九龍䱽's Profile

在一個陽光燦爛的星期日，我與幾位好友騎著單車，從沙田出發，踏上了通往白石角科學園的冒險之旅。經過一整天的漫遊，當傍晚的陽光斜斜地照在臉上，我們的肚子也開始作響，仿佛在抗議這一天的辛勞。此時，我們偶然發現了一家名為薈聚軒的粵菜酒樓，其雅致舒適的環境立刻吸引了我們。踏入餐廳，一股溫馨迎面而來。服務員熱情地向我們推薦了一個超值的海鮮套餐，僅需458元。套餐中包括了姜蔥焗美國生蠔、蒜蓉銀絲蒸蘇格蘭聖子以及清蒸老虎杉班，每道菜都令人垂涎三尺。姜蔥焗美國生蠔份量十足，每人可享用兩隻厚實而滑嫩的生蠔，其豐富的滋味在口中綻放，絕對是性價比極高的選擇。而那蒜蓉銀絲蒸蘇格蘭聖子，每一口都是鮮甜爽脆，完美展現了海鮮的鮮嫩。至於那重達兩斤的老虎杉班，則是以純粹的清蒸方式呈現，上面撒上新鮮蔥花和特製醬油，每一口都是對味蕾的極致犒賞。晚餐在愉快的談笑聲中悠悠進行，我們一邊品嘗著美味的海鮮，一邊計劃下一次的聚會。薈聚軒不僅提供了美味的菜餚，舒適的環境，合理的價格，更為我們留下了難忘的回憶。毫無疑問，我們將再次光臨這家粵菜酒樓，再次享受一頓美好的晚餐。…Read More

想食法國菜，便去了銅鑼灣登龍街永光中心(GAIJIN)，餐廳設計別具格調，而且充滿一定的浪漫情調。在這柔和燈光及舒適環境下用餐，可以暫時忘卻繁忙的公事，我們正在樂在其中地享受著這一刻活在當下的一個輕鬆晚上。別具一格的直紋喑裝暖黃色條子燈滲透一絲絲暖意。是日餐湯，菠菜周打魚湯，清新香甜，健康首選。餐前自家製麵包：分別有忌廉芝士包、牛角包等，暖笠笠的，自家製冇添加，麵包果然鬆軟、香口。澳洲M5和牛肉眼，優質的牛扒可以叫五成熟，用上炭燒的烹調方法，令到牛肉味道更濃厚，乃使味道提昇至極致的食法。牛油果野菌忌廉酥皮盒，牛油果的甘香，配以酥皮製成這道菜十分清新。香煎日本帶子，將厚身的帶子，煎到外香內嫩，賣相又美觀值得一讚廚師的烹飪手藝。是日甜品，lemon curd 香氣撲鼻，帶些微酸度，中和［溜］的感覺。…Read More

經朋友推介去到九龍城太子道西御太子(小曼谷海鮮燒烤屋)食咗個泰國菜，踏入門口前有一個大氣球的侍應向我們招手，十分Nice，心情也被提升好多，環境十分舒適趕快坐下來便急不及待地叫餐，疫情期間大家都要保持心情輕鬆，愉快地去享受美食。泰式燒盲曹$171，微焦香的表面，魚皮非常香口，再加上嫩滑的魚肉一個字，正。冬陰功湯$132，原隻虎蝦大如手掌，肉質爽甜，配上冬陰功湯底，味道更加提升。小曼谷五星燒雞$148，肉質嫩滑不會老，連焦香的雞皮也不會放過。蝦膏豬肉碎炒飯$81，每粒飯都滲透蝦膏的味道，同時又份量十足，真抵食。鐵板豬頸肉炒通菜$92，上枱時仲熱辣辣，廚師果然炒得夠鑊氣。…Read More

Med chef是一間比較創新且具有科學實驗性既西餐廳，可自行選擇添加食材配料CBD。CBD乃大麻二酚，是從大麻中抽取的一種天然化合物，有輕微鎮靜功效，令人心情愉快輕鬆。大家聽到呢度肯定問究竟係唔係合法？佢哋出得街當然係合法，劑量亦係喺安全範圍以內。香蒜橄欖油海虎蝦扁意粉$138，海虎蝦一定先將表面烤至微焦先令蝦香味溢出，但過程相當費時。Med chef絕對唔會因為嘥時間而唔做呢個步驟，可見其細心位，絕對加哂分。另外也用上新鮮蒜頭剁成粒，蒜香十足，香氣澎湃。橄欖油份量適中，不會過於油膩，怡人，清新。薩他羊架配楓香乳酪醬伴蘋果玉桂麥沙律$248，烤羊架，最緊要嘅係掌握到熟成度，同埋濕潤度。如果過左火喉而且過熟，overcooked，入面dried既話，就會過柴，好韌，失去左本身羊架果種細嫩幼滑果種質感。Med chef 大廚悉心炮製，火喉適中，微溫，肉質滑嫩相當。青咖喱安吉拉雞捲$138，墨西哥名物，Enchiladas，亦可稱為墨西哥式的春卷，用玉米粉做的Tortilla餅皮，上面淋上泰式青咖喱醬，大玩crossover，而且味道奇夾，入面包住大量香烤滑雞粒。…Read More

雖然酒吧唔開，食肆去到十點就結束營業，唯有早啲食飯早啲去Happy Hour，都叫做可以感受下氣氛，所以去左美麗華商場既Burgeroom食個快飯，但係質素完勝一般fast food burger chain 。Mega Cheese Burger$110淨係睇圖都已經流晒口水，唔係個包太細，而係芝士份量爆棚，香氣撲鼻。一大pat芝士爆瀉曬出嚟，金黃色嘅樣貌，好難唔叫人對佢有衝動。Guacamole Cheese Burger$98呢一款芝士份量比例會略少，但加入左新鮮既牛油果蓉🥑，又多左一種顏色，兼且食落唔會寡，健怡之選。Mozzarella Sticks$58未將佢拉開時大家都未必知入面既情況係點，原來一拉開左見到既係熱乎乎既熱溶mozzarella 芝士，一路散發住D蒸氣，芝士酥香四週噴發，差啲連隔離枱嘅朋友們都望哂過嚟！Twister Fries$30扭扭斜紋薯條，一定係收視保證，唔係間間餐廳都食到。呢度炸既時間啱啱好，唔會overcooked，油分適中，顏色偏棕，滿脆香。…Read More

朋友共叙莫過於打邊爐，想食正宗成都人氣火鍋便去到（碼頭故事）在銅鑼灣逸園中心二樓，店內裝修充滿了中國及四川風格，這刻暫時可以感覺一下到了成都，從座位屏風到食物，均呈現正宗成都口味。牛油鴛鴦鍋$159，所有湯底配料跟足成都總店做法，絕對正宗，不會刻意遷就香港人而加減辣度，以牛油紅鍋配上大骨百味鍋。安格斯牛肉拼盆，色澤紅潤，油花肥美，絕對是新鮮。羊肉卷，不羶不膩，火鍋必點。麻辣牛舌$101，友人們非常喜歡享用內臟，見其一放上桌子時經已垂涎三尺。皆因此酒醉紅色，實在使人急不及待。墨魚滑$113，需要特別一讚，用料十足，鮮香墨魚粒數量多且分佈廣，墨魚肉爽口彈牙，聞起來已經有陣陣香氣，鮮氣迫人。脆炸響鈴$67，放進大骨百味鍋中，輕焯10秒即可食用。蜂巢豆腐，其形附有密密麻麻的洞孔，能夠滲進大量麻辣湯汁，非常惹味。紅糖冰粉$23，分別有花生碎、杞子、提子、冰粉、芝麻等，正式關掉火鍋爐後，當然要來一碗冰凍紅糖冰粉，消除一下油膩感，換來清新口感。…Read More

(令和居酒屋)位於旺角洗衣街，地理位置優越，往來地鐵站出口只需數分鐘，最近疫情稍有緩和跡象，網上見其做足防疫措施，安全放心，一於約朋友出嚟Happy hour一下。石板燒配撘一般較多，可按照實際份量點餐，入門價只需$108，非常抵食。燒烤完後的牛扒色澤變化不大，食材本身質素頗好，屬中上。咬口多汁，帶微微烤焦果香。先把日本杜犡刺身放入杯中，後加入適量清酒，食法顯淺，簡單易明，非常過癮，跟住一嘢放入口，好似吹喇叭咁吹左佢。$48可以任飲清酒，回本之選。角切三文魚+三文魚魚子丼飯各款式之烤串燒物，烹調時間丶烹調火候也相當稱職，非常香口。…Read More

朗豪坊一詞，路人皆知。商場位置優越，位於㕵角站的C出口，人流絡繹不絕。雖然如此，商場的裝潢並沒有採用一貫大型商場的光亮潔白的單調設計，反而帶有Rock復古味，走別樹一格的路線，十分iconic。(Bamboo Thai)位於8樓戲院旁邊，門外放有小盆栽，帶有泰國田園韻味。黃金蝦餅$72，蝦餅肉質似蝦膠，頗為彈牙卻腍滑，吃得出並沒有加入生粉栗粉等因而影響口感，油量亦控制得宜，配合自家製醬汁，相當惹味。火山排骨＄188／大(約三至四人份量）鎮店之寶，湯底由幾種味道集合而成，青椒粒：辣；蔥粒：香；湯頭：鹹鮮。食的時候不能太斯文，醬汁很容易噴灑，頗為狼狽。而且需要注意衛生，記得帶上手套。泰式大蝦炒金邊粉$108，基本配置齊備，花生碎丶乾辣椒碎丶芽菜丶青檸。金邊粉非常乾爽冇水份，金邊粉帶有濃厚醬油炭香。越式生牛肉湯河$88，通常採用鮮牛骨熬製的湯底顏色會較醇黑，有大量似沙粒的牛骨碎沉底，用湯匙輕輕攪動一番，即可見其狀，力證用料上乘落重本。此店採用港人喜愛之一的美國牛小排，肉紋結實，半熟狀態上碟，不會給予(黐實)感覺，反而更有咬口，有牛味。原個椰青，選擇年青椰子更可大口大口地刮開椰肉食，相當腍滑，椰香可口。…Read More

元朗安康路康怡大廈的-元朗劇院對面（薄荷葉泰國菜)，設有室內及戶外座位兩種選擇。露天戶外雅座-就如置身於泰國芭提雅街頭，點上一杯清涼泰式飲品，叫人樂而忘返。炸蝦球＄88，一碟有八粒，每粒炸成色澤金黃，外脆，內裡則保持溫度極暖濕潤，蝦肉鮮爽彈滑。其餘位置鋪滿大量新鮮沙律菜，中間放上原棵九層塔，極具觀賞價值。肉碎生菜包＄108，撈起一匙濃郁肉碎，放入一塊新鮮鮮嫩生菜，拳頭抓緊一握，將生菜包大口大口的放入嘴巴，濃烈肉香在噴灑，偶以伴隨青澀鮮蔬凝露，乃人間煙火。特式菠蘿炒飯$128，賣相精美，皿器採用比較古雅的竹木筒而不是一般常見的原個菠蘿殼。配料有腰果、花生丶菠蘿粒、蝦，以及大量肉鬆放上面，份量十足，陣陣堅果香。馬拉盞炒通菜，份量恰好，菜苗新鮮，顏色綠悠悠。唯一挑剔的是剩下的菜水水份較多，賣相不太美觀，＂收汁＂功夫或可再改善一下。泰式燒豬髀仔，秘製甜酸醬汁，層次分明。椒鹽魔鬼魚，非常少見的菜色，配合頗中式的烹調方式－椒鹽炸，魚肉沾上粉灑上椒鹽後放油鍋炸，口感爽滑不嚡口，不是桂花魚般像豆腐花滑溜，比較似杏仁豆腐，低調，細品後味道漸見，愈來愈濃。也沒有奇怪的腥臊異味，有驚喜。…Read More

在旺角洗衣街的(OPPA Korean restaurant)門前經常人山人海大排長龍，水準屬中上水平，吸引大量年輕人拜訪。門前設有酒精搓手液，入去之前當然要消毒，細心加分位，夠貼心！新派韓燒一般裝修設計都會走年輕現代韓國街頭風，每桌均有一支由天花板拉下的抽風扇，可隨意調整角度。空氣不會過於煙霧瀰漫，衣服不會沾上油煙味，回家後也不需刻意清洗。就像圓桌圍爐會議一樣，只欠一杯冰凍韓國Hite啤酒同朋友一起暢飲！牛氣沖天和牛拼盤$438，分別有美國上肩胛肉、美國小牛排、美國下肩胛，日本A4背峰肉、日本A4上肩肉、日本A4牛肉眼，1++一韓牛肉眼、澳洲和牛頸脊、澳洲和牛舌。五花腩$98/150g，份量不小，肉位紋理部分算精細，惟脂肪膏位置略多，油膩感會較重，捲包入生菜可中和油份，略嫌美中不足。Oppa4太子$108，必點之一，店員推薦原隻貝殼放上燒烤板，放入大量蒜茸同牛油，能凝聚出更香濃蒜香及牛油香，更把帶子香鮮昇華。韓風炸雞粒$88，配上韓式酸甜醬，醬料帶點啤酒香。雞件份量算多，外面香脆，肉汁質滑溜帶少許油汁，相當惹味。餐牌上的菜式實在太多，如有選擇困難症的朋友可以點選歡聚四人餐，方便、快捷、優質！…Read More

(尚鮮海鮮料理)位置在佐敦道吳松街23號的幸福商業大廈，大堂比較狹長裝潢簡樸，整幢大廈只有一間食肆，其餘均作寫字樓用途。餐廳位置不太容易尋找，不太熟悉佐敦的朋友需要事前做一做research。店舖佔地一樓全層，食客可以享受一個較安靜舒適嘅用膳環境，而且係一間黃店，門口有Pepe，亦做足所有防疫措施，門外放有消毒搓手液，貼有告示，恕不招待客人如過去14日曾經外遊或曾有發燒咳嗽等徵狀，所以可以安心在此用膳。沖繩生啤祭，買一送一！雖然而家冇得去日本，都要Have a taste like Japanese！友人預先與告知餐廳我們的預算budget大約$300元，大廚安排此款八道菜的Omakase，$278蚊/位。三色刺身拼盤，油金魚(右)、帆立貝(中)、磯煮鮑魚(左)。需要特別讚一讚嘅係每一粒每粒帆立貝都夾住檸檬片，增添清爽口感。磯煮鮑魚的(溏心)做得頗出色，放入口咀嚼時佈滿鮑魚濃濃香氣，回甘。蒜香燒生蠔，肉質飽滿，份量十足，很大隻，惟個人認為蒜香一般，可以多刨一些蒜粒，提升層次。雙色活海蝦(上) 茄汁海蝦，選用優質濃郁鮮茄膏，加上有煎封效果，特別香口，口感似不會像阿活焗豬扒飯的死甜假酸味。醬油煎封海蝦(下)，醬油香氣迫人，蝦殼位置充滿醬香，略鹹，不過足夠惹味。煎安格斯牛柳粒，肉質頗紮實有嚼勁，表面煎至微焦，脆口，牛肉香氣除空氣中飄蕩。黑豚肉炒稻庭烏冬，鑊氣十足，油份略重，入口順滑。養生燉湯 - 鱷魚骨燉瘦肉，滋陰益氣。…Read More

係觀塘返工lunch hour去邊度食係一個極度煩惱既問題，人又多、路又窄、又冇瓦遮頭、又多大型貨車行過，好唔容易咁樣搵到間餐廳但係又要排隊等勁耐。最近因為疫情關係好多餐廳都有做promotion，喺智選假日酒店Holiday Inn嘅(Walter Bistro)喺觀塘巧明街aia大廈對面，入咗酒店量完體溫之後搭電梯上一樓轉右手邊就係餐廳。而家佢哋推出逆市套餐，最平$108蚊就有一主菜加半任食自助餐，仲有八折優惠，簡直係抵過一蚊一隻雞，享受酒店高級級數，仲要唔使迫人，又有沙律、冷盤cold cut、糖水、甜品、老火湯任飲任食。淨係睇幅圖都知個環境幾咁舒服，枱與枱之間距離十足，唔使驚互相交叉感染。餐廳宣傳推廣活動，行過巧明街嘅朋友一定要過嚟試下。呢個沙律吧真係幾難得，有成十款沙律菜畀你自己選擇，醬料齊全，鍾意點撈就點撈，任君選擇。隔離有冷盤供應有Ham, Cheese, Cracker。今日我哋試咗$258，烤肉眼配薯蓉及新鮮蔬菜，肉眼五成熟，顏色嫩紅，肉汁豐富表面煎至焦香金黃，值得加分嘅細緻位係牛扒上鋪滿翠綠嘅蔥花粒。同事叫左香煎帶子配龍蝦汁意粉$258，老闆非常大方，將帶子upgrade成龍蝦。原隻龍蝦剝殼，龍蝦肉爽口有鮮味，意粉煙韌而且掛汁力極強，一口龍蝦配一啖鮮味龍蝦汁意粉，食得好奢侈但好過癮。熱葷有地道小食，咖哩魚蛋、豬皮、蘿蔔每樣都煮得好夠味道。唔好小看一碗蒸蛋，除咗好有蛋香同埋夠曬滑之餘，入面仲有大大隻蝦，食得夠矜貴。甜品專櫃，每款都十分精緻。同同事喺度吹水食嘢成三個鐘，非常超值，誠意推薦。…Read More

新麻蒲 旗下的分支(Modern Majang馬場洞烤肉專門店)，馬場洞是南韓首爾的一條食街，餐廳進其名字寓意美食種類眾多，進駐沙田新城市廣場三期三樓(一田樓上)，和其他潮流人氣餐廳聚在一起，成了沙中新的潮食點。餐廳裝潢相當摩登，整體感覺整潔光猛明亮，打掃企理，也沒有像烤肉店般週圍有違留油漬殘存油煙味。凍櫃係濕式熟成處理嘅肉類，比一般常見既dry aged beef玩多一個步驟，wet aged beef將牛肉放入真空袋，再放入此零下幾度既雪櫃360小時待熟成，在這個恆温恆濕情景之下熟成肉質特別嫩滑。先發制人既係韓國菜標準格式前菜，有泡菜、茄子、波菜、海帶等等，是冰冰涼涼，酸酸辣辣既醒胃前菜。特選黑毛豬肩肉$168，豬肉油花分佈平均，顏色呈酒紅色肌肉紋緊緻，且有足夠既脂肪位可使其突出油香，肉味相當香濃，皆因也是用上濕式熟成肉類處理的方法煮成的效果。菲力牛排$228/150g，上桌時已經切割成一片片，切面顏色嫩紅有光澤，入口肉軟綿而肉味香濃，先輕燙表面提一提肉香。三成熟成度也相當不錯藥膳養生石鍋飯$138，用密封石鍋使其經長間煮焗既銀杏同松茸既營養同香氣不會流失之餘更能穿插米飯之中。待十五分鐘後店員將翠肉瓜、紅蘿蔔絲、香菇、菠菜及藥膳醬料拌勻，每粒飯都掛上配菜及藥膳的味道，口感清新，健康怡人。…Read More

而家出街食飯除左打卡取like，點都要開開app〈和你eat〉睇一睇餐廳係咩顏色，5係想講食餐飯仔要下下分政治立場，而我地只係想為黃色經濟圈既發展出一分力，支持打氣。From網上資料(小曼谷海鮮燒烤屋)係一間黃店，當然要撐，更重要的是正名正宗，泰國廚師主理，加入港人元素，辣度相對輕一點，香港人實啱key！泰式海南雞，雞隻新鮮份量大，偏瘦且不油膩，肉質滑嫩，建議兩種食法，一 吃食材原味，滑香滿雞鮮，二 蘸上醬汁增加層次更加提鮮。泰式燒盲曹$168，把魚肚位橫向介開，放入大量泰式香料放入魚肚，整條魚慢火炭燒，魚皮微焦脆口，打開魚肉散發熱乎乎的蒸氣，鮮香撲鼻，魚肉顏色雪白滑溜、非常滑嫩。馬拉盞炒通菜，食東南亞菜系必叫菜式，我和友人盯上了這種惹味惹火的口感，加入咸魚蓉一起炒，使得欲罷不能。泰式椰汁糕，喜歡它每一層漸變翠綠嫩綠顏色，也喜歡軟軟糯糯的口感。…Read More

（樂天經典)是新加坡大型中式飲食集團其下品牌之一，主打南洋風味的中菜，以新派現代手法主理經典的中式菜式。其在九龍區的分店比較多，是晚和友人到訪其大角咀奥海城分店。臘味炒飯(中份$138)，選用陳米是炒飯的必要條件，即是用隔夜米炒，此舉可使每粒飯粒得以保持乾燥乾爽去掉淨餘水份濕氣。而配料則加入臘腸粒、蛋片等提鮮提味，後放入特製醬油作結，聞着有濃郁醬油、臘味油香。家鄉滷元蹄$168，元蹄份量頗多，湯汁味特出非常有滷香，能中和油膩感及去掉了元蹄自身的少許羶味。菜香鐵板豆腐(小份$108)，鐵板豆腐比般豆腐更滿豆香，豆腐外則微脆微焦，內則濕潤滑溜，芡汁有大量豬肉碎醬，非常惹味。酸甘香茅凍$36，成分包括有青檸薄荷葉及糖漿混入香茅果凍，味道酸酸甜甜，清新怡人，是summer vibes！是絕對的南洋風味！…Read More