563
75
26
1-min walk from Exit B2/ B3, Mong Kok MTR Station; MongKok MTR B2 / B3 Exit continue reading
Telephone
27499900
Introduction
Pay attention to every details of food and quality, for example, chef will pick fresh seafood everyday and wagyu is imported from Japan. continue reading
Opening Hours
Today
11:00 - 04:00
Mon - Sun
11:00 - 04:00
Payment Methods
AlipayHK Alipay Cash
Number of Seats
70
Other Info
Online Reservation
Open Till Late
Phone Reservation
Reward Dining Points
10% Service Charge
Spot payment
About Reward Scheme
Review (705)
又去到旺角覓食喇~旺角特別多好野食,我同朋友一齊放左工之後去覓食。近年好興韓燒、火鍋、雞煲呢啲食物,我想食日本菜但朋友又話想食韓國菜,喺我地爭持不下之際,突然我地都心血來潮想再去泰廚覓食 😋今次係第二次到訪「泰廚,呢間泰菜館有兩層,大約7 點幾 8 點既時候 呢到兩層都坐滿曬,出面仲要有大量人潮,佢地好多都係6 個人、8 個人咁樣黎食,睇黎並非浪得虛名 😲枱上已經放好碗筷同兩杯水,係香港典型茶餐廳風格,我同朋友就急不及待地睇下有咩好食先~ 😍餐牌好簡潔俐落 總共有三、四款不同既主題~ 食物方面 有頭盤小食、串燒、麵飯等等 每一道菜式都非常吸引 至於飲品方面 佢地有果汁、汽水、茶等等 應有盡有 😍事不宜遲 我地立即開始點餐 😝我地落完單之後 店員同我地講 因為過左$200 所以可以以一蚊既價錢換上面餐牌上其中一款小食 😍😋泰式生蝦 $1我同朋友都果斷揀左泰式生蝦 🦐 蝦既肉質鮮美 好滋味彈牙~ 再沾點泰式醬 蝦既鮮味更突出 嗰個泰式醬汁味道帶點酸 係經典既泰國風味 我地都係一分鐘內清碟 😝泰式豬頸肉 🥓 $70佢既豬頸肉厚薄拿捏得好好,燒出黎既效果非常好~ 外皮帶點脆,內裡既肉質鮮嫩,重點係佢既醬汁好正!絕對係泰國既口味,甜酸辣都聚於一身,佢既醬汁係整道豬頸肉既靈魂,唔係誇張,佢真係比普遍既豬頸肉好食好多,大家不妨黎試下 😋泰式金邊粉 🍜 $69金邊粉既材料好豐富,有原隻鮮蝦、香蔥、芽菜、豆腐干等等,味道口感都非常有特色。鮮蝦真係又鮮又彈牙🦐 金邊粉軟硬適中 拿捏得岩岩好 😋 雖然係干炒 但完全唔覺得乾 味道真係好好!👍🏼 佢側邊仲有泰式香料 沾少炒,金邊粉會變得更香辣惹味 😆🌶️青咖哩海鮮 🥬🐙🦑🦐🦞 $89青咖哩主要係混合左青辣椒、香茅、莞茜、大蒜、乾蔥、南薑、蝦醬、小茴等香料混合,攪爛製成,香辣惹味。再配以各種海鮮,例如青口、鮮蝦、魷魚等等,鮮味香口。我個人覺得呢道青咖哩一啲都唔辣,反而香茅味道較重,海鮮份量都頗多。馬拉盞通菜 🥬 $68馬拉盞呢個醬起源於馬拉,同蝦醬做法幾似,都係用蝦仔發酵成嘅。馬拉盞通常都會加入其他配料炒製,令佢既味道更加豐富,例如辣椒、紅蔥頭、蒜頭、青檸汁等等。呢個通菜係朋友既至愛,佢一入餐廳就話呢道菜必點 🤣 通菜十分爽口,馬拉盞既味道適中,唔會過咸。餐廳氣氛好之餘,食物質素亦都唔錯~ 我同朋友當晚都食得好開心,感覺好舒適寫意~☺️ continue reading
(The above review is the personal opinion of a user which does not represent OpenRice's point of view.)
Level4 2019-08-25
619 views
星期四難得準時收工,我們一班好同事一行四人,吃我們最喜愛的泰國菜,在太子天橋附近有間泰國菜館(泰廚泰國菜館),常常經過都聞到很香的燒雞翼味,我們一於去吃吧!泰式香茅雞翼在門口已經聞到雞翼的香,是馬上燒的,一於每人一隻燒雞翼,我最喜歡食,皮簿脆身,肉質嫰滑,而且每隻都是$15,大大隻小食拼盤(大)有一些蝦片,炸蝦餅,泰式春卷,還有我最喜愛豬肉串燒,串燒配上惹味可口的沙嗲醬,突出泰國風味!菠蘿炒飯點少得主食之一炒飯,每次食泰國食品都會叫個菠蘿炒飯,原個菠蘿上,風味十足,而且菠蘿炒飯材料也十足,菠蘿、什豆、肉鬆、蝦、青口、臘肉,而且份量大!蒜蓉包蒜蓉包香脆,份量也滿多,大約有四至五件馬拉盞炒什菜馬拉盞惹味配合清甜爽口的什菜,正而且每曰也有特價菜款選擇,因為星期四有泰式明爐烏頭魚,熱辣辣上菜,少少酸汁顯出烏頭魚更鮮甜。惠顧小菜滿$200元加一元可以選擇有四款菜式選擇其一,分別兩款沙律,木瓜沙律及泰式粉絲沙律、生蝦刺身、泰式椰汁糕選擇,非常吸引!我們剛好滿$600元,選了生蝦刺身一客,有四隻,雖然是$1元四隻,但絕不馬虎,生蝦新鮮鮮甜,再黎加$1元選擇了兩客的泰式椰汁糕,椰汁味濃,每人食兩個也不夠,大胃王地點在太子地鐵站,行五至七分鐘就到達,非常方便,服務親切,而且上菜速度快,價錢經濟實惠,份量也不吝嗇。 continue reading
(The above review is the personal opinion of a user which does not represent OpenRice's point of view.)
Level4 2019-09-30
16 views
平時喺香港食泰國菜,基本上大部份人第一刻都係諗住去有小泰國之稱嘅九龍城,但今次我就跳出九龍城,同朋友去試吓旺角嘅泰廚泰國菜館。喺旺角開得咁多年嘅餐廳,一定有實力先可以頂得住旺角嘅租金,呢一點已經證明餐廳嘅實力。講返食物先,今次同朋友兩個人,所以點咗三菜一湯,另外加一蚊有碟生蝦首先上咗個泰式鳳爪沙律,估唔到比想像中嘅份量還要多,抵食!由於點菜金額超過$200,可以加$1有一碟生蝦,雖然得四隻,但確實係好抵,因為平時食一碟得8-10都差不多$100然後到碟泰式拼盤,一串豬、一串雞、一舊開邊蝦餅、一條開邊春卷同埋量蝦片,每樣都熱辣辣,證明係即炸,好味仲有個冬陰公湯,酸辣味啱哂我,入面嘅蝦仲好鮮甜最後上埋碟炒通菜,呢餐好滿足...埋單$350 continue reading
(The above review is the personal opinion of a user which does not represent OpenRice's point of view.)
Level1 2019-09-29
8 views
話說成日經過旺角金魚街個天橋底,都會聞到陣陣BBQ 味🔥,夜晚更加係好多人企响外面等,咁岩今日又出開去,見又唔使等位,就即刻走入去食番個下午茶😋餐廳原來有上、下兩層,今次安排左我坐樓上,因為唔係真係太肚餓,所以叫左個扎肉湯河餐(本身$28,但轉冬蔭公另+$5),再送你一杯青檸冰或香茅冰。分量望落都幾大份,即刻試左個湯底,味道唔錯同幾足料;但扎肉就一般般,埋單計以$33 來講性價比都算高,下次會試下晚餐😋 continue reading
(The above review is the personal opinion of a user which does not represent OpenRice's point of view.)
Level4 2019-09-26
20 views
今日去左旺角個間泰國野 呢間野望落去舊舊地 咁就一於去試下!叫左豬雞串燒 炸蝦餅 蒜蓉包 炒金邊粉 菠蘿炒飯 馬拉盞炒椰菜苗 泰式明爐烏頭 同埋啲飲品因為呢段期間 佢做緊promote 滿$200就可以加$1 叫粉絲沙律/泰式生蝦/椰汁糕 佢啲菜式都好有泰國既味道既!🍢豬雞串燒啲醬好好味 唔會辣🍤炸蝦餅啖啖都係肉!!🥖蒜蓉包仲脆卜卜!!!🍲炒金邊粉我覺得味道唔吸引 但就好大碟!🍛菠蘿炒飯就真係推介 有菠蘿既香味 啲飯一粒粒!🥬馬拉盞炒椰菜苗 椰菜苗應該唔岩時候食 所以會有啲甘甘地 馬拉盞係可以既 會愈食愈想食!🐟泰式明爐烏頭 魚係新鮮大條 味道酸酸辣辣 好開胃!!!🥗粉絲沙律 唔會太酸 易入口🦐泰式生蝦 新鮮!唔會好腥!🥛椰汁糕 就過份甜!!但整體黎講 係食得過既!!!! continue reading
(The above review is the personal opinion of a user which does not represent OpenRice's point of view.)