之前都食過 lee 間鋪頭既煎餃同炸燒賣，做得幾香口的
就當日所見，大部份客人都係嗌佢哋既煎炸小食 🍳
亦都有客會嗌吓雞翼尖，咖哩魚蛋同扒飯..
由於煎炸類小食都係即叫即整，所以等咗 10 分鐘先有得食 ⏰
🔻韮菜煎餃 （$26 / 6 隻）
新鮮炸起既餃子熱辣辣，每隻都脹卜卜，非常飽滿 🥟
佢既外皮唔係酥脆嗰種，係較厚身的皮，炸得算脆但有少少硬
餡料就以韮菜為主，韮菜味濃 🥬 ，略嫌調味有 d 單調
如果連食幾隻，會覺得膩 😬
整體味道不過不失，但即叫即整絕對係有誠意
等嘢食時睇到佢哋既煎腸粉好似幾吸引，下次經過可以一試 🥢
