Video
Opening Hours
Today
11:00 - 22:00
Mon - Sun
11:00 - 22:00
Public Holiday
11:00 - 22:00
Above information is for reference only. Please check details with the restaurant.
老公一向都想試呢一間，馳名咖喱牛腩。星期六下午一點入座，七成滿席。食物方面我點咗個雙拼麵，橡筋細加面爽啲，要秘製辣汁（中辣），餸方面要咗咖喱牛筋同水餃，一杯凍檸茶走甜。碗麵上枱，目測湯如白水，入口完全冇味道，要加上嗰一碗嘅秘製辣汁，秘製辣汁好稀，名副其實嘅辣汁一碗，一啲咖喱味都冇，只見一層好厚嘅辣油。入口搶辣，完全食唔到味道。唯一覺得個橡筋幼真係麵爽不彈牙。餸方面，咖喱牛筋，完全冇咖喱味嘅急凍牛筋， 如𡁻橡膠。水餃只可以講佢有豬肉同蝦，雲耳欠奉，味道唔似一般水餃。老公一心嚟想試吓佢嘅馳名咖喱牛腩，所以二話不說就點咗個咖喱牛腩飯。個咖喱牛腩一上枱，目測肉質非常之乾，入口乾柴有渣，完全冇咖喱味，皆因個咖喱牛腩係冇咖喱汁，要額外向侍應要求一碗咖喱汁，而嗰碗咖喱汁就係秘製辣汁。而薯仔方面，都非常淋同粉，最難得嘅係咖喱薯仔冇咖喱味。總括嚟講，成餐我哋兩個都覺得唔知食咗啲乜嘢，只係食到個刺辣感，完完全全唔覺得自己食緊咖喱食品。
continue reading
聞名已久，又話澳門過江龍，咁咪試下囉，點知道一試失望，咖哩汁似水咁浠，一點渣都沒有，更加無香味，得個辣字，牛腩柴，薯仔熟唔透又無走油，碟嘢咁細碟都食剩，無下次。
continue reading
早幾日出開旺角整啲嘢，搞掂完就食埋lunch先去返工時間唔多見呢間唔使排隊，就隨意入咗去👅豬軟骨，波霸魚蛋，芥蘭，瑞士汁撈橡筋粗豬軟骨完全無醬汁，無論味道定質感都好似煲湯瘦肉，好唔掂🫣波霸魚蛋似長洲大魚蛋，彈牙，唔錯👍芥蘭唔鞋，爽脆無渣佢嘅橡筋粗比起平時出面食嘅粗麵再彈牙啲啲，都出色既聽到隔籬個男人話呢間嘅咖喱好辣，餐廳亦都寫明係澳門傳統配方所以有一定辣度，愛辣之人可以嚟試吓希望餐廳可以改善下自家整既配料既質素🫣個豬軟骨真係⋯⋯😅😅😅呢度嘅員工對於長者食客特別細心，服務唔錯👍
continue reading
行過旺角 見到招牌 寫咖哩牛腩出名入到去先知澳門老字號 歷史悠久🫨1947年到現在 以祖傳秘製手法烹調咖喱牛腩咖喱牛腩 牛根 魷魚 豬皮 超入味🥰件件都香咖喱味仲有蘿蔔超甜😍寫明咖喱麵會另外配一碗咖喱汁佢同平時食開嘅馬來西亞咖喱唔同會比較湯啲 但咖喱咖喱味都偏濃同辣整體似咖喱版嘅車仔麵 幾好食😋仲有少見既懷舊玻璃樽可樂#叠記咖喱 #旺角#tg31eat旺角.....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先 #旺角
continue reading
lunch 去到花園街見到呢間咖哩好似好吸引，入到去聞到好香咖哩味，環境就同普通麵檔差唔多。 menu 都好多吸引嘅選項，最終因為想食麵筋同魚蛋，就叫咗個咖哩五寶麵，兩個朋友就食咖哩雞中翼薯仔飯。 麵類有得揀橡筋粗同幼，店員姐姐話係比一般粗幼面硬，平時食幼麵我都會胃痛，所以今次就揀河粉。 河粉較粗，唔係幼身同滑身嗰隻。個湯底有咖哩味，比我想像中稀少少，但味道係足夠，辣度都適中。最驚喜係個牛心定，原來係連住牛心嘅血管，爽爽地幾特別。豬皮好入味，雞翼都不錯。反而本身最期待嘅魚蛋同麵筋就普通。 兩個朋友一致都話佢哋個飯好辣，薯仔唔夠入味同唔夠淋，即使佢個汁同餸已經分開上，佢哋都話好辣，食到鼻水都流埋。姐姐都有溫馨提示過佢哋個咖哩汁非同小可，唔食得辣可能要留意下。 最後提提大家凍飲要加9蚊，不過食得咖哩又好難唔加🤣
continue reading