餃掂手工餃子雲吞專門店

Open Now

Now Closed

本身我係叫雲吞湯麵嚟左個剩雲吞 啲湯唔夠熱好聲好氣問下可唔可以轉番一句話唔得 服務態度有待改善加左個涼麵點知又硬又生食左兩啖已經食唔落最正常係個雲耳$97個lunch食完勁灰…

中環食晚餐選擇多，豐檢由人，今晚想食清清地，於是就去餃掂食餃子，鍾意佢有湯飲。住低先叫店員上醃蘿蔔，又爽開胃又好食。芫茜豬肉餃$59 (10隻) 配狀元九鼎湯灼餃就有湯送，唔記得叫湯另上，真材實料好好飲。芫茜豬肉餃清新好味， 芫茜份量足夠晒香，加埋豬肉鮮味， 絕配。龍鳳松茸雙灼餃跟湯$92龍鳳松茸餃用上黑松露及白松露，皮薄飽滿，鮮味十足，帶著淡淡松露香，一口餃子一啖狀元九鼎湯，爽！大滿貫素餃 (中) $48這個灼餃係無湯跟架。主要餡料係時令菇菌、菜苗和瓜類，清清哋又幾好食喎。自家製山楂雪梨水$28右邊雪梨水(孕婦不宜)材料有山楂片、雪梨、甘草、冰糖、麥芽等，梨味濃郁，加埋酸酸哋嘅山楂味，開胃又滋潤。蜂蜜檸檬薏米水 $28薏米水滋潤又清新，美白得嚟又可去水腫餃子餐方便又好味，間中食吓都唔錯。

今晚和同事收工去食晚飯，於是黎左呢間叫「餃掂」既餃子專門店開餐了。望望餐牌發現餃子既選擇都幾多，我地就點左幾款手工餃黎試試先。龍鳳松茸雙灼餃($92/8隻)呢款餃都幾特別，第一次食到黑松露加白松露混入豬肉，三樣野原來都幾夾😋😋另外配埋狀元九鼎湯，一啖肉一啖餃感覺幾清甜喎！😌粟米豬肉餃($47/7隻)食完湯餃就輪到食煎餃喇，外皮真係煎得好金黃，咬落去仲好鬆脆添，而且粟米粒都好大粒好爽脆添👍🏼👍🏼餃子麵($53/6隻)我地叫左壽喜燒牛肉餃(+$8)，每隻都好足料喎！而且壽喜燒既味道都好濃，麵質方面夠哂彈牙，湯底仲好鮮甜啊！！麻辣松花皮蛋($25)麻辣汁非常濃郁，每一塊皮蛋都覺得入哂味咁，最岩嗜辣既我地啊！🤤🤤四川涼皮($32)涼皮望落好晶瑩剔透，咬落去又好煙韌，而且表面舖左好多花生粒同蔥粒，令到成碟粉都好豐富，另外四川麻辣汁帶有少少酸甜，零舍開胃添😝😝豆漿($15)新鮮豆漿15蚊咁大杯真係好抵啊👍🏼👍🏼

今日放工約左朋友係中環食野，我就提議食餃子啦，真係超鐘意食餃子😂所以又黎到餃掂啦！早左黎，好彩仲有位，愈來愈多人啊～首先我我地叫左龍鳳松茸雙灼餃跟狀元九鼎湯$92/8隻黎到一咬開就見到內面好多松茸啊，好香噴噴！呢到既餃都整得好扎實，唔會散開曬！另外呢個狀元九鼎湯好香濃，好好飲啊！粟米豬肉餃$47 煎餃我就鐘意食粟米煎餃啦，香甜既粟米👍🏻個餃都煎到個皮脆脆地但不會太硬～好食餃子麵$53（壽喜燒牛肉餃+$8）壽喜燒牛肉好吸引，所以我地叫左再配埋麵食！牛肉好香濃，係新鮮牛肉味！咬開又多汁～正！麻辣松花皮蛋$25皮蛋呢見到通常都會叫，呢到個汁都幾好食！要沾滿汁黎食😁四川涼皮$32四川口味既野都好吸引我，因為夠曬口味，少少酸少少麻又少少辣既汁，配埋爽口涼皮，正啊！

是日睇完戲打算輕輕鬆鬆搞掂一餐,就簡簡單單去食餃子~湯餃煎餃都叫左, 湯餃揀左至尊松茸餃, 煎餃就要左雙拼 – 韮菜同元貝餃子前就緊係有前菜 -酸辣雲耳 開開胃啦雲耳爽脆又醒胃, 有紫洋蔥﹑芫茜吊吊味, 更顯惹味至尊松茸餃配狀元九鼎湯鎮店招牌松茸餃餡料多, 同時散發的松露及松茸香配埋狀元九鼎湯, 絕對有享受的感覺入口清甜，有淡淡粉葛及紅蘿蔔甜味, 無添加味精, 一啖餃子一啖老火湯, 甜而不膩, 有家的感覺香煎雙拼韮菜及元貝餃2款餃都整到好似金元寶, 煎到金香金香的, 賣相一流!內裏係滿滿的韭菜豬肉餡，每啖都食到韭菜香; 元貝豬肉餃入面則除咗有粒粒鮮元貝肉，仲有豬肉、芹菜粒等等; 2款都各有特色, 食極唔厭~配埋佢特製醬料-四川辣椒醬及菜脯辣椒醬更添美味

飲凍飲真係唔健康，所以依到既凍飲冇冰之餘只係比常溫凍小小傢咋，檸檬味偏重麻油味皮蛋，有D 似齋皮蛋,冇左平時皮蛋既臭味粉皮微辣而且好彈牙有兩款醬料俾你簡，起初俾四川辣椒醬個名嚇親，以為好辣，原來佢只係普通辣椒味菜普就比較辣D,有豆豉提味湯既松茸餃入面已經食到啖啖既松茸味，再配埋松茸醬加強佢既味道，而且有辣同唔辣兩款都俾埋你，可能為左唔遮蓋松茸醬既味道，辣其實都只係BB辣姐煎既元貝餃入面見到好多元貝絲，味道好鮮明

今晚約了好友去PMQ睇「塵展2021」，但在欣賞展覽之前，大家都想醫飽個肚先。由中環朝向PMQ進發，邊行邊覓食，岩心水就入去，一切隨心吧! 行行下就見到一個似曾相識的店子logo，好似之前在太子見過……無錯!就是「餃掂」，「攪掂」「攪掂」，乜都攪得掂，人人都想，點會唔記得呢?! 就它吧!內裏空間較少，但整齊企理，設有一排面向牆的單人座、一張闊落的四人卡座和三張二至四人枱，座位不多。裝潢挺有心思， 牆身鑲了三大幅很靚的油畫，還有一板互勉字句，但很可惜有點反光，好難睇得清楚。枱上的用具和醬料都很齊全， 醬料有菜脯辣椒醬、四川麻辣醬、鹽、醬油和醋，還有餐簿、筷子和多隻醬油碟。翻閱厚厚的餐簿，設計精美，,每頁均附有菜式相片，亦展示了每款餃子的內饀，挺吸引。店子主打是餃子， 足足有十款，可選灼、煎和湯三種製法，另外還可外賣生餃子。除多款餃子外，其實仲有雲吞、雲吞/餃子麵、前菜小食、湯和飲品。******************************松茸餃是本店的招牌餃，不得不吃，友人選了龍鳳松茸雙灼餃跟狀元九鼎湯  Matsutake Dumpling Boiled (BlackTruffle

自從上次食過"至尊松茸豬肉餃配九鼎湯"之後一直念念不忙 , 松茸是近年十分流行的養生健康之選. 今次再去餃掂手工餃子店, 再回味一下皮薄餡多的餃子. 前菜手拍青瓜爽脆入味, 每一粒都被蒜泥包圍著. 唐芹伴豆筋都是第一次食, 令人開胃. 最近愛上川菜，忍唔住又叫一個涼皮食下; 香口惹味四川涼皮口感煙韌. 灑上炒香了的花生碎粒，青瓜絲和麻辣醬料伴吃. 今次我全要了煎餃，煎餃外皮金黃，隻隻都咬落啖啖肉口感一流. 煎軟心芝士煎餃 : 芝士軟心餃岩晒芝士迷，加埋粟米，口感唔錯. 煎大白菜豬肉餃 和九菜煎餃 . 一個是清淡清新, 另一個擁有濃郁的味道, 是傳統必食的餡料.

好幾次都因為太多人排隊所以過門而不入，今晚終於得償所願，可以食到餃子了！黃金原味皮蛋($28) / 麻辣蔥花皮蛋($25)點了兩款皮蛋，因其中有朋友怕辣，如果喜歡嚐辣的人，相信麻辣會較為啱口味，味道當然亦相對較濃！惹味唐芹拌豆筋（$32）真的沒改錯名，唐芹真的很惹味呢！至尊松茸豬肉餃跟狀元九鼎湯（$120）（大碗）（灼）這是招牌茶之一，有松茸香味，配上肉汁豐富的豬肉，當然受人喜愛喇！狀元九鼎湯（$20/碗）店舖招牌靚湯，好有住家老火湯嘅味道。麻辣豬肉餃配重慶川辣湯底（$58/10只）（小辣）「麻辣控」一定喜歡這種餃子，真的有種食麻辣火鍋的餃子一樣。芫荽餃（中碗）（$46）芫荽味好香，意料之外的一款出色餃子。龍鳳松茸雙煎餃（$92/8只）這是招牌菜之一，龍鳳代表黑松露和白松露，好濃的松露味！正！👍👍香煎軟心芝士餃($55/7只）原以為是芝士味很重的餃子，卻原來是粟米味道更濃，芝士只是陪襯。總括而言，皮薄餡靚，不錯的一間餃子店！

因為愛吃，所以經常光顧，今次試新組合。黃金原味皮蛋 $28麻辣松花皮蛋 $25刻意點兩款皮蛋比拼，講真各有千秋，黃金皮蛋比較少吃，沒有強烈亞摩尼亞味；若然不介意這種味道，麻辣松花皮蛋食味豐富，熟悉的皮蛋的味道，辣味只是輕輕的。今次最開心發現呢兩款很好吃：芫荽豬肉 $46調味出色，咬落味香有肉汁，芫荽香，份量恰到好處。香煎軟心芝士餃7隻 $55非常強烈甜粟米的味道，所以討好，芝士只是陪襯，增加濕潤感，但芝士味道不強。發現新口味：麻辣豬肉湯餃10隻 $58餡料豬肉及菜，揀了少度麻辣，唔覺得好特別或者好好味，可能因為口味問題。呢兩款係必點項目：至尊松茸豬肉灼餃12隻配狀元九鼎湯 $120龍鳳松茸雙煎餃8隻 $92狀元湯有助增強免疫力，鯪魚、赤小豆、扁豆、粉葛等冇味精久熬而成，味道雖然比較清但暖心。松茸餃子是招牌亦是特色。每一次來都要讚醬汁，最愛菜甫辣椒醬。水準依然，環境企理，出菜有序，服務正理，不過物價高漲，價錢亦高咗。

都市人就總係想揾下令湯令餃子食下，今次就黎左尼間餃子店試下餃子啦！打開menu 真係好多餃子味道選擇，貴餡又有平餡又有。不過貴餡個d就。。。真係貴左d哈哈，所以雖然好好奇但最後都係選擇左比較平ge莞茜餃子同元貝豬肉餃子，兩個都配左狀元湯底，外加蜜餞鷄翼。餃子一黎到，第一時間試飲個湯，其實係有點失望ge。個湯其實唔係想象中gum濃郁，只係淡淡ge味道。可能湯同餃分開另上會比較好吧，餃子水唔會溝淡個湯。餃子方面，元貝豬肉餃子其實食落我覺得略嫌普通，不過係真係有元貝味道，但又未算得上絕配。但莞茜餃子我覺得有驚喜！個人好喜歡莞茜味道，而呢款餃子絕對無令我失望，我覺得好好食！莞茜同肉ge味道相映成趣，味道好出！最後蜜餞鷄翼，就係甜甜的，都ok好食ge。總結，我覺得最特別就係莞茜餃子，湯都可以飲下不過可能要分開另上，同唔好期望會有好濃ge味道。都值得一試嘅！

喺中環非常之多食店, 要性價比高, 要平要抵食, 要好味, 我諗到就係呢一間, 佢嘅餃子非常之多品種, 今曰我點了龍鳳松茸餃, 松露用咗黑白松露, 兩種每種感覺都有唔同, 松露嘅香氣非常之正, 配搭住JUICY既肉質, 非常之多汁, 大大粒, 食到必咗啲湯汁出嚟, 趁熱食最緊要另外就係佢嘅意米水, 用獨立嘅樽裝, 飲唔曬可以拎返屋企, 非常之香甜, 又夠清熱, 又消暑, 分量非常之多另外食餃子仲配埋個湯添, 個湯頭非常之清甜, 一啲味精都冇, 餃子點埋豆瓣醬一係食, 令到味道更加豐富, 更加複雜

想食餃子又想飲靚湯，呢間係不二之選🌟芫荽豬肉餃🥟配狀元九鼎湯好多餃子店既湯一係無咩味一係就味精湯，呢間既湯底係清甜靚湯，可以成碗飲哂，餃子兩啖一隻，價錢合理🌟7隻$46/10隻$59 (唔同味唔同價錢)

黎餃掂梗係要order🥟🙌🏻招牌～龍鳳松茸雙煎餃兩款口味煎餃呈現眼前，黑松露嘅松露味比較濃厚，白松露則口感比較細滑，配上豬肉，充滿肉汁，有質感又特別。🥟韭菜豬肉湯餃～韭菜清爽，富營養，雖然係肉餃，但係兩者雙配，食落感覺一啲都唔油膩，而且仲好有口感添！小食係蜜餞雞翼和四川麻辣皮蛋～雞翼淋身而入味，滷水雞翼而有蜜糖味，口味香甜麻辣皮蛋嘅辣汁屬少辣口味，中間溏心蛋黃，入口凍冰冰，令人食完想再食添！

好耐無食過餃子餐😍一直都掛住·🥟壽喜燒牛肉餃（$74）因為勁愛sukiyaki, 所以好期待呢款餃子～但食落不似預期😂似食緊牛肉球餃子😮‍💨唔夾唔夾·🥟龍鳳松茸雙灼餃（$86）配狀元九鼎湯～當然唔可以同媽媽煲既老火湯相比，但色澤濃味道唔錯算係咁👍🏻餃子淡淡松茸香，餡料足料扎實😋鍾意呢款多啲！·🌶四川涼皮（$32）涼皮滑溜，醬汁惹味開胃😋·朋友好餓既關係，仲點左碗餃子麵食🤣🤣好癲但佢又食得哂😥·📍餃掂中環威靈頓街55號地下