拉麵Jo

Open Now

Now Closed

連續7年米芝蓮推介的銅鑼灣分店拉麵Jo，佢地既豬骨湯底花咗10多小時熬製，一定要嚟試吓。平日夜晚6點幾嚟到，雖然座位唔多，但係等咗一陣就可以入座。🔻特製魚介豚骨拉麵 $98 【期間限定】今次期間限定有特製魚介豚骨拉麵，魚介湯底好香好濃郁，配上大量魚粉，令到湯底既鮮味好突出，完全唔覺得咸😋拉麵配菜有叉燒、雞胸肉、糖芯蛋、厚切竹筍、少少柚子皮😊麵條偏幼，軟硬度適中，非常好味🤤🌟 Lamlam脷指數 😋😋😋😋😋 (5/5)♨️特製沾麵 $106沾麵湯用石鍋上菜，keep住熱辣辣，食得慢都唔怕會攤凍哂🔥湯底濃稠，有好濃厚魚介豚骨既味道，聞落好香，不過食落就有少少咸🤭沾麵配料有椰菜、竹筍片、京蔥。拉麵條口感彈牙，掛汁力非常高，湯底完全融入係麵裏面，食到好滿足🤩仲配有2塊叉燒，雖然薄咗少少，不過肥瘦適中🌟 Lamlam脷指數 😋😋😋😋(4/5)🥢另外仲可以追加多款小食或者配菜✨ 整體評價: 最受歡迎既特製沾麵雖然有少少咸，不過豚骨湯底加魚介製成既湯底的確好鮮甜。而期間限定既特製魚介豚骨拉麵都係必試😋😋✨ Encore指數 ⭐️⭐️⭐️⭐️⭐️(5/5)

Lunch time加$10就可以叫多個小食好抵，所以就試咗佢嘅雞皮餃子，好友驚喜，平時好少見呢款餃子，所以以為佢係餡入邊包咗雞皮，上菜嘅時候先知佢係用雞皮代替餃子皮。雞皮脆卜卜，食落唔會好油膩。對佢嘅沾麵有啲失望，因為好似除咗鹹之外就唔係好食到其他味。個面好粗，所以識落有少少似烏冬。啲肉嘅賣相都好似唔太好，有啲碎碎地。不過個份量好大，沾麵來講性價比都幾高，但係我食過佢嘅拉麵，比沾麵更加好食。

呢間店係朋友推介原本諗住呢到淨係得拉面 點知原來有沾面 不過我最尾都係揀拉面試左先今次我叫左個魚介拉面 105蚊叫佢個主要原因係咩都有有雞肉同叉燒 最重要有一隻糖心蛋呢次個叉燒都幾特別 呢個部位好似我地d 港式叉燒佢一拎埋黎我以為生食落應該係低溫慢煮出黎雞肉就一定係慢煮 仲食到唔完全熟透位我唔sure 係咪慢熟 因為食左好多間慢熟都係咁😹😹😹蛋就好完美表現 但佢隻蛋無咩蛋味 唔知關唔關個湯都幾重口味事個湯都好正常整體黎講 佢個價錢同份量我都好滿意仲要起銅鑼灣呢d 地方如果食其他 100蚊都唔知有無蛋同5舊肉btw 我見人食沾面 d 面多到有d 驚驚唔飽可以叫沾面

拉麵控🍜既目標就係想試哂全香港既拉麵店！未有時間去旅行 就唯有係香港止下癮先🥹今次就揀左哩間位於銅鑼灣內街既拉麵🍜▫️特製雞白湯拉麵 $98哩碗拉麵係期間限定黎湯底夠濃厚！每啖麵都好掛汁🤤湯底除左雞油味之外 仲會食得出有小小魚介味所以唔會好油膩！至於叉燒 都用左兩款肉 分別就係雞胸同豚肉經過低溫烹調 肉質會比較軟滑加埋雞白湯一齊食 好好味！😋▫️雞皮餃子🥟 $48不得不提 哩個餃子真係好出色👍🏻餃子皮係用雞皮做既 外脆內軟！薄薄一片既雞皮好脆口🤤包住餃子餡夠肉汁！夠香口！🔸總結．哩間拉麵店值得推介👍🏻 一定會為左個雞皮餃子再encore🤤 ．店舖比較細 所以會坐得小小迫，加上坐位比較小 所以都需要排一陣隊😗．除左銅鑼灣之外，尖沙咀同元朗都有分店 方便返港九新界既人去食😌．要留意返既係 銅鑼灣分店只收現金💰 所以要帶備足夠既金錢😂

🐔比較推薦雞白湯超超超濃雞味湯底 好似用咗10隻雞去滾出湯底咁濃不過就真係比較油膩，口感厚重🧄第二碗叫咗黑蒜湯底 都係濃味 偏咸麵較硬 食到粉粉嘅感覺叉燒味道正常 無咩豬腥味👌未試過雞皮餃子 試完覺得一般🫠雞皮剛咬入去好脆 但唔係好嚼得爛 同埋無咩味雞皮味加上入面嘅豬肉味 唔太夾🤔

從2015年一直拿米芝蓮年到2020，湯底不是味精湯來過嗰次次都將湯飲，都唔會覺得口渴第一次食沾麵第二次食拉麵，第一次有朋友介紹第時介紹朋友真係唔錯，如果你親建議可以試食下佢哋嘅沾麵，最辣都唔係好啦，跟住睇吓佢哋嘅季節餐牌

拉麵時間•豚骨拉麵🍜湯底唔太膩同油 唔會太濃味 岩哂唔鍾意太重口味既人麵質方面岩岩好 唔會過林叉燒亦唔會太肥 配埋竹筍木耳一齊享用整體都不過不失呀🫶🏻🫶🏻♥️♥️

完全覺得呢度overrated, 根本唔係咁高質，點解會係米芝蓮推介？低溫叉燒戈碗個樣係吸睛但係冇特別麵質亦都唔爽/彈口，太幼辛味拉麵個麵底仲過份😂 完全唔應該喺拉麵鋪頭出現呢種麵質睇相已經睇得出係戈啲鹼水麵嘅質地想嚇死我咩兩碗麵啲蛋又整得差😂 又係睇相已經睇得出想點😂Ramen Jo特製低溫叉燒麵 $118名古屋辛味拉麵 $90📍銅鑼灣

總分：7/10食物方面，3.5/5叫咗個期間限定（好多肉圍住個碗），同一個魚介豬骨湯。湯底方面真係普普通通，都好食。但係佢嘅叉燒係好出色真係好嫩滑。呢個真係好食。飲品佢哋有啲日本嘅汽水，其實就係普通嘅果汁汽水，冇咩特別，包裝幾靚。正常好飲，叫咗個桃味，同佢地特色日本汽水。環境方面，2/5 個場地好細，所以唔會坐得特別舒服，繁忙時間更加要同人分枱。位同位之間嘅距離都好細，所以冇乜特別舒服。同埋個場地真係好熱，條街就係熱少少姐。所以食完就好快出去。服務方面，NA嗯嗯正常好人囉，但係感受唔到有乜嘢服務😂所以唔俾分，同埋間舖好細，冇乜嘢/機會需要人幫忙。叉燒好食，有機會去啦，唔大。

今晚想食個快餐 行行下返屋企 見到有間好似幾得意嘅拉麵檔 喺銅鑼灣加路連山道 因為佢門口擺咗張今晚嘅主角相片喺度 好特別好吸引 佢就係 雞白湯拉麵期間限定特製雞白湯拉麵這個湯汁不得了 除了有卡布奇諾濃厚泡沫嘅湯之外 再加入魚介湯同特製雞油 口感好滑 好好味 再配上 煙韌彈口的拉麵真係一絕 喺碗拉麵入面仲有三塊雞胸做的叉燒 非常軟滑 多汁 可口 同埋雞味重而不膩的雞湯一齊食 真係食多幾塊都唔夠涼拌菠菜 好多木魚絲呀 菠菜一點渣也沒有 非常清甜可口 醬汁不是太濃 剛剛好雞皮餃子我最欣賞嘅小食就係呢一個 薄薄的雞皮包住餃子餡 皮脆內嫩 加上檸檬汁真係好好味這間餐廳雖然細 但係佢有七年被米芝蓮列為推介餐廳 食個快嘅晚餐 這是一個很好的選擇Tonight I just want a quick meal so on my way back home, I saw a ramen shop at Caroline Hill Road, CWB, which is very attractive. There is a very attractive photo of tonight special

一入去已經熱到癲 好似係冷氣房出街咁食物質素賣相絕對唔值近百元 同自己係屋企食出前一丁差不多 座位亦不適 走廊堆滿貨物 環境昏暗然後邊食邊滴汗 廚房熱氣+自己兜麵嘅熱氣 冷氣可能壞了 得部風扇慢慢地左右吹如果連冰水都無嘅話就簡直好似焗桑拿咁到埋單企係門口位等俾錢嗰陣門口居然有涼風猛吹入嚟一出門口先驚覺原來出面仲涼爽過店入面仲要係中秋時份 室溫同街外溫差對比已經咁大可想而知入面係熱得幾離譜回想掛滿牆的米芝蓮 究竟係點樣獲得嘅不會再有下次 即使冬天都好

以前食過幾好食，所以今日諗唔到食咩就行咗入去。入邊冇乜冷氣有啲熱，好在叫做有冰水俾你之後寫紙仔叫咗個辛味沾麵佢每隻味都有普通同埋特選，個分別就係多隻蛋，多嚿肉，同埋多幾塊紫菜不過對我嚟講如果食普通90幾蚊，連半隻蛋都冇，感覺都幾差，不過心諗算啦，個麵好食就得但係嚟到個麵底成兜水，似未fing乾就掉左落碗到再望吓個醬湯，好稀，完全唔似平時出面食開沾麵嗰種掛汁，食落同湯拉麵差唔多最後當湯拉麵咁食算數食完之後望返餐牌嘅參考圖，發現仲有一啲配料比漏咗食完今次唔會再有下次

-伏！！{銅鑼灣拉麵店🍜}又有得食拉麵😚今次去之前拎過好多年米芝連嘅拉麵店😙🤤特製沾麵🤤 ($106)麵係粗麵 麵身有硬有軟好奇怪😖有三塊豚肉味道正常啦 湯底方面似溝出黎嘅味精湯 溏心蛋過熟不過有醬油味🙂👖褲評: 4/10🤤炸雞肉🤤 ($10)有兩塊 都有肉汁嘅但炸粉就厚左啲👀👖褲評: 6.8/10有啲不解點攞到米芝連 仲要坐低嘅時候仲有上一手剩低嘅麵條碎😀性價比: 2/10服務: 7/10環境: 6/10🚩 拉麵Jo 🚩地址: 銅鑼灣加路連山道3號地舖尖沙咀柯士甸道西1號ELEMENTS圓方水區1樓1030號舖

兩年前去過，諗住返黎食返餐好，點知食物質素令我要登入黎寫個食評。首先嗰日差唔多兩點入到去，冷氣應該壞左半，有半間舖係熱辣辣既，成日大排檔咁。坐低你會感受到廚房散出黎既熱氣。諗住坐底食野環境算啦，野食好咪得囉。叫兩個限定麵黎食啦。特製魚介豚骨拉麵同特製低溫叉燒沾麵。個拉麵剩係得啲咸味，差過同你喺屋企食出前一丁，因為個味你仲有得自己控制。跟手食低溫叉燒，又係重鹽。跟手講個沾麵湯，更精彩，除左喊，竟然係酸既。極度有理由懷疑係店舖既一冷一熱，令到食材變左。冇影相，因為又熱，啲侍應又唔好招呼，想話掉去四人枱，話唔得。好，忍你。轉個頭，一個人入黎，就立即比個人坐落去。我真係眼都突。啲嘢真係好唔得，呢間舖已經變差左，想去試既歡迎，不過食物質素極度唔推介。

今日黎到銅鑼灣做野，做完野經過拉麵Jo，可能係時間較晏，唔洗排隊，就決定食個Late Lunch。揀左特製沾麵。賣相吸引，份量都算好多。一碗熱熱嘅沾湯，豚骨湯好濃郁，帶魚介香味，湯較為杰身黏口，係我喜愛嘅味道同口感。揀左要冷麵，麵底口感好煙韌，個人偏愛硬麵正好合適，麵條亦相當掛湯，整體配合得不曾。大大塊五花肉，肥瘦分別，入口都算相當腍，浸一浸湯會更加好。另外配上一隻半熟溏心蛋，蛋白有少少裂左，外型有扣分，但入口好嫩滑，亦充滿住醬油味。將紫菜浸落湯，包住拉麵一食齊。最後再加湯飲晒成碗湯，非常飽足。