emo_day的個人專頁

已經幾年無食過韓燒，最近心血來潮好想食韓燒，就約左老公去東港城新麻蒲bbq食韓燒。入到餐廳，未叫餐已經有幾碟小菜加調咪料。唔好以為食韓燒通常都多肉少菜，返而依間餐廳跟餐都有幾款菜提供，岩晒鍾意食菜既我地。我地叫左個$398既牛肉套餐，個餐都好豐富,有降霜牛肉，秘制五花腩同牛肋排，燒好既肉可用生菜包住黎肉食,生菜包住肉汁，可配三款唔同既醬料黎食，yummy yummy!除左燒肉，仲有個人好鍾意既部隊鍋，湯底味道好濃，唔會好辣，岩晒我地唔食得辣，想湯底更濃可加少少韓式豆瓣醬，部隊鍋又點少得即食麵、香腸、冬菇、芝士同肉呢？！有齊晒傳統部隊鍋既元素！套餐包埋什錦拼盤，大蝦、甘菇同年糕，我地攞左黎燒，我諗放埋落部隊鍋，索左湯底食仲好味！依個餐份量好足，兩個人食到飽飽，好滿足，下次值得encore再食。…查看更多

冬天除左去打邊爐去食下燒肉都唔錯早兩日收工同男友黎左依度食樣樣牛都好正入座坐底後，先食「野菜醋物」，帶少少酸的野菜，食起上黎好開胃，上面再加了幾片紫菜，增添和風的感覺跟住我地點左兩杯飲品，分別係巨峰汽水和青蘋果汁汽水，食燒肉飲汽水咁先爽嘛主角黎啦分別有特選日本產和牛肉眼、日本產和牛上牛排肉、特選日本產和牛牛排肉、牛舌肉排真係好好味，油脂好足夠，入口有啲融化既感覺，牛舌切得好薄身，口感帶點爽口，而且仲有醬汁可以蘸，即使唔蘸，淨蘸鹽食都好香好好味除左肉之外，仲有南瓜、粟米、香菇，以上全部再配埋飯食，岩岩好，好滿足。整體都好好味，旁邊都有好多日本人食客雖然係燒肉，但燒既時候又唔大油煙，所以走果時衫都唔會好大燒肉味…查看更多

雖說法國菜咁浪漫但都唔一定要同伴侶食嘛今晚就帶認識多年既恩師食餐好咁耐無見，慢慢坐慢慢傾食法國菜就岩晒啦坐底後我地叫左兩個晚餐「Conger Boiled Abalone」將鮑魚用香濃既龍蝦蠔油汁煮一啲都唔韌，而且好入味旁邊的日本蘿蔔、蜜糖豆、酸蘿蔔都吸收晒鮑魚加龍蝦汁即使係蔬菜都好好味「Seared Lobster」上碟個賣相好靚龍蝦完全係仙氣入面旁邊仲有醃製左既蕃茄底下仲有柚子，龍蝦上面再有魚子醬幾樣野一樣食，好fresh 「Langoustine Seafood Bouillon」店員拎左個大碗黎碗上放左枝豆、蝦、番紅花再將熱辣辣既海鮮湯倒落碗度陣陣龍蝦味撲鼻，真係好想快啲飲落肚「Butter Squash Veloute」自己本身好鍾意食栗子見到呢個湯有栗子雲吞所以即刻叫左黎試吓湯嘅味道好似南瓜湯而且一啲都唔膩雲吞就用栗子蓉代替餡料味道好好味「Pork Loin」通常豬都係配蘋果醬汁豬用慢煮方式中間顏色好粉嫩旁邊仲有生菜、薯仔做配菜豬用左鮑魚蠔油汁去煮食材西式，但醬汁用中式咁樣配搭都幾特別「Tenderloin」牛既熟度煮到岩岩好，非常稔身而且用左多密醬汁煮唔算好鹹幾好味配菜方面特別欣賞法式千層薯食落好有口感，除此之外旁邊仲有球芽甘藍、珍珠洋蔥「Chocolate Truffle Cake」造型精緻的蛋糕一整粒放入口滿口都係濃厚朱古力味味道極之滿足「Creme Brulee Cheesecake」賣相好似Creme Brulee上面就係Creme Brulee下面就係Cheesecake 估唔到兩者味道咁夾，好好味…查看更多

今日同朋友二人去左香港仔周圍行下睇下影下相，遊左幾個鐘之後係時候搵地方食飯。見門前餐牌寫餐廳無茶芥收費，只收加一，感覺餐廳都係做街坊生意，應該唔差。一坐低職員即送上花生，而且仲介紹佢地既「銅盆蒸清遠新鮮雞」，於是我地點左半隻（$138）試試。銅盆熱騰騰而且幾大盆，雞上放左好多蔥，岩晒我鍾意食蔥既朋友！雞肉好嫩滑，加埋蔥變得好香口，但如果可以少油d會更好。行左成日想食d飯落肚，於是叫左碟瑤柱蛋白炒飯 （$68）兩份分享。炒飯粒粒分明仲幾煙韌，當中有瓜粒、瑤柱絲同蛋白，每樣都淡淡地但整體都夠味。喜歡食豆苗既我叫蛋琛蒜蓉炒豆苗 （$88），豆苗好嫩無渣，蒜香咪濃。兩個人加埋一$300有找。…查看更多

第一次嚟呢間富臨，以後會好舊式但原來好光猛新淨，地方又夠大，d食客打邊爐都唔會令都成場邊爐味。店員亦都好快手腳，又會主動收碟換碟。中天麻燉魚王魚雲湯 （$128） 一打開湯煲蓋已經好香天麻魚雲味，好大煲有6-7碗份量。除左魚雲，仲有雞肉同瘦肉，當然用左唔少藥材，好滋陰。湯好濃味，唔腥，要襯熱飲。 堂剪bb豬半隻 （$98） 皮好脆口又唔燶，肉好粉嫩，入口仲好有肉汁，有少少咸味幾惹味，再蘸燒豬用既甜醬更好味。 瑤柱金菇扒豆苗 （$98） 豆苗十分鮮嫩又翠綠，入口好清甜。瑤柱金菇獻汁份量岩岩好蓋過豆苗，令每條豆苗都有獻汁既調味。 豉汁蒸大鱔 （$98） 份量甘多嚟講呢個價錢算抵食，但如果魚肉蒸既時間控制得再好d會更完美。 生煎菜肉包6隻 （$38） 食晚飯通常會叫白飯，但今晚忽然想食生煎包。底部唔係隻隻都脆，但都幾香口，麵包口感亦好鬆軟。 茶芥 $10/每位 酸菜 $10/碟…查看更多

話說天氣開始寒冷,便好想去打邊爐~之後來到係尖沙咀厚福街一間台式101手工涮涮鍋,點套餐時突然見有全新限定湯底推介加$68有<冬陰公加拿大雪場蟹腳鍋>!!!本來諗住得四五隻蟹腳,點知撈左成一大碟蟹腳,勁開心~!同朋友吃蟹腳已經感到好滋味,蟹肉好鮮甜~店員有提示撈完蟹腳可先飲一碗冬陰公湯,果然個湯真的超鮮甜,冬陰公不會有太強勁香葉味,又唔太辣,好岩女仔口味~!湯底另外有D豬紅,洋蔥,草菇,香茅配料,不得不讚片豬紅真係好滑好正~!!點套餐時點了101特選手工火鍋拼盤,其實另一款係台灣夜市火鍋拼盤都好吸引~不過先試了呢度主打既手工拼盤,有:墨魚汁鳥結糖,太極冬菇,安格斯霜降牛丸,三重芝士鮮製蝦丸,黑松露蟹子海鮮軍艦,黑松露蟹肉餃,三重芝士鮮製墨魚丸,全部都好創新~最喜歡粒芝士鮮製墨魚丸,咬入口真係會溶埋d 芝士入口~而肉類就選了西班牙伊比利亞黑毛豬肉片, 肉質口感真的特別嫩口~!!但最令人一試難忘的係手工即炸響鈴同手工即炸魚皮,超級新鮮香口,吃完好想再加追利吃~果然手工造係充滿誠意~!!飲品叫了可樂砂冰系列既巨峰提子味同青蘋果味~送上時見到好有驚喜因為外觀好吸睛,影相一流~!來到最後,其實已經飽到忘了果套餐有跟甜品,但送來時見到賣相不錯,而且是香芋味所以也吃了,估唔到呢個香芋木糠布甸質感超滑,香芋味好香濃,今晚真是大滿足~~!…查看更多

星期日行街經過這家在銅鑼灣鬧市的一間店舖，外觀店面小，容易被其他大型廣告牌遮擋，但內裏空間舒適。我和朋友每人點了一個餐，有熱餸飯，有生餸飯，另外多叫一個小食便是了!她點了新登場的日式醬鵝肝Don, 我點了北海道海鮮Don，另外點了一份炸蠔，大家share.首先來了北海道海鮮Don,一個套餐內包括了沙拉，麵鼓湯。海鮮Don食材相當豐富，包含了海膽，油甘魚，吞拿魚，蟹腳，帶子，三文魚子，醃蘿蔔，牛蒡，醃蒜頭和酸薑，材料新鮮。我朋友叫的日式醬燒鵝肝Don,一樣有沙拉和麵鼓湯附送。Don內除了鵝肝還配有茄子和蘆筍，味道甜蜜蜜的，鵝肝份量不少!酥炸生蠔，好吃哦！酥酥脆脆的。兩個人吃得很滿足又滿意哦！…查看更多

好朋友派帖，見到朋友結婚咁開心梗係食餐好去慶祝一下記得之前都有去過依一間酒吧餐廳今次就再去下， 順便慢慢傾下朋友仔婚前的感受坐底點好餐好， 先食個餐包， 再開始慢慢上菜「焦糖低溫浸鵝肝」鵝肝外層有一層焦糖切落去脆脆的， 連同鵝肝一齊食味道好夾， 配埋旁邊的早餐脆脆一齊食可以減少鵝肝的油膩感「蒜片橄欖油虎蝦」用蒜片同橄欖油將虎蝦煎熟蝦連蝦殼一齊煮， 令蝦既鮮味更突出廚師蝦殼切開再上碟令剝殼果時都好方便可以食到「燒蕃茄大茴香雞絲濃湯」濃湯最適合愛濃味的我用蕃茄黎煮較其他的較健康上面有啲雞絲， 襯熱飲好好味「野菌黑松露忌廉湯」濃湯除左有蕃茄之外， 野菌亦都係唔錯選擇將野菌打融再配忌廉一齊煮好香濃， 好creamy鍾意飲忌廉湯既一定會鍾意飲依個「日式麵豉三文魚配魚高湯茄子」呢度既三文魚之前食過好好味今次黎到梗係又再食呢用日式麵豉煮， 三文魚煮至半熟內面仲好軟身， 伴隨住仲有煮稔左既茄子用清湯煮，唔會蓋過茄子本身個味道「意大利手卷意粉伴野菌，辣肉腸及巴馬臣芝士」手卷意粉比平時食到啲更煙韌伴勻野菌、辣肉腸食， 好有口感上面再放左巴馬臣芝士， 食落更香更惹味「雲呢拿朱古力慕絲伴焦糖榛子」賣相好靚，慕絲好滑好軟身連同榛子一齊食好有口感， 因為之前我地都食到幾飽所以依個甜品兩份食就岩岩好把酒暢談， 當然要點番杯酒朋友點左「Tiki Estate Rose 2015， Per Glass $88」果味較重， 唔會有苦澀既味道。較易入口自己少飲酒，所以就點左MOCKTAIL 飲「EYE Ball」$78名字同杯的賣相好相襯白色的飲品由雲哩拿，糖漿， 奶，焦糖所製成所以味道甜甜地幾好飲，眼睛就由荔枝肉整成同真既都有幾分相似…查看更多

約好耐無見嘅老師食飯相聚當然要帶佢食好啲啦畢竟老師都教左我地好多野簡直係自己細個嘅恩師所以就帶佢去之前食過個嗰間西餐廳我地揀左4 個course既二人餐包括有Starter、Soup、Risotto、Main先食「Garlic bun」餐湯未到就食個蒜蓉包先多數嘅蒜蓉包都係搽好少嘅蒜蓉醬係包上面再拎去焗但呢度係搽滿厚厚既蒜蓉係包上面好岩我依個蒜頭控「Home-Made Crab Cake with Tartar Sauce」蟹餅份量好大，而且很厚身外層煎到帶點很香脆，切開入面有好多蟹肉加左黑椒一齊煮，令蟹肉入口更惹味「Classic Caesar Salad 」玻璃器皿裝住沙律菜未食已見到好新鮮沙律菜每片大小適中，入口方便旁邊有烘過的煙肉及包，煙肉好香脆「Lobster Bisque」食完前菜開始飲湯啦我地兩個揀左唔同款既湯我呢碗係龍蝦湯未飲已經聞到好香的龍蝦味道味道濃郁，啖啖都有龍蝦肉，好正「Yin Yang Wild Mushroom Soup 」蘑菇湯味道好濃郁菇味很重，雖然用忌廉煮過但飲落一啲都唔覺得膩「Ossobuco Risotto」自己一直好鍾意食意大利飯所以就點左依個黎食用牛膝黎煮既意大利飯真係好特別肉質好似牛腩，非常嫩滑稔身意大利軟硬度岩岩好，帶點煙韌「USDA Prime Grade Rib Eye Steak 14oz」肉眼扒好大件，上面灑左鹽再煎至medium rare，熟度岩岩好一啲都唔韌，旁邊仲有牛既形狀既薄脆外層煎到好香，裡層帶少少粉紅色肉質很稔，一點都不韌配菜揀左粟米粒，唔算好膩，岩岩好…查看更多

有時拍拖出街食飯，多數都食日本菜、西餐好少同男朋友食中菜，岩岩上星期男朋友接我收工話最近食得多西餐食得太膩，話不如食中菜依間店開左幾年，成日經過都無食過，今次可以試下奶湯滑津白 $65津白份量都多，每棵都幾大用上湯煮，好鮮甜感覺好清新，一啲唔油膩芥末香酥蝦球 $118經過炒過既蝦球，外層煎到好香芥末醬汁有少少刺鼻，愈食愈惹味配飯一齊食一流整體水準都唔錯，見隔離檯食個高力豆沙都好似好正可惜肚子唔爭氣，食唔落，下次點黎食下先…查看更多

上星期同屋企去金都睇結婚啲野，點知走果時落大雨，所以我地入左去商場隔離既依間餐廳度避雨，其實果刻唔係好肚餓，但又無理由淨係度坐，所以我地點左啲野食我地點左公司三文治同埋炸雞翼公司三文治份量都多，不過中間舊牛肉有啲韌，其他材料都正常既，包表面輕輕烘過，所以入口都好好味，唯獨是餡內個牛肉係需要改善另外炸雞尋味道都正常唔算太油膩，略嫌有點乾身不過無地方去又要避雨，無地方之下所以唯有係度食，整體份量都多，share食就最好…查看更多

沙田食飯真係到到都好多人，即使去到沙田廣場呢一邊，食個茶餐廳都要排長龍好彩都唔係等左好耐，就有得入座店員安排左我哋喺水吧隔離張枱度坐由於唔係好肚餓所以淨係叫咗個炒通菜同埋蒸雞另外再叫多咗兩個白飯個蒸雞係連同冬菇雲耳一齊蒸，雞肉都嫩滑，而且斬到細細件咁方便入口但係如果成個餸冇咁油膩咁就更好啦通菜我地揀左用鮮魷黎炒，同啲蝦醬味好夾好惹味最後就點選左鎮店之寶嘅冰鎮奶茶用冰鎮住，令奶茶味道唔會比冰沖淡依個不失為一個好方法…查看更多

上星期真係好大雨變左同朋友食飯都唔想周圍搵地方所以去咗之前覺得幾好嘅一間餐廳度食好彩我哋比較早到，坐咗冇幾耐開始越來越多人香炸海鮮拼盤 $108有炸蟹鉗、炸蝦、炸魚餅蘸埋沙律醬，份外惹味旁邊仲有沙律菜，食完炸物再食可減低油膩咁墨西哥雞餅 $85份量都幾多夾在內層有好豐富既餡料配以上面的酸乳酪一齊食內有芝士雞肉，用黎傾住計慢慢食的確唔錯蘋果木煙燻西班牙豬扒 $188用蓋蓋住蘋果木既煙同西班牙豬一開蓋煙四散，入面豬同配菜都吸收晒蘋果木既味道再將全部堆成塔狀底部是我最愛的紫薯蓉，好好吃慢煮牛柳 $198用新鮮的蔬菜做配菜旁邊仲有原個焗蒜牛柳入口一啲都唔韌肉質軟身容易入口外層灑了黑椒及鹽令牛柳食落特別香Mongozo Coconut $62Coconut 味既啤酒之前從不飲過既椰汁又啤酒，好易入口仲要用椰殼裝住飲，夠晒風味青檸青蘋果梳打 $58Strawberry & Lime $62…查看更多

朋友話佢從來未食過部隊鍋於是我地特登相約去食依間店炸雞之前都食過今次就食個部隊鍋先部隊鍋 $180未食過都知道部隊鍋係好似自己煮既麵全部好豐富咁整埋一鍋不過依個比想像中的有啲瞬息午餐肉比平時見到的薄芝士只有一片，麵只得半個兩個人吃完一整鍋都不覺飽所以再點吞拿魚沙律紫菜包飯 $68味道正正常常不過自己就較喜歡日式的紫包飯因為日式的紫菜較脆，飯更有趙口這同普通平價外帶壽司店的吞拿魚沙律壽司大同小異如果下次再黎，都係食番炸雞好了…查看更多

落雨濕濕求其去咗火車站樓上越南店度食人流都算幾多，好彩唔使等位就有得坐因為唔係太肚餓所以就叫左一碗雞絲撈檬兩份食撈檬份量都正常，但雞肉係暖身唔係涼拌撈檬咁，整體都係暖食另外再點多左一個小食-豬頸肉，都等左好耐先上菜$38半份份量唔多都唔緊要，但每片豬頸肉是乾身，有點難咬，好似食緊豬肉乾咁，一啲肉汁都無，$38令我諗起之前都已經可以食到一個好味既豬頸肉蛋飯，如果唔係咁乾身，可能會加分應該下次唔會再黎食…查看更多