來多碗車仔麵 (上海街)

Open Now

Now Closed

細細個開始阿媽唔想煮飯時都會落街買碗車仔麵上黎質飽我，由一開始獨孤一味食油麵紅腸魚蛋到大個左乜都食，車仔麵算係一份情懷同時係值得推介比人既特色，呢次有日本既朋友黎香港，咁岩行開旺角逛下逛下就帶左佢黎食，舖仔細細有啲香港舊時既畫做裝飾好配合返個vibe！食物方面係我想像中既味道，應該有既餸都一應俱全，仲有自助醬料區，而我為左比朋友食到唔同既野就有咁多餸嗌咁多餸啦！嗌左好多餸就講啲我必推架啦蘿蔔 - 車仔麵入面菜係好可以索到啲湯汁入口，呢個蘿蔔抆得好腍身又入味，首推呀！豬耳 - 雖然佢冇麻辣字眼，但其實佢係麻辣味架，勁開胃又好咬，正溏心蛋 - 好少舖頭溏心同滷水都有，呢度就有，食得出係日本蛋，幾溏心一咬就漏哂出黎豬紅 - 去親車仔麵檔我係必食豬紅既，呢度都冇令我失望，係傳統既味道，特別在佢仲有鴨血可以嗌，不過呢次我冇食，唯有留返下次啦牛肚牛筋 - 基本出色既牛，筋位煙靭補骨膠原，肚位質感美妙鳳爪台灣腸麻辣雞墨魚丸牛腩都有唔錯既水準，而菜底係計一個餸架，不過無論麵底定菜底都好大份，岩哂我呢啲大食既人小食我整係嗌左個必食辣魷魚 - 感覺係玻璃水魷，口感係爽口同彈牙唔錯，醬汁我覺得幾開胃

今日帶來自上海既朋友黎試香港既傳統特色美食車仔麵，真係快靚正！六餸車仔麵（＄72）叫左咖哩魚蛋、溏心蛋、墨魚丸 、雞翼、 獅子狗、 魚皮餃。 朋友加咗魔鬼辣醬， 真係名副其實， 辣得非常過癮， 鍾意辣嘅朋友值得一試。真係要特別強烈推介溏心蛋， 冇諗過係一間車仔麵店食到咁好食嘅溏心蛋， 仲好食過好多拉麵店， 溏心蛋嘅調味剛好， 流心程度簡直一絕， 食完真係想encore多隻。咖哩魚蛋亦都好入味好彈牙， 雞翼大大隻啖啖肉。六餸車仔麵（＄72）豬腸(+$2)、豬耳(+$2)、溏心蛋、日式蟹柳、芝士腸、台灣黑椒腸。 食車仔麵最愛點油麵，呢度既油麵面質好爽彈。除左個 溏心蛋 ，豬耳亦都非常有驚喜， 非常爽脆爽彈， 一咬落去就索索聲，豬耳用左魔鬼辣醬調味， 一食就上頭。 日式蟹柳亦真材實料，食落係甜啲。 台灣黑椒腸唔係間間車仔麵都有， 當然要叫黎試下，亦都幾好食無揀錯。必食辣魷魚（$30）原本以為會好辣， 但相比佢既魔鬼辣醬， 佢呢個辣度真係好輕微， 甜甜辣辣幾開胃， 魷魚亦都算彈牙。秘制鮮豬手（$32） 豬手大大份好大隻，肉質厚實，都幾扺食。腐乳通菜

來多碗車仔麵經常都上榜全港5大或10大車仔麵推介，未食過當然唔可以叫自己做車仔面控！這兒地方不算大，裝修簡單整潔，牆上有些香港特色畫作，充滿本土風味。入到店內要先落單俾錢，再搵位坐。配料足足有超過50款選擇，花多眼亂，價錢清清楚楚寫哂出來，由一麵兩餸起，好少見連十餸都有標價！平時最多叫3-4餸，今日見餓決定第一次挑戰7餸麵($80)，太多餸要邊落單邊數住手指(笑)！最後叫了溏心蛋、蘿蔔、牛筋丸、菜肉餃、紫菜、鮮枝竹、冬茹配油麵，本人唔食內臟加上鍾意食清一點，滷水蛋、蘿蔔係我食車仔麵必叫選擇，呢兩樣食物加上湯底質素亦係我判斷一間車仔麵店的重要因素，結果係非常滿意！腩汁湯底香濃唔太鹹，我再加多左匙沙嗲醬，味道更加昇華！蛋方面有溏心蛋及滷水蛋兩個選擇都較少見，今次揀溏心蛋，超、高、質，入味唔過熟，比好多日本拉麵店仲好食！蘿蔔大大舊，清甜無渣，吸哂湯底又係食唔停！其他如冬茹、鮮枝竹、紫菜亦吸哂湯底味，牛筋丸彈牙有牛味，加埋碟腐乳通菜，下午2點飽到晚餐都差點食不落！

🍢 招牌蘿蔔：清甜無渣必點！店內靈魂非蘿蔔莫屬！燉煮至半透光的質感，入口即化無筋絡，吸盡湯底精華卻保留清甜，一碗兩大件仍嫌不夠，絕對值得追加。🍖 滷味穩打穩紮：大腸、雞翼、豬皮滷味選擇豐富，尤其豬大腸處理乾淨，軟糯帶脂香；雞翼滷得入味鬆化；豬皮蜂巢狀吸湯一流。整體滷汁偏家常風，不死鹹，屬安全之選。🚫 水魷魚中伏：慎點！水魷魚明顯雪藏味重，咬落如橡膠難嚼，且腥氣未除，與湯底格格不入。同價位建議轉配爽口魷魚鬚或牛肚更佳。⚠️ 兩大硬傷：溫度＋份量食物唔夠熱：湯底僅微溫，麵條、配料入口溫吞，尤其油麵易發脹。餸菜份量手緊：標準餸（如牛丸、魚蛋）每款約2-3粒，男生需加$10-15追加才夠飽。💡 總結：蘿蔔撐場，細節扣分屬旺角合理價，蘿蔔水準驚艷必試，滷味穩陣但驚喜不大。最大問題在溫度不足影響風味，建議要求「加熱湯底」，或選冷盤滷味避開熱食。追求熱辣車仔麵者未必滿足，但宵夜解饞尚可接受。📍 貼士：下午茶時段套餐送飲品較抵食；另可自攜保溫杯要求加熱湯底。

今次去咗間好地道嘅車仔麵店，價錢清清楚楚，由兩餸到十餸都有標價，入去同姐姐落單俾錢先，再搵位坐，好有舊式風味！ 我叫咗個五餸麵（$64），揀咗牛柏葉、豬皮、豬紅、鳳爪同蘿蔔。牛柏葉爽脆彈牙，豬皮索晒湯汁超入味，豬紅滑溜無腥味，鳳爪滷到淋身又惹味，蘿蔔清甜無渣，配埋個濃郁湯底，真係食到停唔到口！朋友嘅四餸麵（$56）都唔錯，咖喱魚蛋彈牙香辣，芝士腸爆漿，貢丸紮實有咬口。 為咗飲食均衡，我哋仲叫咗腐乳通菜同蠔油生菜，菜夠新鮮，煮得啱啱好。小食試咗台灣麻辣鴨血同辣魷魚，鴨血嫩滑入味，辣魷魚爽口刺激，食到嘴仔麻痺都忍唔住繼續食！ 成餐飯好懷舊又好豐富，份量大到兩個人都食到捧住個肚走，絕對係港式平民美食嘅代表！

外賣自取拎到番屋企食，無分湯，油麵都彈，很新鮮菜心多條唔hea人腩肉正，新鮮又靚，一層肉一層肥，唔柴魷魚同牛栢葉爽 料靚、新鮮、小辣岩口味，適合食唔到太辣嘅人唯一美中不足係凍檸茶無得走冰 好出色嘅車仔麵！ 食到一半忍唔住影相寫食評

呢幾年車仔麵貴左好多，相對食少左。但係偶然都會懷念個種傳統腩汁溝沙爹湯底嘅味道。今日係旺角決定放縱一下，食兩碗車仔麵。佢有唔同配搭，我分別叫左六餸油麵同九餸瀨粉。配料相當豐富。牛肚和牛筋牛柏葉係食車仔麵一定會嗌嘅，特別推介糖心蛋，熱得入味又唔會煮過龍，完美地提升了整體口感。豬紅豆推介。有我鍾意的牛筋丸。而腩肉都入味。咖喱魚蛋的味道令搭配的麵條增加額外嘅香氣。豬耳和豬皮的脆口感則為整碗麵增加了不少風味。鳳爪的醬汁滲透得很好，菜肉餃的餡料也豐富，讓人覺得十分滿足。另外叫左碟腐乳通菜補充番啲膳食纖維。另外，小吃方面的辣魷魚和豬腸鴨血都值得一試。辣魷魚的口感嚼勁十足，辣味適中，覺得唔夠辣嘅朋友仲可以額外添加魔鬼辣椒油，保證夠辣。豬腸鴨血則香滑，香香辣辣，是不錯的下酒菜。

係繁忙的都市生活中，偶然都想食快靚正既車仔面。今日黎到喱間朋友介紹既車仔面，佢話喱到辣油勁好食喎。車仔面餸選擇非常之多，我叫左蘿蔔、牛腩、鮮支竹和冬菇。牛腩肉質鮮嫩，湯汁入味，蘿蔔冇渣，鮮支竹既口感和冬菇都為整碗面增添了層次感，同埋我鍾意咁嘅配搭冇咁肥膩。朋友就叫了豬手、豬腸和牛肚，豬手肉質軟嫩，豬腸都好香 ，處理得乾淨。腐乳通菜通菜一定要配搭腐乳，通菜爽脆，成餐飯更加豐富均衡。價錢唔貴，由入嚟到到食完半個鐘頭都唔使，岩哂繁忙既香港人，喺車仔麵嘅獨有魅力。

今日收工嚟到旺角食呢間車仔麵，係同事介紹！入面都幾多野食，我大推蘿蔔、冬菇、麻辣鴨腎！蘿蔔好甜，冇渣，又大舊！另外冬菇幾厚身架！鴨腎少少辣，實在幾特別，值得叫ar 🤣老公叫左牛腩，又幾淋！另外仲叫左豬紅，幹淨冇臭味，好jelly的~ 佢嘅面都幾多，食完都好飽下🥰食車仔麵一定要叫豆漿啦，凍豆漿唔會太甜！😊#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies

呢間油麻地既車仔麵有好多餸選擇入到店內 第一時間要落單一邊點菜 店員會一邊淥店員仲會整齊咁排好客人既車仔麵初時以為落單個陣已經要揀醬汁辣度原來旁邊有4格醬料區 可以按自己喜好加入店員會貼心提醒要慢慢加佢地既魔鬼辣醬之後就可以自己拎住碗車仔麵隨便就座枱面有筷子 其他醬汁想用匙羹就要返去醬料區隔離拎大部份餸都正常水準而且非常入味 價錢$10-15不等個人鐘意加沙嗲醬料 更香濃食得辣既朋友都比魔鬼辣醬辣親推薦愛辣人士黎挑戰食飽飽唔太渴 第2日都冇咩眼腫魷魚 數條溏心蛋 全隻 濃味之選魚皮餃 3粒配米線腩肉 3片 脂肪比例較重豬手 2件 口感軟糯 有小量毛溏心蛋 1全隻蘿蔔 3件 墨魚丸 3粒 彈牙獅子狗卷 3條鮮竹魚卷 3粒 彈牙麵筋 3件 吸湯之選跟河粉另外加餸韭菜餃 2條台灣黑椒腸 2條日式蟹柳 2條咖哩魚蛋 4粒 健康腸需要1人1碟菜 菜芯腐乳通菜樽裝凍豆漿甜甜地 解魔鬼辣醬一流

今日我同朋友去咗油麻地呢間「來多碗車仔麵」，真係食得好開心！😋 我叫咗碗六餸公仔麵，入面有豬手、魚皮餃、魚蛋、鮮竹魚卷、金菇同埋麵筋，份量十足，味道非常美味！🍜✨豬手肉質軟嫩，魚皮餃嘅餡料好鮮，魚蛋彈牙，鮮竹魚卷嘅口感亦好清新，金菇嘅香味更係提升咗整碗麵嘅層次感！🥢🍄朋友叫咗碗五餸公仔麵，佢有腩肉、豬腸、牛柏葉、牛肚同魷魚，聽佢講每樣都幾好食，特別係腩肉，肥瘦適中，真係唔少得！🥩🐟小食方面，我地試咗秘汁雞翼，雞翼味道入味！🍗🔥仲有菜心，清爽又有咬口，真係好搭配！🥬飲品我叫咗樽裝可樂，朋友飲咗支裝薏米水！🥤🍹整體嚟講，呢間「來多碗車仔麵」真係值得再嚟，食材新鮮，好多款餸可以揀，服務又好！👍🏼🥳

最近在旺角朋友推薦下試了「來多碗」車仔麵，感覺頗有驚喜。這裡主打自選配料，每碗都可以根據自己口味搭配。我第一碗選了米線配雞翼、魚蛋、辣牛柏葉、生菜和冬菇。雞翼滷得很入味，肉質嫩滑。魚蛋新鮮彈牙，辣牛柏葉帶點麻辣感，吃起來不會太膩。冬菇厚身，吸湯力強，和生菜很搭，令整碗米線不會太單調。湯底清中帶香，不會太重味精，喝起來舒服。第二碗選了仿鮑片、雞翼、秘製辣牛柏葉、辣魷魚、冬菇和生菜。仿鮑片爽口彈牙，雖然不是鮑魚但口感不錯。雞翼依然出色。秘製辣牛柏葉辣味突出，愛吃辣一定要試。辣魷魚份量足，辣得過癮又有嚼勁，配冬菇和生菜剛剛好。必試推薦這裡的冬菇、牛柏葉、魷魚和雞翼都很有水準。另外，店家自家製的魔鬼辣椒醬一定要試，辣度十足但不會搶味，拌麵或點配料都很加分。「來多碗」整體感覺很實在，價錢合理，配料新鮮，辣味有層次。地方乾淨，店員親切。無論是喜歡經典配搭還是想挑戰重口味，都可以試試看。下次一定會再來「多碗」。

<一麵五餸車仔麵> $64up<一麵六餸車仔麵> $72up<秘製鮮豬手> $32<必食辣魷魚> $30車仔麵可以自選麵底或菜底，除了平時常見的粗麵、右面、米粉等等，還有提供瀨粉挺特別！今次揀了多款配菜，有冬菇、雞翼、牛腩、牛筋、牛肚、牛柏葉、豬腸、蘿蔔、豬紅，某些配菜要額外加$2！吃車仔麵一向會試需時準備的配菜，特別推介他們的雞翼和豬腸，相信預先準備的功夫不少，雞翼醃得入味軟淋，豬腸清洗乾淨亦很夠味！另外蘿蔔大舊無渣，是抵食之選！額外還點了兩款小食，分別是豬手及辣魷魚，兩款都是他們的招牌菜式！豬手口感偏爽彈，不是軟淋的那款，辣魷魚爽脆不會太過辣，如果吃得辣的朋友可以試他們的魔鬼辣醬！

餐廳開係旺角油麻地附近，價錢親民合理，經濟實惠。車仔麵衛生情況多好整潔，唔會太澩嫪。餐廳場上面都有一啲香港本土特色嘅畫。入餐廳，一嚟就叫咗嘢食先，之後去俾錢再搵位坐低。成個流程快靚正，好有效率。坐低冇幾耐碗麵已經整好。五餸車仔麵$64 一入去聞到好香嘅滷水味，已經忍唔住要食雞翼。總共叫咗五個餸都係$64咋～ 佢哋有好多唔同款式嘅餸揀。漢堡扒同埋鮮竹魚卷都有。餐廳有一個秘製嘅魔鬼辣，辣椒醬。非常推薦大家食麵嘅時候加一羹，味道好惹味，而且辣味好明顯。加埋車仔麵一齊食成個感覺好地道。然後慶祝餐廳六周年，如果叫三餸或以上仲會送汽水添。

旺角都係多野食多野揀既地區，邊爐火鍋日台泰中式咩都有，今次諗住食個快速一餐，見間車仔麵有位就入去試，都係第1次食。叫左個4餸車仔麵，雞翼，魷魚，牛肚，紅腸。雞翼味道算係正常，都算大隻，不過覺得唔夠入味。魷魚，都算爽口既，份量算係可以接受，而且都算大塊。牛肚，都算爽口，味道不過不失。份量ok.紅腸，份量太少，味道沒咩特別。湯底味道係正常不過唔夠濃味。叫左米粉食，不過份量都係唔多，唔夠食既。。。。。。總結。。。四餸呢個價錢50幾蚊係可以接受，有部分餸係要另外加錢，不過唔係樣樣餸都ok同抵食既。亦都唔係想像中咁吸引。