餃掂手工餃子雲吞專門店

Open Now

Now Closed

呢間餐廳喺屋企附近，我哋久唔久都會過嚟，鍾意呢度餃子口味夠多，梗有款啱兩個寶寶。餃子🥟✨龍鳳松茸雙煎餃～呢度嘅招牌餃子，一碟煎餃黑松露白松露口味各半，細嚼下就分到兩者嘅分別，黑松露食落香濃，白松露就比較滑身。✨粟米豬肉湯餃～粒粒粟米飽滿，食落咇汁，配佢哋獨特嘅狀元九鼎湯，即係蓮藕湯，口味清甜！小食🍜四川涼麵 ～辣/唔辣都得，媽媽我就鍾意有辣汁嘅，但係今次帶小朋友，就唯有走辣，店家配左麻醬，麵條彈牙又凍冰冰，有少少花生碎和青瓜絲，酷似日式風味😋

最近覺現肥左，所以想食清淡一些，去了餃掂手工餃子雲吞專門店食餃子。這裡有多款不同口味的餃子可以選擇，煎餃或湯餃也可以。本身好想食煎餃，因為脆口一些，但一諗到肥，就放棄念頭。最後我就點左龍鳳松茸餃，再加多一碗狀元九鼎湯，順便滋潤一下喉嚨。一碟餃子有八隻，每一款味道各有四隻。餃子皮厚薄適中，吾會太厚身，餡料算幾多，入口有淡淡的松茸的味道，感覺不錯。我鍾意九鼎湯，因為完全無味精，飲多幾啖也吾會口乾，飲得夠放心。

這裡的湯好濃又香，每次來到都可以將湯飲晒，今次都沒有例外，除了湯底吸引，這裡的酸蘿蔔又爽口又夠辣和酸必叫，而且仲要是免費。因今日自己一個人來吃只可食到小食和湯餃七隻已十分飽肚。小食黃金原味皮蛋，味道特別而且有點辣，入面皮蛋心流心質地十分好食，推介之前飲薏米水不錯，今次想試其他叫凍山楂雪梨水，微酸山楂香雪梨味重，啖啖雪梨的香甜。雙拼湯餃7隻我就選擇了雲耳椰菜和九菜，好大隻，薄皮多料，入面餃子有足料之餘仲有不少汁，配上桌上的醋和辣醬十分好味，餃子和醬記得用匙來吃，之後就可飲其餘湯底。

公司附近有餃子同事說幾好味，就下午再和同事一齊來，幸好不用等位就入座。今次叫了一個餃加2個小食和一杯飲品，和朋友輕食午餐。看到桌面上有辣菜甫即時試的味道辣之餘都幾香。大滿貫素餃7隻煎餃，一咬落去幾脆口又不會好油，入面有菇，菜，瓜，不少材料，反而我仲有食有豆腐乾粒在內，$48有七隻都幾抵食四川涼皮，待應話有不同辣度，我就叫了小辣，味道剛好，幾惹味，涼皮吸了醬汁辣辣又滑口不錯，仲要有不少花生增加口感，份量仲要不少都幾飽肚。回味手拍青瓜好爽口新鮮。飲品都幾健康蜜檸薏米水有凍和熱我就叫了杯凍，幾濃不甜岩岩好，朋友最後試了都覺不錯就再叫了一杯來飲。

在中環威靈頓街餃掂食了餃子，見到牆上這個畫！就想試下佢地既至尊松茸豬肉餃，據說松茸可以提高免疫力，預防高血壓，美容養顏，保護肝臟，益腸胃，抗衰老！咁多好處唔試下都對唔住自己啦，所以就order一份至尊松茸煎餃，可以選size, 我就要了中碗8隻。煎餃外層驚得香脆，微微既金黃焦香，幾飽滿，而煎餃都唔會油膩感好重，松茸另上，味道非常香！好吸味道，令到胃口大開！豬肉和松茸兩者配起夠鮮香！口感好正。再叫左碗麵，麵質幾彈牙，質感幾好。麵底幾色夠飽肚。另外叫左枝檸檬薏米水，解渴消暑，薏米夠哂健康有益。幾大枝都抵飲。還有好幾款手工餃子想試，下次再叫先！

上次食過對面遇上不快經歷，今日一於再揾其他試，見呢間都好多好評，試下啦，地方都幾乾淨清潔，入到去都有好幾枱客，心想應該都可以掛，姐姐招呼都好殷勤，餃子有十隻或七隻選擇，可以按自己想食嘅分量叫，不用浪費😌非常好，今次試左韮菜猪肉煎餃，煎得香脆，賣相都唔錯，好味道😋，皮不太薄，亦不是好厚那種，加了罐冰凍可樂都係十蚊，好滿足，下次再試其他水餃及小食，松露同芝士、牛肉餃都好想試試，我會多多幫襯的。👍🏻

上次喺西環店食過黃金皮蛋，我同朋友都念念不忘，今日喺中環又見到餃掂嘅分店，點可以唔入嚟再食一次呢！金黃色皮蛋賣樣本來已經相當吸引，外層Q彈，內裡流心，蛋黃入口味道香濃，加上辣油蔥花，美味程度真係難以形容。酸辣雲耳，細細朵雲耳爽口彈牙，配上洋蔥芫茜同秘製醬汁，又係另一味我喜愛嘅小食。粟米餃餡料飽滿，粟米粒粒爽甜。至尊松茸餃，鮮肉同松茸味道相當合襯，配埋招牌松茸醬，滋味再度提升。點湯餃子都配上一碗狀元九鼎湯，湯頭清甜無味精，仲可以提升免疫力！

喺中環想簡簡單單食啲嘢，而且人唔會太多，坐位都算寬敞，最緊要係唔會趕你走，所以喺中環上完條大斜路嘅呢間餃子店，雖然位置上唔算好方便，因為要經過嗰條長長嘅扶手電梯先到。呢間餃子店有好多分店，其他分店之前都有去過，今次嚟到中環都想食下。佢除咗提供餃子之外呢亦都有提供其他小食，餃子有分湯餃同埋煎餃，我個人喜歡煎嘅多啲，因為比較香口。當然怕熱氣嘅咁叫湯餃係會好啲。呢個係龍鳳餃，入面有黑松露同埋白松露，香噴噴呢個係龍鳳蛋，你見到上面都係有切到啲松露喺度。配埋杯金橘薏米，非常解渴！所以除咗位置有啲格攝之外，啲嘢食都唔錯嘅。

呢日黎到中環餃掂~ 聽個名就知道係主力食餃子!餃子種類可不少野生松茸煎素餃~$65煎餃外脆香口，材料味道不會因係素食而遜色，松茸味香，沾上黑醋非常可口!龍鳳松茸雙灼餃拼狀元九鼎湯~$86灼餃外皮厚薄度不錯，松茸香味因灼熟關係比煎素餃更濃。配九鼎湯正好解膩，湯濃但又不鹹，幾好呢度食物種類都不少，仲叫左兩款小食~蜜餞雞翼~$32雞翼非常抵食，雖然不是主力食物，但配餃子食都不錯。龍鳳蛋~$32龍鳳蛋配黑白松露醬~賣相不錯，一口一隻，過過口癮

皮薄饀鮮～煎餃湯餃～養生手工餃👍🏻放工係屋企附近搵野食，簡簡單單食個餃子，有驚喜😋叫左2款煎餃，1款湯餃同埋小食。首先講下最突出嘅「龍鳳松茸雙煎餃」$86/8隻，煎餃外表完美地做到金黃香脆，龍鳳松茸即係黑白松露，直接昇華左餃子既鮮味「壽喜燒牛肉煎餃」$56/7隻 日式嘅壽喜燒牛肉餡料包係餃子皮裡面再煎，鎖住嘅肉汁咬落去，再係口裡面噴哂出黎，食個陣對面個位真係要小心「元貝豬肉湯餃」$49/7隻叫咗兩碗煎餃，特別叫一個湯餃試下，湯餃係會配餐廳最出名嘅 配狀元九鼎湯，個湯清甜滋潤真係忍唔住叫多碗😋餃子裡面既元貝更令到個湯多出一份鮮味PS 台面上有好多醬料，最吸引我係依個「菜脯辣椒醬」裡面仲加左豆豉，配埋餃子食好好味，值得試下👍🏻日本龍鳳蛋配黑白松露醬$18隻100分既 糖心蛋配上黑白松露醬，簡單嘅雞蛋馬上變得不平凡蜜餞雞翼$24/3隻好小地方可以食到， 雞翼入味得嚟甜而不膩～真係3隻自己都可以食得哂黎開中環嘅朋友真係值得去試下👍🏻十分推介平民價不平凡的用心手工餃子店。

今晚收工近近地去咗中環威靈頓街「餃掂手工餃子雲吞專門店」吃晚餐～店內裝修簡約潔淨，感覺乾淨衛生野味酸辣雲耳雲耳口感爽脆，加入咗酸醋、蒜頭、辣椒、紅洋蔥、芫荽等等調味，酸酸辣辣，果然好惹味龍鳳松茸雙灼餃配狀元九鼎湯鎮店招牌龍鳳松茸餃🥟龍鳳分別代表黑松露及白松露，餃子皮薄餡靚，充滿豬肉鮮味，同時散發着濃郁的松露及松茸香！狀元九鼎湯店舖招牌靚湯，入口清甜，飲得出係無添加味精，好有屋企老火湯嘅感覺元貝豬肉餃子湯麵+$8可以轉餃子為元貝豬肉餃，餃子裏面除咗有粒粒鮮元貝肉，仲有豬肉、芹菜粒等等，味道同口感都好豐富哦！配上幼滑上海湯麵，夠晒飽肚香煎韭菜餃韭菜餃包到好似金元寶咁靚，賣相一流！餃子外皮煎到脆脆的，內裏係滿滿的韭菜豬肉餡，每啖都係韭菜香呀熱山楂雪梨水由雪梨、甘草、山楂片、麥芽、冰糖等等材料煲製而成，味道清甜，感覺滋潤，一年四季都啱飲

呢晚朋友話想食餃子，所以我地見到呢間餃子專門店就入左去！！！店內位置不多，不到七時己滿佈座上客睇黎呢間都係好受區內歡迎既食店～店員姨姨們都好熱情，既有禮貌又有笑容！！我地小食同餃子都點左幾款一齊share～小食方面分別點左 蜜餞雞翼同黃金皮蛋，仲有新出既涼皮添！！！呢度既黃金皮蛋有別於傳統既皮蛋，皮蛋真係透徹既黃金色架：）涼皮可選辣度，小辣已經好刺激加上花生碎食落更香口！！！餃子要左店內既兩款熱門餃子：龍鳳松露灼餃同芝士粟米煎餃～兩款餃子餡都十分飽滿，調味得宜煎餃拉絲香脆，灼餃外皮適中有韌度最後仲可以飲埋灼餃附上既足料湯品添：）

✨龍鳳松茸雙煎餃$86 8隻～本身就濃郁嘅黑松露白松露香氣，係煎過之下，顯得更為濃郁，佢哋嘅煎餃唔會太油膩 👍而且外皮薄脆，內裏餡料又唔會太油，整體感覺好食得來幾健康。✨粟米豬肉餃 湯 十隻＄54～非常飽滿嘅粟米豬肉餃食落去香香甜甜，好多汁，同樣係配搭九鼎湯，雖然浸泡喺湯入邊，但係每一隻餃都冇爆到👍✨蜜餞雞翼五隻$32～香香甜甜蜜餞雞翼，食落去好似倒瀉咗蜜糖黎浸泡係啲雞翼到咁，感覺so sweet，小朋友好鍾意❤️✨蜂蜜檸檬薏米水 ＄28 ～檸檬薏米水飲落去幾消暑 ，入邊真係有粒粒薏米，加上酸酸地嘅檸檬🍋做調味，感覺開胃，味道自然。

❤️韭菜豬肉餃煎餃子韭菜餡料份量幾多，好香口惹味，感覺同樣適合煎多過湯 ，因為湯嘅話韭菜味可能會令到九鼎湯冇咁清氣，但係煎就唔同，反而迫出咗韭菜嘅香氣感 。❤️麻辣松花皮蛋蔥花皮蛋嘅皮蛋皮上面滿佈雪花，中間嘅皮蛋黃就非常流心濃郁，加上少少麻辣香氣調味 ，令到平凡嘅皮蛋顯得不平凡。❤️上湯松蓉時蔬唔知點解佢哋嘅時蔬格外翠綠 ，食落去幾脆身，本身唔係特別鍾意食菜心嘅我，都有好好食晒啲菜。❤️四川涼麵冰涼透心嘅四川涼麵，就最適合夏天食，加埋少少麻醬，彈牙嘅面條，每一啖都滲透住夏日氣息，由於我哋屋企唔食辣嘅關係，冇落辣醬，但係食落去味道依然到位 。❤️豆漿水準不錯嘅豆漿，唔會太甜 豆味幾重。

餃掂系我好鍾意的一間餃子專門店，耐唔耐我哋都要去食下餃子，今次我就去左中環威靈頓街的分店，雖然佢門面不算大，但都尚算好坐，環境乾淨，服務態度都好好。同其他分店一樣，呢間分店都有九鼎狀員湯，各種餃子及小食供應。最愛龍鳳松茸雙灼餃，黑松露&白松露豬肉餡餃子，香味十足！隨龍鳳松茸餃會附送一碗狀元九鼎湯，店家沿用古法以粉葛、紅蘿蔔、赤小豆、扁豆、蜜棗、陳皮、新鮮鯪魚等材料熬製而成，完全不含味精，湯汁呈奶褐，色澤醇厚，不泛油光，散發著陣陣的粉葛清香，十分清甜！另外元貝豬肉湯餃都幾好味，元貝味道突出夠鮮甜。小食麻辣皮蛋，麻辣開胃，值得一試。