Video
Read full review
6 day(s) ago
209 views
夜上海，這間見證在香港輝煌時期的老牌餐廳，原來由馬可孛羅酒店搬到K11 Musea。訂咗Restaurant Week 餐牌，人少少又可以食多幾款菜式，仲要冇麵飯類，啱晒無飯人士。涼菜拼盤有：太雕酒醉雞、香蔥拌螺頭、古法煙鴨蛋、鎮江肴肉、蒜茸拌脆瓜見證住香港80、90年代美好時期的友人點點頭說蒜茸拌脆瓜依舊是以往的味道。松茸燉嚮螺湯松茸的幽香很輕柔細緻，有嚮螺頭、豬肉粒、雞腳，整個湯清清淡淡，飲完好舒服。燉湯很有用，喝完後全晚到瞓覺時個身都暖暖的。主菜都幾豐富，有5款菜式。野山蒜原隻大明蝦，蒜絲覆蓋咗蝦，雖然賣相唔係話好靚，帶微辣，忍唔住食多幾啖蒜絲，蝦都夠大隻新鮮。蟹粉釀蟹蓋，服務員端過嚟時已經聞到陣陣蟹香味，會食到一絲絲蟹肉，又唔會太流。特式崧子魚，松子魚唔係成條魚咁上，改咗厚肉嘅石斑塊，炸得香脆，個甜酸汁都調得好。桂花蜜汁火方，一人一件的份量剛剛好。乾煸竹筍四季豆，平時我好少食四季豆，呢個四季豆炒得脆嫩，竟然令我食得晒。點心有一人一件鮮肉小籠包。甜品是生磨蛋白杏仁茶，杏仁茶超滑，蛋白絲做得好幼細，口感似燕窩，好有驚喜！友人說做出從前的水準！冇諗過個餐牌都食得幾飽，同埋菜式都幾豐富
訂咗Restaurant Week 餐牌，人少少又可以食多幾款菜式，仲要冇麵飯類，啱晒無飯人士。
涼菜拼盤有：
太雕酒醉雞、香蔥拌螺頭、古法煙鴨蛋、鎮江肴肉、蒜茸拌脆瓜
見證住香港80、90年代美好時期的友人點點頭說蒜茸拌脆瓜依舊是以往的味道。
松茸燉嚮螺湯
松茸的幽香很輕柔細緻，有嚮螺頭、豬肉粒、雞腳，整個湯清清淡淡，飲完好舒服。燉湯很有用，喝完後全晚到瞓覺時個身都暖暖的。
主菜都幾豐富，有5款菜式。
野山蒜原隻大明蝦，蒜絲覆蓋咗蝦，雖然賣相唔係話好靚，帶微辣，忍唔住食多幾啖蒜絲，蝦都夠大隻新鮮。
蟹粉釀蟹蓋，服務員端過嚟時已經聞到陣陣蟹香味，會食到一絲絲蟹肉，又唔會太流。
特式崧子魚，松子魚唔係成條魚咁上，改咗厚肉嘅石斑塊，炸得香脆，個甜酸汁都調得好。
桂花蜜汁火方，一人一件的份量剛剛好。
乾煸竹筍四季豆，平時我好少食四季豆，呢個四季豆炒得脆嫩，竟然令我食得晒。
點心有一人一件鮮肉小籠包。
甜品是生磨蛋白杏仁茶，杏仁茶超滑，蛋白絲做得好幼細，口感似燕窩，好有驚喜！友人說做出從前的水準！
冇諗過個餐牌都食得幾飽，同埋菜式都幾豐富，環境服務都好好！食過K11 Musea 咁多間餐廳，最鍾意係呢一間！
Post
