FeastBaron's Profile

今日去左旺角居酒屋，餐廳座無虛席，氣氛十足。職員聽取客人需求，用心推介。叫咗炒牛肉粒，煮得非常腍，牛舌彈性十足，兩樣都好好食。醬油炒飯材料唔多，但粒粒都均勻上色，有淡淡醬油香。店舖現在Sapporo買一送一，亦飲得盡興～原條手釣池魚$338 - 好新鮮，如果兩食應該會浪費，所以原條刺身上～ 無論力工定擺盤都好掂，職員仲幫手打燈，幫手出片～ 但如果可以切得厚身啲，口感會更滿足…Read More

黎到灣仔試特色嘅地中海餐廳，餐廳除左室內可用膳外，仲有室外露台位，依家天氣冇咁熱坐喺室外吹吹鮮風飲返杯都非常唔錯，可惜當晚就落雨冇得出去坐Seafood Platter $650 - 海鮮拼盤包括烤八爪魚鬚、吞拿魚扒、大蝦、墨魚，炸魚柳同埋白酒煮蜆，當中蝦同蜆比較出色，兩款魚就都稍為烤同炸得乾得滯，side dish有希臘式炸薯條，調味幾有特色但就唔係平時炸到脆脆咁，另外有烤餅可以點白酒汁一齊食餐廳weekdays六點後就係happy hour，大部份酒精飲品都係買一送一，幾抵灣仔地中海希臘餐廳］…Read More

鑽石山荷里活廣場新開咗EN-Shokudo宴食堂，主打日式料理，價錢親民，份量十足超巨型吉列魚柳滑蛋丼 $88 - 吉列魚柳成25cm咁高，充滿視覺衝擊，非常打卡-able，滑蛋飯有驚喜，使用具黏性的珍珠米，蛋質相當滑，加埋甜醬油同香菇提鮮，入口相當香甜，可以輕鬆清曬整碗飯巨型香脆雞扒配明太子沙律醬定食 $88 - 另一款招牌大型食品，外表非常脆口，但雞肉仍保持嫩滑多汁，配搭鹹香的明太子沙律醬相當夾。值得一提係店舖附有柚子醬油，配上定食的沙律菜，非常美味…Read More

收工突然想打邊爐又唔想去普通火鍋放題，結果搵到呢間多好評又做緊優惠嘅邊爐店手切牛頸脊 - 牛頸脊肉質淋滑同時肉味都相當濃郁，係最適合打邊爐部位之一，大大一盤配上精緻擺盤，打卡力十足麻辣鴨血濃湯鍋 - 湯底麻香幾好，鴨血芽菜豆卜等份量都好足，辣度稍微唔夠，但侍應第一次加湯嘅時候主動問辣度夠唔夠，跟住即刻加返辣椒底料就好食返其他火鍋配料就正常，叫左桂花蚌、牛黃喉、水魷、水蓮同黃金炸響鈴，其中響鈴即炸加上鹹蛋黃極脆又惹味…Read More

呢間芝麻相當出名，有唔少芝麻產品，今次試左雪糕，雪糕量都唔少，上面霖上濃濃的芝麻醬，相當打卡。雪糕的芝麻味濃郁，質感很滑很軟，甜度控制相當好，芝麻醬令口感更豐富。因為食過晚飯才去，到店時已快關門，鐵閘都拉左一半，但都仍要排隊，朋友話平日要排半條街，咁晚飯後人潮散左先買就較理想了。。…Read More

旺角餐廳美食林立，當中亦有唔同嘅特色餐廳小店。今次黎到呢間主打川菜同時又帶有港式大排檔風味嘅餐廳𓌉◯𓇋 酸菜魚(2人份) $168 - 魚肉份量都唔少，而且肉質爽滑，唔會一夾就散，酸菜味道都唔錯，其他配料例如萵筍、金菇、寬粉條都有齊，整體非常唔錯𓌉◯𓇋 麻辣鴨血 $48 - 鴨血質地唔錯，但辣得黎麻不足𓌉◯𓇋 鮑魚雞煲 $168 - 鮑魚大大隻而且好彈牙，雞煲香辣風味十足，亦唔會太咸𓌉◯𓇋 避風塘四季豆 $88 - 四季豆炒得夠乾身，夾埋避風塘式炸蒜一齊食，非常惹味，辣度都適中𓌉◯𓇋 酸辣土豆絲 $88 - 土豆絲好爽口，不過個酸辣就做得一般𓌉◯𓇋 炸饅頭 $58 - 首先出場造型已經好搶眼，饅頭炸得外脆內軟，加埋練奶就算本身食到飽飽地都仲可以啪多兩個𓌉◯𓇋 黑糖脆炸糍粑 $58 - 糍粑外面炸得脆脆，入面就好軟糯，點上黑糖之後味道更佳…Read More

中環高級食店林立，今次黎到由日本師傅親自主理，主打品嘗和牛稀少部位嘅日式燒肉餐廳。餐廳會根據月份設計不同菜單，而且經常有各種優惠。今次試左餐廳慶祝三周年推出嘅和牛龍蝦燒肉Omakase，一次過品嘗海陸美味。前菜𓌉◯𓇋 一口鮑魚配牛清湯凍 - 鮑魚爽口彈牙，配上以牛骨熬製嘅清湯再製成湯凍，非常清新𓌉◯𓇋 海膽和牛拖羅海苔卷 - 海膽嘅鮮味同和牛嘅油脂感混和一起，加上海苔包住一齊食，口感有淋有脆，層次豐富主菜𓌉◯𓇋 鹽燒及汁燒稀少部位燒肉 - 主廚精選三款不同和牛部位，當晚品嘗左肩三角、上後腰脊肉、友三角，餐廳仲貼心附上位置圖，各個部位各有特色，其中個人最愛友三角，為後腿內側呈三角形嘅肉，兼具柔嫩口感同濃郁嘅牛肉風味𓌉◯𓇋 西冷燒壽喜 - 經典燒肉必食之選，西冷肉味濃郁，淋上壽喜燒汁燒，再點上蛋黄汁，極滿足𓌉◯𓇋 燒龍蝦尾 - 龍蝦尾經燒後鮮嫩爽口，配上海老香蒜牛油，更能襯托出龍蝦嘅鮮味𓌉◯𓇋 肉眼鰹魚湯shabushabu - 先以鰹魚湯浸和牛肉眼至三分熟，再在上菜前淋湯至半熟，肉質鮮嫩，中和了燒肉後嘅油膩感𓌉◯𓇋 厚切和牛赤身 - 最後再來一片赤身結束燒肉嘅部份主食及甜品完成燒肉後仲有兩款主食二選一，分別係和牛高湯拉麵同咖喱和牛飯，拉麵麻麻，反而咖喱飯唔錯。甜品都係二選一，分別係草莓果凍蛋糕同果醬奶凍，兩個都唔錯，蛋糕仲可以寫字俾特別日子慶祝…Read More

📍Brass Spoon［灣仔連獲8年米芝蓮越南粉］灣仔日月星街一向隱藏眾多美食，其中呢間越南牛河連續八年獲得米芝蓮推薦湯底加入牛筒骨、美國牛腱、牛腩等，比例約一斤湯一斤骨，熬製多於12小時，牛肉味濃郁食客可剔選牛肉級數+生熟程度+配料份量及追加牛肉等。牛肉選擇有三款，美國安格斯牛小排、安格斯牛肩肉、本地牛坑腩，滿足不同口味的食客試左美國特級安格斯牛小排（$133）同美國牛板鍵（$96）兩款生牛肉，牛小排比較鮮嫩、油膩感稍重，牛板鍵就肉味較濃。至於湯底亦都好濃郁，另外用粗身河粉好掛湯不過等位期間被店舖外的小昆蟲咬了十幾啖，希望店家可同時關注鋪外清潔情況…Read More

📍楚撚記［土瓜環人氣港式大排檔］香港大排檔極多，但想去一間開得夜、有水準又乾淨企理嘅，選擇就相對少得多，今次就黎到楚撚記嘅土瓜灣分店，晚上十點黎到依然高朋滿座𓌉◯𓇋 原隻脆皮炸豬手 $166 - 份量十足，豬手外皮亦炸得好脆口𓌉◯𓇋 西楚霸王雞 $158半隻 - 雞肉相當嫩滑，配上調味豉油非常惹味，但表面炸蒜唔香口同太乾，影響咗整體嘅口感𓌉◯𓇋 沙嗲粉絲金菇肥牛煲 $105 - 濃濃沙嗲味加埋鮮嫩牛肉極送飯𓌉◯𓇋 魚香茄子煲 $96 - 茄子好惹味，但稍為偏鹹𓌉◯𓇋 沙拉骨 $105 - 排骨件件多肉，上粉炸亦都冇過火，但係個沙律醬好似求其擠上去咁，而且味道都唔係好夾𓌉◯𓇋 啫啫芥蘭煲 $88 - 芥蘭用蝦醬配啫啫煲上，一上枱已經香味四射，芥蘭火喉啱啱好，蝦醬味亦唔太鹹𓌉◯𓇋 豉油皇銀芽炒麵 $82 - 炒麵炒得夠乾身同唔油膩，加埋辣椒醬食一流𓌉◯𓇋 腐竹糖水沙冰 $38/杯 - 極香腐竹糖水味，天時暑熱黎返杯沙冰，解渴又解暑𓌉◯𓇋 楚撚冰凍大檸茶 $38/杯 - 特大杯裝，一杯夠飲成晚，茶底亦夠香濃…Read More

📍鮨樂［中環日本料理 特色脆脆紫菜］中環食飯一向偏貴，呢間價錢係中環算中等。平日晚上光顧，完全不用排隊。海膽脆脆卷$98佢地除左一般手卷、卷物之外，多咗脆脆卷可選擇，算是餐廳的特色菜，紫菜炸得相當脆，口感十足，不過我覺得油咗少少+搶左刺身的鮮味。汁燒原隻活北寄貝$128即叫即燒，北寄貝十分新鮮，可惜酒味太濃，食唔到北寄貝味山幸·本郁（吞拿魚）壽司盛盒$338鹽燒日本雞腎串$30 燒得較乾，蟹肉海鮮蒸蛋$38…Read More

📍Shake Shack［夏日限定杜拜朱古力開心果奶昔］而家開心果味卷起全球熱潮，Shake Shack推出左開心果奶昔，杯邊用黑朱古力脆皮包裹，奶昔表面鋪滿開心果碎+香脆酥皮絲，奶昔唔太甜，堅果味香濃，亦有輕微脆脆的口感，雖然朱古力太凍溶唔到，完全飲唔到味，但頭大半杯十分滿足，可惜飲到尾1/3左右，啲朱古力溶左啲+脆脆沉曬底，開始杰左，每一啖都好多野咬，變左好似食cereal早餐。另外食左蒜香蘑菇牛肉漢堡，炸紅蔥頭相當香脆，為整個漢堡加分，雖然塊肉唔太juicy，但整體都幾好食。…Read More

📍Andō［中環米芝蓮Fine Dining］ANDŌ以西班牙 X 日本料理作為主，主廚Agustin Balbi更是全亞洲首位被授予米芝蓮殊榮的阿根廷廚師。2020年7月開業半年便贏得米芝蓮評審們的一致肯定，連續兩年奪得米芝蓮一星殊榮。餐廳比較細，先訂枱較好。今次食左3cources 午餐，附送餐前小食3款+1小杯飲品，麪包亦配上兩款不同橄欖油選擇。Starter 選了Saba fish crudo，擺盤用色非常好睇，汁係蕃茄base，味道酸酸地好清新。Main選了Spanish Lamb，煮得啱啱好，粉紅色非常靚，肉質好嫩，汁用red miso，味道帶小小甜甜品選了Peach sorbet，醬加左Mint gel，有小小太搶味另外亦送左3款小甜品，都唔太甜，輕鬆入口另外加左杯Cappuccino，咖啡同外面精緻咖啡店有得比總括所有食物同飲品都非常出色，高質之選，服務亦超高水準，埋單每位HK$900…Read More

📍海天花園酒家［屯門三聖邨得獎拖地叉燒］屯門三聖邨是海鮮聖地，但其實得獎拖地叉燒（HK$190)都非常出名好食，半肥瘦、厚切大大啖、落枱的時候仲熱辣辣，啲肥係舌上融化，超高享受，每次到訪都必點。但建議盡量變凍前食曬；金鈎果香小炒皇（$138），新鮮蝦都有唔少，相當有誠意；大澳蝦羔生啫唐生菜（$108），味道都幾惹味，蝦羔味突出。值得一提是食物的份量不少，兩個人點三個餸，最後都要打包，以免浪費。…Read More

📍Samsen 泰麵［灣仔超人氣米芝蓮泰菜］灣仔Samsen 連續6年榮獲米芝蓮推介，店舖裝修成泰國路邊大排檔，坐位稍為逼夾，但不阻一眾吃貨拜訪，不論午市/晚市都長長人龍。Samsen以和牛船麵為主打，湯用上6小時熬煮，非常濃郁，牛肉上桌時半生熟，以湯的温度把牛肉煮熟，因此生熟度剛好，肉質相當滑，加上炸豬皮，有多層次口感，麵量不太多，可加點其他食物。另外點了泰北肉碎生菜包，惹味十足，如果不太吃辣建議點小辣。椰子雪糕也十分美味濃滑，加上粟米粒相當有口感，但今次點了兩個主菜有點太多，只好等下次再食。…Read More

📍Moyo［中環新式韓國菜］中環蘇豪區美食林立，其中呢間新派韓國菜更係當中嘅表表者，非常適合三五知己收工輕鬆聚會Sea Urchin Uni Rice - 經典嘅海膽蓋飯，打卡同味道都一流！蓋飯面鋪滿紫菜同蟹籽，上面再有新鮮嘅北海道海膽，撈埋一齊啖啖海膽，非常creamy同滿足Pork Bossam - 燒五花肉配泡菜同醃蘿蔔，以韓式燒烤帶出豬五花濃濃嘅肉香，肉本身一啲都唔肥膩，加埋泡菜同醃蘿蔔吊起胃口，極快清碟Beef Yukhae Tartare - 生和牛他他，加上香蔥同蛋黃，打碎左香脆薄片撈埋，食材互相配合下多重口感，味道出色Carbonara Ricecakes - 以carbonara醬汁烹調韓式年糕，創意幾好，可惜醬汁加上意式火腿後味道明顯偏咸Hangover Ramyun Noodles - 自家熬製辣湯底，燒腩肉、泡菜、韓式泡麵加埋一齊，預想中嘅味道Homemade Kimchi - 自家制四款泡菜，味道正常…Read More