Tomato noodles

放假通常都係小弟外出搵食既時候，今次係荃灣搵到呢間，地理位置黎講，幾唔顯眼。
小弟抱著一試冇妨既心態姑且一試。
地方唔大~佈置冇咩特別~奇怪地四周都坐滿人~一個人係最易搵位既!冇有怕

望左一陣menu~
湯底有四種:香芹蕃茄湯，黑胡椒蕃茄湯，風味辣蕃茄湯，酸菜蕃茄湯
就嗌左個黑椒煙鴨胸湯麵(香芹湯)

1

黑椒煙鴨胸湯麵(香芹湯)

$44

等左陣~就黎啦~望落都幾足料。第一樣梗係飲番啖頭啖湯。
酸酸甜甜的，有蕃茄味，仲有一大陣香芹味，香芹味較重，個人唔係咁鐘意。

黑椒煙鴨胸湯麵(香芹湯)

$44

撈幾撈有幾舊茄肉，我唔客氣就一啖一舊，d茄肉溶哂入口，酸溜溜的。
即刻挾住麵試下先~d麵都唔錯，幾爽口，又冇梘水味。最後試埋d鴨胸。
估唔到咁大塊，咬落去好有肉感又唔油膩

黑椒煙鴨胸湯麵(香芹湯)

$44

杯熱菜蜜唔錯~甜度適中~飲落去喉嚨好潤。