正品蕃茄湯麵店

Open Now

Now Closed

多年前看見正品選址這個位置，真的替他有點擔心，因為除了鄰近仁濟醫院外，他的門口真是唔多覺眼，雖然鄰近千色店則門，但始終不是在正街，沒有什麼優勢條件，後來發現他憑實力，儲客越來越多，甚至再開分店，真是替他們高興番茄湯麵餐，我久不久都會過來幫襯，喜歡他們自製番茄麵，但我多數會避開那繁忙時間，因為真的試過多次，打螳螂拳般形態吃著番茄麵⋯⋯一直支持本地小店，尤以有主題的食店，在香港實在少之又少⋯⋯隨了番茄麵外，他們的香煎墨魚餅拼隊長肉餅飯也是我最愛，肚餓的話，食完一定飽，相當滿足腐皮墨魚卷番茄麵，加木耳配香芹番茄湯底，是我最愛，很喜歡芹菜的清香，和番茄麵相當合配日式煎餃子，有六隻餃子🥟，但今次炸得過火，太油及太乾紅豆奶茶冰，跟餐加$9，唔算太甜，有陣陣茶香，合理價

午餐時間，就係我搵食的時候。在荃灣，食店雖然多，但要搵到一家有質素 ，又健康的餐廳，真是可遇不可求。當我行到開始攰嘅時候，眼前突然看見一間 其貌不揚的店，就打算入去試一試，給它一個機會。看見menu，原來是一間主打🍅🍲番茄麵的餐廳。 蕃茄🍅是我的最愛，維他命c高。坊間有不少主打番茄湯或麵的食店，但湯底大多以茄醬茄膏烹調，食完都要飲返十幾杯水先可以解渴。我都坐得入店了，冇理由即刻離開，都要硬著頭皮試一試，碰碰運氣 在眾多的選擇中，我決定揀這個香芹魚腐蕃茄麵🍅🍲。當蕃茄麵上檯的時候，有一股濃濃的番茄香味進入鼻腔👃，立即令我食指大動我只用了十分鐘就ko了成碗麵番茄🍅新鮮，顏色鮮豔，我飲了半碗湯，十分好喝。吃完之後，口腔也有一種蕃茄🍅的味道在徘徊 。之後，再加一杯甜度適中的菜蜜🍵，一個完美的句號都只是四十二元，真係十分超值，值得推介給識食的你們。😎😎😎

經朋友介紹晚餐食左呢間食第一啖麵已經覺得好好食雖然朋友話蕃茄味唔夠濃但我認為麵同湯底好配搭對我黎講已經好足夠了👍🏼麵嘅份量略少寧願少點餸多點麵飲品跟餐+$2道有凍柚子蜜好飲又抵👍🏼不過員工態度不太好對顧客都冇咩禮貌只係隨手dum個餐牌比我地收錢又一粒字都冇講完全冇表情咁

個舖頭名好似好健康咁，入到去都好多“邪惡野“。 裏面位置唔多，不過都差唔多坐滿。見到隊長肉餅蕃茄麵咁大張相又“人氣推介“，好似幾特別咁。 上枱後覺得物超所值，有兩塊大肉餅，原本健康既蕃茄湯麵即刻邪惡左 !!肉餅外面煎香左，咬落鬆軟，有強勁既糊椒味，好野味 蕃茄湯底係清淡既個種，食完唔會好囗渴，味精應該唔算多。 蕃茄麵係卓頭，食落同普通麵冇咩分別。58蚊有咁多餸又包埋飲品算係咁。 p.s.:如果可以改為一塊肉餅并其他食物就好

有朋友介紹過食呢間番茄麵專門店，我本人本身對番茄冇太大嘅興趣，不過都試吓啦叫咗個肉餅番茄麵，加左濃湯底湯底十分濃郁，真係足料，有蛋花同埋好濃既蕃茄肉餅也都十分推介！

平時放lunch都會係沙咀道一帶開飯，食來食去都係個幾間好悶今日試下再行另一度發現有哩間餐廳，我見到門口餐牌都幾吸引，有我鍾情既蕃茄一於試一試！本身我同個同事都想食佢地既（特/常餐），但staff話星期一至五要2點後先供應，星期六日就可以11點後供應咁唯有再睇過餐牌，其實都好多選擇既，最後我揀左午餐（魚腐香芹蕃茄湯麵🍜跟一杯熱飲$42）湯夠蕃茄味而且有芹菜同埋有d薯仔蓉好正，唔會太酸岩我口味，蕃茄麵幾有特色不過比較細份，如果好肚餓既應該唔太夠飽魚腐有4粒幾好味彈牙唔腥整體都幾好味，下次會試下腐皮墨丸卷，好多臺都有叫順帶一提平日中午一點爆哂場，不過佢位都比較多唔需要等好耐就入得！

同屋企人去完荃灣仁濟醫院探病，因為晏晝仲有好多嘢搞，所以，食晏就搵啲簡單、快捷啲嘅地方，姨仔建議就過對面街嘅「正品蕃茄湯麵店」，小弟當然舉手贊成啦，一來未食過可以試試間嘢嘅質素，二來外間仍然喺熱辣辣，食吓酸咪咪嘅蕃茄湯麵喺幾醒胃嘅選擇。正品屬小店格局，鋪內嘅地方真喺幾細，尤其正值午飯時段，更顯得佢擠迫。但嚟嘅人都喺為食餐好嘢，所以，環境喺其次，「屈質啲」都無所謂。既然嚟食晏，午餐必定有提供，午餐有蕃茄湯麵，亦有飯品選擇，前後6款，選擇唔選多，奉送餐飲一杯，又有多種加配或升級優惠，但定價比散叫又唔喺平好多。反而人氣蕃茄湯麵餐就應該相對注目啲，8款口味，定價$44-$48，而雙拼一律定價$59。麵底可轉米線、米粉、通粉、公仔麵，湯底可以揀香芹、酸菜、黑胡椒、風味辣嘅蕃茄湯，同樣奉送熱飲一杯。嫌人氣蕃茄湯麵餐定死晒，咁自選蕃茄湯麵套餐，就啱晒啦，「車仔餸」形式，點配搭都得，夠自主喇啩。唔食麵嘅朋友都唔使擔心，除午餐外，亦有多款特色飯餐供選擇，價錢跟食蕃茄湯麵相若。想再食得豐富啲，不妨晌小食類着手十數款小食，睇睇有無合自己心水。不過，一份蕃茄湯麵餐已好夠飽喇脆炸雞扒湯麵 $47小弟揀雞扒，配黑

呢日黎開荃灣，睇套戲呀，咁睇戲前緊要醫飽個肚，唔係餓親個肚咕咕聲咁睇戲就失禮人啦呢條街，要食嘅都食過，係呢間未食過，見呢個時候都仲有位，咁就去食一食啦我同老婆兩個人，一人叫左一份，我就黑椒煙鴨胸蕃茄湯麵，佢就牛肉蕃茄湯通粉，都係蕃茄，咁呢間野標榜蕃茄麻緊係食佢招牌菜。黑椒煙鴨胸，酸菜湯，熱西洋菜蜜(跟餐) $46嘩一眼睇哂，呢個份量比女仔食就啱，我男人黎家嘛，咁的份量點夠飽呀，玩阿叔咩不過煙鴨胸都算爽口彈牙，合格有餘反而我老婆個餐又正常喎，常餐B 牛肉蕃茄湯通粉 (轉公仔麵) ，熱柚子茶(跟餐)$41份量OK呀，仲有個牛肉蕃茄湯通粉 ，好在老婆食唔哂，我幫佢食，咁先勉強餵飽個肚個通粉都幾好，雖然平平無奇，但勝在牛肉夠腍夠牛味，好食間野味道係好的，但份量就唔多夠咯

老公想食蕃茄湯粉麵見到呢間野都幾多好評就決定嚟試一下首先入到間舖頭好大油煙 籠罩住成間店空調又不夠 我拿住個餐牌「潑」了兩下 有個好惡死既阿姐問我地食咩我老公就話剛坐低睇睇先然後個阿姐好唔老脾咁扭轉頭話 「我見你地飛飛下個餐牌啊嘛」咩嘢服務態度！！！眼見前面台客也受不了果位阿姐冷言冷語@@至於個蕃茄湯感覺就是味精燙加個蕃茄唔會有下次

朋友介紹下食 我嗌尼個係7號，雞似那過野個啲～不過出面粉面個啲都會係咁。個湯好咸 我雖然冇飲過，但啲木耳丫 雞丫 番茄食落已經好咸唔係我心想個重番茄濃湯，不過平平地食一餐都人ok ge店員都nice木耳幾好味反面 幾彈

開初以為係一般的茄麵，就是一個 蕃茄湯，再加上不同的麵，但這兒有一點不同。貢丸拼豚肉香芹蕃茄湯麵，蕃茄湯的味道很濃，湯料也很足，夾兩夾就已經夾到蕃茄，岩曬蕃茄迷，豚肉應該有用生粉醃過，所以入口較滑，貢丸一般般沒有特別。最帶驚喜的來了，就是蕃茄麵！真。蕃茄麵，都的顏色有一點點橙紅，相信是加入了蕃茄的關係，同埋比一般麵硬。墨魚餅都不錯，大大的一塊，又彈牙，剛剛煎好，所以還帶一點香味

蕃茄湯配蕃茄麵，一流既配合。試過其他蕃茄湯麵，哩間係我最喜歡。雖然鋪頭細細，座位不多，但個香芹蕃茄湯好好味，香芹仲有提升味道。另外，餸菜方面，墨魚卷同肉餅係必食之選，只係餸菜既油，有時多咗少少，影響左蕃茄既湯油膩咗。個人希望可以鋪頭大啲，座得舒服啲，咁就仲好啦！

近排天氣熱到暈， lunch出去食嘢都真係要搵間冷氣夠嘅餐廳，經過呢間麵店入邊好似都幾多人，所以就同朋友入咗去食，食完覺得有啲失望。腐皮墨魚卷＄46🍅🍜揀咗酸菜番茄湯底，湯底就一般，味道比想像中淡，有幾舊蕃茄係入邊，腐皮卷幾好食，夠香脆，入邊包住墨魚，面底都好一般，有啲失望嘅係湯同面嘅味道分開，麵條吸唔到湯底嘅味道。魚腐番茄湯麵＄42🍅🍜點左芹菜湯底，芹菜味好淡，魚腐就幾好食，而且都幾大粒，炸過嘅關係所以食落好香口。份量都夠食，朋友覺得個湯底就夠酸，但個麵底都係覺得一般。

唔緊要啦，咪又係一舊紅噹噹嘅生果！最緊要呢間係一間幾有誠意嘅鋪頭， 員工態度好， 唔少食物都係即叫即整， 尤其是佢嘅番茄面係最特別 ，質地唔同平時食開嘅面， 更加彈牙爽口， 但係望落個樣就係上海麵嚟嘅， 五款湯底裏面我揀咗風味辣蕃茄湯 ，不過番茄湯底就偏鹹，崇信健康人生嘅我唔係太鍾意， 墨魚餅雖然五十幾蚊有啲貴， 但係分量都好多， 不時食到墨魚粒， 口感瞬間提升， 之前冬天食完之後成身都會變到暖笠笠， 但係而家夏天食都幾開胃

一早已對這家蕃茄麵感到好奇，事關用蕃茄作招牌的麵檔大部分都是用蕃茄做湯底，而這家則是湯底兼麵條。前陣子在千色店買完家居用品，終於順路試試。腐皮墨魚卷蕃茄麵 （香芹湯）蕃茄麵不負所望，口感令人驚喜。麵條比一般米線煙韌，亦如店鋪所講，綿滑QQ彈牙。不過，蕃茄味並不算濃烈。湯底是香芹蕃茄薯仔，沒什麼味精，感覺較健康。少許香芹清香中和了酸味和配菜的油膩感。腐皮墨魚卷炸得香脆！墨魚餅拼隊長肉餅飯 墨魚餅算煎得幾香，略嫌隊長肉餅的肥豬肉比例較多，當然我都明白肥豬肉可令肉餅較香。伴飯的䓤油令整碟飯不會太乾。泰式香茅魚餅 正常水準，微辣吃過一次後，有點想念蕃茄麵，因此近期再次光顧，並試了酸菜湯底。可能我比較吃得酸，並不覺得湯底激酸呢！這個湯底比較開胃。但我還是較喜歡香芹湯。這家小店麵條甚有特色，性價比亦高，值得回頭呀。