天龍軒

Open Now

Now Closed

一直聽講米之連推介呢一間102樓嘅天龍軒，除咗景靚之外 食物都非常之高質🤩 今日生日就同家姐同媽咪一齊試吓餐廳嘅裝修華麗端莊🤩飽覽香港維港景色🥰 淨係環境已經加晒分服務非常之周到，令到整餐飯都感覺到受重視鍋貼大蝦多士 爽口彈牙嘅蝦肉配上香脆嘅多士，口感味道豐富脆皮燒三層肉外皮燒得非常之香脆，肥瘦均勻，明顯見到三層唔同嘅肉蜜汁西班牙黑豚肉叉燒傳說中最好食嘅叉燒，我哋前一晚已經預訂咗， 果然冇失望🤩 西班牙黑豚肉叉燒，肉質軟林，非常入味

今天我和家人終於來到期待而久的米芝蓮二星中菜廳~「天龍軒」飲茶了，兩星期前預訂時希望安排窗邊的位置，沒想到我們最後竟然有幸坐到窗邊，而且今天更天公造美，可以觀賞一望無際的大海和天空，我們一邊飲茶一邊看風景，簡直是視覺與味覺的極致享受今次我們分別點了一系列餐廳的招牌菜色，包括蝦多士、黑豚肉叉燒、吉品鮑魚酥、炸蟹蓋和龍鳳燒賣等，當中大部份的味道都簡直堪稱一絕，果然是名副其實的米芝蓮二星餐廳No.1【窩邊大蝦多士】$156由於蝦多士是即叫即炸，所以外皮十分香脆可口，油而不膩，而內裡的質感則十分爽嫩彈牙，鮮美多汁，細嚼慢嚥的時候，鮮甜無比的蝦汁更立即傾巢而出，在唇齒間留下一絲絲濃郁的鮮蝦氣息，口感細膩而延綿，讓人陶醉其中，難以忘懷No.2【蜜燒西班牙黑豚肉叉燒】$400叉燒需要一天前預訂，今次我們四人預留了一份叉燒，總共有八件可惜的是，雖然叉燒的醬汁十分香甜可口，甜香四溢，但是肉質卻不夠柔軟嫩滑和軟綿綿，其實我上次品嚐「嘉麟樓」的叉燒亦同樣有這個問題，我發現自己竟然喜愛街市 $40的叉燒質素，多過酒店 $400的叉燒味道No.3【中東吉品鮑魚酥】$168/位鮑魚的質感煙煙韌韌，每一口都很有嚼勁

Throwback 前一排同老公慶祝生日，安排左去Ritz-Carlton入面嘅天龍軒嚟個early dinner多謝老公呢年既努力同悉心照顧。不過估唔到早到有驚喜—— 就係可以睇埋日落🌄啦！身處係102樓望出去睇住風雲變色到日落黃昏🌆然後再到萬家燈火盛開，邊睇住個咁靚嘅景邊食飯原來都係一種享受嚟😎我哋一開始先開咗兩壺茶。美味子一向鍾意飲普洱，所以就叫咗一唔150年普洱試吓，飲落去好滑，唔會黏住喉嚨，又冇乜苦澀味，茶香濃郁，係有啲料到嘅😌窩貼大蝦多士 — 我哋先叫左碟小吃，出奇地好味，多士面個層炸粉好薄，入面嘅蝦肉仍然保持滑嫩juicy, yummy 😋黑毛豬叉燒 — 皇牌菜，必試！👍🏻呢道被譽為全香港最好食嘅叉燒，想食嘅朋友記得要預早一日訂。美味子我哋兩個人食，預訂嘅時候按建議訂半份（四件），初頭都驚唔夠食，食左之後發覺原來真係夠，因為啲义燒既味道係非常濃郁，食得太多反而會覺得太溜，兩件就啱啱好適中。竹笙黑松露片 — 唔係幾記得exactly 道菜名但就記得呢道清清地嘅菜味道唔錯，黑松露奬食得多但黑松露片就比較小見，聞係好香，食落去個味就冇醬咁濃郁不過配落竹笙同菜到係幾襯又唔會搶到陣

天龍軒其中一個出名之處，是位於１０３層高，可高高在上，一覧維港景色因為有預先訂座，所以可以坐在窗旁的座位，但其實其景觀並沒有過人之處， 不外如是， 沒有讓人有不斷打卡的衝動， 可能其景觀是望向九龍吧。而今次主要是為了叉燒才慕名而來， 所以先來說一下她們的名物- 「蜜燒西班牙黑豚肉叉燒」＄２００（半份—４件）。果然天龍軒的叉燒 不負所望， 是非常高水準的叉燒， 是我吃過多間出色叉燒，數一數二之列內。她們的叉燒肉質軟腍，有肉汁， 外面燒得焦香，有微微蜜糖味而不會蓋過叉燒的豬肉味。 近乎完美，起碼合我口味。 如果要必要講改進的空間， 就是肉質有點太淋， 如果可以硬回一點，那更有口感，更美味。介紹過她的名物「叉燒」後， 以下都是以她們上菜次序介紹。1） 琥珀合桃不少中式酒店中菜廳也會以此作為餐前小食。她的味道正常， 糖漿剛好包裹合桃，甜度適中， 也不黏牙；沒有果仁的油膱味， 也沒有合桃的苦澀味。 雖然是油炸，但也不覺太油膩。由於我們除了點了點心， 也點了些小炒，而酒店也有貼心地先上點心， 後上小炒， 最後才是飯類和甜品。2）鮮蟹肉沙律卷　＄１１８外皮炸得太硬， 一點也不酥脆，也不像是剛剛炸起，

A constant go-to place for yum cha in HK. We had to made a booking almost a month ago to secure a seat . In weekends , there are two slots to pick from , highly recommend going for the latter session to avoid being hurried to finish the meal. 😌Started with a salmon roe dumpling , basically the freshest seafood dumpling you could get in any place in HK . And the salmon roe really highlight the entire dish 🥰Another easily missed out but must try item would be the 腐竹卷. The inner part of it is wrapp

十分喜歡這裡環境，開揚，景色優美，令人心曠神怡，暫且忘憂😃😃言歸正傳….1. 服務👍👍👍👍👍侍應細心有禮，每次都不會令人失望！2. 食物👍👍👍👍👍a. 荔枝紅茶 - 荔枝嘅香味令人精神為之一振，消滯解膩，沖了幾泡茶之後，仍然能夠保持茶味！b. 魚子蟹肉餃 - 魚子脹卜卜，鹹鮮！蟹肉鮮味，皮薄煙韌。 驚喜，喜歡這配搭。c. 蟹肉蓮藕餅 - 䊢皮簿，夠火喉，脆口。 忌廉汁蟹肉配上蓮藕片再加上脆脆的外皮，口感層次豐富，比焗釀蟹蓋更好吃！d. 鮑魚酥 - 高水準之作，必食之選，每次都會點🤭🤭e. 花雕蛋白蒸蟹鉗 - 另一必食之選，也是每次都會點🤭🤭 花雕清香，蛋白嫩滑，蟹鉗濃濃鮮味，啖啖肉，絕對能夠保持水準，正！ f. 乳豬脆件 - 即叫即燒，脆卜卜嘅豬皮夾著一片包加上底層陣陣燒烤味嘅香嫩豬肉，真係好好味，不得不讚師傅嘅刀工！ 每一件都是工工整整，四四方方😬😬g. 美點雙輝 - 曲奇餅加紅豆糯米糍，好食！整體用餐體驗 ⭐️⭐️⭐️⭐️⭐️

今日係平平無奇嘅一日 心思思想食中菜 但因為好小係香港食中菜 上網見到有好多各式各樣嘅中菜餐廳 所以真係花多眼亂 啱啱好上社交平台發現有朋友試左呢間中菜 我見到啲相同環境幾正👍🏼 所以打算去試試佢 所以就打電話去book咗個（天龍軒鮑魚美酒宴）環境相當之舒服 剛好被安排坐窗邊 可以飽覽海景 另外空間感足夠 所以除口罩都唔怕雖然菜單中的叉燒並非signature 的蜜燒西班牙黑豚肉叉燒，呢個係桂花蜜汁叉燒，但已經好食到飛起！XO醬花膠蘿蔔糕就普通。另外點的窩貼大蝦多士，係推介菜式，脆而不油，多士鬆脆，蝦既彈又爽，食得出蝦好新鮮！豬腱紅棗燉白玉瑤柱甫，個湯主要都係瑤柱味，白玉好食鮑魚好腍軟入味，但無乜驚喜最出色就係呢個琥珀核桃 好味😋下次一定返食

weekend 黎飲茶， 要一個月之前book. 仲要分兩個時段, 一點三黎到要響lobby 等到一點半先可以入去坐...是日空氣質素奇差。望出去一篇白濛濛。冇景。座位一如預料闊落兼舒服，有櫈仔專擺嘢。叉燒：要24小時前預訂。幾大碟。切得好大舊。肉質淋而不爛(之前卅二公館嘅叉燒肉太爛). 唔肥唔會太油. 不過個人唔係特別鐘意咁淋嘅叉燒，加上偏甜，可能有個飯會好味啲。蝦多士：幾好。炸得好靚，真金黃色。蝦膠多得黎唔會死實。唔會太油。酸甜汁杰度同甜度都剛好。蟹蓋：非常好味。蟹肉多唔在講，蟹味濃。醬剛好，唔會太杰。一睇以為旁邊嘅係炸蟹腳肉，原來係天婦羅酸薑！估唔到炸酸薑又幾得意。金壕煎糯米：唔明食緊乜。糯米量好少，感覺似食隻炸腐皮蠔多啲。龍鳳燒賣：食完發覺豬肉燒賣襯蝦係有佢嘅原因的，襯帶子真係冇鮮味。佢豬肉唔香呢個失望。斑球魚肉燒賣：呢個好正。斑球做真係好味好多🤣 彈牙魚味夠。呢個如果點埋参拾士多個芫茜豉油應該會勁好味。送嘅曲奇及糯米糍：曲奇得個甜字，唔算鬆唔算脆咁。糯米糍OK, 餡嘅醬香唔太甜，煙韌度剛好，細細粒啱食。總結：埋單每人五百蚊。唔係樣樣好味。唔值。但要食嘅可試：叉燒，蟹蓋，班球魚

今日終於去試全球最高嘅中餐廳....都有少少期待......餐廳裝修格局；整體外觀設計；絕對值兩星;但好可惜；僅限於止！食飯之前同我；老爸先去洗手間；發現咁嘅級數嘅酒店；洗手間竟然係冇人serve! 我老爸行動不便；張餐椅極之重；我又要扶住佢；又要拉開張凳；起碼都花咗一分鐘竟然冇一個waiter過嚟幫手! 直到我哋屋企人過嚟！上星期喺嘉麟樓；同一情況；我哋未行到埋張枱；已經有侍應幫忙拉開張凳！半島即係半島👍👍跟住坐低，我哋叫咗鐵觀音....雖然唔係佢叫佢啲特別貴價嘅茶，但啲鐵觀音淡而無味😓真係同嘉麟樓又有一段距離！之前我哋訂咗佢「最出名」嘅叉燒；咁我哋都叫咗啲點心同埋個蟹蓋....講真碟叉燒真係同之前有位朋友所講一樣；絕對係用蜜糖浸過嘅豬肉！完全感覺唔到叉燒個「燒」個部份去咗邊度！其他啲點心都中規中矩；完全冇任何驚喜！碟XO醬蘿蔔糕極失望，完全食唔到蘿蔔糕裏面有有乜嘢！只係表面加咗啲XO醬蟹蓋都OK；但係食得好麻煩，一定會整污糟隻手！咁嘅級素嘅餐廳；點解唔學下明閣將隻蟹蓋包好；唔會整污糟隻手？整體來講；純粹真係位置；裝修景觀係值兩星；食物質素真係好一般般！

今日借媽媽生日的藉口，試試有全世界最高中菜廳之稱，位於ICC 102樓的天龍軒。話說我已經早左兩三個星期打電話去BOOK都BOOK唔到窗口位，所以坐唔到最靚GE VIEW。不過話哂米芝蓮級數餐廳 環境服務都算一流。可惜的是餐廳服務員人數明數不足，見到D服務員走來走去，又要奉茶、落單、幫手上菜，變相好多枱客要等。我地就係坐低左差不多半個鐘先落到單，見到早少少入席的客已經開始食緊。所以建議大家上網睇定佢個餐牌，一坐低就點餐，免卻等候時間。等到中途都幸好有奉茶，重好細心有個蠟燭坐熱茶壺。先黎炸蝦多士（6件）多士薄脆，炸蝦口感豐富彈牙。脆皮燒三層肉有d驚喜，因為一共有成9件！皮脆而沒有一層肥膏反而是整塊也可以入口即融。來到今餐最重要的蜜燒西班牙黑豚肉叉燒這份需要在訂位時已經要預訂的名菜果然名不虛傳，一試難忘。黑豚豬軟熟、蜜汁味度濃厚。蝦餃皮薄，鮮蝦彈牙。荷葉飯顆粒分明甜品本來預訂了壽包但幸運的遇上酒店週年 午餐每人已送壽包所以可以借花祝佛。最後我們每人還點了一客酥皮蛋撻呢!

上年父親節帶了爸爸到Ritz-Carlton 酒店Staycation，既然一場來到，就帶兩老去全球位處最高的中菜廳 - 天龍軒。天龍軒位於ICC 102樓，為米記二星中菜廳。坐在落地玻璃旁，看到維港海景是基本野，今日的是晚飯，日落景色為晚餐帶來不少氣氛。在高處看香港，令我有所頓悟。我平時的辛勞，對這座城市有什麼影響呢？先來一個口罩袋前菜蜜燒西班牙黑豚肉叉燒天龍軒的叉燒是肥瘦均勻，光看圖都可以留意到。而雜誌說天龍軒的叉燒是帶有果香，原因是選用的豬肉是放養，自小食橡果長大。這個我是食到的，對於有果香味的肉，覺得十分新鮮。脆皮燒三層肉三層肉十分的骰，一小份燒肉切成九粒骰仔。份量雖小，但燒肉的大小令人可以一口就食到皮脆、油香和肉味。而餐廳揀選的都是最均勻的位置，從相中可見那九粒燒肉的皮油肉是差不多厚度。芝士焗銀鱈魚鱈魚好食的，不過用芝士就不太夾。原個椰皇花膠燉雞椰味足夠，但花膠和雞味就不太突出，也算好飲的。翡翠黃金蝦球夠香夠咸，十分好食，只是份量太少。松露翡翠竹笙卷味道差不多，加了松露貴了，所以可以不點。蛋白松子海鮮炒飯炒得好食，走高檔大路線的餐廳炒飯都是信心之選，不太油夠乾身，飯又夠鬆散，

我地又來啦今次決定食新野🤭入正題叉燒包 脆皮 包又薄 多料 多士 my 飛佛 番躂 之選魚子好好味 大大粒 ( 唔記得咩名)連偶蟹肉餅 我個人覺得食左好流， 唔太推介。 可能煎炸野關係 ( 唔計蝦多士壓軸 鮑魚伴飯2 淡飯 差唔多2百蚊味道偏濃， 如果有得俾我 加白飯就好啦， 絕對可以食幾碗 食乾淨隻碟 有落左金蓮華火腿的感覺 。 鮑魚當然好味 竹筍唔錯，又脆又清甜最後是我期待的送甜品因為10 周年，食 壽包。有驚喜， 因為唔係 蓮蓉，是 有煉奶做的芯。 職員有講咩做， 但我冇記性唔記得左總結下: 今日2個人食左 7xx主要試新野，等大家試吓。 今日都有window 坐，不過天色較暗，冇特別影。我終於記得買佢地合桃 啦。 好好食 第日用來 送 禮都唔錯 不過我自己 嘆左先

《補祝生日有人請食飯系列》⭐️⭐️ 入口甜到入心既椰皇花膠燉雞Double-boiled 🐔 chicken soup with yellow croaker fish maw 🥠in baby coconut 🥥 以雞湯為基調，熬煮兩小時後去油，再加入椰子水同燉一小時，湯味清甜但不見一絲油膩。湯中加入了黃花魚花膠，更加滋潤。蜜燒西班牙黑豚肉叉燒OUT OF THIS WORLD🤤 Tin Lung Heen’s succulent barbecued Iberian pork cha siu with honey 🐽 🍯 曾在網上被稱為全港最好味的天龍軒叉燒🧐一頭豬只有兩條的豬肩，只能做兩份叉燒。同梅頭位相比既話，實在各有千秋，難分高下。

滿心歡喜咁四日前就打電話預訂咗蜜燒黑豚肉叉燒，因為見寫到明要至少一日前留定。點知去佢個侍應話我哋太遲訂，我話我至少都兩、三日前訂架喎，佢仲要答返我見係寫住當日日子咁低級嘅錯誤都可以發生，十分失望！其實佢直接同我講，唔好意思咁啱賣晒我可能仲冇咁嬲！其他食品都冇傳聞中咁驚為天人，有啲仲偏油同咸咁嘅價錢性價比麻麻地，都係為名號同景觀嘅。公道地說，環境確實不錯，窗口位景觀一流，同埋每樣菜色都係熱上，食得出即叫即造。我本身被安排到中間嘅枱，當窗口位客人走左執好枱之後，waiter都有主動offer窗口位俾我哋，同埋都會主動幫客人斟茶/加水，呢樣又做得唔錯。最後送咗甜品作為結尾，分別係曲奇同埋紫薯糯米糍。