Read full review
2021-12-09
420 views
嘟嘟嘟嘟.."胖豬！" 收到女友小熊 WhatsApp..."我想試吓新嘢呀？" 又唔知佢有咩鬼主意！"不如試吓玩冰火好唔好啫？""好好好....." 吓？ 我無聽錯吓話，但唔理咁多，咩都話好先！打鐵襯熱，於是再問...."幾時呀？""今晚囉！""好好好好好......" 吓！咁突然？發生咩事呀？"咁你放工過嚟西環啦！"吓？點解去西環？去西環好玩D咩？"火鍋撚知唔知呀？"乜乜乜..... 唔唔....係...."啱啱經過火鍋撚，原來佢地又有火鍋又有沙冰呀！"原來....我嘅.....冰火.....係....嗚嗚嗚嗚.....去到先知道，原來佢地同楚撚記係打通舖位，上次幫襯楚撚記已經知佢地有好正嘅沙冰，所以火鍋撚都有沙冰一D都唔出奇.原本打算打邊爐，但我又忽發奇想..... 不如食羊腩煲！小熊原本反對，因為近日已經食咗兩次羊腩煲，但係.... 打邊爐一年365日都可以打，但羊腩煲有季節性，而且自己煮又極麻煩，再加上，食完羊腩咪用個羊腩汁底打邊爐都得啦，所以接受咗轉食羊腩煲.火鍋撚稱為古法羊腩煲，配料有齊雙冬同支竹，馬蹄，連甘蔗都有，我中意嘅配料都有齊，冬筍爽脆，冬菇同支竹入味夠冧，齋食配
"胖豬！" 收到女友小熊 WhatsApp...
"我想試吓新嘢呀？" 又唔知佢有咩鬼主意！
"不如試吓玩冰火好唔好啫？"
"好好好....." 吓？ 我無聽錯吓話，但唔理咁多，咩都話好先！打鐵襯熱，於是再問....
"幾時呀？"
"今晚囉！"
"好好好好好......" 吓！咁突然？發生咩事呀？
"咁你放工過嚟西環啦！"
吓？點解去西環？去西環好玩D咩？
"火鍋撚知唔知呀？"
乜乜乜..... 唔唔....係....
"啱啱經過火鍋撚，原來佢地又有火鍋又有沙冰呀！"
原來....我嘅.....冰火.....係....嗚嗚嗚嗚.....
去到先知道，原來佢地同楚撚記係打通舖位，上次幫襯楚撚記已經知佢地有好正嘅沙冰，所以火鍋撚都有沙冰一D都唔出奇.
原本打算打邊爐，但我又忽發奇想..... 不如食羊腩煲！
小熊原本反對，因為近日已經食咗兩次羊腩煲，但係.... 打邊爐一年365日都可以打，但羊腩煲有季節性，而且自己煮又極麻煩，再加上，食完羊腩咪用個羊腩汁底打邊爐都得啦，所以接受咗轉食羊腩煲.
火鍋撚稱為古法羊腩煲，配料有齊雙冬同支竹，馬蹄，連甘蔗都有，我中意嘅配料都有齊，冬筍爽脆，冬菇同支竹入味夠冧，齋食配料已經飽一大半.
因為羊腩煲份量唔細，所以火鍋配料唔敢叫太多，只係點咗手切肥牛，響令，冬菇同干貝滑.
當然重有大愛嘅華田沙冰同水蜜桃沙冰.
先飲啖羊腩汁湯底，味道超香濃，用嚟做火湯鍋一流！
羊腩份量不少，每一件都係腩位， menu 已經寫明，雖然每一件份量不少，但唔係D實泵泵嘅羊腩，每件都帶皮帶膏或帶骨，羊肉口感鮮嫩唔韌，唔需要點腐乳已經好惹味.
同樣地，由於腩汁底太正，手切肥牛都唔需要點醬汁同樣好味，而且牛肉味重，滿意.
干貝滑係第一次食，口感比蝦滑墨魚滑更彈牙.
火鍋撚見意響令浸三秒就足夠，果然浸落D羊腩汁三秒，響令重有少少脆之餘，沾上超惹味羊腩汁，超正！
上次幫襯楚撚記，已經見識過佢地嘅沙冰，超水準好過不少甜品屋，今次嘅華田沙冰同水蜜桃沙冰，冰夠幼味夠濃，最特別係居然連腐竹蛋糖水味都有！同樣味濃夠滑，絕對值得由九龍過海嚟西環開餐.
"頭先發生咩事呀？"
"???"
"叫你過嚟西環試冰火，最初好雀躍，之後好似有難言喎，咩事呀？吓！"
"無無無...無呀....."
唉.......
古法羊腩煲
12 views
0 likes
0 comments
手切肥牛
6 views
0 likes
0 comments
響令
4 views
0 likes
0 comments
鮮冬菇
5 views
0 likes
0 comments
華田沙冰(上) 水蜜桃沙冰(下)
1 views
0 likes
0 comments
腐竹蛋糖水沙冰(上) 甜品仙草芋圓(下)
6 views
0 likes
0 comments
Post
