鳥海山鐵板燒

Open Now

Now Closed

叫左熱門鳥海山鐵板餐，先黎刺身。剝皮魚：肉質較為結實，食落口感較脆口，有淡淡地魚鮮味。真鯛：貴為鯛魚中之王，肉質較爽口，鮮味濃烈而不肥膩，可連皮食。魚皮好薄，除了去鱗等基本功夫外，食落無筋，可見刀功有番咁上下。油甘魚：光線之下，可見滿滿既魚油，鮮味而甘甜，非常回味。活龍蝦🦞，熟度剛剛好，有濃郁龍蝦味，新鮮彈牙。活鮑魚味道濃郁，口感煙韌有彈性。鵝肝多士，充滿肝香油份，配埋多士啱晒。牛肉薄燒，肉味濃郁，廚師將牛肉放上鐵板即刻熟咗，散上胡椒同鹽調味。炒飯即炒，熱辣辣上碗，有櫻花蝦香味。最後，就係晚餐味噌湯及甜品😋

之前係佢地長沙灣舊舖都食過, 覺得幾抵食又好味, 所以知道佢地新鋪重開當然要再嚟試下.最欣賞佢地鐵板餐包羅萬有, 刺身、龍蝦、鮑魚、鵝肝、牛肉都有齊, 性價比非常高.💰鳥海山鐵板餐 二人前 $1198🍽️ 沙律🍽️是日精選刺身總共4款刺身, 包括櫻魚鯛、笛鯛、油甘魚等, 依順時針次序食, 味道由淡到濃, 安排好有心思.🍽️ 活龍蝦 加入咗龍蝦膏去煎龍蝦, 所以香氣十足而且味道濃郁, 龍蝦肉質亦新鮮爽彈, 而且擺盤亦非常吸睛.🍽️ 活鮑魚剛上碟已經聞到一陣酒香, 相信師傅烹調時有加入酒去提鮮, 入口除咗食到鮑魚既鮮味之外, 亦食到陣陣牛油香, 所以非常惹味.🍽️ 鵝肝多士 鵝肝夠厚身, 表面煎至金黃香脆, 內裡粉嫩, 食到鵝肝滿滿既油脂香.🍽️ 牛肉薄燒牛肉包住大量香蔥, 所以食到牛肉既肉香之餘, 仲食到濃郁既蔥香, 而且香蔥既爽脆口感亦中和咗煎牛肉既油膩, 令口感更清新.🍽️ 野菜🍽️ 炒飯炒至金黃色而且粒粒分明, 夠哂乾身, 師傅仲加入咗櫻花蝦去炒, 令成個飯既香氣提升咗去另一個層次.🍽️ 甜品香芋糯米糍

拍拖紀念日慶祝，所以揀咗食鐵板燒慶祝鐵板套餐(二人前)有龍蝦有鮑魚有鵝肝兩個人先1198好抵食可惜嘅係中間滿座只可以坐旁邊嘅位但環境好靚傾計嘅話都相對舒適先嚟嘅係沙律然後就是日精選刺身職員會介紹由平目開始食先，金目鯛、魴鮄、油甘魚每種都好鮮甜唔止擺盤好靚由白身至油脂較高咁食好有心思嘅安排活鮑魚好有口感足分吸收牛油嘅香味活龍蝦每人有半隻伊勢龍蝦煎到香嘅龍蝦肉上面滿佈龍蝦膏醬汁超級惹味殼除咗擺盤美麗仲有少量肉係裡面職員會比濕紙巾你抹手鵝肝多士鵝肝好厚身好淋油脂滲入煎到好香嘅多士超好食牛肉薄燒包住好多蔥超惹味味噌湯飲完個人好暖笠笠炒飯好好味，炒到粒粒分明好香嘅蛋香同埋蝦乾同香蔥炒野菜麻油加蒜嘅香味最後仲有甜品雪米糍

朋友係深水埗附近返工，中午都會黎呢間日本鐵板燒食lunch，話性價比高，超級推薦我黎食鐵板燒。今日終於有動力收工出黎try try。由於時間尚早，店鋪唔算多人，環境舒服，光線充足，俾客人好干淨嘅感覺。店鋪設有bar 枱，可以觀賞師傅係鐵板上製作每一道菜。有兩個二人鐵板套餐選擇，今次揀左鳥海山鐵板餐。♦️首先黎個麻醬沙律，開左個胃先♦️是日刺身精選有四款（平目，金鯛，金線鯛與香港紅衫魚同科，油金魚）店員提醒食客從淡味開始品嚐，這樣可以享受每款刺身100%嘅鮮味，而唔會互相搶味。♦️活龍蝦整隻龍蝦上枱好吸精，肉質鮮甜彈牙，配上龍蝦膏製成嘅醬汁，提升龍蝦嘅味道店員提醒龍蝦腳都有肉，亦好貼心遞上濕紙巾給食客抹手。♦️活鮑魚鐵板燒鮑魚我都係第一次食，估唔到另有一番風味。鮑魚好有咬口，size又大。♦️牛肉薄燒牛肉包住蔥粒＆炸蒜，每啖都充滿肉汁＆香蔥味。♦️ 鵝肝多士鵝肝入口即溶，配上香脆多士，減低鵝肝油膩感♦️櫻花蝦炒飯材料使用日本珍珠米＆櫻花蝦，蛋，蝦size切成與飯大小相約，炒至粒粒分明，炒出黎嘅飯香氣四溢。

每次來到深水埗，都是品嚐那些港式平價美食。這次換換口味，試試在長沙灣搬過來的「鳥海山鐵板燒」！🌟 鳥海山鐵板二人套餐（$1,198）⟡‧₊ 是日精選刺身刺身共有四款，店員細心地推薦了由淡至重的味道順序來品嚐。其中，我最愛的還是三文魚。刺身整體表現合符預期，厚度和新鮮程度都正常🐟⟡‧₊ 活龍蝦活龍蝦的肉質厚實且彈牙。廚師將蝦膏與牛油混合製成醬汁來爆炒，讓蝦肉吸收了濃郁的牛油香氣，味道不俗🦞⟡‧₊ 活鮑魚活鮑魚已切成細片，並帶有醬油的鮮味。但鮑魚略顯過熟，咬下去有點韌🙈⟡‧₊ 鵝肝多士鵝肝煎得入口即溶，搭配脆卜卜的牛油多士，平衡了鵝肝的油脂香氣🪿🍞⟡‧₊ 牛肉薄燒牛肉薄燒中包裹著炸蒜和香蔥，肉質半肥瘦，吃起來不會乾柴，簡單的調味已足夠🐮另有炒野菜、沙律、味噌湯以及雪米糯作為甜品，讓整餐更加豐富和圓滿☺️

今次揀左人氣之選的鳥海山鐵板餐二人前，一共有9道菜，非常之豐富。是日精選刺身店員建議我哋由味道淡到濃咁食，平木，大目魚有柚子醋點綴，真雕，油甘魚肥美新鮮，魚油滿溢。沙律菜和蕃茄仔非常新鮮，加埋日式芝麻醬，超開胃。活龍蝦師傅先將原隻龍蝦拆肉，再將蝦頭裡面的蝦膏加上牛油製作成醬汁，同蝦身一齊炒，龍蝦肉質鮮甜，佢係我最鐘意的菜色！活鮑魚：師傅將鮑魚切成細片，岩岩好每啖食到一片，好有咬口。鵝肝煎到外脆內嫩，油脂慢慢在口腔內散發出來，而且令到多士多一層味道，好好味！牛肉薄燒將牛肉捲住蒜片和蔥粒，肉味香濃，軟腍多汁朋友最愛！炒飯要講一講服務先，侍應超好，水會refill，食龍蝦會比定濕紙，然後佢見我麻麻地蔥，問左我一句，之後就同大廚講我個份走蔥！so sweet ! 炒飯炒得乾身，粒粒分明！野菜加左炸蒜一齊炒，好香口。味增湯湯入面有海帶同埋豆腐粒，好味飯後仲有甜品~芝麻糯米糍

聽朋友介紹，這間鳥海山由長沙灣搬過黎深水埗，話高質素，有口碑。今晚我就去試試。新裝修幾大方得睇，我兩公婆選了龍蝦鐵板二人套餐，先來個麻醬沙律🥗開開胃先。刺身上枱，有擺盤嫁，店員話刺身要又淡味食起，濃味最後食，鯛魚真係好新鮮👍🏻。下一道菜是鐵板鮑魚，味道調校得好，鮑魚新鮮咬落彈下彈下，好正👍🏻。是日主角出場，活龍蝦鐵板燒，賣相靚，金黃色，因為用返龍蝦膏做汁，超級正，濃厚的口感，爽口的龍蝦肉，極其出色。必食👍🏻👍🏻。再來有鵝肝多士，食落口有一種好醇的感覺，加上有脆口多士，掂🫰🏻。最後有牛肉薄燒、炒野菜、炒飯、味噌湯，好飽啦😋😋😋。二人龍蝦餐$1198，食到咁開心，超值👏🏻👏🏻👏🏻。

今日約埋老公食鐵板燒，呢間小店位於深水埗，原來呢間係新店，之前開係長沙灣。支持香港消費有幸訂到鐵板前既客人真有福，一邊欣賞到師傅烹調一邊享用美食前菜先上沙津冷盤有4款精選刺身，職員悉心建議食用既先後次序，由淡味食到濃味，很有儀式感第一道鐵板燒活鮑魚，新鮮貨加上用牛油炒香，特別香口，而且Size蠻大仔隻。第二道鐵板燒牛肉蒲燒，牛肉嫩嫩，內裏包著香蔥同香蒜，加上牛肉油脂香口，有入口即溶口感。第三道鐵板燒鵝肝多士，超厚一片，配著鬆脆嘅多士，滿滿鵝肝油脂味道，好幸福第4道主菜鐵板燒活龍蝦，龍蝦非常新鮮，師傅火喉掌控得好好，還會利用原有龍蝦既膏調汁，絕配食到舔舔脷，還建議可食用龍蝦身剩餘嘅肉，附上濕紙巾，很貼心。第5道鐵板燒炒飯，食每一間鐵板燒重頭戲就係炒飯，蛋炒飯配櫻花蝦，食起泥粒粒分明有蝦香同蛋香。第6道鐵板燒炒野菜，清甜爽口最後，送上麵豉湯同雪糕糯米糍作結尾得閒可以再返泥食

記得兩三年前食過鳥海山鐵板燒，一直念念不忘。最近知道鳥海山搬到深水埗開新店，對我來講地點比之前更方便，冇藉口唔再去幫襯下！新店環境闊落四正，座位佈局大致分兩邊。一邊係望到師傅下廚的吧枱位置，另一邊係普通餐枱座，枱與枱之間距離充足。坐低店員詳細講解餐廳菜色後，按我哋需要落單。鳥海山鐵板餐¹¹⁹⁸- 沙律生菜新鮮脆口，配上麻醬調味，相當開胃！- 是日精選刺身（粒貝、石門鯛、間八，油甘魚）店員上菜時細心講解每款魚的特性，食用嘅先後次序，配合什麼醬料才發揮到刺身的鮮味，真的不得不讚！刺身肥美鮮味，值得一提是粒貝刺身極為爽脆，肉質纖細幼嫩帶咬口，味道爽口清甜，帶淡淡海水味！- 活鮑魚將南非活鮑魚經鐵板燒後，切成每件一口份量。食落鮮甜爽口還帶有點牛油香味，肉質結實得來容易咀嚼！- 活龍蝦澳洲活龍蝦份量十足，鮮甜厚肉彈牙，配合燒汁同蝦膏烹調，味濃而不會掩蓋龍蝦本身的鮮味！- 鵝肝多士鵝肝油脂豐盈，入口即溶，配上香脆多士，減低了鵝肝帶來的油膩感，呢道菜好食到想再來多碟。大推！- 牛肉薄燒牛肉內有炸蒜令肉味提升不少，而表面有蔥花解膩，口感豐富！- 炒飯未上菜已經聞到炒飯嘅香味，炒飯乾身粒粒分明。仲有份量

我發覺依家喺香港食飯，平咗好多，唔知係咪因為經濟差嘅原因。 呢間新開嘅鐵板燒，做緊套餐有四款刺身，龍蝦，鮑魚，鵝肝呢啲高質嘅食材，都係$600一個人左右。如果係以前，冇$1000一個人都落唔到樓。 呢 4款刺身，都好鮮味，由淡到濃味咁食，最後係煙燻嘅刺身魚。跟住就開始食鐵板燒。 首先食一個燒鮑魚，師傅用大量嘅牛油，煎到個鮑魚好香，有少少焦面。 再切到一片片，好易入口，唔會好韌。。 跟住就到龍蝦。係原隻龍蝦，好多肉。 啲肉質唔霉，好新鮮彈牙。好驚喺出面食龍蝦。 會食到啲腍啤啤，冇咬口嘅龍蝦肉。 職員仲叫我哋可以撩埋個殼入面嗰啲龍蝦肉，都有唔少肉！ 跟住就到每個人都會鍾意食嘅鵝肝多士。都唔使點樣評論，一定係好食㗎。多士就煎到好脆，鵝肝就就好嫩，入口即溶。 呢個係香蔥和牛卷，蔥嘅份量好多，牛肉牛味都好濃，好食跟住就到一碗麵豉湯同埋炒飯，同埋炒雜菜，其實而家已經食得好飽。 所以呢三樣我哋都食唔晒。

「鳥海山鐵板燒」位於深水埗華盛大廈，雖離地鐵站不足5分鐘路程，但由於附近無商場，所以人流唔多，一般都唔會經過，唔預先Search定餐廳我都未必有機會食到……裝潢就如普通日式鐵板燒餐廳嘅格局，感覺較平民，食物選擇豐儉由人，二人套餐$948起（唔排除餐廳有時有其他優惠)，但我今次選擇左$1198嘅鐵板燒餐，另加$80升級大龍蝦🦞是日精選刺身四款：真鯛、伊良、油甘魚、三文魚腩，真鯛肉質細嫩，微微甘甜；伊良同為白身魚，肉質較滑而軟腍，魚味較清淡；油甘魚及三文魚就不用多說了。活龍蝦：鮮活龍蝦肉質嫩滑，且爽實具彈性，非常新鮮，以蝦膏味噌調味炒煮，醬汁濃郁鮮甜，與龍蝦肉十分搭配，巨香！活鮑魚：肉質爽滑，無需過多調味，已能表現出鮮嫩多汁。鵝肝多士：鵝肝肥美厚肉，肉質幼嫩多汁，有種入口即化嘅Texture，配返多士食無咁膩。牛肉薄燒：薄切牛肉包裹著香蔥及炸蒜，牛肉充滿肉汁，加埋鐵板炒製過嘅惹蒜，非常香口惹味。炒飯：飯夠乾身，粒粒分明，含大量櫻花蝦，咸香味突出，都幾好食。最後有鐵板野菜及味噌湯作結尾……

雖然深水埗俾人嘅感覺係舊區，但係其實裏面都有好多寶藏餐廳，尤其係因為可能租金比較平，喺餐廳食到嘅嘢性價比都會高好多。今次兩個人食咗呢一個二人鐵板餐，覺得真係非常物超所值，講緊每人唔使$600食到勁大碟龍蝦，龍蝦真係超多肉，特別鍾意佢用龍蝦膏整嘅醬汁，味道濃郁但係唔會覺得好膩，龍蝦味真係好香，唔會過熟，淨係呢一道菜已經值回票價。龍蝦之外仲要有四款刺身食喎，講緊唔係三文魚喎，有厚切油甘魚架，燒鮑魚我都比好高分，少少醬汁但係又保留返個鮑魚嘅鮮味，口感爽滑得來唔會太過煙靭。另外蔥花牛肉卷同埋鵝肝表現都好好，鵝肝用多士配搭非常經典，材料都係優質嘅。基本上佢嘅套餐同外面食到嘅，無論係份量定係質素都睇齊，座位都坐得舒適，服務親切，但就真係收緊深水埗嘅價錢，性價比非常之高！

轉咗地址之後無論環境定食材都升級咗✨為咗對比吓新舊店嘅質素，再試返佢哋嘅鳥海山鐵板餐，價錢同以前一樣，冇加價喎 ($1198)是日精選剌身總共有四款剌身，每款兩片，店員會推薦食用順序，都係時令嘅海鮮款~全部都好新鮮，唔係連鎖迴轉壽司店嘅質素，包括:- 帶子- 石垣鯛魚- 間白- 油甘魚鮑魚鐵板燒 - 食落爽口，唔痴牙- 總共兩隻，每隻有四塊厚切片龍蝦鐵板燒- 份量好多- 調味出色- 原殼上，店員推薦挖埋殼入面食鵝肝多士- juicy多汁- 完全不膩牛肉薄燒 - 入面包住蔥- 肥瘦均勻 (最怕太肥)- 啖啖肉、多汁櫻花蝦炒飯- 夠乾身，粒粒分明- 多櫻花蝦，有蝦味野菜- 調味落咗蒜粒- 滿滿一盤，一定夠飽甜品仲有兩粒雪米糍高興見佢哋轉咗新址之後多咗客人，平時lunch set都好抵食，想食鐵板燒的話推薦呢間✨

鐵板燒一定等於貴價野？NoNoNo~~今日就幫大家搜羅咗一間位於深水埗，價錢親民，但一樣高質嘅鐵板燒！曾經係長沙灣開業，舊址結業後不少食客大感不捨，終於等到佢地係深水埗重開！二人前套餐都只係大約千二蚊，已經滿足到捧住個肚～當中有前菜沙律/精選刺身/活龍蝦/活鮑魚/鵝肝多士/牛肉薄燒/炒椰菜野菜/味噌湯/炒飯/甜品～一般鐵板燒店該有嘅都有齊～刺身一共有四款，由較淡身嘅白身魚開始食起。個人最愛油甘魚～活龍蝦🦞，龍蝦肉同整隻龍蝦殼一齊上碟，感覺好澎湃好完整。以龍蝦蝦膏煮成醬汁，味道非常香濃，龍蝦肉口感厚實爽彈。鮑魚略煎，口感鮮嫩爽脆，味道濃郁仲帶有牛油香味，yum yum～鵝肝多士，鵝肝細膩滑嫩，入口即化～再來一個牛肉薄燒左，油花豐富，包住蔥花同炸蒜片，味道好有層次～最後品嚐埋炒飯、炒野菜同味噌湯，仲有雪米糍做甜品，滿足了☺️

好久沒去鳥海山了！原來已經從長沙灣搬到了深水埗附近，位置更加方便，今晚就伙同朋友去捧場鳥海山鐵二人套餐1,198.00沙律以清爽的芝麻醬沙律打開脾胃是日精選刺身帆立貝 真鯛 油甘魚 都是我相當喜愛的刺身款式！活龍蝦這一隻活龍蝦不得了，以牛油炒香，入口滿滿的油香更鮮味活鮑魚煙靭有勁的鮑魚，調味很足，味道濃厚鵝肝多士把肥厚的鵝肝煎香，簡單配以多士，油香滲到多士之中，不俗牛肉薄燒而想不到牛肉還是入口即化 捲着蔥帶着肉跟菜的層次感野菜炒飯以櫻花蝦把飯粒炒得乾身分明，值得一讚味增湯入口鹹香十足，加入嫩滑的豆腐粒相當特別炒野菜把椰菜加入調味料炒香，入口爽脆鮮嫩最後兩球糯米糍作結！