163
45
7
4-min walk from Exit A2, Wan Chai MTR Station continue reading
Telephone
24333324
Introduction
At The Optimist, we grill things. Located over three floors at 239 Hennessy Road, we are a no service-charge Barcelona chic bar and Asador-inspired restaurant which gives an authentically generous Northern Spanish experience. continue reading
Opening Hours
Today
12:00 - 14:30
18:00 - 00:00
Mon - Fri
12:00 - 14:30
18:00 - 00:00
Sat - Sun
12:00 - 15:00
18:00 - 00:00
Public Holiday
12:00 - 15:00
18:00 - 00:00
*Dinner: 18:00pm - 22:00 (last order food at 22:30) Bar last order: 23:30 Mon-Fri lunch Last Order: 15:00 Sat-Sun & Public holiday lunch Last Order: 15:30
Payment Methods
Visa Master Cash AE
Number of Seats
168
Other Info
Online Reservation
Restaurant Mode of Operation - Type C
Alcoholic Drinks
Phone Reservation
10% Service Charge
About Reward Scheme
Review (255)
呢間pirata集團( 即係pici)既西班牙餐廳最近係一間打卡嘅熱門餐廳裝修靚!然後我上網睇原來呢一間餐廳係會有人彈同唱生日歌咁我就book咗嚟慶祝男朋友生日成餐飯都好滿意好開心餐廳係喺灣仔鬧市入邊個反差好正入面好有情調由於我哋早咗去餐廳職員都好Nice咁樣叫我哋去飲杯嘢先我哋就坐低入去嘆冷氣我見到有啲客人會入嚟就咁飲杯嘢同bartender傾吓偈感覺都幾chill終於都夠鐘入座我哋安排咗喺樓上嘅窗口位係店員細心安排好Nice!!!餐牌選擇好多最後我哋竟然係要店員推介佢亦都好Nice咁樣推介咗佢覺得最好食嘅菜俾我哋~有傾有笑都幾開心先來餐包外脆內軟而且麥味好重熱辣辣好味牛油亦都係淡味嘅無鹽牛油男朋友都覺得好正!咁呢個就係店員推介嘅tapas Gambas “AL AJILLOS”$180評分:9/10佢係用King Prawns,再加啲橄欖油蒜蓉同埋辣椒去整超級香!!!有橄欖油浸住好夠熱同埋好香蒜蓉味又夠爽口 蝦味又鮮甜果然冇介紹錯出面會比較少食到呢一道菜係值得推介嘅呢個就係全晚嘅焦點Juicy Lobster Rice$590評分:10/10呢個真係超超超超超級好食首先佢勁大煲先啦然後有開邊波士頓龍蝦🦞龍蝦好多膏又夠爽口正!!!入面嘅意大利米勁有咬口再加埋超香嘅龍蝦湯索晒啲精華啖啖都超香口我哋係食到一啖都冇淨😂😂😂😂呢個真係推薦!必叫呢個係我自己想食嘅Hand Cut Flies ($60)評分:5/10有對比之下呢一個薯條就麻麻哋嚕首先佢嘅醬唔係好夠點而且唔係茄汁係啲類似燒汁嚟跟住薯條上面嘅調味唔係好夠我好唔鍾意薯條係冇鹽味只能夠說佢唔係我鍾意食嘅薯條而且又唔夠脆呢個可以唔使叫啦我呢個薯條控覺得有更加多嘅薯條好食過佢呢一個係我嗌嘅唔知麵包咩甜品因為我唔記得咗影低個dessert Menu呢個係非常之好食佢嘅麵包都係外脆內軟而且好香蛋香同埋甜味!!!麵包索晒啲汁所以一咬落去入面啲醬汁吱哂出嚟!旁邊嘅咖啡雪糕如果就咁食就好苦但如果加埋落去呢一個甜麵包嗰度就中和左個甜味超級好食推介推介跟住食呢一個甜品之前有幾位店員行埋嚟彈同埋唱生日歌其實我哋全晚都聽咗幾次其他人會跟埋一齊唱感覺好似一個party咁勁有氣氛!!!到我哋嘅時候又會有其他食客一齊唱感覺好似全部同一日生日嘅人坐埋一齊咁😂我真係推介呢間餐廳慶祝生日一定係會勁開心到最後一度甜品係布甸嚟好滑同埋好香雲呢拿同蛋香呢個都勁好食!整體來講環境靚有情調而且音樂揀得好好有輕鬆嘅氣氛之餘又唔會太大聲服務一流外藉店員會好似朋友咁樣同你一齊傾偈又會問你好唔好食又會推介食物經理都會行過嚟傾偈好似一個party咁樣真係令到人哋有好好嘅回憶食物貫徹pirata集團既高質Pirata集團嘅餐廳一向都高質呢間依然係貫徹始終好食得嚟唔會太貴總而言之記得book呢度同另一半慶祝生日啊包你有愉快嘅一晚 continue reading
*今次成個食評會好長!係真係成個飲食體驗*朋友話想儲齊pirata 𣄃下餐廳嘅即影即有所以今次佢生日就黎呢間( ´▽`)咁話哂都生日 點都會book張枱落個remark 嘅唔知係我遲book定係佢本身夜晚只接walk-in 得返1830一個時間咁唔緊要啦其實我收工過去都係差唔多但最後我都係遲咗大概五分鐘左右好耐冇試過要金鐘轉車 實在失左預算去到同receptionist 姐姐講返有reservation就指示我張枱已經ready 要行樓梯上一樓簡介一下 呢道樓高3層樓梯都係幾有格調( ´▽`) 如果唔多人打個卡都好其實最底一層係做bar 即係唔for dinner望到嗰張好多KOL打卡嘅綠色沙發係喺最底層咁就遺憾地冇緣坐喺度打個卡 一上到一樓 即刻有個姐姐示意問我係咪_小姐然後帶我去我張枱咁我就即刻一輪嘴話 I come here for celebrating my friend’s birthday Any recommendation for dessert?嗰陣已經搭八 好彩朋友遲到我仲可以準備( ´▽`)然後姐姐就介紹Eric 比我識 話佢係負責我地枱 佢而家拎dessert menu比我噢(⊙_⊙) 呢點我必須要講!呢道有個server 係識講中文!有啲超級十分無敵意外 之後Eric 就介紹dessert比我 介紹左樣靚嘅同幾款味道上吸引嘅咁我緊係揀好食啦( ´▽`) 都有提返我可以先落dessert 再等朋友黎再叫main仲未落單 頭先帶我埋位嘅receptionist 就上左麵包話可以邊等朋友邊食 然之後就介紹menu 佢大力推介個tasting menu 呢道嘅Tasting menu就係西班牙版omakase 會有4-5個tapas 再加2個main 再加dessert 抵食嘅 但對2個女仔黎講可能會比較多有刨openrice 嘅都知呢度最出名係juicy lobster rice 咁我就問但我想食嗰個飯 叫tasting menu係咪要搏佢煮?原來可以自己要求轉 不過就會由2個main變1個因為個lobster rice係2人份量搭九鬆啲 朋友都出現了原來佢走左上2樓 2樓係party 應該比人hold左場 講起原來大家想食嘅main都只係個lobster rice而我個人有嚴重嘅選擇困難症比起散嗌叫人介紹 不如直接交比個廚決定( ´▽`)個set冇野飲 朋友就話嗌jar sangria 好啦就嚟七點終於落完單醒起book枱嗰陣有寫限時2個鐘剩低1.5個鐘其實都夠哂( ´▽`)講返個包 佢放低左三塊sourdough 冇跟到油醋取而代之嘅係白色嘅醬 唔係unsalted butter 係沙律醬 冇耐 第一樣野食就到啦 攝於19:08係broken egg 我地都喺openrice 見到人推薦 不過喺menu其實就唔係好覺眼 估唔到冇揀嘅情況下 個廚煮左比我地( ´▽`)呢個就係風乾火腿跟煎蛋跟薯仔本身以為係太陽蛋會漏個黃出嚟點知原來係熟蛋黎( ´▽`)Ham 本身就係鹹味非常突出嘅一種食物我個人成日覺得作為starter就誇張左 不過唔跟蜜瓜 跟蛋都有效中和到個味道薯仔整得幾薄 個鹹香我都幾欣賞嘅不過整體係偏油嘅 ( ´▽`)而我地2個女仔黎講 叫嘅野食比較多所以食剩底嘅少少薯仔就冇食等下一碟野食Sangria 好似係佢地主打嘅野飲 送broken egg食我又覺得幾好飲落個橙汁味幾重 兩個女仔一渣都夠我地飲 都好吹水嘅其實然後奮力吹水 但係等下等下 時間就快8點。。我第一次黎 都甚少食西班牙野頂唔順問朋友 “係咪要食哂一碟野先上第二碟?”我開始懷疑其實西班牙菜同法國菜都有相同習慣然後Eric彷彿聽到我嘅困惑 走過黎問我地上左幾多野食所以睇嚟應該係漏單(⊙_⊙)不過 的而且確係雖然係星期一 但全層爆滿再等多左一段時間 我地舉手問啲野食嘅情況就係咁 野食終於到左由於12張相嘅限制 我將炸魷魚 calamari 同beef cheek 放同一張圖一次黎左兩個starter( ´▽`)魷魚我就略嫌佢油左啲 面層都唔脆而味道上。。其實炸野都好難唔好食係真係個質感唔算討好 我prefer乾身啲個面珠墩好軟熟 唔洗用叉固定就咁用刀切已經輕鬆分開 熟嘅牛最忌韌 咁佢明顯冇呢個問題佢軟還軟 個味都係重牛味 但係可能真係太軟熟所以其實唔會令你 哇好好食啊 嘅感覺不過個醬 應該係南瓜係好食嘅整出黎都creamy 配埋南瓜籽係正嘅食完個manager過嚟收碟問下我地啲野食點我猶豫嘅時候朋友已經答it’s very goodManager 話個beef cheek係佢favourite 隔離枱見我地食好似好正咁就跟住嗌左份( ´▽`)不過聽佢地講 佢地都覺得麻麻地原因係唔夠熱 諗起都好似真係暖( ´▽`)再喺等待野食嘅途中 Eric走過嚟為我地嘅等待致歉喺我地冇提出過任何不滿或投訴嘅情況下佢話manager決定free左我地叫嗰jur sangria 即時張單平左好多( ´▽`) !不過因為放左好耐 而冰就只喺一開始嘅杯道後來酒放暖左就變到有啲難入口問左人加啲冰之後就可以飲得返啦( ´▽`)之後係tuna tartar正啊! 係牛油果醬上面放呑拿魚同少少蟹籽就咁食係幾好食 又唔腥 又一口放哂落口幾過癮( ´▽`) 至於點解佢要放生嘅綠豆喺底 我估係增加摩擦唔想佢碌走或者上面嘅料會跌係超濃味嘅可樂餅 ( ´▽`) 底有層芝士醬係西班牙一種比較著名嘅一種送酒嘅小食都係鹹香重嘅野食 出爐冇耐炸到熱辣辣脆卜卜!後面係summer salad 青瓜為主 附少少車厘茄 小黃瓜 紅葱頭少少酸 係油唔係沙律醬 好食既 都開胃嘅然後係個main嘅juicy lobster rice 二人枱 個煲佔左超過三分一嘅位置( ´▽`)上個main之前 Eric特登幫我地換左隻碟雖然佢個名叫juicy 但冇諗過咁濕唔似粥 但就真係泡飯龍蝦個鉗已經扑左 比左個夾都唔洗用用刀叉已經足夠優雅咁食( ´▽`)個汁同個飯都冇乜特別 西班牙嘅燴飯普遍係煮到收汁 飯都有個汁嘅味我會覺得普遍冇咁濕會好食啲 可能先入為主?但個龍蝦肉係真係好食嘅 重龍蝦味 鹹鹹地原隻龍蝦 好大隻 開半 頭尾拆開同拆鉗兩個女仔係咁食係咁食我地最後係食得哂個飯( ´▽`)Manager過黎清枱面又再問下啲野食好nice( ´▽`)因為黎舖頭慶祝生日嘅人都好多我地嘅野食又比較遲黎所以朋友都已經冇驚喜咁知之後會發生咩事然後九點幾 Eric 拎住個甜品 後面跟住五六人拍手其中一個再拎住枝結他不停掃等甜品上嘅蠟燭點著左就開始唱生日歌( ´▽`)吹完大家都好開心🥳 唱完之後留一個幫我地影相影多左陣 manager過黎幫我地影即影即有幅即影即有會埋單嗰陣比返我地講返我地個甜品其實呢度有2款甜品 都係細細份係Eric一開始介紹嗰2款好食嘅甜品( ´▽`)一個係brownie 上面淋左朱古力醬跟左雲呢拿雪糕一如推薦brownie 係好濃嘅朱古力味 如果中意朱古力味真係值得試下另一個係Torrija 係brioche 做嘅焦糖西多 配咖啡雪糕係超級軟熟嘅 甜甜地 啱啱好我同朋友各自比較中意一款最後埋單( ´▽`)兩個女仔黎講好似確實食得有啲多呢道係冇service charge但service 同氣氛都真係幾好所以如果黎 都記得真係比tips continue reading
(The above review is the personal opinion of a user which does not represent OpenRice's point of view.)
Level4 2021-07-30
2057 views
一個不用上班的工作天,要跑到老遠的灣仔辦點私事,但既然休假中,便與娘娘放肆一下,找個可以像去了旅行一樣的地方吃午餐 ... 好,哪去西班牙唄 ...天氣確有點熱,點餐前先點了特飲“Passion Break”,夠Fresh,有薄荷和熱情果味的梳打水,很適合夏天。夏季的西班牙比香港還熱,所以西班牙這Gazpacho,即“番茄凍湯”,簡直是一絕,這午餐以這做餐湯,所有食材既清新又醒胃, 從戶外那無遮無擋卅幾度的軒尼詩道上進來,Perfect!既然是西班牙菜,Tapas怎會少,先來是這幾隻用烤爐烤過、其貌不揚的虎皮椒“Padron Peppers”,用手拈起,咬一口,沒有草青味,微辣,還暖暖的,沾幾粒它配的海鹽,味道有點像我們平常的清炒菜苗,有咬口有味道,很有驚喜! “藍鰭吞拿魚他他” ... 又一消暑前菜,那一大埋清新的牛油果醬, 味道既濃郁又清新,但靈魂始終是那幾塊餅底,將軟骨食材埋成一口,讓它們於口中共冶一爐,妙呀!Gambas Al Ajillo ... 即四隻虎蝦放在一鑊仔中,用蒜片、辣椒、橄欖油烤焗!唔,鑊中散發的香氣,瀰漫著濃郁的蝦膏及蒜蓉味,不用說,一定要用麵包點乾這鑊蝦油!但不可不說,這幾隻虎蝦還很嫩口彈牙,完全沒有“乾屍”的感覺,㕑師必定要以低溫烤焗,才有這效果,正!主菜出場,“Juicy Lobster Rice”,好一個龍蝦湯泡飯,蝦頭還有很多膏,整個菜香、濃、口感豐富,滿分!套餐還有自選甜品,我們選的這兩個 Cholate Brownie 及 Berry Cheesecake,都很有水準,特別是那cheesecake,賣相有點hea,像用手先揸碎幾塊餅,掉進杯底,加個芝士汁,再舖幾粒raspberry便算數,但味道口感的確很棒,給這午餐畫上完美句號! continue reading
(The above review is the personal opinion of a user which does not represent OpenRice's point of view.)
Level4 2021-06-25
8976 views
@piratagrouphk 旗下的西班牙餐廳 @theoptimisthk 裝修用湖水綠做主調,好靚😍Book左食Dunch Menu($298pp),其實姐係Lunch time後Dinner前的一個時間,由2:30開始。🔸Selection of cold dishes 🧀🥓就是一堆芝士,個Parma Ham同酸種麵包幾好食!🔸Gambas “A La Plancha”🦐海鹽燒藍蝦,都幾大隻,不過唔算好爽口。🔸Mushroom Croquettes 🍄炸蘑菇薯餅,有少少似可樂餅個類,呢個正常發揮。🔸Broken Egg “Huevos Rotos”🍳🥓西班牙傳統小食,中間有流心蛋,配黑胡椒同煙肉,底下面仲有烤焗過的薯仔片,出奇地好食😋🔸Juicy Lobster Rice 🦞(+$88pp) 就係為咗呢個龍蝦飯而來,兩個人份量,相當大盤😍上菜已經聞到好香!飯用龍蝦汁煮成,好入味,有原隻波士頓龍蝦,龍蝦肉好爽口,好新鮮😋🔸Flan🍮西班牙甜品,其實就類似係布丁🍮入口香滑,甜而不膩。🔸Brownie 🍫正正常常的Brownie,配雲尼拿雪糕,食埋真係好飽☺️試左咁多野每人先$300幾,食物質素唔錯,餐廳裝修得體,坐得舒服😌特別一提,餐廳好適合用來慶祝生日😂短短坐咗兩個幾鐘,已經有五、六個人生日🤣店員會唱生日歌,氣氛好好! continue reading
(The above review is the personal opinion of a user which does not represent OpenRice's point of view.)