠔肉本身已經起左出黎同調左味鮮甜得黎勁creamy.拖羅好軟淋，油脂平均，入口即溶魚脂味濃又冇筋.牡丹蝦肉質爽彈，同樣好鮮甜.油甘魚三個字爽脆甜.🔹 三文魚子軍艦 $96🔹火炙鯖魚 $98🔹日本蕃薯仔 $48👰🏻:🌕🌕🌕🌗🌑🤵🏻:🌕🌕🌕🌑🌑Keto friendly: ⭕️ 走飯😂三文魚子多到滿瀉又夠飽滿大大粒一次過係口入面爆炸好正.醋鯖食得多，魚皮微微燒過，更能帶出魚香，魚皮微微焦脆.呢度既壽司飯加左赤醋調味酸度岩岩好，令刺身更提鮮味.🔹鯛魚湯鍋燒烏冬 $158👰🏻:🌕🌕🌕🌖🌑(for 湯only)🤵🏻:🌕🌕🌕🌕🌑Keto friendly: ❌鐵鍋上台夠晒熱辣辣個亮點絕對係個湯底魚湯奶白色，湯頭非常鮮甜，飲落好鮮甜，同埋一啲都唔會好油，而且完全無魚腥味，飲得出冇加味精.烏冬食落煙韌有咬口鯛魚的份量亦十分多，食完好滿足.🔹 厚牛舌 $52🔹 鹿兒島黑豚蘆筍卷 $42👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ⭕️串燒係即叫即燒🤩牛舌好香牛味，ok厚身，有嚼口.蘆筍粗身爽口，豚肉燒完唔會過於乾身，仲係幾juicy，盧荀連豚肉既油脂一齊咬，充滿油脂香得來又唔會覺得好邪惡👍🏻.總括而言款款嘢食味道質素都唔錯環境好有小日本居酒屋感覺.星期日至星期四網上訂座仲有85折 (每人消費滿HK$250)…Read More

話說嗰日踩單車經過科學園，除咗試左嗰間好chill嘅Cafe之外，仲想食多間，呢間十和田壽司，原本尖沙咀店已經有諗過食，見科學園店好大又少啲人闊落啲就一於試吓佢__________________________🔹三色丼 $188👰🏻:🌕🌕🌕🌗🌑🤵🏻:🌕🌕🌕🌘🌑Keto friendly: ❌一客三款mini size 丼飯三款都咁岩正中我中意食既野三色丼分別係海膽丼，吞拿魚腩蓉丼，蟹膏配長腳蟹肉丼.魚生份量都比得好慷慨,尤其係拖羅蓉丼,拖羅蓉同飯既比例係一半一半,每一啖飯都有滿滿既魚蓉,魚蓉幾肥美, 充滿魚脂香.長腳蟹肉拆好哂肉, 食起黎好方便, 蟹膏同蟹肉mix埋一齊食, 真係好鮮味.海膽好新鮮, 新鮮到好清晰咁食到D紋理, 真係有種同條利打茄輪既感覺, 入口即溶好鮮甜.雖然係mini size, 食完3碗都真係會飽.🔹滑蛋豬扒飯 $88👰🏻:🌕🌕🌕🌘🌑🤵🏻:🌕🌕🌕🌘🌑Keto friendly: ❌滑蛋豬扒飯個賣相好吸引, 滑蛋微甜, 覆蓋住成碗飯, 豬扒大大塊, 選用左半肥瘦既部分, 食落有D油脂香, 唔錯…Read More

前幾排難得有日放假無落雨，勁好天就踩單車入大埔經過科學園，多左好多餐廳所以都一次過試左兩間今次介紹呢間環境幾chill幾悠閒咁餐廳外面係一片大草地__________________________🔹炸泡菜芝士飯團 $78👰🏻:🌕🌕🌕🌑🌑🤵🏻:🌕🌕🌗🌑🌑Keto friendly: ❌一睇Menu已經比呢個item吸引住一客6粒泡菜飯團波波炸到表面好脆芝士已經溶晒入飯入面食到芝士味既，不過芝士狂覺得可以再濃啲不過加埋餐廳自家制既蕃茄醬都幾惹味就扯平返喇.🔹煙三文魚牛油果Benedict egg $118👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ⭕️三文魚加牛油果再加蛋汁向來都係黃金組合通常Benedict egg 都會襯一塊酸種麵包或者多士呢度有得揀豪氣既一個牛油果直上Keto 朋友既福音.🔹炸魚薯條 $128👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌炸魚超大塊，絕對大過我手掌外面炸衣脆得黎唔油，而且幾薄，唔錯薯條份量都俾得幾慷慨…Read More

今日去左旺角瓊華一間川菜館食晚餐, 之前食過味道同環境都唔錯, 今次二訪，見社交平台 post出左幾樣新菜式，賣相好吸引。餐廳一入門已經有涼亭位可以打卡！成間既裝飾佈置都非常古色古香, 而且座位都闊落舒適------------------------------荔枝蝦球 $108呢道菜絕對係必點招牌菜，打卡一流. 真係要佩服廚師既巧思, 蝦球以荔枝盆景出場, 再用乾冰營造仙氣效果蝦球用紅色脆米粒包裹住, 做到同真荔枝真係有9成似, 再一粒粒掛上荔枝樹, 食既時候可以一粒粒自己採落黎, 過程都好有趣講返粒蝦球, 蝦肉口感十分彈牙, 有蝦既鮮味, 加埋外面既脆米, 口感外脆內軟, 食落亦完全唔覺得油膩配上酸甜汁醬，好開胃更好食拔絲咕嚕肉 $148最特別係咕嚕肉上面加左糖絲拔絲, 宜家呢D傳統打真係買少見少, 糖絲拉到好幼好脆, 一啖咬斷千絲萬縷既感覺真係好爽咕嚕肉每粒都好大粒, 又啖啖肉, 份量都比得多下, 幾個人share都夠食炸饅頭 $58呢個又係必必必點既, 炸饅頭竟然係用一大艘古代征戰既木船上台, 船頭仲要企左個諸葛亮, 加上大量乾冰, 真係有種成風破浪既感覺, 成個出場太架勢喇炸饅頭表面炸得好靚仔好脆身, 包體又keep 到鬆軟，沾滿煉奶食, 味道一流…Read More

本身我都係鬼金棒fans湯底夠濃夠重口味岩岩見到佢出左個副線係牛白湯crossover 佢經典麻辣湯底梗係要去試下！__________________________🔹 增量牛叉燒牛骨拉麵 $135👰🏻:🌕🌕🌕🌗🌑🤵🏻:🌕🌕🌕🌘🌑Keto friendly: ❌湯底貫切鬼金棒風格有得揀小中大辣仲有打大佬既高增辣連麻度都有得揀唔同level 一樣有小中高同boss 級鬼增麻當然都有無辣無麻揀個人中意麻多過辣，所以揀左小辣高麻.一上枱見到牛叉燒勁粉嫩既樣已經流晒口水食落真係好軟嫩而且牛味好濃好出色牛肉既品質真心有驚喜.除左牛肉仲會附送啲炆到好淋既牛筋粒口感qq 的，好加分.湯頭因為加左辣，唔係太睇到係咪乳白色不過一飲就飲得出係用上大量牛骨煲出黎有牛香同甜味，配上小小辣多多麻既衝擊剩係個湯底都好值得回味但如果同鬼金棒signature 既豚骨湯比較果款湯底又再重口啲.麵條用左款類似車仔麵成日見既生麵幾彈牙同掛湯.🔹增量叉燒x2 辣味噌拉麵 $140👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌除左牛骨湯系列，呢度都可以叫返經典鬼金棒本店既麵款作為fans, 點可以唔叫返碗呢識叫一定一定要增量叉燒x2舊叉燒絕對係肥叉，啲油脂係會令人上引果隻舊叉燒又淋又入味，一大舊放入口會覺得好邪惡但又好滿足.肥叉既油脂同時會溶入辣味噌湯底令原本已經濃郁既湯再添油香氣味.呢碗配既係粗身麵有些許似油麵，有咬口啲.建議同朋友一人一款，經典叉燒同牛叉燒各有千秋.店員主動提供一次性圍裙俾我哋，驚我哋整污糟件衫…Read More

呢間餐廳已經bookmark 左好耐本身都中意食墨西哥菜再加埋有大大個特色天台酒吧好chill 好舒服咁__________________________🔹牛肉他他 $148👰🏻:🌕🌕🌕🌘🌑🤵🏻:🌕🌕🌕🌗🌑Keto friendly: ⭕️牛肉他他作為前菜份量都幾多下除咗望落好粉嫩，食落都好嫩滑醃既醬汁幾清爽，又唔會蓋過牛味可以配埋沙律菜同脆多士一齊食，口感更豐富.🔹墨西哥夾餅 $188👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌夾餅有三款口味，有雞肉，牛肉，磨菇揀或者貪心啲試晒咁多隻味，都可以叫mix 不過就好似要$2百幾個人都係覺得牛油果醬最match 都係雞肉.Mexican style 經典組合除左avocado 之外又點少得新鮮蕃茄粒，紅洋蔥，酸忌廉同莎莎醬配埋好香粟米味既薄脆片去墨西哥餐廳必點.🔹肉食手工butcher pizza $148👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌呢個價錢黎講，性價比好唔錯大大塊pizza 係手工製，夠晒薄脆, 有啲似餅乾質感上面滿滿既料，有墨西哥肉醬，Parma ham, 芝士多到有少許瀑布拉絲既感覺同墨西哥餡料又好match 芝士狂徒千祈唔好錯過.🔹自家製鳥結糖冰糕 $98👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌呢個甜品真係好surprise 本身我都好中意食鳥結糖佢呢度既，可能因為現場製，食起黎會軟身啲，口感有啲似雪糕咁奶味重，無平時食果啲咁甜，岩岩好而且加左烤脆杏仁片，杏脯同提子乾口感同味道都很讚！…Read More