Yadllie Plate

902
115
50
3-min walk from Exit A2, Yau Ma Tei MTR Station continue reading
Telephone
23600233
Introduction
It is famous for its fried chicken, which is imported from Korea directly. And the sauce is made by the Jeju vegetables and twenty types of natural ingredients. continue reading
Opening Hours
Today
12:30 - 22:00
Mon - Sun
12:30 - 22:00
Public Holiday
12:30 - 22:00
Public Holiday Eve
12:30 - 22:00
Payment Methods
Visa Master AlipayHK Alipay Cash AE UnionPay WeChat Pay OpenRice Pay
Number of Seats
100
Other Info
Online Reservation
Wi-Fi
Alcoholic Drinks
Phone Reservation
Reward Dining Points
Delivery
10% Service Charge
Spot payment
About
S.W.A.G - 「韓雞」空運到港
Soy Sauce
Yadllie 手工炸雞的精髓在於採用韓國濟州島栽培的各種新鮮蔬菜和 20 多種天然材料混合而成的秘製醬料。
我們將韓國新鮮雞肉放入秘製醬料以Yadllie 獨有的專利腌製技術,發酵 72 小時以上。
秘製醬料加上我們在韓國傳統浸泡腌製法上加以改良的獨有技術,就是Yadllie 炸雞的獨特味道和鮮嫩口感的秘訣。

Without Dress
由於粉漿會吸收大量油份,為打造健康炸雞。每份Yadllie 炸雞均是用人手在腌製好的雞肉上,一件一件撲上薄薄一層的秘製乾粉。我們有信心Yadllie 炸雞的美味是在於雞肉上,這不是一般以調味粉混和而成的粉漿炸雞可以比擬。

A Pressure Fryer
所有Yadllie 炸雞,均使用壓力油炸鍋,以雙重高壓油炸技術處理。首次油炸過程是使用封閉式壓力油炸方法將雞件油炸至七成熟,鎖住用汁。第二次則以開放式油炸鍋再炸至全熟,用以排走多餘油份,以及令Yadllie炸雞更加外脆內嫩。過程中,壓力、時間及濕度都要拿捏得十分準確。

Great Taste
用 Yadllie 獨有的專利配方和技術加上韓國空運到港的「韓雞」所炸成的Yadllie炸雞。再配搭上全韓國進口,我們精心調製各式的Yadllie調味醬料。不單食材安全,風味獨特,口感鮮嫩,而且令人一試難忘!

韓國老闆有話兒
親愛的香港顧客們,大家好!我叫朴正根。

Yadllie Chicken 至2008年創立至今,無論是炸雞,還是其他出品,在韓國乃至世界各地都受廣大顧客的支持和愛戴。 為了報答親愛的顧客,從創立初期至今,我們從不吝嗇投入大量資源於食品安全和菜式研發上。
全因為我們對高品質食品的要求。公司除了獲頒發ISO9001(品質管理系統認證),ISO14001(環境管理系統認證)和HACCP(食品安全管理認證)之外。在出品上,我們研究人員成功地研發了特製腌漬浸水法,壓力油炸法和炸油實時酸值測定法等特有技術的專利 。

Yadllie 於2016年來到香港發展,我們每份有骨炸雞,都是原隻從韓國進口,在韓國土生土長的「走地雞」。希望親愛的香港顧客可以感受到我們的誠意,繼續支持和愛戴Yadllie。
我們會繼續秉承一貫宗旨「從不模仿他人,具有自己的個性和自由」,務求以鮮味的食材及優秀的技術,做出最健康、最美味的菜色!

謝謝!
About Reward Scheme
Review (1183)
呢到係我非常鍾意食嘅一間韓式餐廳經常出現喺OpenRice熱門排行榜無意中比我發現到全單有7折優惠之後可以再多啲嚟幫襯芝士蟹子蛋卷 $118呢個係我每次嚟到都一定會叫嘅蛋卷因為真係超級足料入面完全係爆餡嘅蟹子同埋芝士無論外貌同埋味道都接近滿分喺其他地方真係好少食到咁足料嘅蛋卷黃金蒜香無骨炸雞 $118餐牌上面話大約15件炸雞但我數過絕對多過15件份量真係好大份唔使驚唔夠食炸雞每粒嘅大細都啱啱好放入口最重要係冇骨啖啖肉真係好正炸咗既蒜粒真係好香口好惹味而且炸雞下面全部都係薯條🍟薯條再加埋炸雞嘅醬汁非常好食真係邪惡度滿分海洋之盤 $188入面有啤酒炸蝦🍤炸魚薯條🍟洋蔥圈炸粉加咗啤酒所以食嘅時候會食到淡淡的啤酒味炸蝦嘅肉亦都非常新鮮爽口之餘完全唔會覺得粉炸魚全部都大大嚿而且唔會炸到好乾重點係全部都即叫即炸薯條同洋蔥圈全部都食到卜卜聲炸軟殼蟹 $88呢個價錢七折左真係好抵食軟殼蟹嘅份量好多炸漿用咗啤酒炸蝦嗰種做法同平時食開嗰種有啲唔同不過呢個方法唔會令到啲軟殼蟹好乾反而食到入面好多肉鮮椰奶沙冰/香芋沙冰 $58沙冰嘅椰奶味同埋芋頭味都好重甜度到適中唔會話甜到好難入口其實平時食炸雞嘅話我一定會飲啤酒🍻不過因為朋友唔飲自己一個飲嘅話又好冇癮所以最後就叫咗沙冰藍梅乳酪沙冰 $58藍梅同乳酪放咗落攪拌機攪埋一齊所以飲嘅時候都係食到藍梅碎乳酪味道夠濃郁都真係非常足料蜜味芝士粉烤雞 $158其實除咗炸雞之外仲可以揀烤雞因為無骨雞已經係炸所以我哋最後揀烤雞蜜糖再加埋芝士粉甜得黎又有少少鹹鹹嘅芝士味真係一個唔錯嘅配搭有骨嘅雞比起無骨嘅雞有另一番風味雞肉嘅質地食落去更加實在因為呢度嘅雞肉都係源自韓國嘅走地雞兩種都一樣咁好食全層都係屬於呢一間餐廳所以成間餐廳都好有空間感而且餐廳仲會盡量安排隔枱座坐喺度唔會迫埋一齊都坐得幾舒服 continue reading
(The above review is the personal opinion of a user which does not represent OpenRice's point of view.)
Level4 2020-12-10
3436 views
收工之後同女友拍拖拖嚟到旺角行街同食飯,之前聽過朋友講喺旺角兆萬有間韓式餐廳食炸雞好唔錯,本身我都冇咩expectation,特別喺兆萬門口見到一堆紅橙黃綠既人派發傳單,以為樓上冇咩好食。點知上到去呢一間韓國餐廳完全感覺風格不一樣,簡直係兆萬中嘅清泉,呢間餐廳嘅員工個個都超有禮貌,環境風格特別,而且每一張枱嘅距離唔會密迫迫!特別係疫情期間成個兆萬基本上見唔到人流,唯獨是呢一間餐廳𨋢門一打開已經見到一堆人在等叫號入座堂食,好彩有預約如果唔係上到去一定白行一趟! 等咗唔係好耐就已經可以入坐,入多來店員先放低咗呢一樽非常有特色既東西,本身都唔知係乜嘢,問了店員才知道原來係可以吃的!這是炸意大利麵!!! 而且仲要係免費嘅,當在等食物嘅時候有少少肚餓就攞嚟咬一咬過口癮! 無酒不歡嘅我當然不能錯過叫酒啦,喺韓國餐廳當然應該叫上燒酒,在餐牌上看到芒果菠蘿燒酒覺得好特別好有特色而且亦都未試過就點來試一試,喺吃飯前飲上不濃烈的燒酒而帶有酸酸甜甜十分開胃,喜歡喝酒的你值得一試!由於搭配上芒果菠蘿汁所以燒酒濃度不高對於不太喝濃烈酒的人是十分合適! 由於主菜都是一些煎炸物所以女友想在前菜點上生菜沙律來中和整個晚餐,我們點了鮮蝦沙律,簡單來講就是蛋蝦生菜沙律,當我吃了第一口嘅時候完全十分驚訝,因為我從來未試過生菜沙律的 dressing 可以那麼好吃! 他們的 dressing 是用檸檬汁調配,酸甜度配合得剛剛好!剛好經理經過我們枱我便問一下,他亦十分自豪地解說 dressing 是由韓國進口帶來的! 來到韓式炸雞店當然不能錯過食雞,喺主菜方面我們點了夏威夷阿努哈,不點全部炸雞原因是我們亦想試試其他炸物,這個主菜完全是一個拼盤有炸蝦炸洋蔥炸雞烤雞,所以可以滿足我們所有嘅願望!特別一提,他們家的炸雞炸過之後雞肉很juicy亦不會鞋颯颯,炸蝦亦很好吃你基本上可以吃出炸蝦是用冰鮮蝦並非急凍蝦,所以很有大蝦的鮮味! 個人覺得入到韓國餐廳韓式海鮮煎餅是必點的食品,所以我們看了餐牌後亦不多想,直接要點這個!同樣他們家的食物沒有讓我失望,煎餅的厚度十分合適,所以有一定的口感,外脆內軟!海鮮鹹菜煎餅內亦一點都不吝嗇,完全吃得出廚師的用心! 食到一半時店員走嚟同我哋講 last order,我哋便急急腳點了一支真露燒酒微繼續飲點了一份甜品。真露普通燒酒大家應該飲得多,估唔到佢原來有好多唔同口味,我哋選嘅過程中考慮到其他果香味相對比較甜所以選擇了西柚,一支燒酒十分平,而且西柚味可將燒酒的酒精味道蓋上,亦非常合適女士飲用! 而甜品方面店員講到原來12月有新出嘅雪冰,在menu上看到的甜品非常得意同非常吸晴,而且我又好鍾意綠茶同紅豆,所以點了綠茶紅豆雪冰!當甜品嚐到枱上我們一口單嘩然,因為估唔到一份甜品可以這麼大 portion 所以大家可以叫一份兩人嚟share!紅豆同抹茶雪冰的顏色對比,加上白色的雪糕在雪冰上形成一個很大的顏色contrast,非常好看!當然味道也十分好吃紅豆和抹茶都不太甜! 最終埋單都只係七百幾,我們兩個吃到十分滿足!值得推介!我們下次一定會再來! continue reading
(The above review is the personal opinion of a user which does not represent OpenRice's point of view.)
Level4 2020-12-06
2184 views
忍唔住出左去食炸雞,其實今年出去食嘢真係寥寥可數,所以要打食評紀錄下。驚喜二重奏($218)有原味炸雞(四件)同美國安格斯肉眼。前者有雞髀同雞翼等,但食落有啲乾,略帶失望;後者估唔到有肉汁,肉質中等,不過計返價錢其實係咁上下。蜜味芝士粉無骨雞($115)第一次食呢隻味嘅無骨雞,芝士粉帶乳酸味好正,炸雞香脆,唔使𦧲骨啖啖肉,份量仲唔少,底下仲有薯角,包滿足😆香炸軟殼蟹($88)軟殼蟹新鮮,比起炸雞炸得更金黃色,可能炸粉唔同🧐,蘸起泰式辣醬好match。香芋沙冰($58)&綠茶沙冰($58)沙冰多選擇,所以每人叫唔同,綠茶沙冰好似係較新出,綠茶味都幾突出,甜而不漏;香芋味就不過不失,個人較推薦前者。草莓雪冰($78)甜品淨係得雪冰選擇,不過無論咩天氣都愛😛。草莓上有草莓果醬,食落甜甜的;至於雪糕係雲呢拿味,挺滑的;而雪冰就有牛奶味,成件事好夾,不錯的説。不得不說,餐廳好似新出左幾隻冰,有我愛嘅珍奶味😍,奈何朋友係都要食草莓🤫,加上今次唔夠人多,叫多個又食唔晒,下次希望試埋其他。 continue reading
(The above review is the personal opinion of a user which does not represent OpenRice's point of view.)
Yadllie Plate-位於旺角兆萬中心,薄有名氣,人氣都算幾高。雖然聽講兆萬有唔少「伏」嘅餐廳,尤其部份放題,但呢間韓國餐廳卻出乎意料的好食,以及抵食,見午市有七折優惠,所以一早訂左座黎食,叫到一枱都係,埋單只係$500......香芋沙冰 ($58): 質感超級幼滑,芋香及甜度適中,唔會太膩亦唔會有種死甜嘅感覺,加埋一層厚厚嘅奶油,非常smooth,幾好飲。半半炸雞 ($168 - 黃金蒜香烤雞、大邱辣醬烤雞, 中辣): 雞件可選炸雞/烤雞,共有六款口味,任選其二,配有薯角,真係幾大份。雞件非常嫩滑,雖然係烤雞,但一啲都唔乾,肉汁豐富,食落好Juicy,前者黃金蒜香烤雞味道香甜,帶濃郁蒜香,口味獨特,非常出色;後者大邱辣醬烤雞有大/中/小辣之分,我地揀左中辣,雖然寫就寫挑戰級,但我認為辣度剛好,唔會太strong,亦唔會搶曬雞肉嘅肉味,醬汁辣中帶甜,非常惹味,鍾意食辣嘅朋友可以一試。韓式燒腩串 ($158): 汁燒腩肉菠蘿串配炸洋蔥及沙律菜,醃製腩肉嘅醬汁偏甜,腩肉好軟腍,有少少似牛柳粒,夾埋菠蘿食一酸一甜,都幾搭配。芝士部隊鍋 ($188): 韓式泡菜湯底,佐料有韓國午餐肉、火腿片、煙肉腸仔、韓國年糕、茄汁豆、大蔥、香菇,以及泡菜等等,非常大堆頭,雖然用料無咩特別,亦比較簡單,但泡菜湯底都幾香甜,加埋一包辛辣麵食,都真係幾唔錯,而係屋企未必煮到呢個味道,幾飽肚。以下是餐牌資料:-  continue reading
(The above review is the personal opinion of a user which does not represent OpenRice's point of view.)
Level4 2020-11-26
1604 views
幾年前由於韓流襲港,不少韓國炸雞店都趁機於香港開設分店。不過隨著競爭越來越激烈,加上經濟轉差,不少炸雞店已經撤出香港。朋友最近向我推介了這間Yadllie Plate,說是已經在香港扎根多年,而且生意蒸蒸日上,就算面對疫情亦依然人氣爆燈,所以特別預早一星期訂位。餐廳位於兆萬中心頂樓,我們坐電梯上去期間發現其他樓層沒有甚麼人等位,唯獨Yadllie Plate門口坐滿輪候入座的客人,真的很慶幸自己提前預訂了位置。入座時餐廳已經準備好解膩的韓式醃蘿蔔,餐牌琳瑯滿目,選擇眾多。餐桌上附設按鈴,方便召喚侍應。餐廳在桌上細心準備好紙巾和膠手套,不用擔心弄污雙手。西柚mocktail(⭐⭐⭐⭐💢)西柚mocktail不含酒精,mocktail加上大量西柚果肉,味道清爽,配上炸雞,是啤酒之外一個好選擇。大邱辣醬無骨雞(⭐⭐⭐⭐⭐)無骨雞肉裹上薄薄的炸粉,金黃香脆的外表包著鮮嫩多汁的雞肉,讓人一口接著一口。我們選了挑戰者中辣,果然挑戰性十足,建議大家選小辣淺嚐。韓式海鮮煎餅(⭐⭐⭐⭐⭐)煎餅用上魷魚、蝦等海鮮,醬汁酸甜可口。芝士部隊鍋跟辛辣麵(⭐⭐⭐⭐⭐)部隊鍋裡有火腿、午餐肉、煙肉裹芝士腸等,加上大蔥、椰菜、香菇和年糕,配上高湯烹調出的辣湯,煮滾後自行加入辛辣麵,為涼爽的秋天送上一點溫暖。Oreo朱古力雪冰(⭐⭐⭐⭐ 💢)食了這麼多辣的食物,是時候食一點甜品。雪冰用牛奶冰打碎而成,十分棉滑而且入口即化,加上朱古力醬及大量Oreo粉,為晚餐畫上一個完美的句號。總括而言,這間餐廳餐點整體味道不錯而又選擇眾多,難怪能屹立在香港多年都人氣爆燈。~~~~~~~~~~~~~~~~~~~~~~~~~   Yadllie Plate  旺角西洋菜街1號兆萬中心11樓推介菜式: 大邱辣醬無骨雞、韓式海鮮煎餅、芝士部隊鍋跟辛辣麵👍🏻惹味炸雞👍🏻地點方便👍🏻物超所值 continue reading
(The above review is the personal opinion of a user which does not represent OpenRice's point of view.)