vilkili's Profile

行過太子，唔想食譚仔 🙊所以去咗佢隔離既雲桂香 🍜🔻腩肉，豬大腸，通菜 酸辣小鍋米線 （五小辣🌶️）五小辣既辣度同三哥三小差唔多酸辣湯底以酸菜味為主，酸酸甜甜，好開胃 🥢而且入面有大量肉碎同芽菜，好啱配米線 配料方面，每樣份量都好足 🐷 腩肉滷得入味，而且肥瘦適中，有少少似豬頸肉大腸都係滷過，但滷水味無腩肉咁濃，食落淋淋哋，無異味，有少少脂肪黏住 🐖通菜幼嫩無渣 🥬，點埋湯食，好正 加埋杯凍檸茶，埋單啱啱好 $60 💰整體味道幾好，下午茶 +$4 可以配埋嘢飲，幾抵食 但四點幾嚟到時撞啱放飯，得一個姐姐樓面，招呼一般下次喺太子想食米線，都會再嚟食 👍🏻…Read More

見有 YouTuber 介紹哩間點心，話好抵食 📺趁今日早收工就過驗證吓啦 😌8 點 3 嚟到，鋪內 9 成滿，幫襯既都係附近街坊同返工人士 🧓🏻驟眼睇，幾乎每一枱都係嗌蒸飯套餐套餐包一份蒸魚/肉餅，一碗白飯同一碗例湯 🍚有十多款選擇，平均 $44 就有交易，相信係晚市既主打至於點心，選擇都幾多，蒸、炸、飯類、甜品樣樣齊 價錢比其他點心鋪平，大部份都係 $20 出頭 🥢🔻👍🏻 明火例湯 （$10）老黃瓜煲豬骨 🐷，賣相同味道都有家既感覺 🏠 份量裝滿一個中式粉麵碗，碗底搵得返豬骨，黃瓜皮同大量豆 味道純正且真材實料，絕對唔係一般茶記既例水，左溝右溝 🔻松子菜苗蝦餃 （$25) 一籠三粒，每隻餃都圓碌碌，可以清楚見到入面既餡好豐滿 🥟餡料除蝦仁 🦐 同松子，仲有切成粗粒嘅荀同菜頭，食落爽脆不過整體味道偏淡，餃皮有少少淋，勝在有口感搭救 🐒🔻蠔皇鮮竹卷 （$20）唔係一般汁多到瀉既鮮竹卷，食落唔乾，腐皮仍然煙韌 餡料以蔬菜為主 🥬，口感比較鬆散，蔬菜甜味重過肉味 🥩雖然賣相唔算吸引，但味道同口感都合格，發揮正常以上點心連 $6 茶錢，埋單 $61 💵整體嚟講十分抵食，份量同質素絕對對得住個價錢 🧡雖然唔太啱我口味，但如果嚟開附近都會再幫襯 🫖 最後一句，佢哋既茶靚過好多茶樓仔 …Read More

是日口淡淡，想搵 d 熱氣嘢嚟刺激下食慾 🙊之前都食過 lee 間鋪頭既煎餃同炸燒賣，做得幾香口的 就當日所見，大部份客人都係嗌佢哋既煎炸小食 🍳亦都有客會嗌吓雞翼尖，咖哩魚蛋同扒飯.. 由於煎炸類小食都係即叫即整，所以等咗 10 分鐘先有得食 ⏰🔻韮菜煎餃 （$26 / 6 隻） 新鮮炸起既餃子熱辣辣，每隻都脹卜卜，非常飽滿 🥟佢既外皮唔係酥脆嗰種，係較厚身的皮，炸得算脆但有少少硬餡料就以韮菜為主，韮菜味濃 🥬 ，略嫌調味有 d 單調如果連食幾隻，會覺得膩 😬整體味道不過不失，但即叫即整絕對係有誠意 等嘢食時睇到佢哋既煎腸粉好似幾吸引，下次經過可以一試 🥢…Read More

大年初一既下晝，同屋企人嚟食咗個 early dinner 餐廳為咗應節，推出咗抽利是活動🧧只要 Like 同 follow 佢哋既 FB 或 IG 就可以抽一次🎰 我哋就抽中咗免費送一碟德國腸 🔻德國腸配酸椰菜及薯角 （免費）🎉腸既味道正常，size 大約一隻手指咁長，適合做餐前小食 酸椰菜口感似偏淋既薯絲，帶微酸，幾好食 薯角就一般，因為唔係即炸，所以有少少淋淋地，而且調味偏淡🔻脆皮豬肘子配酸椰菜 🐖豬手既份量十足，上枱前已經由待應幫手切成 6 大件 豬皮燒得好乾身，咬落鬆化，而且脆卜卜🐷皮同肉之間無乜脂肪，所以食落唔會覺得油膩 肉質方面都幾濕潤，而且夠淋，唔會咬唔開，味道亦唔會死鹹不過都建議配埋酸菜一齊食，可以減低肉既滯感之餘，同時增加口感同豐富味道🔻咖哩雞配德國農夫包，跟白飯 咖喱汁嘅香料比例調較得恰到好處，惹味得嚟又易入口，配埋農夫包，鹹度啱啱好 🍞農夫包亦非常鬆軟，咬嗰陣有少少煙煙韌韌既感覺，而且掛汁能力都唔錯，唔會吸唔到汁或滴汁滴到周圍都係 相比之下，雞肉就非常普通.. 唔入味之餘，仲明顯地 overcooked 埋單連一杯 1L 嘅啤酒🍺，一共 $586 💰整體味道算唔錯，食物唔會死鹹，而且上枱時都係熱的 3 樣食物之中，以咖喱農夫包最好食 👍🏻 雖然佢既雞肉只係一般，但個汁同個包都好高質，食落好開胃，而且會令人愈食愈想食 …Read More

見 Five Guys 喺觀塘開分店，突然勾起條癮想試一試 🐒揀咗閒日 2 點半過嚟，人唔算好多 落單到攞嘢食 15 分鐘內攪掂 😏🔻 Little Cheese Burger (所有配菜加牛扒&燒烤醬） 整體味道偏淡，每啖都只係食到配料同少少醬汁味牛肉同芝士味都唔突出，但塊扒既質素幾好，夠 juicy 配菜亦算新鮮， 可惜個包吸哂 d 肉汁同倒汗水，變到非常好淋.. 🔻 Little Fries 🍟比漢堡出色，唔單止外脆內軟，而且仲好有薯味 薯條粗度接近茶餐廳既波浪薯條 ，雖然只係用粗鹹調味，但香口程度拍得住薯圈薯格 份量亦都好足，嗌細份都夠兩個人 share 🔻Peanut Butter Milkshake with Whipped Cream 花生醬味超濃，入口口感順滑，非常推薦大家試吓 不過佢比較杰身， 啱啱飲時好難啜 以上三樣嘢，總共 $160 💰總括嚟講質素算可以，價錢唔算好貴，份量都夠大，但食物唔係好夠熱，漢堡.. 就唔推薦了。 如果下次嚟應該淨係會 encore 奶昔 😂…Read More

見太子附近嘅點心鋪大部份都已經試過哂 今日就嚟埋這間試埋佢 🐒下晝五點半左右嚟到, 唔駛等位就入得 等食期間見佢不停都有新客入嚟同叫外賣 🚲相信質素應該都有返咁上下 🔻鮮蝦春卷 非常足料, 鮮蝦塞滿整條春卷 可惜 完·全·無·翻·熱, 上枱時係凍嘅 春卷皮有少少滲油, 不過都 keep 到大部份位置脆身 餡料調味唔錯, 唯獨有少少糊狀, 令食落嘅感覺唔好, 成日懷疑佢未熟... 整體味道同口感都合格 🔻蟹籽燒賣皇 新鮮蒸起, 但上枱時唔算好熱, 應該攤咗陣先拎出嚟 燒賣鮮味多汁, 食到有大粒蝦仁同瘦肉粒 肥豬肉打到好細, 融合咗餡料入面, 所以唔會見到有大粒肥肉 🐷 整體質素屬中上, 好食 兩個點心埋單 $60 💰如果只追求食物質素, 唔睇其他, 佢係可以嘅 點心好食, 而且選揀多, 蒸點, 炸點, 甜品, 湯品都有供應 但留意並唔係全部點心都寫哂係點心紙上面 咁嘅安排對第一次食嘅客人嚟講有少少混亂 另外, 鋪頭嘅食物衞生真係麻麻 可以見到燒賣籠裏黏住上手留低嘅包 而且服務比較求其, 上枱點心完全唔熱絕對係一大敗筆 …Read More

今日入咗石門, 食完薩莉亞之後見到對面有間茶店 主打各類中式茶底 🍵, 價錢相比其他台茶平好多最平 $10 就有交易 👛 於是吸引咗我嗌杯嚟試吓 🐒🔻 綠妍奶茶 - 中杯 微糖 去冰 ($12) 質地比一般奶茶稀, 似英式奶茶 🇬🇧茶嘅濃度拍得住嘅伊藤園嘅濃味版, 不過奶味就欠奉 🍼 綠妍係佢哋其中一款推介嘅茶底入口茶香味濃, 口感順滑, 帶有陣陣嘅苦澀味 飲到最尾會有回甘, 仲微微感覺到奶嘅醇滑整體茶味出眾, 但就未做到齒頰留香 始終鋪頭係主打茶底, 如果想飲茶類, 比較建議嗌返醇茶 除咗茶品, 佢有幾樣飲品係完全無茶嘅成份, 有機會都可以試吓 另外, 值得一讚嘅係收銀姐姐非常有禮貌 成個過程都好有笑容, 唔會因為你買一杯就黑哂面 …Read More

今日又出咗太子飲夜茶 🍵之前都嚟過這間點心鋪幾次, 對佢印象唔錯 環境尚算舒適, 點心都幾高質, 不過服務就一般啦 😏🔻 懷舊香菇燒賣 ($26 / 4 粒)足料, 夠熱, 調味亦洽到好處 可以清楚食到香菇粒, 豬肉粒同蝦仁粒嘅味道 不過肥豬肉稍多, 熱食時唔覺, 但凍咗食就會有陣豬油味 🔻 家鄉鹹水角 ($19) 外層超鬆脆, 但內層就好淋好黏口, 兩種口感加埋有 d 奇怪感覺就好似食緊蒸熔咗嘅粉果皮, 不過外層係脆的 另外, 因為餡料味道唔突出, 所以只係食到外皮嘅甜味整體唔叫難食, 只係味道單一, 食到有少少懷疑人生... 🐒🔻 臘味糯米飯 ($32)季節限定 🍁鋪面舊臘肉同臘腸質素唔錯, 唔肥膩, 就咁食都唔會過鹹飯入面有蝦米同臘味碎, 但味道就一般食唔到任何臘味味, 比較似蒸完出嚟加色嘅糯米飯埋單連茶錢共 $81 💰 全日免收加一 整體感覺唔錯, 茶都幾好飲 點心賣相好, 選擇正常 不過揀 d 熱門點心會比較穩陣... …Read More

行過皇室堡, 見到這間餐廳 🍝記得佢嘅食評唔錯, 於是入嚟食咗個快飯 兩點左右嚟到, 場內有一半吉枱, 唔駛排隊按待應指示用手機落單, 等咗大約十分鐘就上齊菜 🔻 沙律 個樣好 "賣剩蔗"... 沙律菜唔算特別新鮮, 但又未至於霉 個汁較得幾好, 係檸檬柚子汁, 食落偏酸, 好 refreshing 不過應該落咗好多糖, 因為質感較杰, 似糖水 🔻 蒜香白酒蜆肉意粉 上枱時熱辣辣, 出哂煙... 免費增量 1.5x, 所以份量算多 蜆肉細細隻, 大約有十多隻, 不過就唔太新鮮, 有少少腥味意粉偏油但尚算彈牙, 可惜調味兜唔均, 一啖鹹一啖淡有時得蒜味, 有時得牛油味, 有時淡到無味... Lunch set 連加一埋單共 $86 💰整體 presentation 好 hea... 衞生, 服務同味道都只屬一般 唔會再嚟 …Read More

星期五 OT 完, 又係時候慰勞下自己 😌今日心血來潮想試吓新嘢, 於是揀咗這間之前 bookmark 咗嘅點心店嚟到大約十點鐘, 啱啱趕得切喺收鋪前入坐.. 🔻 蟹籽燒賣皇 ($18 / 2 粒) 肉餡主要係瘦肉粒同蝦仁 望落雖然無乜肥豬肉, 但豬油味頗重, 感覺有少少油膩 整體口感扎實, 肉粒唔會有筋或有渣, 味道正常 🔻 鮮蝦菜苗餃 ($15 / 2 粒) 賣相吸引, 兩粒餃都脹卜卜, 而且大粒兼飽滿 皮嘅厚薄適中, 夾起時唔易穿, 食落亦唔會黏口 不過餡料嘅調味偏淡, 蝦仁雖然爽口, 但鮮味較少, 菜苗亦無乜吸收到蝦嘅精華, 只有淡淡的菜味 🔻 魚湯鮮竹卷 ($20) 魚湯望落足料, 實際似中式粉麵味精湯鮮竹卷餡料以蔬菜為主, 有少量魚肉, 口感偏爽脆唯獨薑味較重, 味道蓋過哂其他食材, 如果唔睇未必食得出有咩餡埋單連茶錢共 $58 💰所有點心都係即叫即蒸, 茶亦比一般點心鋪好飲 不過服務方面真係有待加強... 待應係有禮貌的, 不過可能臨近收鋪, 大約有一半時間都唔在場基本上除咗落單同上菜, 可以講話無其他服務- 無人主動開茶, 問咗一次.. 漏了, 要再問一次先有 - 茶蓋揭起, 但待應嚟咗上兩次點心都無翻水, 亦無俾水壺- 有客人因為搵唔到待應, 要自己走去收銀枱拎遙控較冷氣 總括嚟講食物味道尚可, 但服務欠奉... 如果按照當日嘅質素, 感覺有少少 overpriced …Read More

全日心思思想飲台茶, 所以放咗工之後走咗去葵涌廣場, 過過口癮之餘, 順便行吓街 😌 商場入面有好多台茶鋪頭, 大部份都要 $2x - $3x 💰最後見到這間嘅鐵拿系例做緊半價 , 就決定試試佢 🔻 鐵觀音拿鐵 ($12) 茶底香, 味夠濃, 就算叫咗微糖, 飲落都無苦澀味 奶的份量較得幾好, 可以飲到淡淡的奶味唯一缺點係冰量無得揀, 所以杯茶好凍, 飲完打冷震.. ⛄ 整體飲品質素幾好, 加上半價, 真係好抵飲 職員都幾細心 落單同攞嘢飲時, 有問需唔需時少甜同提醒要搖均再飲…Read More

早排見到有媒體介紹佢哋嘅嚒囉酥, 今日去開旺角就買咗個嚟試吓啦 🍪 去到都幾多人排緊隊, 但條人龍好快就清咗鋪頭有好多傳統糕點比客人選擇, 包括鹹甜老婆餅, 燒餅, 香蕉糕, 雞仔餅, 光酥餅, 合桃酥, 雞蛋餅等等 🍰🍩🍮🔻 嚒囉酥 ($6) 大細同鹹蛋酥皮蛋酥差唔多, 外皮食落似光酥餅 餡料飽滿但偏甜, 質感似老婆餅餡, 有少少濕濕哋同黏口 介紹話餡料係用椰絲做, 不過食落就無乜椰絲味, 得甜味如果好肚餓可以食佢, 因為佢超級頂肚不過唔鍾意食甜嘢嘅人就未必接受到 好似我都算食得甜, 食咗半個已經覺得好漏同好飽.. …Read More

收工收夜咗, 突然想食點心, 於是就揀咗這間點心鋪。到步時已經夜晚 11 點, 餐廳入面都仲有幾枱客 🍵 🔻 鮮蝦腐皮卷 ($26)上枱嘅時候熱辣辣, 無扁塌或油冧冧嘅問題 外皮酥脆, 餡料份量多, 但主要以菜同豬肉為主 每件腐皮卷入面有一粒蝦仁, 整體味道正常 🔻 蟹皇蒸燒賣 ($30)肉餡嘅調味唔錯 食到有冬菇, 但菇嘅香味唔突出肥豬肉份量亦正常, 整體口感唔會過淋 🔻 山竹牛肉球 ($21)Size 非常大粒, 應該有平時牛肉球嘅 1.5 倍.. 食落味道正常但非常淋, 感覺溝咗好多粉.. 有時會食到有筋💰 最後埋單連茶芥共 $83 所有點心都係新鮮蒸起, 而且好大件 雖然味道只係一般, 但絕對係抵食 …Read More

喺 openrice 見到餐廳食評唔錯, 於是由朋友訂枱, 星期六 7 點一齊嚟補祝生日。可能因為係 bar 嘅關係, 落樓梯時已經聞到好重煙味.. 同待應講 book 咗枱, 但佢搵唔到我哋嘅 booking... 等咗大約 5 分鐘, 佢哋主動安排我哋坐 bar 枱位置, 成個等嘅過程大家都好 patient, 完全無不愉快。之後坐低無幾耐, 有待應再嚟 confirm 一次 booking, 但都係搵唔到。 當時我哋無講乜嘢, 但個待應臨走前就講咗句 "都坐咗咯, 唔通趕你哋走咩", 完全唔知想點 點餐方面, 同朋友叫咗一人一個 set, 兩個 main 都係叫豬鞍 🐷 嘢飲因為睇唔啱所以無叫到.. 但食嘢中途, 待應有主動拎水俾我哋, 抵讚 🔻頭盤 沙律: 沙律菜新鮮, 黑醋汁酸甜味較得平衡, 食落開胃 法包多士: 切得較薄, 烘得脆, 但食落無乜味蘑菇湯 : 菇味濃又夠熱, 份量當頭盤啱啱好 自家制蟹肉燒賣: 滿滿嘅蟹肉, 好食 🔻主菜燒西班牙黑毛豬鞍: 賣相好好, 但件豬鞍無咗條骨, 待應話唔知點解師傅切走 食落味道一般, 有肥肉嘅地方就好食, 但其他地方就好乾, 食到最尾三份一無哂汁就乾上加乾.. 🔻甜品芝士蛋糕仔: 細細件, 食到芝士味, 唔錯 整體不過不失, 但同一價位可以有更好選擇。另外, 衛生情況一般, 餐紙上面發現有煙灰... 隔離仲一大個滿了的煙灰缸. 估計係 staff 的 綜合以上幾個因素, 唔會再嚟了 …Read More

揀咗這間 🇯🇵 餐廳同朋友慶祝生日。12 點半左右嚟到, 餐廳已經坐滿人, 非常旺場。由於訂咗枱, 所以唔駛等位就有位坐。用餐時間限時 1.5 小時, 中間不停有新客入嚟。朋友們分別叫咗雜錦刺身丼配鰹魚茶漬飯同季節刺身定食, 而我就叫咗鰻魚飯 🐟🔻蒲燒鰻魚玉子蓋飯配鏗魚茶漬湯 蓋飯超級足料, 玉子同鰻魚都好厚身, 飯量亦比刺身定食多。主角鰻魚完美覆蓋飯面, 份量足足兩大塊。 鰻魚肉質冧冧哋, 表面層燒汁非常惹味。雖然係好食, 但食得多仍然會有漏嘅感覺, 所以最好係同朋友 share。另外, 建議鰻魚夾埋茶漬飯一齊食, 否則個茶漬飯會變得好淡.. 另一樣主角玉子, 外表雖然吸引, 但食落就無乜蛋味... 反而配菜中嘅茶碗蒸就幾好食, 香蛋味之餘仲好滑 最後成個餐食咗半份就投降, 由朋友接手咗剩返的半條鰻魚.. 整體食物質素唔錯, 午餐份量非常足。下次嚟會試吓佢個天婦羅定食, 見到好多枱都有嗌 …Read More