Curious Bear's Profile

一個價錢食到咁多款野好抵食！先用蒸氣鍋蒸海鮮🦐🦞，然後下面會放粥，海鮮精華會喺蒸時落哂去粥底，之後仲有打邊爐🫕一嚟先有一人一碗燉湯，係非常足料嘅蘿蔔豬骨湯🤩，啲肉燉到非常稔，湯頭鮮甜濃郁，有淡淡藥材味。然後會上三文魚刺身，厚切三文魚，食落好鮮甜😋。每個套餐仲包蜆同半隻龍蝦，有專人服侍，幫係逐款海鮮蒸，蜆非常清甜，龍蝦好彈牙🦞。每枱可以8選4款海鮮嚟做蒸海鮮，今次揀左鮑魚，生蝦，蟶子同元貝，每款都好新鮮😍蟶子同元貝有蒜蓉一齊蒸，食落非常惹味蒸完海鮮最後會蒸埋雞同紅棗糕。碟雞下面舖咗陳村粉，食落有啖啖雞油香🤤紅棗糕甜度剛剛好，唔會太甜。除咗蒸鍋外，另外仲有一個鍋係用嚟打邊爐，叫咗清湯加麻辣湯，清湯有淡淡豬骨湯香味，麻辣係川式麻辣味🌶，配埋出面自助吧嘅花椒油非常惹味。牛肉任叫，其他火鍋配料可以出去自己攞🥬🥟，都切得好靚，食落牛味夠濃，又唔會韌。經過一輪蒸海鮮蒸雞後，底部嘅南瓜排骨粥吸收曬啲精華，食落非常香海鮮味，味道香濃，粥嘅濃稠度都啱啱好。…Read More

位於觀塘海濱嘅La serré 係一間酒吧餐廳，坐室外嘅朋友仔仲有機會聽到Busking。而且價錢相當實惠，絕對係一間出色嘅約會餐廳🤫。白酒忌廉煮鮮活青口 $128滿滿一大盤嘅青口，青口肉質飽滿鮮甜，以白酒與忌廉烹煮，醬汁奶滑中帶酒香🍾，清新不膩。燒本地農場三黃雞（半隻）配鵝肝飯 $228三黃雞皮脆肉嫩，切開仲有唔少肉汁💦。鵝肝飯香氣濃郁，米飯食落啖啖都係鵝肝油香。炸薯條拌黑松露醬 $78薯條係粗薯，好綿密鬆化薯🍟。黑松露醬香氣濃郁，同薯條嘅鹹香好夾。Nutty Italian $88依杯Cocktail以Kahlua咖啡利口酒與Frangelico榛果甜酒為基底，融入牛奶☕️，飲落係堅果香氣與滑順口感。Honey Melon $88依杯結合左Rum同蜜瓜甜酒的清新果香，最後融入牛奶增添滑順口感。蜜瓜香氣突出🍈，甜度啱哂香港人唔太甜，尾韻帶有淡淡奶香同蜂蜜餘韻🍯，適合偏好甜味調酒人士。…Read More

晚市有二人餐，人均都只係二百就有齊5個 course。店舖行美式復古風，無論喺邊個位打卡都一樣咁吸眼睛📸 !餐湯松露野菌湯：湯底濃郁，松露香氣好突出，會飲到粒粒野菌🍄，作為餐湯開胃幾好又唔會太膩小食日式山葵醬餃子：餃子外皮脆卜卜🥟，內餡仍然keep到juicy配合微辣山葵醬，微微嗆鼻刺激🌶黑松露雜菌粗管直通粉：粗管粉煙韌，口感滿分，松露醬好香濃，每一啖都濃郁嘅黑松露香氣喺口腔，仲有多款雜菌🍄唐揚炸雞楓糖醬班戟：炸雞外皮超脆，肉質嫩滑🍗，而班戟都好鬆軟，配埋甜甜嘅楓糖醬，甜鹹味道又幾夾，食落層次豐富🥞。阿華田牛角窩夫：窩夫外脆內軟🥐，配埋阿華田醬濃郁香甜，驚喜位係雪糕係豆腐味，可以中和到阿華田甜膩感。…Read More

今次嚟到尖沙咀厚福街嘅爖月串燒居酒屋食串燒，性價比好高，串燒晚市$38就有兩串，超抵食。依家仲要做緊優惠，只要入座即可轉佢地嘅輪盤抽獎，我地今次轉中鱈魚棒。依啲全部都係$38兩串雞軟骨、雞腳筋十分爽脆，燒香後帶焦脆邊緣。柚子雞雞肉以柚子醬醃製，酸甜清新，皮脆肉滑。阿波尾雞翼一夜干風乾後雞皮緊實酥脆，肉質鹹香濃縮。芝士翠玉瓜本菇牛肉卷美國肥牛燒＝＝＝＝＝＝＝＝＝＝＝蒜香橫隔肌蒜粒焦香撲鼻，橫隔肌柔嫩帶嚼勁。豚肉蘆筍豚肉薄片捲鮮蘆筍，燒烤後蔬菜清甜平衡肉脂。鐵板柚子蜜牛舌牛舌厚切柔軟，鐵板炙烤後邊緣微焦，柚子蜜甜中帶酸，平衡油膩感，入口散發淡淡果香。鱈魚棒配酒真係啱哂，脆卜卜食唔停口，配埋蛋黃醬更加正。牛肉烏冬雞皮蝦卷巨峰提子乳酸梳打 & 梅酒梳打…Read More

原來西灣河有間超抵食雞煲火鍋放題🫕，仲要有得無限時任坐。叫既餐有包任飲同一杯雪糕，飲品款式都齊全，連啤酒都可以任飲🍻。雞煲叫左BB辣，個汁嘅味道啱啱好，唔會太鹹搶咗雞味，又唔會太淡，BB辣有輕微辣味，而且麻香充足🌶，夠晒惹味。雞件方面，份量都夠，雞肉肉質嫩滑，最正係啲豬皮，索晒雞煲汁，食落口感又好彈牙💥。              打邊爐部分食完個雞煲，店員就好快手咁幫我哋轉返個打邊爐，湯底揀左鴛鴦鍋，一邊係麻辣湯，一邊係蕃茄湯🍅，個麻辣湯唔係得個死辣，係有香味嘅，蕃茄湯就清清地，用嚟淥菜同烏冬幾好。火鍋料都有幾多選擇，安格斯肩胛肥牛牛味夠，油脂分佈平均。各式丸類都好多汁彈牙，唔少海鮮類唔洗加錢就食到🦑。各款火鍋常見料都一應俱全。     另外仲有小食可以叫，特別推薦個一口炸雞翼，用左椒鹽做法，食落非常香口多肉汁，外皮十分酥脆，而keep到肉質嫩滑多汁。…Read More

有一間超平價韓式餐廳，份量充足，價錢公道，店內個牆身仲有熱播嘅魷魚遊戲油畫添🎨。一人餐都勁抵食，包咗一人炸雞，主食同一杯野飲。炸雞（芝士撒粉）炸雞外皮脆身，芝士撒粉鹹香濃郁，帶微微奶香🧀。雞肉醃得入味，炸到外脆內嫩，肉汁鎖得住，每啖都食到濃濃芝士味，唔會過鹹。泡菜五花腩炒飯拼太陽蛋泡菜酸辣醒胃，太陽蛋煎到邊脆蛋黃流心，撈勻飯粒更香滑。泡菜辣度適合香港人，五花腩唔算太肥，食哂成碗都唔膩🥘。芒果乳酸梳打加$16轉嘅飲品。芒果加入乳酸飲料後🥭，酸甜平衡得啱啱好，梳打氣泡細密唔嗆喉。杯底仲有粒粒芒果肉，飲到最尾都仲有驚喜，冰涼清爽。另外單點：五花腩拼肥牛辛辣麵湯底辛辣濃郁，帶微微椒麻香，五花腩片同肥牛，煮到軟腍入味🌶。雜錦紫菜包飯材料包括青瓜、醃蘿蔔、蟹柳、雞蛋絲。卷得實淨唔易散，切件大小適中，一口一件好方便，幾酸香開胃🌟。蜂蜜柚子茶凍飲清爽解渴。飲到最尾仲有柚子肉可以食，誠意十足🍹！…Read More

環境餐境都係露營主題，連杯杯碟碟露營用。餐廳仲設有戶外露天酒吧。叫咗個二人餐，包前菜，2個主食，好多款肉同兩杯野飲，好抵食。黑醋冰蕃茄沙律冰鎮過嘅蕃茄片得透薄，排得靚靚仔仔，淋上陳年黑醋汁，酸香醇厚又唔嗆喉，同蕃茄嘅清甜夾到絕。食落清新開胃，係一道夠晒醒神嘅前菜。花切長牛舌牛舌厚切得恰到好處，師傅用花刀切出細密紋路，燒到表面微焦脆口，內裡保持柔嫩多汁。伊比利亞豬肋條油脂分布平均，慢火烤到表面焦香，食落啖啖豬油香，大推，比牛嘅驚喜度更高分。北海道豚腩卷紮實又均勻，燒到表面焦香，豚肉嫩滑唔韌。夢見鳥雞腿肉鹽麴醃得入味，烤到雞皮金黃脆口，肉質保持濕潤嫩滑。夢王蛋海苔飯夢王蛋做到完美流心效果，蛋黃濃郁黏滑，撈勻飯粒後更香滑，依個配搭係燒肉必備。柚子梅素冷麵醬汁用咗柚子汁同梅肉調製，酸甜開胃，整體清新怡人，留到最尾食好解膩。牛肋肉另外叫多款牛肋肉，油花均勻嘅部位，一咬落去肉汁澎湃，仲要腍到入口即化。牛肉味濃得嚟又唔膩。巨峰提子可爾必思& 福岡草莓可爾必思飲落冰涼順喉，帶微微乳香同果香，清爽唔膩。…Read More

主打日式丼飯同鍋物，店舖採木系裝修，俾人一種和風感覺🎐。咖喱豬軟骨定食 $92豬軟骨燉煮得恰到好處，肉質鬆化，軟骨位仍然保持到有少少咬口；日式咖喱偏甜，辣度係小朋友都食到🍛，珍珠米飯粒粒飽滿。配餐的味噌湯暖笠笠，沙律清新爽脆🥗，枝豆鹹香，整體份量充足且風味協調，呈現出日式定食的細緻講究。嚴選豆腐牛肉鍋（關東風壽喜燒湯底）$158關東風湯底用咗濃口醬油同味醂調和，甜鹹融合得嚟層次分明，湯底飲到最後都唔會口渴。美國肥牛份量都唔少，點埋日本雞蛋漿入口順滑咗😋。鍋底嘅木棉豆腐係靈魂所在，吸盡湯汁精華，咬落有豆香同湯汁二重奏。其他配菜種類都非常多，有芋絲、娃娃菜、波菜、菇👍🏻。…Read More

保持住點心手推車嘅文化，望住疊起嘅一籠籠點心，想食咩就攞咩。特別讚下依幾款蓮香蝦餃皇外皮好有咬口煙韌唔黏牙，夾起嚟唔易穿，用咗原隻鮮蝦仁，都幾爽口。豉汁蒸排骨肉質軟嫩。豉汁調味恰到好處，鹹香中帶少少蒜蓉同豆豉香，比平時蒸排骨冇咁濃味，啱哂依家追求健康嘅香港人。鮮蝦炸雲吞雲吞皮炸到金黃通透，咬落鬆脆聲。內餡用原隻鮮蝦，混入少量豬肉增加香。外脆內嫩唔燶黑，瀝油做得乾淨，食多件都唔膩。胡椒豬肚豬肚清洗得乾淨無異味，燜到軟淋入味，保留少少嚼勁。胡椒香氣突出，飲完成身暖笠笠。豬肚份量大方，另外加入腐竹吸收湯汁，湯底濃郁。炸鮮奶卷外層炸到金黃鬆化，入面係熱辣辣同好滑嫩嘅流心鮮奶餡，奶香濃郁得嚟唔會過甜。椰皇燉蛋白燕窩真係一分錢分貨，原個椰子加燉蛋白。燉蛋加上椰子水會冇漏，燕窩都有相當份量。…Read More

泰式紅咖哩燒牛肉 $98選用牛肋條，慢煮到軟淋入味，輕輕一咬就咬開，而且完美保持牛嘅肉香，再用泰式紅咖哩醬燒到表面微焦🍲，香氣撲鼻。味道層次爆燈，紅咖哩帶椰香🥥，辣度溫和，牛肉吸滿咖哩汁，咬落juicy唔鞋口。蒜蓉法包 $48法包外層烘到金黃脆口，咬落「咔嚓」聲💥，內裡保持軟熟。蒜蓉牛油沾滿成個包，蒜香濃郁但唔會嗆喉。用佢嚟沾紅咖喱，索晒咖喱汁就啱哂🥖。鮮蝦炒金邊粉 $88金邊粉炒到乾身唔油膩，仲帶鑊氣香。鮮蝦大隻爽彈🦐，芽菜韭菜保持爽脆，花生碎同青檸另上，自己調節。甜酸度啱啱好，唔會過甜或過酸，適合大眾口味，建議擠晒青檸汁同撈勻花生碎先食🍋‍🟩，風味更突出。泰式燒豬頸肉 $88每片都勁厚切🤩，仲要燒到邊緣微焦脆口，咬落去外脆內嫩，油脂甘香得嚟完全唔膩。啖啖肉嘅感覺好滿足，肉汁完全鎖住喺豬頸肉入面💧，可以問店員攞啲雞汁，沾埋一齊食，酸甜辣嘅調配令豬頸肉嘅風味提升。芒果沙冰 $38芒果肉含量超高🥭，甜度天然唔假喉。冰沙打得細滑冇冰粒，入口即化唔嗆喉。面層鋪咗新鮮芒果肉，大大杯夠晒解渴。飲完成杯都唔會口渴，證明冇落人造糖精😋。…Read More

估唔到喺中環都搵到依間咁抵食嘅西餐廳，環境優雅，價錢超值，絕對值得一試。Parmaroom $149呢款薄餅絕對係意式簡約風嘅完美示範Espuma🍕！餅底薄脆到似餅乾，咬落「咔嚓」聲，邊位帶少少焦香又唔會過硬。Parma火腿鹹香柔軟，油脂甘香，雜菌（蘑菇、香菇）炒香先舖面，菌味濃郁，水牛芝士拉絲效果一流🧀，番茄醬底酸甜清新，平衡火腿鹹味😋。西班牙橡果黑毛豬柳龍蝦汁砂鍋飯 $269份量足夠2-3人分享，呢個砂鍋飯絕對係奢華同風味嘅完美結合！一開蓋就聞到濃郁龍蝦香🦞，飯粒用咗日本珍珠米，吸收晒龍蝦汁精華，每啖都係鮮甜爆炸。西班牙橡果黑毛豬柳好厚切🥩，咬落軟嫩完全無豬羶味，龍蝦汁用原隻龍蝦頭熬煮，加入魷魚🦑增加海洋風味，飯底砂鍋煲到飯焦金黃脆口。泰式奶茶味麻糬窩夫配雪糕 $129非常打卡able，窩夫上面有個大過隻碟嘅棉花糖雲☁️，粉紅色十分夢幻，見住師傅上枱前即整棉花糖，絕對係邪惡之選！窩夫即叫即製🧇，外脆內軟，加入泰式奶茶醬同麻糬，口感超豐富。泰奶味香濃唔會過甜，麻糬煙韌拉絲，配埋朱古力雪糕好正🍨。…Read More

自助餐平時就食得多，但以韓式做主題嘅自助餐真係少有🤩。依間位於尖沙咀嘅chef zone。菜式種類非常多，當中以韓式菜式、日韓壽司為主🍣。環境方面非常乾淨，用白色嘅裝修俾人一種舒服簡潔嘅感覺，每一區嘅劃分都非常清楚，每一區都有相應嘅廚師不斷準備新嘅食物，refill嘅速度好快👍🏻，員工服務都好好，執枱好有效率👏🏻！壽司種類非常豐富，款式好特別多元化，欣賞佢每舊嘅飯都細細嚿，唔怕食幾件就飽🥳。仲有韓國地道嘅紫菜包飯卷同醬油蟹、蝦等海鮮🦀🦐，醃得非常入味。另外要推介嘅係醬油三文魚，食落非常鮮甜，勁厚切嘅口感非常滿足。仲有拌飯自助區，有成十幾款配料任夾（牛肉絲、紫菜、芽菜）一大堆餐前小菜🤤，仲有秘製辣醬自己調辣度。熟食區簡直眼花撩亂，主食方面，常見啲韓食料理都有出現，辣炒豬肉，炒粉絲，韓式豬手，炸雞，每款都勁香口😋。煎炸區有廚師不斷喺度烤五花腩同煎韓式煎餅，五花腩即烤即食🔥，風味十足，韓式煎餅有幾款，最推泡菜煎餅，煎得香口，泡菜味濃，外脆內軟。仲有韓式街頭小食，辣炒年糕，魚糕湯都好地道🍢。湯品類都有好幾款，特別要講佢個鮑魚粥，鮑魚非常鮮甜彈牙，令粥底好有鮮甜味😛。甜品有韓國地道嘅雪糕雪條牌子，仲有gelato，同即唧雪糕🍨，竟然仲有雪花冰俾你自己整，多款醬料配料可以自己調配。仲有店員會幫手整窩夫，粒粒雞蛋糕，窩夫嘅水準好高，外脆內軟，蛋香十足，加埋自己落嘅朱古力醬，非常一流🧇。雞蛋糕有驚喜，啡啡地色，外層非常脆口，內部好鬆軟，而且竟然係濃濃咖啡味喺口腔徘徊☕️。…Read More

深水埗有間超有feel嘅港式打邊爐🫕，地方乾淨企理，一入去就見到掛牆嘅港式霓虹燈裝飾💡。精選二人套餐 ($468)套餐包咗小食，肉，丸，餃子，豆腐，蔬菜同麵其實幾豐富，而且每個類別都有幾款可以揀。香炸魚片頭藥膳花雕湯鍋湯底一滾就聞到濃郁藥材香，見到有好多當歸、枸杞、紅棗。飲完成身暖笠笠♨️。淥食材前記得飲碗湯，精華所在！極品封門柳牛肉紋理分明，油脂分布均勻。輕輕一淥8秒就食得，牛味好濃郁，完全對得住「極品」依個字🤤。淥完即食唔使點豉油，索晒個湯汁都好正。雙拼手打丸（鮮蝦丸、豬肉丸）兩款都十分彈牙！自家製餃子雙拼（韭菜餃、黑松露豬肉餃）韭菜餃嘅韭菜足料，傳統得嚟夠晒滋味。黑松露豬肉餃充滿驚喜🤩，一咬開就聞到濃郁黑松露香，豬肉餡加入咗蘑菇碎，口感更加豐富。另外加配咗一份西班牙黑豚肉同小食，椒鹽雞軟骨。西班牙黑豚肉 $108油脂分布均勻。入口軟嫩到，豚肉甘香濃郁得嚟完全無羶味。瘦肉細膩唔鞋口，肉汁豐盈💦。椒鹽雞軟骨 $58即叫即炸熱辣辣上枱，金黃色睇見都流口水！食到根本停唔到口，每粒雞軟骨都沾滿椒鹽粉，咬落索索聲超治癒，脆得嚟唔油膩💥。軟骨部位選得靚，帶少少雞肉唔會淨係得硬骨，口感似食緊脆骨腸咁過癮。椒鹽調味啱啱好，鹹香中帶微微麻香😋。…Read More

今次嚟到天后一間隱世日式拉麵店，店內嘅牆身掛滿唔同有名嘅電影，好有氣氛。鹽味清湯拉麵 $98 + $45(1份叉燒)湯底好清澈，飲落係溫柔嘅鹹鮮，完全唔油膩。麵條咬落彈牙有麵香，完美掛湯🍜。叉燒自己另外額外再加咗一份，叉燒肥瘦層次分明，入口即化得嚟唔會散開。脂肪部位融化在口😋。另外仲有大大舊雞肉，雞肉厚切口感意外嫩滑，配埋原隻溏心蛋流心效果完美。龍蝦雞白湯拉麵 $118湯底用咗龍蝦熬煮，再加入雞白湯雙重融合🦞，飲落係澎湃嘅海洋鮮甜同濃厚雞香，每一啖都有膠質感。麵條掛湯能力超強，每條都索滿龍蝦精華。鮮蝦好貼心地剝埋殼，蝦肉非常爽彈鮮甜🦐，索埋龍蝦湯湯汁，雙重鮮味，啖啖肉嘅感覺好滿足。醬油漬鮑魚（六頭鮮鮑）$40選用六頭鮑，醬油漬得入味卻不死鹹，仲帶出鮑魚本身的鮮甜。外層微微韌勁🤩，咬落軟糯帶嚼勁，黏滑甘香，醬油香醇得嚟唔會蓋過鮑魚鮮味。醬油漬蠔（熟鮮蠔）$45選用日本廣島熟鮮蠔，脹卜卜，醬油漬得入味卻保持到蠔肉嘅嫩滑🦪，完全冇過熟變韌。外層微微緊實，咬落爆汁鮮甜 ，蠔肚creamy唔腥，再用上濃厚醬油，大推👍🏻！木村完熟白桃梳打 $28…Read More

今次去到中環發現咗一間隱世日式料理-Mikoto Donburi，喺中環威靈頓街嘅地庫入面。店內裝潢係日式木調風，環境好溫和舒服。每道料理都有內附沙律，茶碗蒸同麵豉湯🍵。一開始會先上沙律同茶碗蒸🥗，沙律嘅配搭好豐富，最特別係個南瓜，綿延得嚟又帶有甜味，醬汁酸酸甜甜嘅感覺好開胃。茶碗蒸嘅蛋面平滑如鏡，用匙羹舀落去嘅觸感已經知唔簡單。蒸蛋十分嫩滑，有魚糕、白果、蟹柳等配料。料理最後會有碗櫻花蝦麵豉湯，用嚟解膩作結剛剛好🙂‍↕️。廚師發辦魚生飯（特上）  由廚師發辦，師傅完全按照時令同埋當日最佳魚貨⭐️，精心設計出層次分明嘅味覺旅程，每一啖都食到佢嘅嚴選同心思。食法都可以跟師傅建議，由淡味嘅食到濃味，確保可以完美品嚐每款魚生嘅鮮味同特別之處。款款都咁新鮮，特別一讚今日嘅拖羅同灸燒，拖羅有雪花脂肪分佈❄️，好肥美，入口即溶，而灸燒好帶出到剌身嘅油脂香💥！A4和牛燒肉飯一上枱就見到和牛油花分布均勻，燒到微微焦邊🔥，粉嫩嘅橫切面超誘人！牛肉用輕燒手法處理，入口即溶得嚟保留到肉香，醬汁甜鹹平衡，唔會蓋過和牛本身嘅油脂甘香。配菜方面有菇，粟米荀同茄子，燒完嘅菇配菜都有微微嘅炭香仲保留蔬菜汁💧。…Read More