餃掂手工餃子雲吞專門店

Open Now

Now Closed

周末到中環吃餃子，下午茶時段，其實是遲吃的午餐。喜歡餃掂的煎餃香口但不油膩，灼餃子的老火湯底夠鮮甜。灼餃子配狀元九鼎湯是招牌菜，必點。招牌老火湯很夠火候十足，又沒有味精。湯料有粉葛、 香山活鰂魚、順德鯪魚球、紅蘿蔔、扁豆、赤小豆、新會陳皮、蜜棗、鮮排骨等。湯頭甘甜，滋陰生津，增進食慾。龍鳳松茸雙灼餃，配狀元九鼎湯$86~咬開流出熱烘烘的肉汁，渗出松露香，十分美味韭菜豬肉餃 中碗(湯另上) $43~薄皮下看到青青綠綠，韮菜很香。芫茜豬肉餃(中碗) 煎餃 $50~外皮香脆，煎得乾身不油膩，豬肉腍滑多汁，豬肉配芫茜，齒頰留香。回味手拍青瓜＄25~酸酸辣辣很醒胃。惹味唐伴豆筋 $32 ~唐香味很濃郁，伴餃子吃，清新解膩。龍鳳蛋 $18/只~溏心蛋切開蘸了黑白松露醬，很美味。醬汁有醬油和陳醋外，我喜歡原汁原味，輕點些陳醋已很美味，嗜辣的可加四川辣椒醬、菜脯辣椒醬。

唔知大家身邊有冇一位餃子控，而我就係一位餃子控😂可以食成十幾隻都唔夠，所以出街我好少食餃子架，不過有時唔太餓，食下餃子都OK😆餐廳有煎餃同湯餃子，個人覺得兩者食法唔同，都值得一試 🔔餐廳標榜餃子不含味精 雲耳椰菜豬肉湯餃子10隻 ($54)💕湯餃子大大隻，好足料，真係冇味精，有配料嘅鮮味👍如果想濃味啲可以醮下調味 至尊松茸豬肉煎餃8隻跟狀元九鼎湯 ($79)💕煎餃多一份香脆味，配上自家製松茸醬，令味道提升😍狀元九鼎湯濃郁沒有味精，食煎餃再飲湯係一個好好嘅組合😋 上海淨麵 ($20)價錢合理，味道正常，沒有大驚喜 好味指數 🌕🌕🌕🌕🌑抵食指數 🌕🌕🌕🌑🌑打卡指數 🌕🌕🌗🌑🌑推介指數 🌕🌕🌕🌕🌑推介菜式會以💕表示

Honestly, the seasonal menu dumplings are really really yummy. Today we have Sichuan pork dumplings. it has traditional Sichuan style (peppercorn). And its such a bargain as well. $63 for 10 dumplings! Highly recommended to those who like the favor of peppercorn. Sukiyaki Beef is basically beef dumpling. Since the main ingredient is great beef. The aroma of beef linger around the corner of mouth. The dumpling stuffing itself is very soft and runny as well. yummy.Black & White Truffle with pork d

本身男朋友都鍾意食中式野，收工去中環接開男朋友收工，佢就提議不如食餃子，然後就帶左我黎食餃掂（個鋪名真係好好笑）。依間鋪主打就係食餃子，另外有部份小食，例如雞翼、皮蛋等等。而環境方面同一般餐廳差唔多，不過不失。本身睇餐牌以為大熱天時男朋友帶行上斜坡我食間普普通通既餐廳仔，點知叫完餃子原來有驚喜。除左一般豬肉餃，粟米餃仲有Ｄ特色餃子，連素餃都有而且特別平。但我地呢兩個肉食獸就叫左煎芝士餃同煎壽喜燒牛肉餃。食落芝子香味濃郁，牛肉芬香撲鼻，同之前去東京食過某知名小食店有幾分相似。另外仲試左辣水餃１２隻，但原來每粒都唔算好大粒，好後悔冇叫到１８隻，都係差１０蚊，食落真係好正，但１２粒真係唔夠喉。野飲都唔算貴，叫左兩杯豆漿大大杯，天時暑熱真係一流呀。如果有朋友仔黎食既話，建議試下黑松露同白松露餃，見到隔離食得滋味好想試埋，但係已經食飽飽了試唔到了，可能留返下次再試。

好耐以前食過太子店好好難得開分店都保持到水準 👍🏻Menu 多咗啲用矜貴食材嘅餃子好似【至尊松茸餃】咁真係第一次見～仲有素餃 for 素食嘅朋友！呢度嘅小食都好食【龍鳳松茸雙煎餃】煎餃煎到金黃色外皮脆脆哋但一啲都唔油龍鳳餃有齊黑松露同白松露黑松露嘅香味突出一咬開已經撲鼻 🤣至於白松露就 subtle 啲兩款都咁出色 【元貝豬肉餃】湯餃嘅湯底狀元九鼎湯主要有粉葛同埋赤小豆等其他材料祛濕之餘抗衰老我屋企都成日煲，哈哈講返呢隻元貝餃真係足料非常有肉汁而且食到一梳梳元貝絲 🤤【麻辣松花皮蛋】涼拌皮蛋好消暑蛋皮勁彈牙 🤩糖心蛋黃嗰種漿口超正【回味手拍青瓜】拍青瓜爽口，醃得入味鍾意佢係有少少辣咁樣有層次啲【自家製山楂雪梨水】自家製嘅飲品味道好天然係清甜唔會過份死甜樽裝原來有個 logo 好 cutie【蜂蜜檸檬薏米水】酸度啱啱好都好大杯下 😋

餐廳有好多有特色嘅餃子，而且味道唔錯重慶鮮肉雲呑💰40/12隻有辣度選擇，嗌左中辣，中辣係夠哂辣，而且重慶嘅香味好重，有小小似譚仔嘅重慶辣，雲吞夠爽口。黑松露煎餃💰86/8隻好香黑松露味，而且豬肉啖啖都有咬口，煎得啱啱好，黑松露加煎餃，成件事非常之香口，個皮厚度一般，唔會好厚。黃金原味皮蛋💰28皮蛋味道同譚仔嘅好唔同，依一款係落左醋，而且完全唔辣，醋加皮蛋變左另一番風味，皮蛋嘅蛋黃係好似糖心蛋咁半生熟，不過唔係流質，口感好特別回味手拍青瓜💰25味道不過不失，但夠哂辣，亦都落左好多蒜所有野食都非常有特色，味道亦唔錯，性價比高，不過餐廳比較細，坐位唔算好大。

話說北方人餃子當飯吃，其實我真係唔介意，食得飽唔一定要有飯麵，我覺得南方人都好鍾意食餃子呀？今晚就去咗餃掂食晚餐，兩個人三款餃子一碗湯，又飽又滿足。餃掂位於威靈頓街，主打手工餃子，廚房內有人即場包，材料新鮮又特別，例如我必吃至尊松茸豬肉餃跟狀元九鼎湯 $107/12只，加了矜貴的松茸作餡，既少吃了肉、亦添了清香，配合黑白松茸醬，如虎添翼。狀元湯是非常合時的去濕老火湯，粉葛、赤小豆、扁豆、兩款魚、陳皮、蜜棗及排骨，味清但香醇。另外我很喜歡龍鳯松茸雙煎餃 $86/8只，分別加入黑松露及白松露作饀，每款各四只，認真看看顏色，很容易分別黑松露餃，松露香氣特別濃，煎餃比較惹味，煎至微焦火喉剛好。最後是壽喜燒牛肉餃 $56/7只，以牛肉作餡，自然味道不一樣，風味不同。小店的醬汁及飲品皆自家製，兩款備用辣醬，我最鍾意菜脯豆豉醬，另一款是四川辣椒醬。自家製山楂雪梨水 $20，加了甘草、麥芽及糖，酸甜味都幾濃，唔錯。

唔知到大家鍾唔鍾意食餃子🥟呢?我都鍾意架! 因為有飽足感又好食，感覺健康!💡原來在中環有一間食餃子的店-餃掂手工餃子🥟一見到已經被名字吸引到呀!而且見到同平日的餃子唔同，所以決定入去試下!😍-店來的裝潢簡約乾淨，有少少日式的感覺，感覺好舒服!📍餃子有好多特別的款式，而且煮法仲會分蒸、配上湯或煎，滿足不同口感!🧡💛而且可以選不同的數量!✔️難得食特別的餃子，真的要食一些不同的😋所以我點了至尊松茸豬肉餃🥟，配上狀元九鼎湯🥘，餃子主對是手工餃，份量好大隻，口感好特別! 松茸及豬肉配上好夾！😍有必於日常的口感，我覺得好特別!而且材料真係好多，每一隻餃子都非常足料!🥳狀元九鼎湯也是沒有味精，好正宗的感覺!-另外我也點了元貝豬肉餃🥟，選了用煎的方法🍳，熱辣辣上桌，絕對係即叫即煎，絕對新鮮，煎餃感覺會更惹味😚😙如果和朋友一起來試，一蒸一煎就最好可以兩種味都試到!🤩-除了餃子用心，也有期待小食呀!看到了四川涼皮🌶，當然一定要點，平日的也喜歡川菜口味，這樣竟然更有涼皮，又辣又香，好過癮呀!🌶🌶🌶-最後也點了回味手拍青瓜🥒，滿滿的蒜香，一定岩食!加上我本身係好鍾意食青瓜呢!🥒🥒-如果喜歡食餃子🥟的朋友，一定

手工的餃子除咗係一種食物之外，也能食得出廚師的功價同愛心，由於最近不停要加班，也不能夠回家飲湯，食飯，這食店已經是我經常來，也是最喜愛的飯堂了.這個薏米水十分之清熱，去水腫一流.松茸餃子也是本人的最愛，有多種食療功效幫助個人身體恢復.這個老火湯不得不讚，除了幫助免疫能力之外，也能夠保養自己身體.元貝餃子十分之清新好味道加上自家製的醬汁令餃子的味道提升了不少.最後這個小雲吞也十分之有水準.大家可以試一試.

已經唔係第一次食餃掂，間中喺港島區想食餃子都會諗起佢。壽喜燒牛肉餃 ($56)食嗰時要小心，因為會好似小籠包咁爆汁。 唔使怕會好甜，其實係平時牛肉餃嘅味道。 入面仲有好多洋蔥，但係洋蔥味唔算好濃，唔知係浸過水定點，如果再攻鼻啲會更好。 煎得好香口，點埋醋好正。龍鳳松茸煎餃 ($86)超級足料嘅黑白松露餃，咬開會好明顯見到一層厚厚嘅松露醬，鍾意松露嘅必試。至尊松茸豬肉餃 ($73)另外配左兩款松露醬，比起直接包入餃子入邊係比較容易入口。 個人覺得灼餃雖然冇咁香口，但係更加食到餡料嘅原味。重慶鮮肉雲吞 ($40)細細粒雲吞主要係食肉鮮味，食落都幾新鮮滑溜。 叫咗小辣，但係比想像中辣度低，平時食開辣嘅可以中大辣起跳。山楂雪梨水 ($20)自家製雪梨水清甜潤喉，健康之選。

靚餃～全部都係餃～今日介紹一間係位於中環區性價比極高嘅餃子店～餃掂睇開我專頁嘅，都知道我係中環區嘅打工仔，今日同同事兩個人OT完，佢就帶咗我嚟。龍鳳松茸雙灼餃～龍鳳松茸， 即係一半係白松露，一半係黑松露，我食落兩者分別唔算好大，有感覺白松露嘅菇味更加重少少，肉質非常滑溜。推薦湯餃，仲會配一碗狀元九鼎湯，味道好似喺屋企煲咗幾個鐘嘅蓮藕老火湯咁，足料又潤喉，飲完覺得好溫暖👍👍粟米豬肉餃～係一粒粒嘅粟米喺裏面啊，唔係粟米蓉，同豬肉混合嘅比例係一半一半，粒粒粟米都非常飽滿，好清甜！韭菜豬肉 煎餃～內涵非常實淨，好足料，外皮煎得脆口之餘，內裏仲有啲咇汁添蜜餞雞翼～雞翼雖然煮得比較乾身，但係腌得好入味，而且蜜糖豐富搭救，即刻Juicy返蜂蜜檸檬薏米水～我哋叫咗一支，店家俾咗兩個紙杯我哋share倒黎飲，蜂蜜清香，而且薏米煲得夠溶，夏日炎炎飲番杯清爽晒😃

除了餃子，小食也沒有令人失望～～～所謂3歲定80，我相信是對的。因為無論三歲定80歲我都一定好鍾意食餃子。～～～呢一間喺公司附近嘅餃子店，總能比到我家嘅味道，有時媽咪唔得閒係屋企包餃子，我就會自己嚟食個晚餐。星期五難得大舊得閒，就叫咗佢嚟收工陪我食餃。～～～龍鳳松茸餃係我哋都必嗌嘅餃子款式，濃濃黑白松露香氣，西得黎又有點中式，特色fusion得黎，味道又幾有幾分傳統，總係令我們百吃不厭。～～～除咗龍鳳松茸餃，香甜嘅粟米豬肉亦唔失禮，食落甜度自然，好明顯食到唔係糖，而係粟米嘅天然香甜。豬肉濕潤，加上粟米汁，一口接一口，完全令人停不下來。如果食甜味食到悶，加一點辣辣麻麻嘅豆瓣醬亦係好選擇。～～～甜蜜蜜嘅蜜餞雞翼，同另一半食就最甜蜜💏，5隻雞翼，皮滑肉軟，非常入味，一人兩隻之後，相親相愛嘅我哋總會習慣將最後一隻一分為二，大家一齊享受。～～～小食方面今日食咗麻辣松花皮蛋同蔥味酸辣雲耳，前者唔算好辣，皮蛋味道濃郁非常，有點流心，係靚皮蛋黎，基本上其實唔需要點調味都會好食，而蔥味酸辣雲耳就幾爽口，份量亦比得大方。～～～佢哋嘅兩款自家製飲品亦沒什麼好挑剔，山楂雪梨水同蜂蜜檸檬薏米水，前者比較酸味重，

呢排天氣熱唔想整得太Heavy，所以專登行上嚟食餃子，雖然係連鎖店但係呢度d餃子都唔會令人失望我哋嗌左個赤小豆粉葛湯同埋嗌左兩份煎餃，粟米芝士煎餃同埋韭菜豬肉餃，仲有一份湯餃 芫荽豬肉餃，再加兩份小食-滷水雞翼都唔係手拍青瓜。例湯好足料，好夠味！唔係落好多鹽嘅味精湯，另外個小食滷水雞翼就麻麻哋，太林；反而手拍青瓜就有驚喜，夠清新醒一醒胃餃子呢三款來講呢隻韭菜豬肉餃就最好味嘅，食過咁多間最正嘅韮菜豬肉餃非佢莫屬菜肉比例都好均勻，皮夠薄，煎得啱啱好唔會漏餡埋單每位大概$70左右，另外買咗支檸檬薏米水亦都係好足料，應該係自家煲嘅

近幾年轉左去上環返工又無帶飯返工又想食得健康唯有搵d 食得健康少味精嘅小店食lunch 啦餃掂都係我其中一間常去嘅地方今次同同事叫左以下幾款。-雲吞麵大大碗麵，而家小餃子都有12粒咁多架。-野味酸辣雲耳＋麻辣松花皮蛋做前菜小食令到成個人同味蕾都特別開胃。-壽喜燒牛肉餃我試過佢好多隻餃，呢款煎餃係我其大一隻最中意最好食嘅餃，非常飽滿，肉質juicy。仲有一樣，好欣賞小店嘅牆上裝飾，滿滿正能量文字，次次黎都有反思。

同朋友放假去行街，想食辣 又唔想太飽中環有一間餃掂，之前去太子食過，覺得好好食，d 餃子漲卜卜架，今次就試下中環呢間啦！今次叫左1/四川涼皮嘩，超大碟呀，好抵食，我同我朋友都食唔晒呀！涼皮超滑，sir 一聲好似就滑到喉嚨去！加埋d 辣一齊食，好惹味！食完呢碟真係半飽喇！2/雲吞麵（中辣）總數有12粒小餃子，麵底我覺得好好食，夠煙韌。3/野味酸辣雲耳4/麻辣松花皮蛋3-4嘅前菜一定要點，我好中意食辣，自己平時喺企都會整，出街就非點不可啦，哈哈！5/壽喜燒牛肉餃一咬餃子，肉汁吱晒出黎，好juicy,，而且煎完之後外皮脆脆，好味！6/山渣雪梨水最後叫杯自家製嘅水，完滿喇！非常清潤，呢間小店我好中意，因為無味精，唔會食完好頸渴