餃掂手工餃子雲吞專門店

Open Now

Now Closed

都真係食過餃掂好多次，上完堂又未晚飯，時間少少最好來個下午茶。要去Watson’s wine 買酒，喺附近諗食乜，餃掂最穩陣。五點幾，不多人，坐得舒服又開心。黃金原味皮蛋，自從係譚仔食過後，次次食米線都會叫的點心，不過略略唔夠辣，辣少少會好點。四川涼麵，好大份，旁邊送個麻醬，但我個人覺得襯麻醬唔夾，似乎麻辣會好一點，麵條夠爽，仲有花生，青瓜絲等等，而且辣味撈上每條麵條加令人開胃。狀元九鼎湯，係呢到嘅signature，美國蛇果、生魚、無花果、准山、豬尾骨等，每日新鮮煲，足料一流，叫煎餃就送湯，湯餃個base就係呢個。餃子最好食一定係至尊松茸豬肉灼餃，松茸呢類咁養生嘅野，湯餃就最啱，飽滿的樣子，我點了細碗就算，因為太大隻，小吃多滋味。煎韭菜豬肉餃，不用多說，又係典型的最佳選擇，不過今日啲餃子就好似唔算太多韭菜。記得唔好錯過煎餃才送上的辣椒油和醬，仲有每枱都有的菜甫，送湯餃都正。叫了杯飲品山楂雪梨水，咁就簡單養生飽肚一餐。

天氣十分之炎熱，行完街不是很有胃口，決定清清地，食餃子做晚餐。餃子店在中環內街，主要以三種烹調方法，包括灼餃、蒸餃和湯餃。其中更有素餃選擇，適合素食者或減肥人士。野生松茸素餃和大滿貫素餃都選擇了灼餃，餃皮晶瑩剔透，皮薄有嚼勁，松茸香氣令素餃子🥟沒那麼單調。怕不夠味亦可蘸醋或菜脯豆豉醬增加香味。而檸檬意米水袪熱又清熱。作為芫茜愛好者，要了芫茜豬肉餃，芫茜味香濃，比起灼餃稍為漲卜卜，是另一種風味。而湯底沒有味精，清甜可口。手拍青瓜少少辣，很爽口。下次想試試金黃色的煎餃。

Dumplings are so oily and overpriced. The shop is super small and crowded to sit in. They only accept cash or octopus card. Very unfriendly waitress as well. Won’t come again. I suspect they are trying to pay less tax by not allowing any credit card or Alipay function. Oh yeah, they accept wechat pay though, but only the mainland version in RMB with 1:1 exchange rate to HKD. What a rip-off!

今日下晝好肚餓，喺中環行咗好耐都唔知食咩，行到威靈頓街見到有間餃子店就入咗去食。一入到去冇人叫我掃安心出行，店員服務有啲差，我好乖咁做做安心出行就坐低叫咗一碟豬肉芫茜煎餃同埋一份皮蛋。煎餃好香， 香到我唔記得影相，食到最後一粒先記得要影返相，食材新鮮又足料，每一啖都係芫茜味。餃子皮煎都好脆，又唔係好燶，做得好好。醬料亦都有兩款辣椒油，十分貼心。另外仲叫咗份皮蛋，一般般冇乜特別。埋單食唔算好貴感覺都算抵食。

因為想食餃子 見到有咁多好評就去試吓即刻帶返個松茸煎餃配狀元九鼎湯 涼拌皮蛋 手工涼皮 豆漿試吓先！ 松茸煎餃好香 煎得夠香口 菇味好香 聽講係對身體幾好 建議加埋佢哋嘅辣醬一齊食 好好味！另外個湯都好入味 秒速清哂！另外皮蛋都好好食 無本身皮蛋有嗰種壓味！ 手工涼皮就正正常常 有花生脆卜卜 加埋青瓜絲！另外估唔到豆漿咁大杯！ 兩個人分享絕對唔係問題！ 總括嚟講會繼續去！ 因為煎餃實在太好食！下一次要試埋其他款！ 價錢又唔貴！ 中環人絕對可以去！唔使捱貴餐！

帶住小朋友，喺中環區呢邊想食個快飯又想有質素😄朋友就帶我光臨呢間餃掂，超推介我食呢度嘅招牌～松露餃聽個名稱就知道非一般✨龍鳳松露雙灼餃～一碟有兩款松露餃，白松露菇味較淡，食落比較軟滑，黑松露就比較濃味，混入豬肉餡，咬開就聞到充滿香氣，多汁鮮嫩，必食推介！粟米餃 大碗十粒～煎餃表面香脆，爽脆嘅粟米粒大大粒，餃子多汁又鮮甜，小朋友一定鍾意❤️小食嘅蜜餞雞翼和四川凉麵都唔錯，雞翼可選三隻或五隻，雖然size唔係好大隻，勝在夠入味，蜜糖味好出。涼麵有辣有唔辣，黃色嘅麵條爽口彈牙。全部食品都係即叫即整，最耐嘅煎餃都係等15分鐘就有，有效率又高質😍

行完中環Donki，就去附近呢間餃掂食餃子，店舖燈光光猛，大大個招牌，都幾易搵🔆龍鳳松露 雙灼餃 跟湯～呢度嘅招牌菜，見到隔離枱都有order，龍鳳即係黑白松露，多汁嘅豬肉餡料，配上松露，餃子即刻Level Up，一咬開已經香氣滿瀉，感覺矜貴又特別👍🏻壽喜燒牛肉煎餃～細份嘅有七隻，我哋叫咗大份十隻，壽喜燒醬汁味突出，牛肉嫩滑，餡料配上大葱，增加口感和清新感，很好嘅配搭。另外小食類，我地order咗四川涼麵和麻辣松花皮蛋，涼麵伴上麻醬同埋四川辣醬，口味特別而且唔會太辣，好有新鮮感。松花皮蛋中間有流心，醬汁香香辣辣帶點甜味。兩款小食類上枱嘅時候都凍冰冰，好開胃！🙌🏻

今日黎到中環，唔想食西餐於是就黎食餃子，見呢間既餃子選擇咁多，一於試下！龍鳳松茸雙煎餃，外表煎得非常金黃，脆卜卜咁，餡料好足，一咬開就會有好香既松露味，而松露既份量一d都唔吝嗇！推薦！另外仲叫左壽喜燒牛肉餃，呢款就叫左蒸既，另外會配佢地十分出名既狀元九鼎湯。餡料既牛肉係有壽喜燒既味道，另外牛肉會加左d蔥的，所以食落都幾香。狀元九鼎湯係無味精既，飲落好有火候蜜餞雞翼，好甜好有驚喜，醃製得入哂味！黃金原味皮蛋，岩哂皮蛋控，好開胃！

或許是因為從小便常常吃餃子等麵食，我很喜愛吃餃子🥟特別是素菜餃。於數個月前，我經常與另一半到此店的銅鑼灣分店吃餃子🥟及喝狀元九鼎湯。第一次光顧中環分店，質素一樣！每次到此店時也會看牆上很有意思的句子。「為什麼要懂得控制自己的情緒？⋯」我每次也點松茸素菜餃，而另一半每次也點狀元九鼎湯及有豬肉的煎餃。有時，也會點上湯松茸時菜（喜愛它沒有油）及麻辣松花皮蛋作小食。最後，還點了冰凍的山楂雪梨茶，很冰凍、很解喝。滿足！

中環呢間餃掂第一次去試， lunch 同同事去食，一人叫一份餃子其實已經夠飽， 但又口痕想試下啲小食，雞翼真心正，雞翼控可以一試，估佢唔到餃子店但雞翼居然好好食。 餃子都唔錯，龍鳳餃以為肉餃會好油膩，但食落清爽，食完一份都唔會濟住，仲食得落其他，但細食的女仔可以同人share. 我冇加麵，只叫淨餃再加小食同同事share 剛剛好。 檸檬薏米水都係值得order 一支，飲唔晒攞返公司飲，可以清水腫，價錢又唔貴。下次經過就咁買返支返公司都幾好，好過飲塑化糖水。

今日放工好想食餃子，特別係煎餃，因為超級香口，所以最想食外面餃子店既手工煎餃。今日中環食了一餐餃子，粟米豬肉餃，每款都可以揀要煎餃還是湯，粟米餃選擇了煎餃，每一隻都超大隻，煎到好香佢有一隻自家辣椒醬，將餃子既香口提升了一個層次。裡面好多粟米，好足料好有口感，而且價錢吾貴，都真係食得過。即叫即煎，每隻個皮都好脆。叫了另一走元貝豬肉餃，配松茸湯。這款比較清淡，個湯完全冇油冇味精，好舒服，飲曬都不會口乾，更突出餃既味道添。元貝本身都有味道，湯餃就好食得出，每隻都好大隻。麵食方面，四川涼麵，配麻醬超級香。仲可以揀辣度，夏天超級適合，配埋青瓜絲及花生，開胃。另一雲吞麵，好鐘意小雲吞，一口食得完，加上叫左小辣，湯麵好正，小雲吞過癮兩個飲品，雪梨水及檸檬薏米水，最近好流行檸檬薏米水，好開胃又去濕既感覺，成支都係$28 比杯貴8蚊，但大隻得黎又可以拎走。

今晚去中環食晚飯，行吓行吓，都唔知食乜好，成日食日本菜同西餐，行過見到有間食餃子嘅餐廳，今晚就試吓佢啦。-龍鳳松茸餃👍🏻，跟狀元九鼎湯，九鼎湯一飲就知真材實料，濃郁夠味。餃子配上高級嘅松茸，仲有黑白松露醬，足料，每一口都充滿松露嘅香味。-元貝餃👍🏻，一絲絲嘅元貝味道非常突出，煎完之後更加香脆可口。-芝士粟米餃👍🏻，芝士煎完溶化之後，配上粟米，甜甜鹹鹹，好邪惡又好好食嘅餃子。******************************👍🏻好食 | 👌🏻可以 | 😔 難食評分 : 8.5/10簡評 : 三款餃子都好滿意，質素絕對高過出邊大部份餃子店

今日放假，好好天，同朋友去中環行下，行到餓就去左威靈頓街餃掂食下午茶，中環嚟講價錢平民化， 叫多啲都唔肉赤👍😍🥢至尊松茸豬肉餃（中） $80松茸係健康食品，有獨特嘅香氣，健康又好食，咬落係濃郁嘅菇菌味道。🍄🥢龍鳳松茸雙灼餃 （中） $92龍鳳有齊白松露同黑松露，感覺矜貴， 未食已經聞到香氣，朋友話一吃難忘。💖💖🥢芫茜豬肉餃（大）$61芫茜落足料，超香濃， 配埋豬肉香口juicy😍😍大大隻，好飽。🥢惹味酸辣雲耳$25 前菜份量都算多，調味適中，酸甜開胃，配餃子一流。✔️✔️

中環的餃掂有多款不同的創新餃子，很久以前在灣仔食過已經對這店留下很好的印象。收工後，行過中環的餃掂被黑白松露吸引，決定用朋友一起到這店用餐。黃金原味皮蛋（$28），皮蛋是金黃色，外型晶瑩剔透，口感似啫喱，皮蛋心呈現流心狀態，用醋來浸住皮蛋，酸酸的餐前小食，份外開胃。蜜餞雞翼（$24），雞翼沾滿了蜜糖，醃得好入味，每一隻雞翼都呈現金黃色，非常美味。香煎軟心芝士餃($68），本身對芝士餃子抱著不太大期望，以為只是在餃子方面滿足芝士控而推出，一試使我原有的念頭改觀了，因為除了新鮮豬肉外，還有粟米伴芝士，當加上粟米後能夠中和芝士豬士較子，就不會覺得很腻，而且這間店包的餃子皮薄餡了多，每一口食得出都很豐富，同時不妨試吓點上店舖提供的麻辣醬，也很夾這款餃子。龍鳳松茸雙煎餃（$98），這款餃子是本店的其中一款填店的招牌餃子，用上矜貴的黑白松露再加上松茸菇混入新鮮豬肉內，在未食之前，放上鼻子已經聞到濃濃的松露味，咬開一半原來滿滿的松露包住了豬肉，不用點醋或其他醬料，已經是非常夠味，食完也有滿足的感覺！我地坐了這店用餐的期間，也不乏外賣客人，望入廚房，廚房的姐姐也是馬不停蹄地不停包餃子，所以所食到的餃子

下午同朋友飲完兩杯，晚上就想食返啲暖胃既野見到有我多次回頭既餃子分店，當然要拉埋朋友一齊食啦～比較少去呢間分店，估唔到店內不大，但坐落都唔迫狹，店員仲好有禮貌添！！！因為最近好熱氣所以唔敢食煎餃，我要咗一份至尊松茸灼餃，朋友就要左元貝湯餃雙拼～我哋仲分別叫咗雞翼同黃金皮蛋share食兩款小食都各有千秋～前者微辣開胃，後者帶甜肉香朋友嘅湯餃要左元貝餃拼粟米鮮肉餃朋友每款分咗一隻畀我試味道都唔差，仲每隻都大粒足料！！但係我最鍾意嘅都係呢度嘅灼餃～特別係呢款至尊松茸餃，配上呢兩款特製醬料，松茸嘅香味立即出囇黎～最後仲可以飲埋佢既葛湯，正！