Video
5-min walk from Exit A1, Yau Ma Tei MTR Station
continue reading
Telephone
90352465
Opening Hours
Today
12:00 - 22:00
Mon - Sat
12:00 - 00:00
Sun
12:00 - 22:00
Above information is for reference only. Please check details with the restaurant.
細細個開始阿媽唔想煮飯時都會落街買碗車仔麵上黎質飽我，由一開始獨孤一味食油麵紅腸魚蛋到大個左乜都食，車仔麵算係一份情懷同時係值得推介比人既特色，呢次有日本既朋友黎香港，咁岩行開旺角逛下逛下就帶左佢黎食，舖仔細細有啲香港舊時既畫做裝飾好配合返個vibe！食物方面係我想像中既味道，應該有既餸都一應俱全，仲有自助醬料區，而我為左比朋友食到唔同既野就有咁多餸嗌咁多餸啦！嗌左好多餸就講啲我必推架啦蘿蔔 - 車仔麵入面菜係好可以索到啲湯汁入口，呢個蘿蔔抆得好腍身又入味，首推呀！豬耳 - 雖然佢冇麻辣字眼，但其實佢係麻辣味架，勁開胃又好咬，正溏心蛋 - 好少舖頭溏心同滷水都有，呢度就有，食得出係日本蛋，幾溏心一咬就漏哂出黎豬紅 - 去親車仔麵檔我係必食豬紅既，呢度都冇令我失望，係傳統既味道，特別在佢仲有鴨血可以嗌，不過呢次我冇食，唯有留返下次啦牛肚牛筋 - 基本出色既牛，筋位煙靭補骨膠原，肚位質感美妙鳳爪台灣腸麻辣雞墨魚丸牛腩都有唔錯既水準，而菜底係計一個餸架，不過無論麵底定菜底都好大份，岩哂我呢啲大食既人小食我整係嗌左個必食辣魷魚 - 感覺係玻璃水魷，口感係爽口同彈牙唔錯，醬汁我覺得幾開胃
continue reading
今日帶來自上海既朋友黎試香港既傳統特色美食車仔麵，真係快靚正！六餸車仔麵（＄72）叫左咖哩魚蛋、溏心蛋、墨魚丸 、雞翼、 獅子狗、 魚皮餃。 朋友加咗魔鬼辣醬， 真係名副其實， 辣得非常過癮， 鍾意辣嘅朋友值得一試。真係要特別強烈推介溏心蛋， 冇諗過係一間車仔麵店食到咁好食嘅溏心蛋， 仲好食過好多拉麵店， 溏心蛋嘅調味剛好， 流心程度簡直一絕， 食完真係想encore多隻。咖哩魚蛋亦都好入味好彈牙， 雞翼大大隻啖啖肉。六餸車仔麵（＄72）豬腸(+$2)、豬耳(+$2)、溏心蛋、日式蟹柳、芝士腸、台灣黑椒腸。 食車仔麵最愛點油麵，呢度既油麵面質好爽彈。除左個 溏心蛋 ，豬耳亦都非常有驚喜， 非常爽脆爽彈， 一咬落去就索索聲，豬耳用左魔鬼辣醬調味， 一食就上頭。 日式蟹柳亦真材實料，食落係甜啲。 台灣黑椒腸唔係間間車仔麵都有， 當然要叫黎試下，亦都幾好食無揀錯。必食辣魷魚（$30）原本以為會好辣， 但相比佢既魔鬼辣醬， 佢呢個辣度真係好輕微， 甜甜辣辣幾開胃， 魷魚亦都算彈牙。秘制鮮豬手（$32） 豬手大大份好大隻，肉質厚實，都幾扺食。腐乳通菜
continue reading
來多碗車仔麵經常都上榜全港5大或10大車仔麵推介，未食過當然唔可以叫自己做車仔面控！這兒地方不算大，裝修簡單整潔，牆上有些香港特色畫作，充滿本土風味。入到店內要先落單俾錢，再搵位坐。配料足足有超過50款選擇，花多眼亂，價錢清清楚楚寫哂出來，由一麵兩餸起，好少見連十餸都有標價！平時最多叫3-4餸，今日見餓決定第一次挑戰7餸麵($80)，太多餸要邊落單邊數住手指(笑)！最後叫了溏心蛋、蘿蔔、牛筋丸、菜肉餃、紫菜、鮮枝竹、冬茹配油麵，本人唔食內臟加上鍾意食清一點，滷水蛋、蘿蔔係我食車仔麵必叫選擇，呢兩樣食物加上湯底質素亦係我判斷一間車仔麵店的重要因素，結果係非常滿意！腩汁湯底香濃唔太鹹，我再加多左匙沙嗲醬，味道更加昇華！蛋方面有溏心蛋及滷水蛋兩個選擇都較少見，今次揀溏心蛋，超、高、質，入味唔過熟，比好多日本拉麵店仲好食！蘿蔔大大舊，清甜無渣，吸哂湯底又係食唔停！其他如冬茹、鮮枝竹、紫菜亦吸哂湯底味，牛筋丸彈牙有牛味，加埋碟腐乳通菜，下午2點飽到晚餐都差點食不落！
continue reading
在旺角尋覓地道風味，總少不了一碗配料豐富的車仔麵。最近試了區內一家車仔麵專門店，確實有驚喜，值得推介！要數最令人回味的，必定是他們的 「邪惡四重奏」組合：咖哩魚蛋、溏心蛋、滷水雞翼、辣魷魚。這配搭簡直是味蕾的盛宴！咖哩魚蛋彈牙入味，咖哩香而不嗆；溏心蛋煮得恰到好處，橙紅流心的蛋黃是亮點，拌入湯中更添濃郁；滷水雞翼非常入味，肉質軟嫩，輕輕一吮便骨肉分離；辣魷魚則帶出海鮮的鮮甜與微辣的刺激，口感爽韌，四者搭配層次豐富，每一口都充滿驚喜。特別值得一提的是店內 最高個子的那位男員工，服務態度真是一流！點餐時耐心介紹配料，笑容滿面，非常友善親切。即使店內忙碌，他依然保持禮貌與效率，讓用餐體驗加分不少。店內的食物種類確實繁多，從經典的蘿蔔、豬皮、豬紅，到較少見的款式都有，自由搭配的樂趣十足。湯底方面，我選了清湯底，並 額外要求加了店家自製的辣醬，這個決定太正確了！辣醬香氣撲鼻，辣度夠勁之餘帶有層次，並非死辣，完美地提升了整碗麵的風味，湯頭變得更加惹味，令人忍不住多喝幾口。不過，店內環境方面有個小缺點，就是 蚊滋（小飛蟲）較多，尤其在近門口或食物擺放區附近，難免對用餐心情有些影響，需要店家加強處理。總結而言，這家旺角車仔麵專門店的 配料質素高、選擇多，尤其是推介的「邪惡四重奏」組合絕不可錯過，加上親切友善的服務（特別感謝那位高個子員工！），以及畫龍點睛的自製辣醬，整體食物水準令人滿意。只要忽略一下環境的小瑕疵，這絕對是一碗值得專程來嚐的旺角街頭美食！下次再訪，必定會再點那碗加辣醬的「邪惡四重奏」車仔麵！
continue reading
🍢 招牌蘿蔔：清甜無渣必點！店內靈魂非蘿蔔莫屬！燉煮至半透光的質感，入口即化無筋絡，吸盡湯底精華卻保留清甜，一碗兩大件仍嫌不夠，絕對值得追加。🍖 滷味穩打穩紮：大腸、雞翼、豬皮滷味選擇豐富，尤其豬大腸處理乾淨，軟糯帶脂香；雞翼滷得入味鬆化；豬皮蜂巢狀吸湯一流。整體滷汁偏家常風，不死鹹，屬安全之選。🚫 水魷魚中伏：慎點！水魷魚明顯雪藏味重，咬落如橡膠難嚼，且腥氣未除，與湯底格格不入。同價位建議轉配爽口魷魚鬚或牛肚更佳。⚠️ 兩大硬傷：溫度＋份量食物唔夠熱：湯底僅微溫，麵條、配料入口溫吞，尤其油麵易發脹。餸菜份量手緊：標準餸（如牛丸、魚蛋）每款約2-3粒，男生需加$10-15追加才夠飽。💡 總結：蘿蔔撐場，細節扣分屬旺角合理價，蘿蔔水準驚艷必試，滷味穩陣但驚喜不大。最大問題在溫度不足影響風味，建議要求「加熱湯底」，或選冷盤滷味避開熱食。追求熱辣車仔麵者未必滿足，但宵夜解饞尚可接受。📍 貼士：下午茶時段套餐送飲品較抵食；另可自攜保溫杯要求加熱湯底。
continue reading