鳥海山鐵板燒 (Moved) New Location

今日去左食朋友推介既鳥海山鐵板燒，如果提早book位記得book坐係前台，見到廚師係度煮野食，另具一番風味，帶埋女友黎食一流👍我地叫左個三色刺身、鐵板廣島蠔、牛肉薄燒、燒八爪魚、芽菜、味噌湯同沙律加炒飯，最後食埋個雪米糍，好飽肚！兩個人都係$550，性價比好高🌟🌟😊值得推介！沙律有生菜同小番茄，酸酸甜甜！刺身有三文魚、真鯛、油甘魚同八爪魚🐙全部都好新鮮同甜美，入口即融，每人一塊岩岩好！食完生野再食熟，生蠔用左小小煙肉碎一齊燒，外脆內爆汁，好juicy 😍牛肉超香，同埋吾會好油膩，包埋小小蔥花一齊食，好香口🤪八瓜魚份量都好多，芽菜一大碟都食吾哂！炒飯粒粒分明，好有鑊氣！蛋味都好香，最後食埋個雪米糍可以解熱氣同解膩！

長沙灣一帶一向美食林立，餐廳種類款式眾多，價錢豐儉由人。今期荷包漲漲地當然要食餐好。鳥海山鐵板燒給予感覺高尚，價錢亦算大眾化，的確需要光顧試試。餐廳裝修以木材為主調，餐桌座位都以木制以主，整體環境新淨企理。座位之間空間感十足，客人自然食得舒適。餐廳牆身設有一幅大形江戶時代壁畫及日本風畫像，充滿藝術氣色。餐廳以黑板方式寫上是日精選，提供刺身推介及鐵板推介，等客人可以品嘗是日新鮮食材。🌟　季節時菜 $48芽菜清甜爽脆，作開胃小菜適合不過。🌟　鵝肝多士 $89鵝肝外脆內暖並唔會太油膩，薄薄嘅多士夠香夠脆，口感非常一流，兩者經典絕配。🌟　鐵板白鱔 $188白鱔肥美魚味濃郁，口感爽脆嫩滑。廚師火候處理適中，配上甜甜地燒汁非常醒胃惹味。🌟　燒帆立貝 $58香濃清酒烹調而成，酒香味同帆立貝鮮味十足，入口回味無窮。🌟　燒安格斯牛柳 $168牛柳牛味濃郁，口感軟腍。而伴碟嘅乾蒜香脆，蒜味濃郁，兩者給合天衣無縫。🌟　煙肉燒飯 $88炒飯乾身飯粒分明，雖然有煙肉但絕不油膩。濃煙香氣煙肉配上炒飯，滋味無比。

經朋友介紹嚟食長沙灣隱世鐵板燒小店，位置離地鐵站大約行7至8分鐘。因為我地唔夠早book位，所以今次無得坐係師傅前面食，提提大家要預早Book。一去到見到舖面設計係好日式，直程有去咗日本嘅錯覺🇯🇵🏯店員介紹我地食$478牡蠣餐，包咗4款刺身、沙律、廣島蠔、魷魚筒、牛肉薄燒、野菜、炒飯同埋味噲湯。最先上枱係刺身，4款都好好食，新鮮又甜，物超所值。魷魚筒就正常發揮，份量比想像多。廣島蠔係全餐飯嘅亮點！蠔上面鋪滿蔥同埋煙肉，味道好夾，蠔一啲都唔腥，勁想單獨叫多碟。牛肉薄燒係第二好食，燒到啱啱好唔會過火喉，不過有小小油膩，要飲多幾啖茶。整體來講，我哋2個人食得好飽，$478性價比高😍值得一提，waiter服務好好，每次都會主動refill茶水，我個杯無出現過空瓶，好細心。

今日同朋友一齊行經長沙灣附近，肚餓覓食，梗係上開飯喇睇睇有無好野。發現附近有間日本鐵板燒，決定去探店嘗新，店面幾有Feel，日式開放廚房，師傅都真係好忙~兩隻食肉獸，梗係要食肉先，先上鐵板牛仔骨同埋雞扒，牛仔骨肉質可以，搭配金蒜別有一番風味，有啲咬口。雞扒嘅醬汁值得一贊，加分。三文魚同左口魚壽司一流，三文魚大塊，魚味鮮甜，嫩滑十足。左口魚出奇的清新，魚味十足，十分新鮮。鐵板三文魚頭，唔好睇個樣衰，但係真係好味道，魚頭肉最嫩，再鐵板一煎，外脆內嫩，一個字，“正”!煙肉炒飯用料豐富，勁多櫻花蝦，搭配金蒜，蛋花，成個炒飯都金黃色，賣相都好吸引，味道亦好OK。之前睇其他食評都見到炒芽菜，覺得好得意，索性試下。咦，又別有一番風味哦，好得下。總的來說，探店成功，下次可以試埋其他菜。

細佬中意食鐵板燒，見佢就開學請佢食餐好既，呢間鐵板燒位於長沙灣，見佢咁多好評又近我地一於去試下。日本風既門口已經好有特色，入到去成個感覺好整潔舒適。我地揀左個牡蠣餐包括有２人份量既是日精選刺身、沙律、廣島蠔、魷魚筒、牛肉薄燒、野菜、炒飯、味增湯。沙律d菜好新鮮，清甜爽脆。個醬汁鹹鹹地，仲有少少酸，幾開胃。是日精選刺身有深海池魚、帶子、八爪魚、油甘魚，都好新鮮。當中我最中意深海池魚，鮮甜得黎有淡淡特有的甘香味。燒魷魚筒好有口感，煮到啱啱好一Ｄ都唔靭，而且又唔會好咸，沾上旁邊既炸蒜就更加香口。廣島蠔配煙肉、櫻花蝦、洋蔥、炸蒜一齊燒，充滿牛油香味，惹味得黎仲食到蠔既鮮味。牛肉薄燒用牛肉包住青脆既蔥同炸蒜，為濃郁既牛味配上小清新既味道。炒飯用櫻花蝦、蛋、蔥一齊炒，好香，而且仲有味增湯同炒芽菜配埋一齊食。成個牡蠣餐都夠我地兩個人食，最欣賞係唔會好咸，選材新鮮，比我以往食開既好食好多。另外叫左份鵝肝多士同一客日本海膽，鵝肝個面煎到金黃，食落肥美豐腴。日本海膽質感好幼滑，入口即化開，好鮮甜！！係我食過最好食既海膽！建議一早book定位，我地食到咁上下已經好多人等位。最後埋單之後店員仲送左一人一粒糯米

叫咗二人分量嘅牡蠣餐(HK$478)，包括是日精選刺身、沙律、廣島蠔、魷魚筒、牛肉薄燒、野菜、炒飯、味噌湯、甜品，朋友鍾意食三文魚，另外叫咗三文魚頭(HK$98)。🍴是日精選刺身八爪魚有啲韌，真鯛清淡彈牙，三文魚腩肥美，油甘魚鮮甜，四款食材唔算高級，但尚算新鮮。🍴沙律用咗日式油醋汁，酸酸哋，好清新，比芝麻醬更夾沙律菜。🍴廣島蠔用大量蔥蒜炒香，蠔肉鮮甜多汁，亦帶有幾分煙肉嘅煙燻香氣。🍴魷魚筒鮮甜軟熟，可惜分量少咗啲，兩個人食唔太夠喉。🍴牛肉薄燒牛肉薄片燒得焦香，油香肉香兼備，唔韌唔乾，包住大量蔥蒜，夠和味。🍴野菜好鍾意食芽菜，呢碟無令我失望，爽脆無比，一啲草青味都無，好食。🍴炒飯有蔥、櫻花蝦等配料，夠香，夠熱，米飯粒粒分明，可惜調味淡咗少少。🍴三文魚頭朋友話好香口，魚味十足，油香豐富。🍴味噌湯唔會太鹹。🍴甜品每人一粒黑芝麻味雪米糍。📍鳥海山鐵板燒長沙灣昌華街23號富華廣場地下18號舖

6點幾左右去到，就未算係好多人😂點知去到7:30就坐滿！仲要不停有人叫外賣添！！我哋一入到去就直接坐咗係鐵板燒對面，諗住有得睇住廚師煮，好似開心啲😆坐低就諗都唔諗就叫咗個2人餐👍🏼都好高質下！沙律普通喇不過就都新鮮同好凍！正！仲有麵鼓湯送😆大蝦好彈牙！師傅係你面前挑蝦腸再切粒，啲蝦肉超新鮮👍🏼仲要啖啖肉！真係好好食！！！！雪魚超級嫩滑😽入面好juicy!!基本上唔需要任何調味都好正！！入口即溶！！牛柳相對就無咁驚喜！一碟有6-7舊，要有炸蒜片伴碟🤣我食咗一塊，超大味！牛柳入面仲係生生地，所以唔會好鞋！我地掛住食其他就凍咗，就無咁好食🥺所以記得要趁熱食！！野菜我開頭以為係紅蘿蔔或者椰菜，點知原來係芽菜🤣🤣笑死我！哎！不過又幾好食，好夠味！略嫌油多咗小小🤣炒飯睇住師傅由頭炒到尾，期間又要調味又落配料，好似睇表演🤣佢一炒完即上菜，所以熱辣辣好正喔！！佢係蛋，蔥，櫻花蝦炒飯👍🏼最後仲有甜品食！！糯米糍一粒！！🤣好滿足！用料上乘嘅小店，我見身邊好多客都係食啲高級野🤣下次再試！

喺深水埗竟然搵到呢間裝修咁精緻嘅日式鐵板燒餐廳主打日式鐵板燒同埋日式壽司刺身感覺餐入邊嘅配搭食物種類都好多一開始會上咗沙律麵豉湯先沙律嘅汁酸酸美味好開胃刺身非常之新鮮同埋厚切非常之好味深海池魚同埋真雕嘅肉質相當之新鮮，同埋完全冇雪藏味魷魚筒個質地燒相當之有彈性之餘調味仲啱啱好加埋啲蒜香片增加左佢嘅香味燒廣島蠔亦都做得非常之出色蠔嘅size非常之大隻，一啲腥味都冇加上有少少煙肉碎做配搭增加左成個菜式嘅口感簿燒牛肉入邊包住左香蔥同埋炸蒜無論係香味同口感分數都十分之高牛肉仲保持到有肉汁套餐入邊仲有個炒雜菜中一中和食咗咁多肉嘅感覺🤣芽菜炒得啱啱好亦都唔會過淋櫻花蝦炒飯香味非常之出眾炒飯粒粒分明配上櫻花蝦同埋蛋漿口感一流另外仲有Order到一個唔係成日都有得叫嘅油甘魚鮫肉質相當之鮮嫩同平時食開嘅三文魚鮫有好大分別，非常之好食

今次我哋揀咗餐廳嘅牡蠣餐，包咗都幾多嘢食，兩個人食啱啱好啊🤓價錢係$478🤗-​​🔖​是日精選刺身今次試到嘅刺身有三文魚、八爪魚、深海池魚同真鯛~店員特別推介深海池魚同真鯛係空運到港，食落去味道鮮美，完全唔會有腥味啊😆💫 推薦指數: 8/10​​🔖​牛肉薄燒牛肉牛味都幾濃郁，入面包住咗大量炸蒜同蔥🤣啱哂比較重口味嘅人士啊😛💫 推薦指數: 8/10​​🔖​魷魚筒如果魷魚筒處理得唔好，入口嘅時候會好難咬..但係佢煮得啱啱好，食落去幾彈牙🦑💫 推薦指數: 8.5/10​​🔖​廣島蠔廣島蠔飽滿肥美😍配搭咗炸蒜、蔥同煙肉🥓成個組合味道好好🙌🏼💫 推薦指數: 9/10​​🔖​炒飯配料方面有蔥、蛋同櫻花蝦，飯粒粒粒分明，有咬口🤗櫻花蝦嘅味道滲透到飯粒入面，帶有鹹香嘅味道😛💫 推薦指數: 8.5/10​​🔖​炒野菜蔬菜夠哂新鮮，因為食落去嘅味道都好清甜😙💫 推薦指數: 7.5/10​-​温馨提示​👉🏼仲包咗沙律、味噌湯同雪米糍😇

呢排睇奧運真係更加掛住日本！望梅止渴，係長沙灣搵到間開左冇耐嘅鐵板燒，見佢咁新就想試下。位置係甜記餃子旁邊，好容易搵食物種類都好多野揀，今日我就叫左個大蝦餐，價錢中等，睇相已經好吸引🤤落完單仲可以睇住師傅表演，因為係開放式廚房，所以對食物嘅衛生程度好有信心，加埋師傅嘅功夫都一覽無遺，超贊👍🏻💮沙律🥗沙律係生菜同車厘茄，加左醋撈勻，開胃醒神💮銀鱈魚🐟外皮煎到金黃色，外脆內軟，每一啖都食到少少魚油，一啲都唔腥💮大蝦🦐師傅係鐵板上面煎緊嘅時候已經聞到好香，刺激食慾。蝦嘅size 有成手板咁大隻，蝦肉非常新鮮，肉質彈牙，蝦頭有滿滿嘅蝦膏，食完仲想再食💯！💮安格斯牛肉🥩份量幾多，牛柳粒煎得啱啱好，唔會韌，牛味濃郁，夾埋蒜片食有另一番風味，推介🌟💮野菜🥬芽菜爽口而且唔會出晒水，清清地都唔錯，食完咁多肉食番啲菜冇咁有罪惡感💮炒飯🍚、味增湯🍲飯加左櫻花蝦同蛋炒，粒粒都炒到金黃色而且好有鑊氣，粒粒分明，加埋櫻花蝦令到個飯好香口配埋熱熱嘅味增湯，好有日式飯桌嘅感覺食完仲有甜品芝麻味雪米糍😋完美仲有抵讚嘅係員工不停幫我地加茶，食完亦都好快收碟同上下一道菜，服務好有效率，如果放假黎一齊同朋友聚聚飲下酒都係一個

鐵板燒又係我至愛，今日嚟到長沙灣呢個唔係好出名，但係CP值超高嘅一間餐廳，其實係朋友介紹嘅，嗰日去到其實鐵板燒張枱已經滿座，好彩我有訂座，如果唔係可能都要等吓先得入到去。咩都唔諗，問吓店員有咩推介，佢推介左呢個鐵板燒餐俾我同朋友，已經夠兩個人食㗎啦，四百幾蚊，都幾抵。套餐包左三種唔同嘅刺身，燒蠔，炒芽菜，炒飯，牛肉薄燒，魷魚圈，麵豉湯，最後仲有糯米糍。刺身雖然佢冇得選擇刺身，但每一款都好新鮮，我都好欣賞佢嘅三文魚，因為佢係厚切，比起出面一啲薄切得來又冇三文魚味嘅刺身，我就比較鍾意依間啦。燒蠔蠔就好鮮甜，仲有蔥同煙肉嘅配搭，用來撈飯就好正，又夠鮮味！炒芽菜食咗好多好美味又有又香嘅食物，食返清清地嘅芽菜都唔錯牛肉薄燒佢嘅牛肉入面包住左一大堆日本廠，香得來又唔會太油膩魷魚圈佢哋醬汁都好好食嘅，配埋炒飯就更加好最後麵豉湯，飲埋依餐可以圓滿結束了未得住，唔記得咗仲有糯米糍，不過就正正常常，叫做有個甜品食下

好少黎呢頭,去完蘇屋村又係附近搵野食,見到呢間咁傳統既店面,好有日本既感覺。果然冇令我失望。首先有前菜:沙律同味曾湯。然後就開始食海鮮鐵板燒啦,見到師傅係開放式廚房好忙咁煮呀煮,我都好努力咁食。有高級和牛,肉質一流,然後有一隻大蝦,身體已被CUT成幾片,但仲有好靚,令人唔捨得食,真係彈牙,連個頭都好多膏添呀!比目魚都好一流,燒完同平時食開果D好唔同,質感好正!尾聲仲有炒野菜同炒飯。個炒飯都好豪華下,有櫻花蝦,好惹味,真係海鮮盛宴呀!最後仲有個甜品,係阿華田雪糕。呢度服務好!值得來!

餐廳位置唔多，但就好有佈置，令人感覺好似去咗日本傳統餐廳咁～坐bar 枱就可以睇廚師親自燒比自己！清酒煮蜆非常有鮮味，而且溫度啱啱好，隻隻都好大粒呢！叫咗個壽司發辦～店員亦好細心咁提醒我地進食次序。成個拼盤擺設簡單，食材極為新鮮，我同朋友都好滿意～朋友仲特登叫咗個煎雞扒填肚，雖然只係簡單菜式，但都煎得好香口，雞肉嫩滑。嚟得食鐵板燒，當然要叫啲燒物！牛肉薄燒中間夾咗大量炸蒜，好惹味～最後我地仲加咗個芽菜，健康啲🤣

同朋友好耐冇見 佢介紹左呢間鐵板燒比我地話一齊去試下, 我地大約7點鐘去到 唔洗等好耐就有得入座.餐廳環境裝修得好有日本風味 座位都唔會坐得好迫.睇一睇餐牌 晚餐有幾個SET, 我地就叫左牡蠣餐同埋鮑魚餐, 每個餐都會跟一份沙律同埋味噌湯-牡蠣餐 $478呢個餐入面有 是日精選刺身、沙律、廣島蠔、魷魚筒、牛肉薄燒、野菜、炒飯同味噌湯-鮑魚餐 $688呢個餐入面有 是日精選刺身、沙律、活鮑魚、銀雪魚、大蝦、野菜、炒飯同味噌湯-日精選刺身, 店員上菜個陣都好貼心咁同我地介紹呢幾款剌身係咩黎, 店員亦都有同我地講解可以食左有燒既刺身先在食生既刺身.刺身食得出好新鮮 擺盤都好靚.-廣島蠔廣島蠔配身煙肉同蔥炒埋一齊 幾特別 廣島蠔入口鮮甜多汁好好食! -魷魚筒爽口彈牙 唔錯-銀雪魚入口即溶 煎得岩岩好! 又冇骨 好好食 -大蝦新鮮大蝦 口感好彈牙 蝦頭仲有蝦膏-活鮑魚上菜時已經切成一片片 方便客人食用, 口感好彈牙 亦都好新鮮-牛肉薄燒牛肉入面係包滿蔥同炸蒜 鐘意食炸蒜既人一定要點呢個最後就係炒飯 味噌湯同埋甜品炒飯炒到粒粒分明同乾身 唔會太咸, 味噌湯就正正常常

有次同同事傾開食日式鐵板燒，佢介紹有間喺長沙灣，價錢合理，裝修環境好，仲有廚師係面前煮俾你睇，聽完心思思想搵日去食下。今日放工有時間，同埋個同事一齊去依間餐廳食飯，門口裝修已經好有日本feel, 入到去燈光同裝修都感覺好舒服又寬敞。Menu 印刷得好精美， 見到d 食物相已經開始好肚餓，今日order左幾個款式：1. 壽司： 油甘魚、三文魚、火炙左口魚邊壽司師傅喺我面前整，見佢好有心思，慢慢擺放同裝飾壽司碟。 手握壽司，飯好香軟，size 適中，一啖可以食晒，魚生好新鮮肥美, 食完仲有油香，好食到不得了。2.鐵板牛仔骨牛仔骨肉味香濃，加埋醬汁一齊燒，非常惹味。3.鐵板白鱔煮出黎既效果好特別，魚皮同魚肉分開，分別都煎得好香脆，脆卜卜，第一次咁樣食法，有驚喜亦都好味。4.煙肉燒飯最中意食鐵板炒飯，飯內加左雞蛋、煙肉、櫻花蝦米、香口好味，飯既口感都好好，真係食到一粒粒。5.季節蔬菜最後緊係食返d蔬菜，季節蔬菜係芽菜，初頭以為味道好普通，但原來都好爽脆清甜，用鐵板煮又有另一個風味，唔錯唔錯。