正品蕃茄湯麵店

Open Now

Now Closed

今日(8-4-2017 Sat)晏晝,同老公買完o野至食晏,o岩o岩過o左食飯時間唔太多人,我o地坐低後,老公揀$41.00o既2號午餐,係貢丸(3粒)拼豚肉,香芹番茄湯麵,飲熱柚子蜜.我就要$46.00o既腐皮墨魚卷(4條)湯麵,同樣要香芹番茄湯同飲熱柚子蜜.冇耐,兩杯熱柚子蜜到o黎,睇睇,柚子蜜落得好少,飲落真係好淡好唔夠.味道: 1分之後兩個麵都到o黎,我o既腐皮墨魚卷湯麵好熱, 腐皮墨魚卷o岩o岩炸起,外脆,內裡o既墨魚肉唔算好彈牙,一般;麵條腍少少;番茄湯味道濃,但如果質地杰身啲會好啲,而成碗唔覺有味精.味道: 3.33分老公o既貢丸拼豚肉呢? 豚肉嫩滑; 貢丸普通唔算好香.味道: 3.2分上次食評: https://www.openrice.com/zh/hongkong/review/%E5%B9%B3%E5%B9%B3%E7%84%A1%E5%A5%87-e2500464

走在荃灣，兩個蕃茄控見到有茄湯麵食，二話不說即試。蕃茄不一定配牛，兩碗蕃茄湯麵分別配上墨魚腐皮卷以及墨魚餅。蕃茄湯底酸酸的，茄香四溢，還有啖啖蕃茄；麵則過軟了些，較差的一環。腐皮卷的質感有點像南X的春卷，煙煙靭靭的，不過更勝一籌的是墨魚比魚肉更爽更彈。墨魚餅煎得不夠均勻，部份微焦部份白雪雪，幸調味及口感皆不錯。原來蕃茄配墨魚狠得，兩個茄控都狠滿意。

原本不打算再來這店，因為上次點了炸雞番茄麵食到最後有小粒炸螞蟻，但今次3:1，唯有跟大隊再來。今次餐廳爆滿，等了一會兒才入座。 走廊只容得下一人進出，可能加了座位，走廊顯得更窄。由於有顧客要出門口結賬，我們又要倒行回店外讓人先出。好不容易坐下，但椅貼椅，桌貼桌，很擠迫，坐得不舒服。我和同事點了雞扒撈一丁餐，跟餐的牛油多士烘很香很脆。當送上撈麵時有點怪，因為是麻油的包裝直接放在熟食的麵上，感覺有點不衛生。不過，燒雞扒鮮味肥美多汁，肉質滑嫩，配上麻油及粗粒香蔥公仔麵，口感襯絕～另一同事點了黑椒煙鴨胸麵，讚很滋味，惜口感頗油膩，吃到最後發現油份太多。再另一同事點了蔥油燒雞扒飯，蔥油燒雞扒是很香口，但飯好像over-cooked，多水很稔，不夠飯香及硬身。當我食到一半，突然有職員從後大大聲斥“拎開你個袋！”起初，不以為然，後來同事示意，才知她是在我後面對我說，立即尷尬拿開。其實，我完全沒有霸佔座位而又不合作拿開的意思，只是單純鄰座結賬離開一段時間，手袋有點重想放在旁一下。如果我的座位面對門口，知道有客來，絕對會拎開。職員態度很差，基本禮貌也沒有，正常侍應不懂講“唔該”， “麻煩你”， 也懂得講

走在荃灣路上母親大人話想食熱辣辣既食物一路只見到唔少茶餐廳但走入少少既一角見到一間小麪店隊長肉餅番茄湯麪(風味辣番茄湯 $47隊長肉餅應該係黎間麪店既招牌餸肉餅入面加有番茄 咬落十分鬆厚番茄豬肉濃中帶鮮而且肉餅有煎過 少少油膩感更惹味湯底係番茄湯加辣椒油 但好似唔太辣生滾雞肉煎雙蛋番茄麵(黑胡椒番茄湯 $43有另外既單雙併麪係$43見到有煎雙蛋 應該幾襯番茄味煎雙蛋好大隻 有少少燶邊 蛋黃未熟 有蛋油 食時先啜左先雞肉十分滑 配上胡椒湯變成胡椒雞肉麻辣雞肉煎雙蛋番茄麪(黑胡椒番茄湯 $43麻辣雞肉係四川水煮XX既味道 真係好麻辣加埋胡椒湯既辛味 真係會辣上癮雞肉少少實 附上所有辣味麪幼身Q彈有彈性 咬時更有少少黏牙感十分適合個人口味 雖然湯底濃 但都有些許番茄鮮味整體雖然$4X 一碗麪唔算平但係質同埋量都有物超所值既感覺食得飽滿的

呢間餐廳嘅位置個人覺得都幾唔起眼㗎，因為最近成日要行嗰條街留意多咗啲鋪頭先發現到佢嘅存在，平時就咁行過都唔覺眼有餐廳喺度而呢篇食評係草埋兩次一齊打嘅，兩次用餐都試咗唔同嘢食，先講下第一次嘅評價:第一次用餐日期係 2016年4月23日。我哋11點左右到，餐廳座位唔多，不過可能剛剛開鋪無耐所以都無乜人。呢個係男朋友揀嘅冬蔭功湯底。湯底除咗有冬蔭功嘅微酸同微辣之外，仲有蕃茄嘅濃香味，口感好豐富。 而大愛酸菜嘅我就揀咗呢個酸菜蕃茄湯底，自選生滾材料揀咗雞肉同木耳。 原來呢個酸菜係打碎咗變酸菜蓉咁嘅，撈埋落蕃茄湯到就變成酸菜蕃茄湯啦。每一啖湯都有好濃嘅蕃茄味同夠酸，好味木耳爽口而雞肉煮得剛剛好唔會太老！ 呢度連麵都係蕃茄麵離，麵身係偏軟嘅，一碗麵嘅份量都好多，食完好飽啊！跟餐有嘢飲，我叫咗一杯熱柚子茶。好淡無乜味。仲加咗個小食 芝趣雞翼，非常香脆熱辣辣，好味總結我哋兩個都覺得呢餐好唔錯，絕對會再離！第二次用餐日期係 2016年6月18日。呢一日都係午餐時間離，11點幾到，餐廳幾乎滿座啊！好彩剛剛仲有兩個位唔使等位。今次我哋兩個都試新嘢。我叫嘅墨魚餅蕃茄麵，加$6 轉成蕃茄肉碎蛋濃湯。個麵上枱時我

放假通常都係小弟外出搵食既時候，今次係荃灣搵到呢間，地理位置黎講，幾唔顯眼。小弟抱著一試冇妨既心態姑且一試。地方唔大~佈置冇咩特別~奇怪地四周都坐滿人~一個人係最易搵位既!冇有怕望左一陣menu~湯底有四種:香芹蕃茄湯，黑胡椒蕃茄湯，風味辣蕃茄湯，酸菜蕃茄湯就嗌左個黑椒煙鴨胸湯麵(香芹湯)等左陣~就黎啦~望落都幾足料。第一樣梗係飲番啖頭啖湯。酸酸甜甜的，有蕃茄味，仲有一大陣香芹味，香芹味較重，個人唔係咁鐘意。撈幾撈有幾舊茄肉，我唔客氣就一啖一舊，d茄肉溶哂入口，酸溜溜的。即刻挾住麵試下先~d麵都唔錯，幾爽口，又冇梘水味。最後試埋d鴨胸。估唔到咁大塊，咬落去好有肉感又唔油膩杯熱菜蜜唔錯~甜度適中~飲落去喉嚨好潤。

大前日(3-10-2015 Sat)晏晝,等男友放工後食個晏去沙田睇樓,佢話成日經過呢o度但未試過,於是o黎試.入到去,見到好細好迫,而o岩o岩重有兩個位背住問口o既位,我o地就坐低,但未叫o野食就見到有一邊卡位o既客人走,於是即轉枱.男友決定要$46.00o既隊長肉餅番茄麵,要酸菜湯,加$2.00要凍奶茶.我要$45.00o既雞扒撈一丁餐,有香烤牛油厚多士,蔥油燒雞扒撈出前一丁,要熱奶茶.其實我想食墨魚餅,但唔到有墨魚餅番茄麵,所以放棄.原來本menu冇,但牆上o既menu有=.=”不過由於男友都成日食墨魚餅,於是我o地叫$20.00三塊o既照燒鱆魚餅.冇耐,男友o既凍奶茶到o黎,飲吓先,味道一般,冇乜茶味.之後我o既香烤牛油厚多士到o黎,見佢個樣都幾靚,食落,冇乜牛油香味,脆都只係有少少脆.然後到我o既熱奶茶,顏色好淡,冇乜茶味.男友o既隊長肉餅酸菜湯番茄麵到o黎,肉餅上一大堆o既係酸菜蓉,佢先食,我就食我o既蔥油燒雞扒撈出前一丁先,件雞扒煎得好夠,撈湯本身已經有麻油香味,而且夠鹹.我食到件雞扒有香茅味,應該係醃過,出前一丁麵冇乜問題啦.而照燒鱆魚餅都到o左,三件細細件啡色,食落,

今次已經係唔知第幾次黎呢到食啦，每次都一定會嗌常餐，因為又平又大份。一黎就上左牛油多士、炒蛋、火煺先，牛油多士烘得岩岩好，脆卜卜，炒蛋唔老，鹹味岩岩好。之後再上蕃茄牛肉通粉，牛肉就有少少失色，有少少韌，但個蕃茄湯好濃味，唔錯！整體水準都冇乜點退步，下次黎希望有所改善。

路經此間簡陋麵店，見到我情有獨鍾既蕃茄湯麵，不自覺地就入咗去試試，我揀咗麵套餐，自由配搭，有四種不同既蕃茄湯底選擇，麵㡳亦有不同選擇，我係超級蕃茄迷,梗係選擇蕃茄麵喇，至於個湯底，嘩真係屋企煲既蕃茄湯呀，一點罐頭蕃茄湯味道都無，真材實料，好好味，成碗比我清哂,湯都飲埋，真失禮🙊

身為蕃茄迷當然要試下蕃茄麵。第一次來，地方不大，但算整潔。來到當然要最有名的蕃茄麵。4款湯底，選了黑椒蕃茄湯，蕃茄味濃，黑椒惹味，但偏辣，可能本身我不能吃太辣，但可接受。愛喝熱湯的人一定喜歡，因為湯非常熱！由於用了蕃茄麵，所以吃下時滿口蕃茄味，沒平時那種麵粉味，可以說非常入味！而且還可以在湯中找到蕃茄和洋蔥，十分軟易入口，平時的蕃茄湯麵找不到湯料的。雞扒分開上，可見店家的用心，不會影響2者的味道。燒雞扒很滑，但不過香口。麵還包了一杯熱飲，價錢實惠，值得再光顧！

Went here ages ago.The food was good but the service was really rude hence it was not on my priority list to share.I had tomato noodles with pickled soup but the broth was not really sour and there were not much pickles given. The pork patty with salted fish was quite good because it had a nice crispy surface and the patty was moist.The squid patty was tasteless with a rancid oil taste.

湯底主要四個湯底:香芹蕃茄湯，黑胡椒蕃茄湯，風味辣蕃茄湯，酸菜蕃茄湯我點了香芹蕃茄湯既墨魚餅蕃茄麵香芹能為蕃茄提味 雖然我不愛吃香芹但香芹加上蕃茄的配搭很清新 我鍾情於蕃茄因為蕃茄的茄紅素對身體很好也是我最愛的湯底 因為可以吃到蕃茄肉也可以吃到酸甜的湯底 自家製蕃茄麵 本以為蕃茄麵很重蕃茄味但原來不是 只有紅紅的色澤 蕃茄味也沒有墨魚餅的墨魚一粒粒大大粒又可以咀嚼又爽囗又大塊的墨魚餅 煎香後不會過於肥膩 評分：8/10

Early lunch time 行過，見間野幾骨子又未有人等位，即入去試下。試左個酸菜蕃茄麵… 平時食譚仔都要超酸先覺得過癮，今日呢個真係更上一層樓！食落肚真係酸到個人都酸溜溜，好開胃，好岩無乜胃口或者大熱天時食。

夏日炎炎,食麵最好選擇,加埋酸酸辣辣,非常醒胃!!!,今次第二次去食,今次叫了推介隊長肉餅蕃茄麵及人氣墨魚餅蕃茄麵,要風味辣蕃茄湯底+小小辣,和男友交換一塊,就可以一次試到兩種餅,肉餅有質感,好似漢堡扒咁,不錯......但當咬了一啖墨魚餅.....,好......彈.....牙.......啊!!!,我比隊長肉餅70分,那墨魚餅就有90分, 彈牙,有墨魚粒,好味!!!扣10分就是細塊一點,湯底好醒胃,只叫小小辣,已好辣,但還可接受!!! 推介!!

今天食了一個魚腐蕃茄麵$37,再加雞翼2隻$5.當食第一隻雞翼的時候食到最尾有少少血絲,我都覺得無問題,但食第二隻雞翼時候,咬了一啖,就發覺不太熟,我立刻叫伙計過來看看,個伙計話我換一隻給你,食第一隻發現有少少血絲就唔好再食第二隻,我要求退錢,第二個伙計又走過來,看到這個情況,又比說話我聽,食第一隻發現有少少血絲就唔好食第二隻,到第三個人出來(他應該是老闆),他又說食第一隻發現有少少血絲就唔好食第二隻,我聽到心裡好滾,食第一隻有少少血絲我都算,無想過食第二隻都會不太熟,因為是炸雞翼來的,他們用不熟的食物來比客人食,客人投訴反而責罵個客人,這些服務態度真是叫人難以接受.這間食店我以前經常來的,無想到他們為了$5的雞翼而對客人講難聽的說話,我以後再不會光顧這間食店,因為服務態度超差.