譚家菜 (Closed)

今日同朋友二人去左香港仔周圍行下睇下影下相，遊左幾個鐘之後係時候搵地方食飯。見門前餐牌寫餐廳無茶芥收費，只收加一，感覺餐廳都係做街坊生意，應該唔差。一坐低職員即送上花生，而且仲介紹佢地既「銅盆蒸清遠新鮮雞」，於是我地點左半隻（$138）試試。銅盆熱騰騰而且幾大盆，雞上放左好多蔥，岩晒我鍾意食蔥既朋友！雞肉好嫩滑，加埋蔥變得好香口，但如果可以少油d會更好。行左成日想食d飯落肚，於是叫左碟瑤柱蛋白炒飯 （$68）兩份分享。炒飯粒粒分明仲幾煙韌，當中有瓜粒、瑤柱絲同蛋白，每樣都淡淡地但整體都夠味。喜歡食豆苗既我叫蛋琛蒜蓉炒豆苗 （$88），豆苗好嫩無渣，蒜香咪濃。兩個人加埋一$300有找。