fatlaa's Profile

好耐冇去觀塘食飯，今日朋友帶我黎到一間西餐廳 The Flame Bar & Restaurant ，呢度有set食啦，又有生蠔，牛扒放題，仲有完整一個bar枱。今日食Dinner set for 2價錢$608，有前菜，湯，意粉/飯，主菜，甜品及飲品，非常豐富。前菜是香煎大蝦伴牛油果沙律 ，大蝦鮮嫩彈牙，搭配細膩的牛油果及燈籠椒，清新酸辣開胃。餐湯香甜南瓜湯 ，濃郁香滑，甜味適中。香蒜番茄虎蝦意粉 ，意粉吸附了香蒜番茄醬汁，味道濃郁，虎蝦肥美多汁，煎得好香而唔痴殼。另一主菜是澳洲安格斯殼飼牛西冷扒，5成熟 ，牛扒嫩度恰到好處，肉香濃郁，表而烤得金黃微焦，搭配嘅醬汁同薯菜種類豐富。最後的甜品包括火焰法式焦糖燉蛋與芒果芝士蛋糕 ，用紙包住嘅焦糖燉蛋火燒後先露出真身，焦糖外脆蛋內嫩，同Paul Lafayet嗰款焦糖燉蛋有果子煙霧不及；芒果芝士蛋糕則香甜清新。成餐黎講好豐富完整。…Read More

據聞灣仔呢間豪牛火鍋店，係由珍姐火鍋舊班底開設，質素有保證。招牌豬骨蜆湯非常出色，打邊爐前絕對可以飲返2碗先，蜆嘅鮮味滲透入湯底鮮甜濃郁，豬骨膠質熬晒入湯裏面十分滋補。🥰豪牛拼盤有4個部位：封門柳，牛頸脊，牛匙柄，牛小排 ，每款牛肉切得厚薄適中，肉質鮮嫩多汁，封門柳肉味濃帶甜味，牛頸脊香氣十足。牛匙柄帶有少許嚼頭，牛小排脂香味濃。其他牛嘅稀有部位如五花趾油脂分布均勻，入口即溶，牛胸爽爽口彈牙，牛心頂嫩滑鮮味突出，黑毛豬頸脊肉香味濃厚，整體肉嘅部份十分出眾！🤤配料方面，炸午餐肉炸得外脆內嫩，即炸魚皮香脆可口，花雕雞翼酒香濃郁，就算滾咗3,4分鐘洒嘅香味都冇流失到。白鱔片新鮮爽滑，牛丸香濃彈牙多汁，鮮蝦韭菜餃子亦鮮甜可口，雜菜拼盤種類齊全，配合湯底非常好。…Read More

侍拉麵地理位置極方便，太子站一上就係，行工業風路線，有點型格。湯底主要分3款：醬油湯、熟成雞白湯、濃蝦湯，另外仲可以跟餐有甜品同茶/cold brew coffee🙂‍↕️熟成雞白湯拉麵 $98第一啖飲落雞湯同cream嘅比例大約一半一半，既有雞熬煮過嘅濃郁，亦有白湯嘅滑，冇話邊一隻味特別搶，加上湯打起咗泡，多了一分綿密。麵條粗幼適中，掛湯，配料則有叉燒、雞肉丸子，稍為可惜的是拉麵本身並沒有跟到流心蛋，需要另外加錢，第一次食嘅人可以留意返👀濃蝦湯拉麵 $98蝦湯味道極度濃縮且杰身，我個人都好喜歡，同麵條都幾襯。另外每碗拉麵跟餐可配茶/咖啡，以及焦糖布甸🍮質感偏向硬布甸，蛋味足夠，焦糖可以再苦一點更大人向一點。Samurai炸雞 $28炸雞同樣幾出色，炸漿鬆脆雞肉嫩滑多汁，而且都幾大隻，點沙律醬已經好好食😳Tiramisu巴斯克 $65是日甜同仲有開心果同Tiramisu嘅巴斯克蛋糕，今晚就揀咗Tiramisu，係仲有浸咗咖啡嘅手指餅喺入面，整體不錯👍🏻…Read More

自從喺佐敦泰排檔排咗1個鐘隊先食到，短期內都唔敢再排驚要等好耐，今晚經過中環新分店，居然唔使排隊可以直入就食到米芝蓮！而且環境比起佐敦店真係好太多，座位新淨坐得舒服🥹和牛醉貓炒河 招牌菜之一，佢哋9成嘅材料由泰國直接運送，闊粉煙韌彈牙，鑊氣十足，材料豐富和牛淋滑，十足泰國街頭地道美食😳泰式九層塔炒蜆 帶微辣醬汁嘅炒蜆幾惹味，份量似乎有一斤有多，而且吐沙吐得好乾淨完全冇沙咁濟🙂‍↕️沙嗲豬+雞 中環Soho區講緊$108有6串可以豬mix雞嘅串燒！每串都厚肉唔乾，亦好有誠意地有3個醬料，絕對被人低估咗！🥰椰奶冰沙 大大杯椰香十足嘅冰沙，配搭住泰國嘅美食冇得輸…Read More

如果平時斬料唔想次次都去街市，咁呢間新式西式燒味店——燒洒一族會係首選，燒味種類多元創新。冷盤小食優惠價$100/3包，有酒醉、滷辣、檸檬泡淑系列。酒醉雞卷滲出淡淡花雕香氣，雞肉嫩滑，酒香回甘不膩，冰涼入口特別開胃。滷辣雞軟骨則係重口味代表，香辣滷汁微辣刺激，雞軟骨份量好多且保持爽口彈牙口感。德國咸豬手會幫你斬好晒一件件，外皮勁脆、肉質紮實鹹香，濃郁又唔失油香，配蜂蜜芥辣/芥辣醬可中和油膩。最後嘅桂花蜜餞叉燒蜜汁濃郁、桂花清香，半肥瘦叉燒軟腍煙韌，甜味層次豐富。…Read More

喺銅鑼灣登龍街一向都係美食天堂，而永光中心更係集中咗各式各樣唔同嘅居酒屋，今晚黎到究極堂人潮非常多，仲有一排小bar枱好有feel。🇯🇵🏮究極丼 $216招牌究極丼有撈咗蝦膏嘅牡丹蝦、大拖羅、三文魚腩、油甘魚、炙燒左口魚邊、昆布帶子、三文魚籽、蔥呑拿魚蓉，滿滿嘅刺身非常新鮮抵食，再加上蛋黃醬可以一齊撈落飯食🙂‍↕️深海池魚 $68一碟2大件，色澤銀閃閃，好靚仔，肉質緊緻好食香芒炸蝦卷 $48芒果香甜炸蝦大隻，加埋沙律醬唔會唔好食鹽燒牛舌 $68熟食方面有牛舌，一串3件大大片，調味適中牛舌爽彈粉嫩🥰鵝肝多士 $88極度邪惡，鵝肝完全cover晒多士，油脂感爆棚，同時加咗黑醋等中和油膩感😳呢度仲有其他居酒屋好少見到嘅炸串，叫咗2串試下，芝士咖喱飯卷同帶子他他，粉漿厚薄均勻，非常脆口，入面餡料都好足料🤤埋單人均300左右，cp值頗高。…Read More

今日嚟到厚福街嘅樓上居酒屋鮨一，到達18樓時已經見到人頭湧湧，店員叫我哋再上一層，先至知道原來連續三層都係佢哋嘅舖頭，可想而知人氣有幾火爆🔥香箱蟹 $188又到咗秋冬季節，雌性嘅松葉蟹無論蟹籽定蟹膏都非常多，加上師傅全人手將成隻蟹嘅肉拆晒出嚟啖啖肉🥹西非生蠔 $98 🦪大隻過手掌嘅生蠔加咗檸檬柚子啫喱，入口清新又清甜，蠔嘅質感屬爽脆飽滿型寒鰤蟹肉鮟鱇魚肝三層搭 $148面頭再加上咗黑魚籽，視覺上非常靚，醬汁酸甜開胃，將三樣秋季食品配搭埋一齊口感味道豐富鮨一千層海膽飯(小) $198呢碗海膽千層係比想像中多好多！滿到就嚟瀉嘅馬糞海膽色水靚仔又鮮甜，底層仲有吞拿魚蓉可以一齊用紫菜夾住嚟食🥰香蔥鰈魚邊杯 $158而呢個左口魚邊亦同樣鋪滿晒成隻杯，加上滿滿嘅香蔥，油、香都十足！九肚魚天婦羅 $58一大碟香脆肉嫩嘅九肚與天婦羅竟然咁平，加上串燒款式唔少，最平十零蚊起，叫咗煙肉串茄、和牛粒串、鹽燒白鱔，火喉適中調味略咸…Read More

銅鑼灣fashion walk呢條街有一間口碑好好，而且幾有特色嘅韓式居酒屋，以精緻韓國菜為主，份量普遍偏大，幾適合聚會去🙂‍↕️醬油蟹咸辣度適中，醬油蟹爆晒橙黃色膏非常誘人，蟹蓋嘅膏可以加埋紫米飯同紫菜一齊黎食。🤤海膽紫菜包飯絕對係招牌菜每枱都會叫，包飯上加咗生牛肉他他以及鮮甜嘅海膽，口感豐富好夾🥰45天熟成肉眼，細份都已經有350g嘅份量，表面焦香帶脆，5成熟左右，經熟成後肉質軟嫩而且肉味濃郁，推😳烤1++韓牛 presentation好吸睛，用咗韓式嘅大圓鐵pan喺你面前煎，好餓嘅油花非常豐富，捲着韭菜中和油膩感。秋菌鵝肝石頭鍋飯啱晒初秋呢個天氣食，有4,5種菌類加上鵝肝嘅油脂香，又係perfect match，石鍋亦做到不輸煲仔飯嘅飯焦，我會話呢個更好食🤤推薦呢度啲cocktail係以韓國酒為主調，我自己好鍾意呢杯Snowing night，酒感較淡而橘柚味道突出🍊…Read More

Plato! 不經不覺已經有三間分店，越開越多，質素有保證。Dinner set $128起，而今日我哋叫咗精選二人套餐 $498包咗2碗餐湯、一款前菜、1個pasta或risotto、1份主菜、2份甜品及2杯野飲認真豐富。今日餐湯係法式洋蔥湯，香氣濃郁，洋蔥熬煮至甘甜軟淋，暖胃又開胃。前菜叫咗煙三文魚凱撒沙律，大大份清新爽脆，加上芝士嘅咸香好飲。🥰波士頓龍蝦意大利飯嘅米粒Q彈，融入晒龍蝦湯濃郁又鮮甜嘅味道，再加上開邊半隻龍蝦幾乎每台必叫🙂‍↕️炭燒澳洲肉眼牛扒叫咗5成熟，表面微焦香脆，內裡保持多汁鮮美，牛肉本身香氣十足，佢嘅size dish係芝士焗薯都好出色！🥹甜品都好多選擇，可以揀雪糕又或者呢度招牌嘅麻糬tiramisu，咖啡味偏濃整體幾有驚喜🤤…Read More

喺尖沙咀厚福街地段嘅樓上居酒屋，好少會見到座位以包廂卡位為主，完全唔逼坐得好舒適，講緊嘅就係爖月串燒居酒屋🏮晚市同宵夜時段好多菜式同串燒都做緊優惠價，最平做緊$36/2串串燒，入座仲有得玩幸運輪盤！小食現金卷清酒等好多獎品😳蟹籽沙律，口感比一般爽脆而且唔會出水，三文魚一份5切都抵食。6點後有好多款$44/2串：柚子雞、阿波美雞翼一夜干、雞皮、自家製豆腐、多春魚等，推薦呢度嘅雞肉尤其阿波美雞，皮薄又唔肥🙂‍↕️另外仲叫咗蒜香橫隔肌、蜜糖芥辣橫隔肌，肉嫩多汁，牛舌爽彈調味啱啱好。三色甲羅燒 $128加咗蟹柳同海膽令味道同口感都有所提升。係一間我會推薦比朋友去嘅串燒居酒屋🥰…Read More

FUMI重新開張改名叫做Fumi Joe，除咗以前嘅semi buffet之外仲多咗居酒屋set，主打精緻居酒屋菜式例如壽司刺身類、串燒類等，行貴精不貴多cp值高嘅路線☺️ 首先有精緻前菜6款，松葉蟹肉湯、辣呑拿魚他他、三文魚明太子天婦羅、磯煮鮑魚、菠菜沙律、煙燻鴨胸，又睇得又好食🙂‍↕️ 之後可選刺身3款/壽司4款，有三文魚腩、帶子、油甘魚、呑拿魚等，有返一定質素 串燒就認真高質，真材實料，每人可以揀4款，個人推介A4熊本西冷牛、厚切牛舌、日本免治雞肉棒、宮崎雞翼、磯燒鮑魚都係水準之上，好食🤤 食到呢度已經少飽，仲有主菜可選，我哋揀咗香蔥碎呑拿魚腩丼以及和牛稻庭烏冬，最後仲跟埋芝麻雪糕，環境舒適服務友善成餐食得巴enjoy🥰…Read More

喺朗屏橋底，有一間開咗都好一陣子並且好受歡迎嘅日式串燒小店，叫皊叄木，好有居酒屋feel🏮一坐低即刻叫咗三得利sunset啤酒，優惠價每杯$33，清酒亦有不同折扣優惠，好抵叫，配串燒啱晒🍻呢度主打雞串燒，連稀有部位都有提供例如雞頸同雞蠔，以鹽燒為主，火喉恰到好處，表面略帶焦香內裡嫩滑。招牌原塊燒雞皮限量供應，原塊清走晒脂肪嘅雞皮攤開穿住黎燒，手工繁複但非常好食，又薄又香脆，必叫😍其他雞肉串燒都喺水準之上，大蔥雞肉串、手作免治雞肉軟骨棒、雞中翼連尖都值得叫除咗雞之外仲有豬同牛嘅選擇，牛舌芯同柚子橦檺鹽燒五花腩都好出色，M5 澳洲和牛肋條肉串同鹽燒豬肋肉亦唔錯，價錢亦都合理街坊價🙂‍↕️呢個明太子醬燒翠玉瓜都強烈推薦，明太子香濃翠玉瓜多汁，另外叫多咗款蒜蓉牛油開邊燒花竹蝦，熟度啱啱好唔會痴殼。大家嚟食嘅話記得真係要book位🥹…Read More

中環人收工會去中環街市食飯之外，唔少得嘅仲有happy hour，喺地下嘅魚がし日本一壽司店都有優惠，喺3pm-7pm叫任何飲品，廚師發辦套餐仲有8折好抵食🥰廚師特選壽司 $398 💯一共有10貫+1件手卷，壽司直頭係omakase級別，每一貫都好精美甚至𠝹晒花，加上每件壽司都有不同嘅配搭令成個感覺昇華咗唔少。🍣真鯛口感偏爽彈，加咗些少辣蘿蔔蓉增添味道🍣深海池魚晶瑩剔透，鮮味特出🍣白蝦口感軟糯帶甜味🍣松葉蟹全部一絲絲嘅肉拆晒出嚟mix咗些少蟹膏味道豐富🍣北海道馬糞海膽鮮甜，餘韻last好耐吞拿魚蓉手卷口感細滑，加上蔥芝麻醃蘿蔔一齊好豐富三味呑拿魚丼 $248有3款呑拿魚部位每款3片，分别係赤身、中拖羅、大拖羅，每片厚度誇張好大方🥹赤身滑身帶微微鐵酸味高質，中拖已經充滿油脂香入口即溶，大拖羅亦幾乎冇筋魚油香再豐富一啲。呢2個set亦都跟咗一碗魚味香濃嘅味噌湯，亦可以叫呢度嘅日本酒，種類好多，可以揀加soda water或者直接on the rock，好飲💪🏻…Read More

大角咀呢間吉勝吉列串揚專門店比我嘅感覺係更似一間居酒屋，餐點種類好多，價錢非常親民質素十分高🥹特上刺身拼盤5品 $118厚切三文魚、油甘魚、赤蝦、帶子、八爪魚各2切，呢個價錢俾到咁嘅質素真係少見，必須大推一波🥹鐵板燒牛舌 $78同樣抵食又好食嘅係牛舌，共有10片可以等你加牛油自己煎，牛舌質素同樣幾高而且唔算薄，可以配些少黑椒同大蔥一齊食😳串揚拼盤10串 $138串揚平均$13.8一串，兼且粉漿薄身炸完出黎都唔油膩，10串串揚中有6款肉：芥末牛柳、紫蘇雞肉、豚肉蘆筍卷、豚肉韭菜卷、大蝦、多春魚、其餘4串則係蔬菜類，整體肉類海鮮蔬菜分配幾平均，好抵食🥰秋刀魚刺身 $188季節限定時令秋刀魚刺身喺而家初秋已經十分肥美，一碟應該有差唔多10片𠝹好晒花好靚仔嘅秋刀魚刺身，加上少少辣蘿蔔蓉以及酸汁一齊食…Read More

中環嘅海言どんぶり専門店可能係丼飯界嘅天花板！將omakase質素嘅新鮮食材匯聚落一碗丼飯之中，鋪頭細細但來訪嘅都係識食之人🙂‍↕️海言廚師發辦魚生飯(特上) $430 💯呢碗係我見過擺放得最精美亦最多種類嘅魚生飯，15,6款嘅食材堆砌而成嘅一碗丼飯，精美到賞心悅目，唔捨得食🥹港人最愛嘅海膽同三文魚籽，有肥美嘅拖羅、炙燒黑鯥、鰈魚邊、帆立貝；有秋季限定嘅秋刀，仲有各種各樣平時omakase先會食到嘅蝦頭膏撈赤蝦等。（特盛）藍鰭呑拿魚魚生飯 $340 🤤同樣跟咗沙律茶碗蒸麵豉湯等，而呢碗一共有4款藍鰭呑拿魚嘅部位：赤身、蔥拖羅蓉、大拖羅4切、以及炙燒拖羅，一次過食到藍鰭呑拿魚唔同部位，佢嘅油香特別肥美，肉質軟滑好高質…Read More