餃掂手工餃子雲吞專門店

Open Now

Now Closed

今日過左中環諗住行 don don don... 行完梗係要搵食啦，睇 OP 既食評呢間唔錯就試下。我同隻佬都唔想食太飽，哈哈 ~~ 餃子就最岩 !黎到得小貓一兩隻，但竟然我地坐底唔夠5分鐘 ... 突然全滿 ! 我地坐底就開始睇下有咩係出名既，叫左兩款餃子一個麵食一個小食就算。首先呢個係四川涼麵 (小辣)，隻佬話都要叫個麵食既，幾隻餃子點會飽，咁明既！好在唔係好大碟 ... 唔係死俾你睇 ! 麵質都唔錯，唔會過淋，但我覺得乾身左少少。可能我選左小辣，唔太多辣油，所以乾身左D。另外個麻醬都OK，不過不失 !! 青瓜係墊底，如果可以多D就好喇 !!我地叫左 韮菜拼元貝湯餃 (中碗)，我唔食韮菜，所以 ... 元貝餃都唔錯，都食到入面係帶子，但個豬肉淡左D，個餃子皮都好滑 !呢個睇 MENU 已經好想試，我對半熟蛋係走唔甩，哈哈 !! 我初時問隻佬係咪每人半隻算 ... 佢話我痴線 !! OK FINE ~ 就每人一隻，我都唔想掙食。哈哈 ~~ 個蛋果然係冇得輸，加個白松露醬同黑松露醬完全係升華。再黎就係 龍鳳松茸雙煎餃，呢個除左入面係松茸之外，仲加左白松露醬同黑松露醬，勁香 ! 我地每人

老實說覺得食物的份量跟價錢有點不成比例就壽喜燒牛肉餃子太貴了那個味道也不是很濃點了瓶飲料😨檸檬薏米水 居然上來是壞的！！都不檢查一下給我們換了兩瓶新的還是不能彌補受傷的心靈⋯⋯⋯那是檸檬蘇打汽水的感覺⋯⋯反正28塊一瓶味道很一般沒有外面的好喝加上是分裝不能達到去水腫功效⋯⋯

之前聽朋友講食過餃掂幾好食，今日行過見到就梗係要試吓啦店舖唔太大，不過都算整齊，唔會覺得好迫豆漿、自家製山楂雪梨水豆漿味道正常，雪梨水酸酸甜甜，清熱解渴四川涼麵，涼麵加上麻辣醬、芝麻醬，好惹味日本龍鳳蛋流心蛋再加上黑白松露醬，蛋香同松露好夾，正韮菜豬肉餃韮菜好多好夠味元貝豬肉餃食到粒粒元貝肉推介菜脯辣椒醬，辣辣哋又有豆豉香，夾埋餃子一齊食好正龍鳳松茸雙煎餃呢個極力推薦，煎餃火候非常之好，煎到皮好香脆每隻都有好多松茸碎，黑、白松露兩款都好香，皮脆又多肉汁，加上松露香味，超好食

已經不是第一次食這個餃子店，因為他的煎餃的確非常完美，每隔一段時間就要過嚟回味。可惜疫情關係，放咗工之後不能夠在這裏吃，唯有買回家慢慢嘆。至尊松茸豬肉餃這是湯餃，因為喜歡他們的狀元九鼎湯，這個湯最好就是不會很濃味，不會搶奪餃子的味道，相信是沒有味精的。但建議一定要配餃子吃，不要單點，不是的話覺得湯比較淡口，松茸味突出，豬肉餡料結實，不會有很鬆散和不新鮮的感覺。龍鳳煎餃這個就是我最喜愛的煎餃，為了營造堂食的效果，我用了易潔鑊稍為番熱，吃的時侯和堂食分別不大。一咬下面感受到松露的味道，餃子入面不論是黑松露或白松露到香氣迫人。實在是太美味了，如果遲啲他在我屋企樓下開分店的話就太好了。

近來實施晚上6點禁堂食，唯有收工買外賣回家，因為食左好幾餐粥粉麵飯🍛🍜🍚🍣，所以今晚食餃子當晚餐🥟🥟。想食餃子就即刻唸起“餃掂”，近年開左好多分店，非常方便😁😁。店內環境乾淨企理，牆上的畫更令人食指大動🥰🥰🥰餐牌上有不同餡料嘅手工餃子，有煎，有灼，有肉，有素，分量也有選擇，最啱哂想試多款的我😊😊☝我點左5樣食品，款款都稱心滿意 😙😙韮菜豬肉餃 （7隻）～一打開個盒已經聞到好香韮菜味，雖然是外賣，但仍保留餃子金黃香脆外層，咬落足料韮菜鬆軟豬肉，口感滿足😋至尊松茸豬肉餃（8隻）～皮薄餡多，肉汁豐富，加上2款松茸醬更有鮮味，配上聞名九鼎湯更加一流，湯味濃郁冇味精，最啱近來乾燥天氣補返下，所以叫多碗俾妹妹飲😆😆回味手拍青瓜👏👏🥒🥒～$25一碗滿青瓜好抵食，蒜蓉同醋比例剛剛好，不會太酸且保留青瓜清新味道👍👍蜜餞雞翼（5隻）～雞翼大隻，少少蜜味職員細心裝左4款醬料，2款松茸醬，醋，菜甫辣椒油🤗🤗🤗

因為疫情防疫措施下，六點後就無堂食。大部分時間都係在家煮食，今日偷懶唔想煮，就外賣餃子回家食，另外再買多一打生餃放在雪櫃貯糧。今晚就先食龍鳯餃加四川涼麵。雖然返屋企已經有足足二十分鐘，但是煎餃仍然是暖暖的，這個餃子只用上矜貴的食材，松茸和黑白松露，但是用了已經成人一籌，但當你吃的時間便深深感受到它的魅力，它不是一咬下邊有肉汁四成的感覺，而是有陣陣的松茸和松露氣息滲出來。是越吃越想吃的感覺，再加上一罐啤酒，是幸福的表現四川涼麵亦是不俗的餐點，本來很怕會很辣，但是店員告訴我醬汁可以分開自己加，涼麵撈上麻醬、菜脯豆豉醬再加左少少四川辣椒醬，很惹味。而且加埋青瓜絲一齊食，有種很清爽的感覺，中和了煎餃的濃香。第二天便忍不住將壽喜燒餃煎來吃，這個餃子的味道是十分特別，它有大蔥的香氣，但是不會覺得有好濃烈的醬油味，最重要是比熟餃便宜，只要用鑊中火慢慢煎，再加水冚蓋5分鐘便食得。

中午放飯同朋友去左威靈頓街「餃掂手工餃子雲吞專門店」食lunch。店內燈光明亮，乾淨整潔。餐牌上供應10多款不同口味的手工餃子或雲吞，眼花撩亂野味酸辣雲耳雲耳夠哂爽脆，加入辣椒、陳醋、紅蔥、蒜粒等等調味，酸辣惹味龍鳳松茸雙灼餃店舖主打松茸餃子，龍鳳意指黑白松露，松茸豬肉餡料加入黑白松露，有提鮮作用，令到餃子更加滋味狀元九鼎湯粉葛、豬肉、赤小豆等等配料煲製而成嘅湯，無添加味精，都幾鮮味哦韭菜豬肉煎餃新鮮韭菜配上優質鮮味豬肉而製成嘅韭菜豬肉餃子🥟煎到金黃香脆，乾身不油膩，每啖都充滿韭菜豬肉香元貝豬肉餃餃子飽滿又大隻，外皮厚薄適中，豬肉餡料加入元貝肉，更添鮮味芫荽餃子麵麵條好滑溜，芫荽餃子勁足料，好重芫荽香氣，正呀！

呢間餃子店已經食咗好幾次，真心覺得佢呢水餃好食。極力推介韭菜湯餃。每隻餃子都脹卜卜，好似一隻元寶咁。湯底叫做九鼎湯。其實我都唔知材料係啲乜，只係好似飲到有啲粉葛味。雖然味道比較清淡但係飲完之後冇味精口乾嘅感覺。除咗韭菜餃，佢嘅菜脯辣椒醬亦都深受我歡喜。本身我都唔係食得辣但係韭菜餃加埋少少菜脯辣椒油，份外野味。大少就通常食餃子麵，我哋會帶唔同嘅餃子，可以是多種口味。同中環其他餃子店比較，佢絕對係性價比高。

天氣凍返好多，想食有熱湯既熱野，但又唔想成日食麵，諗起中環呢頭有間餃子好食又唔貴，不過要行幾條街先去到🤣 見天氣凍凍地就即管行下，去到「餃掂」門口已經都有好多南亞裔哥哥等緊外賣，所以我都等左一陣。.屋企有4個人，應該3份餃子都夠食，所以我叫左龍鳳松茸雙灼餃$86（8隻）、韭菜豬肉餃$54（10隻）、元貝煎豬肉餃$62（10隻）、黃金原味皮蛋$28。.講返餃子先，呢間餃子平時食lunch就幫襯開，夜晚因為通常返屋企食就比較少食，佢餃子重類係極多，多到有點選擇困難症咁🤣咁今次就叫左之前都食過既招牌龍鳳松茸雙灼餃，8隻裡面係4隻白松露同4隻黑松露，咬開既松露香味好重，夠晒特別又大大粒，冬天食好暖胃feel! 之後元貝豬肉餃就叫左煎既，煎既可能返屋企凍左少少無咁脆，就同堂食有d分別，但佢個皮煎到脆脆有點濃邊，加埋粒粒貝柱好食。另外想講下佢個煮餃子跟埋個狀元九鼎湯好鮮甜又好味無味精👍🏻正 。冬天食熱辣辣餃子好幸福。

之前係太子店食過呢間足料餃子店一直念念不忘，以前去親食都要等位。而家多得林鄭，無得做晚市，就唯有外賣返屋企食。「餃掂」係香港區都有幾間分店，今日我經開中環，就係中環呢間叫外賣返屋企食。.▪️元貝煎豬肉餃$62（10隻）煎既餃子製法好似同灼既有點唔同,皮比較厚身，就算拎到返屋企食咬落都有肉汁，唔會太乾身，中意佢個元貝餃因為好香貝柱味加埋豬肉醃得好食，所以整體好夾👍🏻▪️龍鳳松茸雙灼餃$86（8隻）跟狀元九鼎湯湯同餃子係分開上既，拎到返屋企都唔會淋晒，8隻裡面分開一半一半為白松露同黑松露，食落口感好似差唔多，但個人比較中意白松露，總是感覺香味足d.▪️黃金原味皮蛋$28呢個係每次必點既，因為普通皮蛋周圍都有得食，黃金皮蛋係硬身點帶點煙韌同一點絲甜。特別得黎佢都賣得唔貴。▪️蜜餞雞翼$24（3隻）雞翼不過不失，可能拎到返屋企凍左少少，甜味比較重。▪️韭菜豬肉餃$54（10隻）唔知點解韭菜豬肉餃係連湯上，不過出奇地又唔會整淋個餃子皮，呢個即係證明個手工餃子皮係得既👍🏻餡料正正常常，個人都係中意松露餃多d🤪.外賣自取黎講餃子都不妨為一個好選擇，2xx蚊夠成家人食到捧著個肚🤣

上次去太子「餃掂」買過外賣給老公吃之後，他就常說想再吃壽喜燒牛肉餃所以今晚放工就去了餃掂在中環威靈頓街的分店，買自取外賣直接回家。因為他實在太愛吃餃子，所以今次買的主要都是灼餃和煎餃。還配有他最愛蘸的菜甫豆豉醬、四川辣醬和醋汁。《壽喜燒牛肉(煎餃) $56/7只》可選配湯/煎餃（7/10隻），上之吃過湯餃，今次就試試湯餃。餃子咬開有鮮甜的牛肉味，感覺比其他香濃，再蘸少許喼汁就更好味。《重慶鮮肉雲吞 $40/12只 (中碗）（小辣）》小辣對於吃辣的他來說完全無辣，所以嗜辣的朋友最好點大辣。鮮肉雲吞比較細小，薄皮包著肉粒，入口同樣有肉鮮味。《餃子麵 配6隻 $53》餃子要了「大白菜豬肉餃」，豬肉加上大白菜鮮甜味加倍，湯底加了酸菜，味道酸香好吃，配上掛湯的陽春麵好味道。《至尊松茸豬肉餃跟狀元九鼎湯 （灼）$73/10只》（中碗）名字很強勁，狀元九鼎湯有補氣健脾、生津抗燥的功效，材料有美國蛇果、生魚、無花果、淮山和豬尾骨，味道清淡有益。餃子咬開可見松茸和肉餡，松茸入口香氣溢出，味道香濃，和豬肉香好夾，十分有驚喜；而狀元九鼎湯用上眾多材料淆製而成，味道清淡，食完香濃的松茸餃，喝上一碗，很不錯。《

2020年12月19日。晴。中環。呢日行完街諗住買外賣番去同屋企人食見附近有呢間餃子專門店，一於試下～舖位喺石板街行到最高嗰條街嘅右邊門口就有外賣紙，睇啱先入去落單～餐單有兩版，選擇都幾多！每款餃子都可以揀煎餃或者湯餃，又可以揀中碗（7隻）或者大碗（10隻）我就揀咗4款，2款煎餃，2款湯餃咁落單10分鐘左右就攞得！好快手！煎元貝豬肉餃，$53攞到番屋企，啲煎餃都仲係暖暖地嘅，雖然有啲倒汗水，但食嘅時候個皮都仲係香脆嘅！餡料嚟計，呢個元貝豬肉餃又真係食到元貝仔！調味適中，唔錯～野生松茸素餃，$48其他湯餃都會跟湯嘅，但係素餃就唔會跟湯嘅，留意番～作為素餃，佢用咗好多菇，所以鮮味十足，鍾意食菇嘅記住嗌喇！龍鳳松茸雙灼餃，$86呢個松茸同上面嗰款松茸係兩回事，因為佢係加咗黑白松露，非常矜貴！咬一啖已經畀松露獨有嘅香味包圍，好高級嘅感覺～狀元九鼎湯嗌湯餃大部分都會跟呢個湯，素餃除外～個湯試咗一啖，感覺冇落味精，但係係用蓮藕煲嘅（由於我唔太鍾意蓮藕，所以屋企人飲晒～）壽喜燒牛肉餃，$74最有驚喜係呢個壽喜燒牛肉餃！完全複製到壽喜燒嘅味道，餃子入面嘅肉汁鮮甜～大家都爭住嚟食！

原來媽媽沒去過中環大館，趁著這天有空，就帶她去逛逛兼拍照。今天只有十度，逛完是時候去補充熱量，簡簡單單，不如吃餃子？走著走著就來到這間「餃掂」，一頓美味又經濟的松露盛宴，就在此「搞掂」。走進餐廳，當眼處有一幅題字，上面有八句肺腑之言，是餐廳創始人小劉的分享，內容主要是告誡大家要控制情緒，不要亂發脾氣，很多客人在等外賣時都會駐足觀看，甚至拍照留念，的確是很好的提醒呢。日本龍鳳蛋 $32黃金原味皮蛋 $28蜜餞雞翼 $32吃餃子之前，先點了一些小食。最喜歡的是日本龍鳳蛋，本身已是非常入味的溏心蛋，上面還加了黑松露和白松露醬，倍添香氣。這種味道，突然讓我想起了台灣，以前和朋友出差去台灣，我們總會走到便利店買溏心蛋回酒店吃，現在只能先懷念一下了。龍鳳松茸雙灼餃跟湯  $86另一道松露美食，就是這龍鳳松茸雙灼餃了。四隻白松露，四隻黑松露，配上一碗魚湯，邊吃邊喝湯，清香味美。壽喜燒牛肉湯餃  大碗$70另一款餃子要了這「壽喜燒牛肉湯餃」，用新鮮牛肉製造，裡面有洋蔥碎，甜甜的很好吃，下次都要encore。

又嚟中環打掃下間屋，做到攰癩癩，唔想買餸煮飯，有人提議去食個 early dinner 先返屋企，原來一早已經睇中咗威靈頓街呢間「餃掂手工餃子雲吞專門店」。餐廳地方不大，店面窄窄長長，但裝潢布置精緻講究，環境乾淨企理，加上我們被安排坐在靠牆的座位，自成一角，感覺亦蠻不錯。先睇下餐牌，餐廳主打 12 款餃子，有自創，亦有傳統，另外亦兼賣粉麵和多款外省小食，如麻辣皮蛋、手拍青瓜、酸辣雲耳等。我哋點咗龍鳳松茸雙煎餃、芫茜豬肉煎餃，另外再加咗餃子米線、唐芹豆筋同豆漿。兩款煎餃同時送上，龍鳳松茸雙煎餃 ($86)  賣相非常靚仔，外層煎至金黃香脆，入面嘅餡料除了豬肉和松茸外，還分別加入了矜貴嘅黑、白松露，非常足料。咬開可以清楚見到入面有好多松茸碎，加上黑松露和白松露嘅味道既天然又芳香，皮薄餡多，啖啖滋味。至於另外嗰碟芫茜豬肉煎餃 ($63)  亦非常美味，餃子用料十足，食落夠曬清香爽甜，入口富濃郁芫茜味，一點也不苦澀，加上芫茜同肉餡嘅比例均稱，絕對是健康之選！吃時可蘸少許桌上嘅四川辣椒醬或菜脯辣椒醬吃，別有一番風味。食完兩客煎餃就試下店裡的餃子麵 ($53)，點了壽喜燒牛肉餃 (+$8) 配米線

Great for: quick meal Ordered: Chongqing pork wonton (small dumplings, but had quite some number of them. not overcooked/undercooked, so the skin was soft yet the inside still remained chewy; soup looked spicy, but it wasn't so you could possibly drink it; coriander didn't overpower the dish, which was good; pre-mixed sauces on the side didn't seem to taste good, but with the spicy soup, no additional sauce was needed) Plus: food Re-visit: yes, if I happen to be in Central and need a quick bite