餃掂手工餃子雲吞專門店

Open Now

Now Closed

今日想食餃子 所以就去咗呢間試一試醃蘿蔔四川涼皮呢份四川涼皮好大份 大到好似食咗一碗麵咁多咁呀😎😎 佢嘅辣味適中 係好惹味嘅辣🤩🤩湯元貝豬肉餃10隻佢哋嘅湯係狀元九鼎老火湯底 標榜咗無落鹽無落味精 飲落粉葛味都幾濃郁👍🏻👍🏻 咬開隻餃子會見到一絲絲嘅元貝包住咗喺豬肉入邊 真材實料👏🏻👏🏻湯韭菜豬肉餃10隻煎野生松茸素餃依個松茸素餃食落有好濃香嘅松露味 因為係煎餃再加上冇用豬肉 所以松茸嘅味道真係好出 素餃食落用好滋味 😻😻😻加兩滴辣椒油perfect池🥳🥳 10分推薦自家製山楂雪梨水+蜂蜜檸檬薏米水山楂同雪梨兩者之間拎咗個平衡 雪梨嘅甜味再加山楂嘅酸味 好清新而唔會甜到漏👍🏻👍🏻

想食餃子既情況下諗起附近有呢間舖, 款式又多入左去試下.醋是必備的, 另外我加埋菜莆辣椒醬, 一少羹已經夠香夠辣.蜂蜜檸檬薏米水, 蜂蜜多既關係所以杯野比較甜, 薏米有少少咬口.山楂雪梨水, 無想像中咁酸, 易入口好舒服.龍鳳蛋, 黑白松露醬只需一少點已然非常香既露醬味, 而且個溏心蛋仲要甜甜地.芫荽豬肉水餃, 起碼半隻都有芫荽, 所以有好濃既芫荽香味, 芫荽控必吃.韮菜豬肉餃, 一咬就好香韮菜味, 但感覺上煎會仲好味.另外佢個九鼎湯底都唔錯, 最後飲哂.壽喜燒牛肉煎餃, 皮煎到金黃色, 咬落香脆, 牛肉味香濃, 仲有汁流出黎.軟心芝士煎餃, 芝士有少少甜, 令到煎餃咸咸地甜甜地好好特別, 意想不到好食.

彌敦道太子始創對面既”餃掂”我黎喇!! 舖面望落乾淨企理, 座位闊落, 2個人有4人枱座 唔洗同人搭枱。佢牆身有好多至理名言,一路食一路望~ 教我地做人道理! 幾正..話明叫”餃掂”就係主打食北方野, 我地叫左佢地招牌菜: 至尊松茸豬肉餃, 灼餃子 跟一碗狀元九鼎湯。上菜速度: 都好快, 碗湯黎到係超熱, 要吹凍先飲到~ 係一碗無味精既養生靚湯, 睇佢餐牌既簡單介紹, 有好多補品, 好滋潤, 飲完FEEL到喉嚨好舒服, 係無口乾既感覺, D色都唔假, 係真材實料。至尊松茸豬肉餃係白灼, 冇味精水, 餃子皮光滑唔算厚身, 食到粒粒松茸, 再點埋佢既辣椒油真係會食唔停, 不過近排加左價, 8隻加一碗湯黎講$80, 一分一分貨啦, 而呢款餃子煎餃就無跟湯。總結呢間”餃掂”係健康, 養生之選!

今日同同事放工之後好肚餓 咁岩行過見到有餃子店 餃掂 就決定入去試下身為煎餃fans 當然只會叫煎餃 我叫左佢地既特色 松茸雙拼煎餃， 分別有黑松露同白松露在餃子🥟裏面，咬落去超香超濃，好好食！ 下次會想試埋湯餃 哈哈之後再叫左一份壽喜燒牛肉煎餃同芝士煎餃 壽喜燒牛肉餃超足料，咬落去真係啖啖肉好好食。 而芝士煎餃就滿足哂我兩個願望，有得食煎餃又有得食芝士 哈哈真係好正💗 我地最後叫左一個冷麵中辣，中辣係我仲接受到既辣 佢個冷麵好有勁度 好好食！😆👍人均消費$130 我覺得真係好抵 哈哈😄✌🏻

天氣變得乾燥， 想食一點帶水份的東西， 灼湯餃都係一個不錯選擇😁（5⭐️最高）上次試過西環壽喜燒牛肉餃。（5⭐️)一碟7件既牛肉煎餃真係好多汁， 汁多到成隻碗都係肉質鮮又唔會好硬同實。 推介- 芝士粟米煎餃（5⭐️)一碟有7件， 粟米餃好多粟米，皮薄肉多， 加埋熔熔地既芝士， 配上少少肉汁， 超好食， 我建議食煎餃。 推介- 龍鳳松茸灼湯餃（5⭐️）1. 本身湯底有蘋果， 生魚， 無花果， 豬尾骨做， 無味精， 已經好好飲， 仲要大大碗🥰。 可以抗乾燥。 黑白松露各半🥳， 白松露相對比較清新， 帶有少少蒜香，蕈菇味😍。 黑松露比較濃郁， 只要少量就能飄香， 氣味似酵母與肉桂及蜂蜜的結合。 🎊元貝豬肉餃(4⭐️)元貝有滋陰補腎， 健脾胃的作用， 配合上湯，一流。 每隻餃子份量好大， 似湯匙作比對。 份量足料。 抵食

夜晚約咗朋友食飯，因為約之前食咗啲嘢所以晚餐想揀一間輕食少少唔會太飽嘅餐廳，一諗就諗到餃子！見到呢間棋你乾淨就試吓。首先環境真係唔錯，舒服新淨，枱上面仲有菜脯，辣椒油，都係食餃子必備！《蜜盞雞翼》$32有五隻，同滷水雞翼有啲相似，但呢個甜味更加重，但勝在好大隻，都幾抵食。《龍鳳松茸雙灼餃》$92有白松露豬肉同埋黑松露豬肉，各款10隻，我哋揀咗灼，因為覺得食起嚟松露嘅味道應該會更加香同突失，真係超香濃同埋好足料，啲豬肉好爽，好好味！《元貝豬肉餃》$66呢款我哋就揀咗煎餃，因為瑤柱如果煎嘅話應該香啲，餃子煎得外皮夠脆，食落去有肉汁，同埋瑤柱嘅份量都多，好好食！《香煎軟心芝士餃》$62個人最鍾意呢個，因為本身好鍾意芝士，而呢個餃入面除咗芝士好多之外，仲有粟米，都係我好鍾意食，芝士仲要半融添，好正！

今次去到太子依家分店食 地理位置超級方便 喺正M記樓下 裝修以木做配搭 有種日本鄉村風味 位置都幾寬躺 坐得舒服 同埋開放式天花板 幾有空間感！叫咗兩種餃子 都係手工制 最鍾意元貝豬肉餃($49) 配咗碗狀元九鼎湯底 係蘋果生魚豬骨湯！勁鮮甜 夠味但唔會喧嘩奪主 就咁分開叫都得~個元貝豬肉餃 皮唔會太腍 就算坐到最後都仲係好似啱啱上咁 入面好多料 每一啖都有瑤柱 大隻到好似隻碗仔咁大 原來佢地會先炒香瑤柱 入面唐芹爽脆口 食落又唔同口感 好似仲有金菇添 好驚喜 之後就試咗至尊松茸豬肉餃($86) 叫左煎餃 一嚟到已經俾佢香味吸引 豬肉嫩滑 皮薄煙韌 但略多油 兩邊都金黃色 好香口 如果鍾意食香口野嘅應該會好鍾意~四川涼皮($32) 食耐咗會覺得有啲辣 青瓜絲係底 上面放咗勁多花生碎 炒得好香 青瓜絲涼皮花生水呢個組合冇得輸 但係最好一上碟就撈勻佢如果唔係放內左會黐埋麻辣松花皮蛋($25) 係流心皮蛋^^ 重醋味 略欠麻辣 對比起涼皮略欠滋味 質感來講 爽滑彈牙 晶瑩剔透 隔離都有醬汁可以再加辣 除咗嘢食之外每一枱都有有兩款秘製辣椒醬 四川辣椒醬&菜莆辣椒醬 極力推薦試吓菜譜辣椒醬 香濃

天氣乾乾地，諗住去食啲濕濕地嘅嘢，飲碗湯，所以就去咗「餃掂」，諗住食佢嘅餃子同飲碗靚湯。一如以往，坐低就叫咗啲醃籮蔔嚟開下胃，然後就叫咗十隻煎芝士餃同十隻芫茜湯餃。啲餃子好快就嚟到，啲芝士餃係幾好食嘅。但係湯餃碗湯好似清湯一樣，完全冇鮮味，只有少少甜味。所以我就問個侍應：「啲湯好似淡咗啲喎，同平時唔同。」點知佢答我：「係咁㗎，我哋啲湯不嬲都係咁，啲料啲份量係一樣㗎。」大佬，而家你啲湯淡嚟咗，比之前唔同，一定有啲原因㗎，一係就溝淡咗，一係就未煲夠，所以先會淡味嘅啫。仲要我哋之前嚟食過，啲湯嘅味道同之前完全唔同，所以呢個咩九鼎湯，真係失色！

經過旺角來試試這間健康美味的餃子專門店，這裡有小食和靚湯外，最特別是以松茸和元貝做餡料的餃子。至尊松茸豬肉灼餃 松茸營養價值高, 有獨特的濃郁香味，質地細密，和肉餡一起入口，每隻都肥嘟嘟份量足。元貝豬肉湯餃元貝有海洋鮮味，聽說常吃能緩解高血壓、糖尿等病症。元貝餃以十兩豬肉配搭五兩元貝的比例製成，皮薄餡多，非常鮮美。狀元九鼎湯用美國蛇果(蘋果)、生魚、無花果、准山、豬尾骨等材料熬製，味道鮮甜，食得出無味精，具有補氣健脾、生津抗燥之效。黃金原味皮蛋金黃色的蛋白有彈性，呈半透明的膠果狀，蛋黃則呈膏狀，爆醬溏心入口非常嫩滑。回味手拍青瓜 青瓜清甜爽脆，是一道非常受歡迎的涼拌開胃菜，枱面備有香醋和辣椒紅油，可以根據喜好自行調節酸辣度，相當醒胃。蜜餞雞翼外層有甜甜的蜜餞味, 內裡肉質嫩滑，甜蜜蜜的味道很值得回味。惹味唐芹拌豆筋豆筋營養豐富，具有濃郁的豆香味，富有彈性的獨特口感，伴上微辣醬汁和鮮唐芹，簡單爽口。自家製山楂雪梨水雪梨清熱潤肺，山楂開胃消食，是一款非常適合秋天的飲料。-環境

星期五晚下班想來個簡餐，餃子是其一comfort food。路過太子見此店高朋滿座，試下啦。這裏提供少有的醃蘿蔔，爽脆酸甜，開胃之選。Happy Friday多點些小食，唐芹伴豆筋香辣惹味，豆筋香氣十足。溏心蛋加上黑白松露醬添味，蛋液香濃。主角餃子登場，元貝豬肉餃充料，吃下一絲絲瑤柱，伴上真材實料蘋果豬骨湯，香甜味佳。素菜松茸餃飽滿結實，吃下有獨特類似木香，伴上不同素饀料，十分清新。壽喜燒牛肉餃煎得香脆，入口爆汁，牛肉味濃香嫩，加上辣醬十分惹味，大推。餐後再來杯山渣雪梨水潤一潤，完美作結。

太子一向都多餐廳選擇, 但我同朋友都好鍾意食餃子 ，所以成日約埋一齊去食， 今次去了餃掂。我哋食咗至尊松茸豬肉煎餃，龍鳳松茸雙煎餃， 黃金原味皮蛋， 四川涼皮， 自家製山楂雪梨水。至尊松茸豬肉煎餃套餐送狀元九鼎湯，個湯沒味精，非常鮮甜。至尊松茸豬肉煎餃附送一個松茸醬料，一邊辣，一邊是原味，豬肉配上松茸醬估唔到有意想不到的好食！餃子粒粒都好大， 皮薄餡多， 裏面嘅松茸同埋豬肉都好新鮮 ，隻隻都煎得好香口。 我哋食咗黃金原味皮蛋，比普通嘅皮蛋更加爽口，惹味富有層次感。 四川涼皮上邊鋪咗一層花生碎， 配上紅色嘅辣椒和醬汁， 又爽又涼又好味。 最後飲咗佢哋自家製嘅山楂雪梨水，雪梨水裡面有山楂片，雪梨，甘草，冰糖，麥芽，即消滯 又滋潤。店家好窩心，送咗酸蘿蔔做配菜。 食完覺得好滿足。

今晚放工自己一個去食晚餐，決賽旺角太子逛逛街再去「餃掂」獨食。可能是星期五的關係，人洗比平時少，正好讓我慢慢爽。點了一碗《雲耳椰菜豬肉餃 （中碗七隻）湯餃子 $43》跟狀元九鼎湯，此湯有補氣健脾、生津抗燥的功效，材料有美國蛇果、生魚、無花果、淮山和豬尾骨，味道清淡有益。《黃金原味皮蛋 $32》黃金皮蛋由雞蛋沿用四川醃法而成，要把皮蛋醃得金黃通透是非常困難！黃金皮蛋味道較為清淡但散發淡香，口感彈牙！《麥棧雞翼 $32/5隻》香甜入味，雞翼肉厚，每次必點。吃到中途有朋友加入，他簡單點了碗《餃子麵 $53/6只 自選配 粟米豬肉餃 》粟米豬肉餃肉餡有肉汁，粟米多清甜之餘有口感這裡的自家很醬油都一定要試試。想吃煎餃，終於有人和我share ，即點了一碟《壽喜燒牛肉 （煎餃 7只/$56）》餃子咬開有鮮甜的牛肉味，感覺比其他香濃，再蘸少許喼汁就更好味，必試！《蜂蜜檸檬薏米水（凍）$28/支》 蜂蜜滋補，薏米可消水腫，檸檬可消滯及美白。

壽喜燒牛肉煎餃甫放上枱面就已經感覺到熱辣辣,香脆味撲鼻。小心咬,因為肉汁會標出嚟。很濃郁的。點一少匙羹菜脯辣椒醬很是夾的,好好味。值得一試。雲耳椰菜豬肉湯餃平平無奇的外表咬落去餡肉豐富、彈口。一啖餃,一啖湯,不經不覺食曬十隻。我覺得湯好味過餃子,推介要飲曬碗湯。惹味唐芹伴豆荀是一碟涼拌小食,中上度辣味。豆荀很是煙韌,作為辣味小食不過不失。可向店員攞一碟酸蘿蔔作為開胃小點。我每次都會食一小碟的。(只限堂食)加多一杯熱豆漿,兩個人食,七十幾蚊一個人算合理。

白菜餃正常，鮮甜，唔洗好大隻，豬肉整到剛好，唔係好老韭菜餃韭菜同豬肉比例一半一半，都幾多汁湯好甜，無咩味精栗米豬肉煎餃外皮好脆，有汁，唔係好油整體幾好味，下次可以試下其他

一向愛食餃子既我，今日專程去左太子餃掂食佢地新推出既麻辣豬肉餃～除左呢個餃，我同朋友仲叫左灼餃煎餃同小食～🌶麻辣豬肉餃新推出既麻辣餃有得揀湯/煎～我地揀左湯～麻辣湯底辣得過癮，隻餃子更有驚喜：饀料用左麻辣醬撈豬肉，加入爽脆菜脯粒，十分有驚喜！🥟 野生松茸灼餃素餃突顯松茸香味～清清地滲出淡淡松茸香～🐷 煎元貝豬肉餃好香口既煎餃，外脆內軟，一咬有好香元貝味同爆汁，正😄惹味唐芹伴豆筋好惹味既小食，麻麻辣辣～蜜餞雞翼雞翼被重重蜜糖覆蓋🍯 甜甜的~三種煮法既餃我地都試晒~各有特色！好滿足啊！