Read full review
2021-06-11
7695 views
貴為香港其中1間最受歡迎既自助餐餐廳，普慶餐廳自然有佢既吸引力響度。今晚就由小編帶大家參觀下呢排推出以燒烤為主題既自助餐啦!普慶餐廳位於佐敦與油麻地之間 (佐敦會稍為近少少)，當大家沿彌敦道，經過永安百貨對面，以及壽司郎後，就會見到餐廳所在既逸東酒店喇! 沿樓梯或升降機落到地庫二樓就係餐廳所在地。餐廳有個好大既中庭，雖然食野既同時會俾樓上地庫一樓既Foodcourt客人所見到，不過夠開揚既感覺都唔錯。餐廳最大既特色係唔同種類既食物會被安置於餐廳唔同既範圍，響分散人流既同時就可以令你身邊坐位既附近都有1-2個系列既食物! (當然，如果你唔鍾意周圍發掘食物既話就會俾呢個美食迷宮所困擾喇!事不宜遲，都係介紹下有咩野食先，傳統黎計小編都係先以冷盤為自助餐既開端既! 生蠔會黎自紐西蘭 (無提及品種)，雖然唔係即開但員工都會以每隻沖洗5-10秒時間去處理生蠔，確保所有殼碎已沖走先給予客人。雖然每人每次最多只可拎2隻，不過因為唔算多人排隊既關係，所以重複去拎所花既時間都唔會太多。海鮮方面，餐廳用上大量既海鮮去堆砌一座座既海鮮山 - 唔好以為會因為大家爭先推後搶夾而令情況混亂，餐廳因為防疫既考慮會由員
普慶餐廳位於佐敦與油麻地之間 (佐敦會稍為近少少)，當大家沿彌敦道，經過永安百貨對面，以及壽司郎後，就會見到餐廳所在既逸東酒店喇! 沿樓梯或升降機落到地庫二樓就係餐廳所在地。餐廳有個好大既中庭，雖然食野既同時會俾樓上地庫一樓既Foodcourt客人所見到，不過夠開揚既感覺都唔錯。
餐廳最大既特色係唔同種類既食物會被安置於餐廳唔同既範圍，響分散人流既同時就可以令你身邊坐位既附近都有1-2個系列既食物! (當然，如果你唔鍾意周圍發掘食物既話就會俾呢個美食迷宮所困擾喇!
事不宜遲，都係介紹下有咩野食先，傳統黎計小編都係先以冷盤為自助餐既開端既! 生蠔會黎自紐西蘭 (無提及品種)，雖然唔係即開但員工都會以每隻沖洗5-10秒時間去處理生蠔，確保所有殼碎已沖走先給予客人。雖然每人每次最多只可拎2隻，不過因為唔算多人排隊既關係，所以重複去拎所花既時間都唔會太多。
海鮮方面，餐廳用上大量既海鮮去堆砌一座座既海鮮山 - 唔好以為會因為大家爭先推後搶夾而令情況混亂，餐廳因為防疫既考慮會由員工因應大家想食既海鮮而拎俾你，客人係無得自己選夾既。不過大家可以放心，以小編今晚食既情況，員工係會好豪爽咁問你食咩，然後再一手抓起佢抓到既份量直接放響碗上。以小編只係想食蝦為例，結果員工抓起3隻虎蝦﹑然後再抓起8隻海蝦同2隻青口俾我... 不過虎蝦相對海蝦真係鮮甜好多，而龍蝦雖然尺寸唔算太大，但都有唔少膏響度，而且肉質結實好好咬!
至於魚生及刺身方面，今日餐廳就準備左三文魚﹑吞拿魚﹑劍魚﹑帶子﹑牡丹蝦及北寄貝6款俾客人選擇。如果每樣都要既話，師傅就會每款切2件俾你去試試呢! 見到師傅每次如果客人全要個陣都要慢慢逐條魚拎出黎新鮮咁切，辛苦哂! 牡丹蝦連埋大量既蝦子，食個陣要小心整開；而三文魚同吞拿魚唔會有太多雪氣或者出水既情況，都幾好味!
燒烤方面，餐廳就將扒類既食品同其他燒烤類既食品分開展出，扒類今晚就有紐西蘭肉眼扒﹑豬腩肉，旁邊就有烤雞，仲有鏡頭唔記得記錄既巴西串燒雞或腸。肉眼扒煮得算比較熟，但食落去個陣又唔會覺得肉質太老，都幾適當鍾意食扒而唔想太生既客人。(小編都見長期有人排隊拎)
至於另一邊既燒烤類就有燒腩肉﹑咖哩酥﹑葉包雞等等，雖然相對吸引度唔大但燒烤菜類都係想食得較濃但又想健康既好選擇。
而後場地方就有中式食品，包括限時供應既片皮鴨﹑蒸魚﹑蟲草花蒸雞等等。片皮鴨會由員工切好後，直接幫你加大蔥及醬料，每人每次可以拎2件。鴨皮烤得好脆口，雖然包皮稍為有點厚，但鴨皮既脆絕對彌補到。
中場範圍則有健康既粟米﹑南瓜，而旁邊則有長通粉同意粉。
而小編覺得最好味既，就係響中場範圍附近既甜品區。首先今晚既Movenpick雪糕有7款 (之前小編食個陣有10款..)，除左響甜點區內大量既甜品外，仲有即製既窩夫。最後大家不妨可以試下響雪糕位置附近既威士忌松露朱古力，威士忌份量十足，作為滿足飲酒既慾望都唔錯架!
Post
