198
39
6
7-min walk from Exit F1, Causeway Bay MTR Station continue reading
All Branches (2)
Telephone
28850638
Introduction
Ramen Jo is a Japanese restaurant that specializes in serving flavorful non-oily ramen. The miso used at this restaurant is imported from Japan, creating a more intense taste. Their signature ramen is their pork ramen. continue reading
Opening Hours
Today
12:00 - 14:30
18:00 - 22:00
Mon - Fri
12:00 - 14:30
18:00 - 22:00
Sat - Sun
12:00 - 22:00
Payment Method
Cash
Review (253)
Level4 2018-05-24
660 views
約了老公嚟銅鑼灣購物,由於時間尚早,所以決定先去附找個地方吃點東西,才繼續行程。老公想食拉麵,問我附近可有甚麼好選擇。記得加路連山道有間米芝蓮推介嘅拉麵店,由日本師傅來港主理,聽說人氣不俗,所以一直想搵個機會去試試,擇日不如撞日,就一於趁空檔去碰下運氣。店內裝潢屬傳統拉麵店風格,地方不大,細心一數,只有十餘個座位,不過環境算唔錯,位置清靜,門口右邊掛了一個紅色紙燈籠,甚有日本小店風味。打開餐牌,除了 5 款拉麵、4 款沾麵和 3 款期間限定的麵食外,另外仲有叉燒丼、小食和飲品等。小食有自製餃子、炒野菜、炸八爪魚球、炸雞同蔥花牛舌;而飲品除了可樂外,還有日本汽水和日本橙汁,選擇都幾豐富。先嚟一麵一飯,再邊吃邊揀。由於係首次到訪,所以麵食決定先試最 basic 嘅豚骨拉麵 ($82)  再加隻日本半熟蛋 (+$15)。拉麵預設為幼麵,客人可以揀要蔥定走蔥,而配料就有叉燒、竹筍和木耳。豚骨湯底據說花上 16 小時熬製,所以上桌後立即呷一口,比一般湯頭富膠質,帶點稠身,香滑醇厚,每一口都能嘗到豬骨的香味,但又濃而不膩。 麵條用上了直身幼麵,質感很彈牙,爽滑好吃,跟豬骨湯底很匹配。叉燒屬半肥帶瘦的豬腩肉,肉質腍滑,口感豐腴,加上挾起時面頭沾了芝麻,食落頗香口,很不錯。追加的半熟蛋,流心呈度雖然不算很高,不過蛋香味頗濃郁,配竹筍吃,令人回味。接著送上的細叉燒丼 ($40),size 雖然看似不大,但原來都幾飽肚。面頭的叉燒,分量極多,將飯面鋪得滿滿,幾乎睇唔到碗內的飯粒,單看賣相已經教人窩心。叉燒切得略有厚度,入口具醬油香,甚有口感,米飯用上日本米,吃罷滋味無窮。既然一場嚟到,無理由唔試下店裡的小食,這款係自製餃子 ($28/3個),一客三隻,餃子皮煎得幾脆口,底部呈焦色,入口又薄又香。至於入面的餡料就有肉碎、椰菜和洋蔥等,食落肉汁豐富,味道平衡。這客是炸八爪魚球 ($48),原來炸八爪魚球即係大阪章魚燒,小丸子外形非常大粒,幸好分量不多,兩個人分吃啱啱好。先挾起一粒咬下,麵糰外脆內軟,入面章魚粒多汁彈牙,配上面頭的燒汁、蛋黃醬和木魚碎,味道唔錯,不過如果餡料可以加些椰菜、甘筍、粟米粒之類,食味應該會更佳。壓尾的蔥花牛舌 ($68),非常慷慨,一碟有成十幾片,屬薄切版本,上桌時面頭鋪滿黑椒和蔥粒。挾起一片試試,質地煙韌,彈牙爽口,而且充斥著蔥花的香味,十分適合喜歡吃蔥的朋友。聽說店裡的沾麵都做得好有水準,搵日再嚟試下。 continue reading
星級推介初體驗✨ Featured Review
Level4 2018-06-22
588 views
拉麵🍜一向都是香港人常吃的食品之一💖,當然就連人妻🐷也不例外。雖然對於甚麼車胎人美食推介🏆從來也沒甚麼興趣😅,但這次就被這家連續5年獲得推介的拉麵店🍜引起了我的好奇心🤔。麵店位於加路連山道上⛰,遠遠就能看到了他們那紅色的燈籠🏮,絕不難找👍🏻。店內不算很大😳,但勝在環境整潔乾淨☺️,整家店大約能容納20人左右🤫。這晚就選了吧枱的位置,畢竟看著師傅們👨🏻‍🍳做菜也是一種樂趣😃。作為拉麵店🍜,它的餐單也算是頗多元化的🤩,除了拉麵外,也有沾麵🍜及飯🍛提供,當然也不少得小食吧🥟。每個位置都有辣芽菜🌶、酸菜及不同的醬料,對於人妻🐷,當然要來一點辣芽菜喔🤤~豚骨拉麵🍜:今晚有點餓,加一隻半熟蛋🥚和兩片肉🐽是必然吧。一開始先來喝一口湯😋,湯底清甜香濃,不愧是熬了16小時的豬骨湯👍🏻,另外鹹淡亦非常適中😄。至於麵條則用上了直身幼麵,口感彈牙爽滑🤤。配料方面包括了木耳、叉燒🐽以及竹荀🎋等等,叉燒🐽口感細嫩,木耳爽脆,竹荀🎋鮮甜。沾麵🍜:同樣是加了一隻半熟蛋🥚和兩片肉🐽的老公🍋,一嗅到了端上來的沾麵湯頭的香氣🥣,馬上整個人精神起來😂。事不宜遲,立即將麵沾上湯頭吧😋。麵條滑順彈牙,配上濃郁的湯頭😍,簡直就是絕妙的組合💘!餃子🥟:千萬不能忘記拉麵🍜的最佳拍檔餃子🥟喔!外皮煎至香脆💛,配上肉汁豐富的餡料,十級大滿足🤤!總結:豚骨湯喝至尾段是開始變得黏口😋,最後剩下了一點喝不完😅。水準不錯,值得一試👍🏻,可能真的是時候要開始相信車胎人推介吧🤔。 continue reading
(The above review is the personal opinion of an user which does not represent OpenRice's point of view.)
Level4 2018-06-13
70 views
作為一個拉麵痴,聽聞有米芝蓮推介嘅日本拉麵店,冇理由唔去試吓。嚟到銅鑼灣加路連山道嘅拉麵Jo, 推開拉門,真係舖仔細细,座位唔多,不過反而有喺日本小麵館食拉麵嘅感覺。攞起餐牌,選擇唔算多,咁樣反而好,其實專心一致做好一樣食物,好過花巧百出,冇樣做得好。要試出真味,我就揀最 basic嗰款,清清哋嘅豚骨湯麵,而同行友人就選咗期間限定嘅炙燒麵豉沾麵;另外仲叫多一個小食蔥花牛舌。湯麵、沾麵两款叫齊,睇吓係咪傳聞中咁出色。呢度叫麵有個特色,就係可以隨個人喜好追加配菜。等咗一陣,豚骨拉麵同蔥花牛舌齊齊上枱。我已經急不及待,先呷一口豚骨湯。入口清冽鮮甜,真係同其他拉麵舖嘅豚骨湯有所分別。👍呢度配豚骨湯嘅係用幼麵,麵質柔韌有彈性,看似幾片薄薄嘅叉燒,但肉味濃郁,入口鬆軟,的確係出色。😋至於小食蔥花牛舌亦毫不遜色,喺切得薄薄嘅牛舌上面澆上檸檬汁,惹味之餘,口感又清新。過多一陣,炙燒麵豉沾麵都跟住上枱。麵湯特別用石鍋盛載,以便保持温度,沾麵較為粗身,可以掛湯;再配上叉燒,流心蛋,份量不少。我哋特別揀咗冷麵嚟配熱辣辣嘅湯汁,嚐試不一樣口感。爽滑嘅沾麵,配上香濃嘅麵豉湯汁,可口味美。今餐簡簡單單叫咗三款食物,但款款出色。鐘意食拉麵嘅朋友,絕對值得一試。 continue reading
(The above review is the personal opinion of an user which does not represent OpenRice's point of view.)
天時暑熱食冷麵~ Featured Review
Level4 2018-06-12
483 views
都唔係第一次來呢間拉麵店,由於覺得幾啱口味,所以不時都想食。今晚收工決定再來,仲見到有未食過嘅新品 - 冷麵、蟹肉忌廉餅。除左幾款沾麵,仲有拉麵,口味、麵質固定。平時我就多數食豚骨,今日試下冷麵。冷麵 85:本身鐘意食冷麵,加上天氣熱,所以特別想食,通常D配料都切好絲,又方便。呢度嘅冷麵有海藻、青瓜、紫菜,另外有叉燒,好正,切成條狀,仲有半隻半熟蛋。麵質係我喜歡嘅粗身曲麵,又爽口又彈牙。再另上一碗木魚汁,冰冰涼涼,加少少芥茉,一流。有D人鐘意好係沾麵咁食,我就鐘意一砲過倒哂入去,多汁D。木魚汁少少鹹,酸酸甜甜,配麵食落又爽又舒服。叉燒亦都係凍嘅,麵亦都係煮起再過冷河,唔會腍身。份量足夠,有時天氣熱,唔想食沾麵或者拉麵,推介辣味豚骨拉麵 85 +半熟蛋一隻 15:一向都冇失手,朋友最鐘意點呢款,佢鐘意呢度嘅辣醬,麵質係幼麵,裡面有叉燒兩片、筍、木耳,佢走左蔥。湯頭夠熱,食到尾都保溫,唔會太辣,最重要係唔會食完狂口渴!叉燒係我地食咁多間當中比較出色,肥瘦雙隔,即場原舊腩肉切片,肉汁封住,又唔油膩近乎入口即溶,好少可朋友會食叉燒(我見過佢食其他拉麵走叉燒)師傅亦都揀過,唔係舊舊都保留,對肉嘅要求都高。炸蟹肉忌廉餅 55:好多時食日本野都一定會點,但又唔係好多地方有,外形都係吉列野嘅樣。裡面有蟹肉、忌廉打成醬,炸完之後好軟,好流心,好似一pat忌廉咁。又唔會油膩,亦都係即炸,非常香脆,一流。仲要凍左都仲幾酥脆原本以為係梳打水,原來係桃汁,仲有少少桃肉口感,又唔會太甜。食拉麵人均百零蚊都係基本,拉麵JO一直係我地心目中嘅三甲之選 continue reading
(The above review is the personal opinion of an user which does not represent OpenRice's point of view.)