餃掂手工餃子雲吞專門店

Open Now

Now Closed

晚市堂食終於開返，放左工簡簡單單就去左餃掂搞掂個晚餐～餐前有醃酸蘿白，開開胃🍄龍鳳松茸雙煎餃龍鳳松茸餃有松茸同松露兩種mix埋，松露味十分香濃，一咬落口充滿住松露味！鐘意松露既朋友絕對唔可以錯過～🐮壽喜燒牛肉煎餃一咬就爆晒湯汁，好juicy!牛肉餃入面仲有爽口馬蹄，口感豐富🐷元貝豬肉餃配狀元九鼎湯食左咁多煎餃，緊係要食返個湯餃，元貝湯餃清清甜甜，元貝味好鮮味，真係好好味🌶重慶鮮肉雲吞有得揀不同辣度既鮮肉雲吞，辣得過癮，皮又滑，肉彈牙兩個人食到好飽，好滿足😋😋

今日放假，難得有消費卷，緊係出去刺激下經濟，今日有明確目標，去太子買電器，話咁快買完，之後緊係要去醫肚。老婆話今日難得出街，想食得特別d，我緊係上網做下功課先，搵到間食餃子，連蔡生都有幫襯過既餃子店，叫做（餃掂）。入到去，覺得同傳統或者其他連鎖式餃子店唔同，佢個環境好企理，好乾淨。同埋好多唔同特色，我出面未見過既餃子口味 。難得黎工，緊係要試多幾款。不過未叫野食已經有驚喜，原來佢地有自家製醃蘿蔔，仲要係免費，好似去韓國咁有餐前小食，真係抵讚。原來佢地除左有醃白蘿蔔，仲有醃紅蘿蔔/紅椒/青椒，仲要好好食，食到停唔到口。食完前菜，我之前點既餃子已經到左。龍鳳松茸餃（黑白松茸）：佢地有分湯餃/煎餃，但湯餃仲會跟埋一款佢地鎮店既湯（狀元九鼎湯），佢地仲要標榜冇味精。講番d餃子，松茸係一種好香好香既菇類，佢依度仲可以一次過俾我地試到2款松茸口味，真係超正，咬落去d松茸香味由口腔直落喉嚨，好香，真係未食過咁好食既餃子。元貝豬肉餃：由於我係叫煎餃關係，外脆內軟，d元貝份量好多，而且好香，一咬落去成個口腔已經俾元貝既香氣侵佔晒。四川涼麵：佢地d涼麵軟硬度適中，再配上佢地自家製既麻辣醬，再配埋芝麻醬撈黎

近排天氣炎熱，吾想食飯，決定食餃子，去了餃掂手工餃子雲吞專門店食野。這裡有多款不同口味的餃子可以選擇，煎餃或湯餃也可以。我揀左龍鳳松茸餃，選擇左煎餃。食野前，先食這裡的醃蘿白，口感清爽又開胃。可以一次過試曬兩款口味，一共有八隻。餃子皮厚薄適中，吾會太厚身，餡料算幾多，入口有淡淡的松茸的味道。另外，煎餃相對較熱氣，點了自家製山楂雪梨水，滋潤一下喉嚨。當中有山楂片、雪梨、甘草、冰糖、麥芽，最啱食完煎餃飲，飲完喉嚨舒服。

一直都覺得呢個品牌嘅餃子唔錯分店亦都有好幾間，今日行完街就同朋友嚟咗食佢第一次去呢一間分店，都算幾大間環境同招呼都唔錯每張枱都會有齊唔同嘅調味料同餐具我同朋友要咗芝士煎餃同龍鳳灼餃，另外加咗一份四川涼皮一齊share食龍鳳灼餃會送埋湯個湯清甜冇味精，餃子大大粒～充滿肉餡之餘仲有淡淡嘅松露香芝士煎餃一定係邪惡之選～外皮脆卜卜，入面就係流心嘅半溶芝士，加埋香甜粟米真係冇得輸四川涼皮可以有不同辣度，唔辣亦得夏日炎炎食佢開胃就最正啦

這間餃子店提供多款種類的餃，包括煎餃、湯餃、灼餃，份量可以選擇中份(7隻)或是大份(10隻)。另有多款麵食及前菜小食供應。價錢稍為有點昂貴，但餃質素屬於有水準。壽喜燒牛肉餃 (煎) $58煎餃外皮煎得金黃焦香，這個味道是外面比較少食到的，比較新穎，牛肉味濃厚，咬下去會有噴汁。元貝豬肉餃跟狀元九鼎湯 $50一絲絲的乾瑤柱與豬肉很搭配，兩款材料結合食起來很鮮甜。狀元九鼎湯用了粉葛、鯽魚、鯪魚等材料煲成，入口清淡。重慶鮮肉雲吞 (小辣) $42可以選擇辣度，一共有12隻小雲吞，一口的大小，沒有蝦肉但仍然保持鮮味。蜂蜜檸檬薏米水 $20酸酸甜甜，是款美白養顏的健康飲料。

吃餃子🥟過好日子，係餃掂嘅口號，今日同朋友去到旺角嘅餃掂，同銅鑼灣店一樣，晚飯時段都好爆場，差不多全場都坐滿，呢間店比起銅鑼灣店還要大。每張枱都整齊放置調味料，有我最鍾意嘅菜脯辣醬，用黎蘸點煎餃一流😋。先黎幾個前菜，手拍青瓜、四川粉皮、麻辣皮蛋、上湯松茸時菜；平日在家好少食皮蛋，但黎到餃掂一定會食，因為每次都會食到溏心皮蛋，溏心黏黏滑滑，口感自然清香，外層又Q彈有口感，加埋麻辣汁，原全辟去皮蛋果種鹼味，非常惹味嘅餐前小食；上湯松茸時菜亦係必點，菜心保持青綠，入口青爽，最鍾意係成碟菜以松茸上湯作調味，增加鮮甜味道，而且一滴油都冇，非常健康。🥢皇牌之選，野生松茸素餃🥟，松茸係非常養生嘅菌種，營養價值非常高，而且巨有獨特嘅菇味；今次order左蒸餃，上枱熱滕滕，每隻都脹卜卜，入邊餡料全以素菜，所以口感清新爽脆，全冇油份，非常健康👍🏻。🥢煎餃 - 元貝餃、韭菜餃，大家要預左等15-20分鐘架，因為全部都係即叫即煎，由生餃煎熟，不過要等都好值得，因為真係做到皮薄餡靚，皮脆肉嫩，每隻都充滿份量，脹卜卜，底部煎至金黃脆口，入邊肉汁爆滿多汁；元貝餃🥟鮮度十足，滿滿元貝鮮味；韭菜餃🥟我實在太愛你啦，滿滿

呢度有好多唔同嘅特色餃子👍🏻🥢野生松茸素餃呢度啲餃子隻隻都脹卜卜🤗估唔到素餃都好有鮮味啲餡料食落有啲爽口，而且有淡淡嘅松茸味🥢雙拼煎餃煎餃係要等耐啲啲因為係即刻煎表面煎到金黃色就咁睇已經好吸引😍元貝豬肉餃—元貝真係一絲絲咁，而且都好多，食落都有鮮味韮菜餃—韮菜味好香好濃😳係近期食過最好食嘅韮菜餃😳🥢四川涼皮涼皮煮得岩岩好，食落好煙韌涼皮本身無乜味，係靠個汁呢度個汁整得唔錯，少少辣再配搭埋花生碎同蔥😇🥢回味手拍青瓜覺得個汁真係幾回味同惹味🤣個汁好balanced唔會好辣/好酸加埋少少蒜味真係一流而青瓜都好爽脆👍🏻🍹自家製山楂雪梨水好清甜滋潤👍🏻值得一試

呢度除左餃子好味之外，仲有D小食都係一流四川涼麵，上面係花生碎，而佢會比一兜麻醬比你撈黎食，係冷麵黎，食落好香既麻醬香味，而個口感加埋D花生碎非常之咁好味壽喜燒牛肉煎餃，每一隻都係勁RICH勁大隻既，入面既餡係超多，煎到勁香口，而且味道夠特別，至少係外面真係未食過咁樣既餃子龍鳳雙餃，有白松露同黑松露，兩隻都係唔同既香味，都係好特別的，白松露個種香味比黑松露更加的香！麻辣松花皮蛋，一客有八隻，最特別之處係蛋黃係半熟既狀態，咩都唔洗點就已經夠哂特別同美味

朋友話帶我去一間特色餃子店，雖然最近都食過餃子，但既然她話有特色，我當然唔會錯過，應該唔會咁岩又係我上星期帶朋友嗰間掛!? 點知……一見到門面的可愛logo就……原來她口中的特色餃子店就是我心目中那間，只是不同地區，哈! 今次來到旺角分店，店子比較寬敞闊落，間了兩區，均有多張二至四人枱，還有排牆的梳化座連四人枱，而正中間就有張長枱，用隔板間了多張二人枱，座位都幾多，整齊企理，環境不錯!牆身同樣有互勉和分享的字句，但這裏就有兩個主題，究竟提及什麼? 大家自己來領會一下就知道，而另一區牆身就有介紹松茸的知識。枱上的用具和醬料都很齊全， 醬料有菜脯辣椒醬、四川麻辣醬、鹽、醬油和醋，還有餐簿、筷子、牙籤和多隻醬油碟。餐簿就一模一樣，而供應的菜式都沒有不同，都是有十多種款式餃子、雲吞、雲吞/餃子麵、前菜小食、湯和飲品。咦!? 多了一樣配料喎……店員送上一小碟自家醃製的白蘿蔔。蘿蔔爽脆， 亦醃得很入味， 酸度十足，作為開餐前小吃最適合不過，馬上打開胃子迎接陸續上枱的食物。*************************朋友話一定試至尊松茸豬肉餃跟狀元九鼎湯 Dumpling with Matsu

There's Dumpling🥟 you should know😋🥢💫..有時候想吃得簡單點，就會諗起吃餃子🥟，而諗起吃餃子就會諗起餃掂🥢。分店選擇多、地區方便，今次就去左旺角分店，他家餃子餡料選擇多亦可以揀湯餃 or 煎餃，2款我都鐘意吃💕。ll $80灼餃 跟狀元九鼎湯 湯餃揀左他家鎮店極品✨松茸餃✨ 山珍之皇。有護膚 & 強身功效，食餃都可以養生🤗，餡料豐富。ll $62而香口當然唔少得煎餃：大白菜豬肉餃 & 粟米豬肉餃，平實的味道。ll $49 另外除左餃子，仲有雲吞選擇🥟，細細粒一共有12粒，配上湯麵🍜 味道簡單卻百吃不厭。另外仲點左翠綠🥬 ll $32 & ll $24 味道甜蜜🍯。加上一杯味道討好又養生 ll $15，簡單卻滿足的一頓餃子。..×××××ש太子荔枝角道1號嘉業大廈地下E號舖..

**餃掂手工餃子雲吞專門店-旺角店**呢日要陪媽媽去搞消費卷，佢好鐘意食餃子🥟，於是就黎呢度堂食，好耐無試過，平時都係買生餃返去比媽媽2點入去唔多人，媽媽話呢個黃金皮蛋好食😋的確好好味，有少少似糖心蛋，而皮蛋既部份係透明 唔知係咩黎呢😅但總言之就好食囉山楂雪梨水/蜂蜜檸檬薏米水 每杯$20 都算大杯！至尊松茸豬肉餃（踢湯）我會食之前浸一浸，松茸味好香！會想追住黎食壽喜燒牛肉煎餃 煎得好脆，而且個味都幾特別，唔會九唔搭八渦！蜜餞雞翼 甜蜜蜜

今日食既呢間係餃掂, 位於太子, 店SIZE都幾大, 而且坐得都幾舒服晚市都幾多人, 後過我地既都要等位!! 超LUCKY今日食既係必食既餃子!!莞茜豬肉餃呢個莞茜豬肉餃有唔同份量揀, 因為人多既關係, 所以揀大碗大家可以食多D莞茜味唔算重, 即使係我呢D對莞茜冇咩好感既都覺得有莞茜係度吊下味係唔錯既, 成個配答都唔錯, 幾好味龍鳳松茸雙餃有煎同灼揀, 咁我就緊係揀灼, 健康D又食到佢既鮮味, 因為好鐘意黑松露味, 所以嗌左淨黑松露, 每一粒都好香口同埋味道係特別D, 連D湯都可以飲埋, 正

餃掂近年愈開愈多分店，喺疫情底下都唔容易喇，祝餐廳如其名，愈餃愈掂！冬天愈來愈凍冰冰，飲一大碗湯，食吓餃子，暖一暖身壽喜燒牛肉煎餃 $74牛肉餃出面比較少見，感覺上牛肉有煎先好食，所以點咗煎餃，咬落去即品嚐到香濃牛味～龍鳳松茸煎雙餃 $92嘩嘩嘩！大大pat嘅松露醬包喺餃子入面，黑白松露各5隻，入口一咬，松露香氣隨之溢出，啱曬一眾松露控麻辣松花皮蛋 $25皮蛋Qq彈彈，微辣帶酸十分開胃雙拼湯餃：韭菜餃、雲耳椰菜餃 $58最出名嘅狀元九鼎湯，唔知我飲完會唔會變狀元呢其實係魚湯，味道較淡，唔知係咪用嚟襯托湯餃嘅味道呢餃子一如既往嘅大隻，多料！自家製山楂雪梨水 $20（熱）一上枱都真係幾熱㗎，都係放凍先飲～

話說屋企人勁鐘意食餃子，百食不厭系呢間餃掂手工餃子專門店。敢用「天下第一餃」做招牌，的確有返咁上下功力，用料上乘，都係我哋咁鐘意佢的原因之一。尤其呢間旺角始創中心對面，交通十分方便的旺角分店。店內環境整潔乾淨，店員態度友善。餃掂出品餃子選擇甚多，素，和風，元貝，松茸，仲有好多款開胃小食。黎呢度食飯，一定不要忘記飲湯，呢個狀元九鼎湯真材實料，系生魚萍果煲出嚟，清甜可口，超級滋潤。芫茜豬肉湯餃，系同湯一齊煮，餡料豐富，啖啖滿足，芫茜的香味好出，鐘意芫茜的人可以試吓。野生松茸素灼餃，皮薄餡豐富，餃子皮煙韌Q彈，餡料用左雲耳，香菇，松茸，健康好味，滿滿的松茸入口，十分滿足。龍鳳松茸雙灼餃，系我最鐘意的餃子之一，黑白松露香味濃厚，沾少少醋食，口感一流。川椒皮蛋，糖心皮蛋質素高，川椒少辣好惹味。

好耐冇食過餃子，要止下癮就嚟咗餃掂食，餃掂最出名嘅就緊係食餃子啦～松茸豬肉餃，$80就有8只，我叫左同灼的，豬肉餃入面有粒粒松茸， 餃子皮薄大大粒，好香既松茸味，而且佢配有兩款唔同嘅醬料，一種比較辣一種比較有鮮味！配埋食更能突出餃子既鮮味！狀元九鼎湯，$80包埋的，標榜冇味精，飲落好清甜同滋潤，有老火湯嘅火候，而且唔會好油，岩哂女士飲完完全唔會口乾就知係無味精！麻辣松花皮蛋$25，麻辣味啱啱好，皮蛋口感軟彈！