餃掂手工餃子雲吞專門店

Open Now

Now Closed

3個人叫左5樣野食Total食左200蚊多少少好似食餃子放題咁仲可以試到唔同既味真係飽到上心口！重慶鮮肉雲吞 $42佢既重慶雲吞係有得揀大中小辣因為唔太食得辣但又好想試所以唯有食個小辣就算雲吞大大粒加埋個辣辣既湯好似紅油抄手咁 不過下次可以再挑戰中辣而雲吞就大大粒好豐滿而且粒粒都好多肉大小岩岩好竹昇米線 $25個米線係同平時既唔一樣但我真係唔識點形容25蚊超大碗 應該同某大米線店差唔多不過呢到既米線會彈牙啲有口感啲*叫野食既時候個staff知我地叫重慶鮮肉雲吞都問我地會唔會直接叫個湯雲吞 好細心龍鳳松茸雙餃(跟湯) $92呢個名好浮誇既龍鳳松茸一睇名就知係猛料姐係黑松茸+白松茸 所以係2溝一咬落去啲味爆哂出黎松茸味加鮮肉味係夾既！係高貴既味道！！軟心芝士餃(煎) $57一咬落去就有舊芝士痴住啲牙！係真材實料既！再加上係煎餃 外脆內軟而本身個餃係粟米鮮肉餃。所以叫左呢個軟心芝士餃可以唔洗叫粟米鮮肉餃！蜜餞雞翼 $32通常係外面食都係鹵水雞翼/蜜糖雞翼好少有呢款蜜餞雞翼！咬落去先甜後咸，隻隻都大大隻。佢既好味程度不亞於餃子！

今晚同朋友去食美味餃子！選了太子始創對面的太子餃掂分店。這分店枱上沒酸蘿蔔，有點失望。點了3款餃、2碟小食、菜及湯。《黃金原味皮蛋 $32》入口彈牙，散發淡香；黃金皮蛋由雞蛋沿用四川醃法而成，製作過程不簡單，坊間少見，見到就必食。《龍鳳松茸雙煎餃 $92/8隻 》黑松露白松露餃子每一隻也有一匙羹的松露醬配上松茸餡底製造而成！白松露淡淡的忌廉蘑菇味，而黑松露有着濃郁色香味。《狀元九鼎湯 $20/碗） 跟狀元九鼎湯，此湯有補氣健脾、生津抗燥的功效，材料有美國蛇果、生魚、無花果、淮山和豬尾骨，味道清香有益。《韭菜豬肉湯餃 ，大碗$56/10隻》肉餡多汁韭菜又多，咬開鮮甜，韭菜又更香口。《 蜜棧雞翼$32/5隻 》香甜可口，雞翼入味肉厚，好味。《上湯松茸時菜 $32 》菜新鮮嫩腍，清甜沒渣。

我從小就很喜歡食餃子，今天就同老公試了這間特色餃子店，一入內我地即刻點了幾款店內高人氣嘅餃子試一試壽喜燒牛肉煎餃 👍🏻👍🏻👍🏻👍🏻👍🏻這個真的是10分推薦， 牛肉鮮嫩多汁，配上壽喜燒十分惹味，加上餃子煎到剛剛好，非常脆口，真係令人一試難忘，好好食❤️如喜歡食辣，加上少少辣油口感就更加豐富！不過，好食嘅食物係需要等待的，要有心理準備煎餃要等長少少嘅時間先有得食。龍鳳松茸湯餃👍🏻👍🏻👍🏻👍🏻本身叫這款餃子，只是健康之選，因為松茸營養豐富，對身體有益，所以就打算試一試。想不到居然有驚喜，一咬就食到濃濃的松茸香味，一食就知真材實料，正！ 另外，佢獨家的狀元九鼎湯，就有濃郁的粉葛味，飲上去清甜而不油膩。元貝餃子麵👍🏻👍🏻👍🏻👍🏻這款餃子雖然比起上兩款嘅，就沒有太大驚喜嘅感覺，但我覺得都十分清甜好食，如果想食得清啲，這個都是一個好嘅選擇！最後臨走前，見到店主的小分享，覺得好有深度😊👍🏻

最近餐餐都食快餐，又肥又唔健康，今日收工去食好足料既芫茜豬肉湯餃(ʃƪ＾3＾）正常女仔份量7隻啱啱好，我不嬲係無湯不歡既湯控，佢既九鼎湯飲落清甜又足料，芫茜餃超級足料，最緊要最緊要係要問佢拎免費既醃酸蘿蔔，酸爽好食！

天氣熱冇咩胃口，就好自然想食Ｄ香口野果然就要黎呢間我首選既餃子店啦龍鳳松茸雙煎餃就先就當然係我大推既龍鳳餃啦黎呢到真係必點，而且一定要叫煎餃因為呢到既煎餃真係我食過咁多餃子店入面最高汁既，真係高質得黎入面又多汁佢做到外皮香脆既同時入面亦保持到ＪＵＩＣＹ最正係佢既黑白松茸既香味，令佢既豬肉餡料味道再提升唔止一個層次香煎軟心芝士煎餃呢個幾有驚喜估唔到芝士粟米同餃子可以咁夾芝士香得黎唔會太濃味而膩，加上好聰明地有少少粟米提供甜味同爽度令成個口感同味道都好平衡竹昇米線呢到既米線亦都唔錯，爽口又彈牙又抵食韭菜豬肉湯餃（狀元九鼎湯）我係見佢呢個湯寫到咁好特登叫個湯餃既果然真係唔錯喎本身個人都虛虛地，飲完真係有返Ｄ精神韭菜豬肉餃既韭菜勁足，食落好香口熱豆漿、自家制山渣雪梨水都幾足料，而且唔會太甜

一直都係呢間餃子店常客，因為佢既湯餃同煎餃都十分有水準裝修乾淨企理有前菜，酸酸地幾開胃至尊松茸豬肉湯餃（跟狀元八寶湯）呢個狀元八寶湯可以話係呢到既招牌雖然佢用左好多唔同材料，有部分係中藥/藥膳常用既但係完全唔會有果種好難聞既藥材味而且飲得出冇加味精，唔錯佢個豬肉水餃亦都好有水準，啖啖肉，仲有陣陣松茸香龍鳳松茸雙煎餃每次必點之選一來佢煎得真係勁香又唔會油膩二來煎一煎令佢既松茸味勁出加上黑香松茸都十分足料必食之選竹昇米線除左餃子，呢到既竹昇米線都唔錯食落好滑好順喉份量亦好多，淨係食左呢碗已經六七分飽，抵食！

存留至今傳統味道夠創新融入千變多味經濟得來又處理方便飽肚為重要食品，尤其系每種餃子用料足餡料皮薄份量大粒糅合「餃配湯、煎餃、外賣生餃子等」豐富美食口感難怪大人小孩也甘愛吃！「龍鳳松茸-煎餃」那份雙拼顏色外觀惹味香脆，口味分別加入咗黑松露及白松露，而且可口既背後愛重口味的朋友添埋醬汁亦是不容錯過「至尊松茸豬肉餃-狀元湯」皆因餡料簡單以豬肉同松茸入口且不膩啱啱好，連接數隻配備埋湯飲很濕潤「重慶鮮肉雲吞-中辣」一啖一小口嗜辣者有四款辣度，頗重香料調配開胃，皮嫩滑溜味道微酸太滋味了

今日森仔去到旺角行街shopping，買完野見累，就搵左間食過都ok好味嘅連鎖餃子店:餃掂！餐廳🍴一如其名，真係掂😏當日，我同朋友叫左好多食物:龍鳳松露雙湯餃，韭菜豬肉餃子麵，元貝豬肉煎餃子和蜜餞雞翼😍😌1. 龍鳳松露雙湯餃佢個龍鳳松露餃子🥟係用黑松露和白松露兩種珍貴食材配搭豬肉而成😊兩種松露味道有分別，黑松露更香，白松露較純淡。食起來有兩種感覺和味道👍🏻👍🏻佢個皮也較薄，皮薄餡多😍最重要‼️係個狀元九鼎湯。佢用左粉葛、扁豆、赤小豆🫘，鮮美的活鯪魚、鰂魚、排骨等用料豐富，美味非常，絕無味精👍🏻👍🏻😊2. 韭菜豬肉餃子麵韭菜豬肉餃，餡料充足。而韭菜味道非常突出，菜味特濃，和豬肉配搭非常之好！而麵質也不錯，有咬口。唯其湯底不是九鼎狀元湯，大打折扣。如果係九鼎狀元湯就100分😍😍3. 元貝豬肉煎餃子🥟此個元貝豬肉餃，味道不錯，亦有元貝嘅味道和口感😊幾特別！而此個煎餃食落較脆口，配上黑醋，更加惹味開胃😍😍4. 蜜餞雞翼😍😌這個雞翼極有良心，姐姐說雞翼不夠大隻。原本只有三隻，而總共給了四隻😍最重要‼️個蜜餞味道，甜甜的，再加上香煎外皮，脆口香甜，超級好食呀！品嚐過後最好食嘅係招牌菜龍鳳松露雙湯餃和意

♡‎ ♡‎‎ ♡‎ ♡ 太子 - 餃掂‎ ♡‎ ♡‎‎ ♡‎ ♡‎ 二訪餃掂 係因為記得佢嘅松茸餃 同埋狀元湯松茸餃🔹龍鳳松茸雙煎餃 $98既然上次覺得個松茸餃咁好食 所以今次都有照嗌仍然都係肉汁豐富 而且黑白松露嘅味道都好夾 好香松茸味夠濃🔹元貝豬肉餃 配湯 $50食到好多元貝粒粒 配埋冇味精清甜湯好正啊🔹牛肉餃子麵 $63牛肉味香濃 而且湯底都有淡淡嘅牛味麵條係幼麵 尚算彈牙🔹麻辣松花皮蛋 $25皮蛋有啲溏心 配埋醋同辣汁正啊 係涼拌開胃小食🔹自家制山楂雪梨水 🍐 $20

有返晚市堂食，又出開旺角，當然同老公食埋晚餐先叫2個前菜小食：雲耳+拍青瓜雲耳少酸，拍青瓜個汁好香，唔太辣好開胃再叫咗1煎1湯手工餃煎元貝餃，煎到脆卜卜，食到元貝嘅香味（老公鍾意食香口嘢話煎餃好味d)，我就鍾意韮菜湯餃，湯底好甜，冇味精味，成碗比我飲哂（可惜食哂先醒起冇影相）

今日同朋友去咗食餃子，我哋揀咗兩款餃子芫荽豬肉餃子同香煎軟心芝士餃子，先試軟心芝士餃子一啖咬落去好濃芝士味一試難忘，而芫荽豬肉餃係我至愛，肉汁鮮味加上芫荽香味超夾好味😋不得不提菜脯辣椒醬同四川麻辣醬好野味夠辣（讚呀

呢間餃子已經食過好多次，真係香港來講自己最鍾意幫襯嘅一間，每一次嚟食都係咁好食。我鍾意嚟呢度嘅原因係有兩款好好食嘅調味料，分別係菜莆辣椒醬同埋四川麻辣醬，兩款都好辣，點餃子食真係一流 。記得好耐之前仲會有酸蘿蔔但應該係因為疫情原因所以要主動問店員先會提供。《龍鳳松茸雙餃》$92除咗餃子之外仲會跟埋佢哋嘅狀元湯，餃子10分足料，松露味好香！啲豬肉都好有口感，個人比較鍾意呢一款餃子用湯唔係煎，個味道會香啲。《香煎軟心芝士餃》$68芝士餃係我最愛，鍾意芝士嘅一定唔可以錯過，因為佢裏面都算多芝士，明顯可以食到溶咗嘅感覺，再加埋粟米真係好香，個餃子皮又煎得香脆！《元貝豬肉餃》$78呢個同樣都係我好鐘意，元貝都多，而且味道好出，好味！

收工同事話要同我食個飯傾下計，唔知點解突然好想食餃子，結果就黎左餃掂搞掂呢餐XD 壽喜燒牛肉餃（湯$54七隻）同元貝豬肉餃（湯$50七隻）跟嘅湯都係狀元九鼎湯，個湯係由美國蛇果（蘋果）、生魚、無花果、淮山同豬尾骨熬成，冇落味精個味好清甜，直接就咁飲都ok！湯餃可以揀分湯上/連湯上～壽喜燒牛肉好嫩滑，而元貝豬肉餃一咬落去，就食到好多元貝粒，鮮味十足！野生松茸素餃（煎$58七隻）松茸味道濃郁，就算唔係素食者都會覺得好味！而香煎軟心芝士餃（煎$57七隻）芝士香濃仲有好多粟米。飲品方面同事飲可樂（$10），而我就飲呢到嘅自家製山渣雪梨水（$28支），佢係由山渣片、雪梨、甘草、冰糖同麥芽等材料煲煮而成，飲落酸酸甜甜好解渴！呢到嘅餃子除左堂食，仲可以買生餃返屋企平時淥麵或者打邊爐，下次經過開都買返屋企先～

成日經過這間餃子店還以為甚麼傳統老店，一查先知原來老闆係後生女，近年先接手父母生意，仲一連開左七間分店，個官網都做得好文青好骨子架。餃掂在太子就有兩間分店，分別在荔枝角道和界限街，這天我行去荔枝角道分店。堂食座位都乾淨企理。素食餃子有兩款，湯餃都不含湯只有餃子(因為店內用的湯是肉湯)，另外可以叫煎餃，或者買生餃自己返屋企煮。野生松茸素餃 HK$58(7隻煎餃)餃子可以揀7隻或10隻，煎到金黃色好靚喎，咬落去油味都幾重。餡料飽滿，菜香十足，中間也咬到有野生松茸。吃餃子配店家自製的菜脯豆豉辣醬，味道都幾勁架，但夠晒惹味。如果喜歡吃餃子的素友，旺角太子一帶原來都幾多選擇架。

次次一諗唔到食咩好就會揀食餃子，呢間有好多分店幾乎全部都去過曬，因為真係食極都唔會厭。今次叫左一份龍鳳松茸餃子8隻（跟狀元九鼎湯)，勁香濃嘅黑白松露味，好足料，加埋個湯好鮮甜，同個餃子好夾。好欣賞呢間做餃子嘅皮唔會太厚食到成口粉，又唔會薄到流晒啲餡出嚟，比例啱啱好。另外叫咗一份煎餃子，元貝豬肉餃子7隻。餃子兩邊都煎到金黃色，好香脆，上枱熱辣辣好吸引。唔知係咪元貝煎香左特別鮮味，下次都會再encore呢個。另外仲嗌左兩款小食，惹味酸辣雲耳同四川涼皮。我覺得雲耳嘅份量比我想像中多，酸辣味超級開胃。涼皮唔會太淋，撈埋啲汁同花生食好惹味。我同朋友都叫咗兩樽自家製野飲，$28/樽好大枝，有自家制山楂雪梨同蜂蜜檸檬薏米水。我飲山楂雪梨，好清潤，甜度啱啱好，朋友飲檸檬薏米都覺得好清新又消濟，唔會一味得個甜字，值得一讚。其實原本仲想食多一款餃子，但係成餐份量真係超多，真係啱啱好食得晒，性價比好高。