來多碗車仔麵 (上海街)

細細個開始阿媽唔想煮飯時都會落街買碗車仔麵上黎質飽我，由一開始獨孤一味食油麵紅腸魚蛋到大個左乜都食，車仔麵算係一份情懷同時係值得推介比人既特色，呢次有日本既朋友黎香港，咁岩行開旺角逛下逛下就帶左佢黎食，舖仔細細有啲香港舊時既畫做裝飾好配合返個vibe！食物方面係我想像中既味道，應該有既餸都一應俱全，仲有自助醬料區，而我為左比朋友食到唔同既野就有咁多餸嗌咁多餸啦！
嗌左好多餸就講啲我必推架啦

蘿蔔 - 車仔麵入面菜係好可以索到啲湯汁入口，呢個蘿蔔抆得好腍身又入味，首推呀！

蘿蔔

豬耳 - 雖然佢冇麻辣字眼，但其實佢係麻辣味架，勁開胃又好咬，正

豬耳

溏心蛋 - 好少舖頭溏心同滷水都有，呢度就有，食得出係日本蛋，幾溏心一咬就漏哂出黎
豬紅 - 去親車仔麵檔我係必食豬紅既，呢度都冇令我失望，係傳統既味道，特別在佢仲有鴨血可以嗌，不過呢次我冇食，唯有留返下次啦
牛肚牛筋 - 基本出色既牛，筋位煙靭補骨膠原，肚位質感美妙

牛筋

鳳爪台灣腸麻辣雞墨魚丸牛腩都有唔錯既水準，而菜底係計一個餸架，不過無論麵底定菜底都好大份，岩哂我呢啲大食既人

麻辣雞腎

鳳爪

小食我整係嗌左個必食辣魷魚 - 感覺係玻璃水魷，口感係爽口同彈牙唔錯，醬汁我覺得幾開胃

辣魷魚

辣魷魚

1

凍檸茶