去食下燒肉都唔錯
早兩日收工同男友黎左依度食
樣樣牛都好正
入座坐底後，先食「野菜醋物」，
帶少少酸的野菜，
食起上黎好開胃，
上面再加了幾片紫菜，
增添和風的感覺
跟住我地點左兩杯飲品，
分別係巨峰汽水和青蘋果汁汽水，
食燒肉飲汽水咁先爽嘛
主角黎啦
分別有特選日本產和牛肉眼、日本產和牛上牛排肉、特選日本產和牛牛排肉、牛舌
肉排真係好好味，
油脂好足夠，入口有啲融化既感覺，
牛舌切得好薄身，口感帶點爽口，
而且仲有醬汁可以蘸，
即使唔蘸，淨蘸鹽食都好香好好味
除左肉之外，仲有南瓜、粟米、香菇，
以上全部再配埋飯食，
岩岩好，好滿足。
整體都好好味，旁邊都有好多日本人食客
雖然係燒肉，但燒既時候又唔大油煙，所以走果時衫都唔會好大燒肉味
