鳥海山鐵板燒 (Moved) New Location

之前見過呢間鐵板燒既廣告好吸引，主打日本新鮮食材，打算收工去試。餐廳新開無耐，入面裝修都唔錯，幾日系以木為主，坐吧枱更可以望住個廚師即場鐵板燒，無花無假。我地二人要左日式煎雞扒同西班牙黑毛豬，個師傅煎緊既時候已經聞到陣陣鐵板香味，令人垂涎三尺。雞扒煎得十分嫩滑，皮脆肉嫩，配上日式燒汁，香濃惹味。黑毛豬更肥瘦均勻，肉質鮮嫩，配上炸蒜，香味濃郁，油脂芳香撲鼻。另外點了油甘魚鮫，師傅用上鐵板慢煮，魚肉新鮮，口感嫩滑。此外，點了角切魚生飯同親子丼，兩碗飯份量十足，配料都絕不吝嗇，魚生夠新鮮肥美，很抵食。配上各類鐵板燒更送飯一流，整體味道唔錯，經過可以一試！

記得對上次經過長沙灣，已經好想試吓呢間新開鐵板燒；奈何當時朋友堅持要食甜記🥟；今次再經過佢無藉口say no 啦🤣由於普通坐位（面對面果隻）full左，店員安排我地坐bar位～睇完menu後單點左幾道鐵板料理🍱首先登場嘅係：🐮牛肉 🐓雞肉 🐖豬肉叫哂三隻肉喺因為朋友係重度食肉獸，加上聽佢講話做完gym先嚟同的食飯，要補充下體力咁話喎🥱三隻肉都係水準之內嘅～唔知係咪因為即叫即燒，零舍有風味！而家一路食一路望住師傅整，個感覺似去咗日本居酒屋咁⛩炒野菜🥬友人話要飲食均衡，點都要食番啲菜🥸🥸🍶清酒煮蜆有勁濃嘅sake味，而且料好足，啖啖肉！足料角切魚生飯！推薦大家叫嚟試吓🤩用料新鮮，米飯粒粒分明，味道都調得啱啱好！配菜哪薑漬片都好好味😋點名要讚嘅係🎖喺用咗手磨wasabi呀！特別fresh特登好食！🍣另外仲單點咗啲壽司試吓～好味～送嘅飯後甜品喺2粒雪米糍！🍨滿足！埋單700幾～質素算喺唔錯！有機會嘅話會過嚟試下鐵板set！☺️

好耐都冇食鐵板燒，今次就嚟長沙灣試吓呢間專做鐵板燒嘅日式餐廳😌🧡三文魚壽司 $32 /火灸吞拿魚腩壽司 $58（一件）前菜先食少少壽司，三文魚正常發揮，見到啲刀工都幾有誠意。火灸吞拿魚有少少燒過龍，不過都有香濃嘅吞拿魚味👌🏻🧡燒白鱔 $188個人都幾鐘意白鱔咁樣燒法，魚皮十分酥脆，好似炸過嚟咁。魚肉香嫩多汁，好好食👍🏻🧡燒三文魚頭 $98三文魚頭都燒得好脆，魚肉多汁，但係表面燶咗少少。🧡煙肉燒飯 $88炒飯夠火候，炒得粒粒分明，都幾惹味，加左煙肉好香。🤤🤤🧡香煎牛仔骨同芽菜都正常發揮👌🏻整體來講，呢間鐵板燒都算火候足，食物燒得香脆，不過食物就細份咗少少，要叫多幾款先夠飽👌🏻

Tonight, we want some Japanese food for our dinner, not just Don, but also some grilled food. So we choose Mt. Chokai. The restaurant has a big grilled table, the chef serves the dish in front of the customers. We ordered grilled scallop, chicken steak, Spanish Iberico pork, vegetables and seared don. The grilled food is juicy and well-seasoned, all are made per order and can see the cooking talent show in front of our table. The don with high-quality fresh fish. Lastly, the restaurant also serv

老婆生日飯，於是選中了這間一試，好一段時間沒有食鐵板燒，印象中鐵板燒都幾好食，所以滿心期待。我們訂了晚上七時，時間尚早，全店只有6人，今次廚師可以不用太趕，可以發揮到應有水準，我和太太坐正廚師前面，我印象之前的鐵板師傅都會表演一下刀功，拋下蛋，玩下火之類，可惜！當晚一樣都無出現過，都係煎下炒下甘，無乜特別，和我想像中有少少落差，其實沒有都無問題的，表演只是花巧嘢，重中之重反而是食材和味道。可惜結果都係一般，魚無魚味，蝦無蝦味，牛最好味，炒飯太干身，蛋無蛋味，唯一贊的服務員態度非常好，即叫即反應！大家來食晚餐不要太大期望，普普通通食一餐，盛惠650蚊！

今次捐窿捐罅去到荔枝角搜尋一啲特色餐廳，見到呢間日本料理店門口排咗勁多日，所以今次就去試吓！🍡牛仔骨 HK$98牛仔骨超級入味，配搭埋炸蒜超好味！不過略嫌做唔到骨肉分離！要咬大力啲先得！🍡雞扒 HK$88雞扒嫩身，醬料味都好香，但略嫌食到最後咸左啲!🍡三文魚頭 HK$98第一次見咁大個三文魚頭，煎得好香，而且脆卜卜，而且魚肉竟然處理得咁好，保持到超級滑嫩！呢款真係大讚！🍡親子丼 HK$128魚子鮮甜，超級爆油！三文魚好嫩超有彈性！🍡角切魚生丼 HK$158角切魚生飯有八爪魚，三文魚，魚子，鮭魚，仲有隻好軟熟既糖心蛋！有彈性既八爪魚再加上軟綿綿既糖心蛋嘅組合嘅口感好正！

紀念日揀咗食鐵板燒☺️ 體驗唔錯首先環境好舒服，坐位寛敝，鐵板燒但無油煙味，係開放式廚房，如想睇住師傅煮，可以坐吧枱位置。不得不提店員嘅態度好好，好貼心地照顧每位客人需要，推介食物外，不時斟茶並換碟。๛ 羊鞍食得出師傅嘅功力，羊鞍熟度啱啱好，保持到非常Juicy既肉汁，推薦！๛ 牛仔骨牛仔骨亦都燒得好香口，但個人覺得燒汁醬汁比較鹹。๛ 清酒煮蜆要讚佢嘅清酒煮蜆非常之出色，蜆肉大粒，好鮮甜，我地連湯都飲哂✨必食之選，嚟到必定要嗌呀๛ 除咗鐵板燒之外，我哋叫左壽司🙈估唔到幫我哋擺盤得好靚(˘ਊ˘) 甜蝦水準正常；火炙左口魚裙邊 油脂非常香口； 油甘魚腩有驚喜，食到淡淡鮮甜味，推介！๛ 季節蔬菜當日係椰菜，食到牛油香味，同埋醬汁鹹甜到啱啱好๛ 煙肉炒飯炒飯粒粒分明，每粒飯都有沾上蛋香，每一口都食到煙肉同"鑊氣"最後仲有送上糯米糍，總結呢一餐鐵板燒。

我一向都好鍾意食鐵板燒，不過下下都好貴，所以都唔係成日有機會食🙈呢間平民鐵板燒之前見到一直都好想試，因為佢地既鐵板餐真係好抵食！因為朋友唔食得生冷野，所以我地揀咗唯一一個冇精選刺身的大蝦餐🦐🤤🤤🎈大蝦餐 $598$598/兩位！你地真係冇睇錯，真係兩位，真係咁抵食 🙈套餐包括左沙律、大蝦、銀鱈魚、安格斯牛肉、野菜、炒飯同埋味噌湯😋😋🤤🤤🤤沙律同味噌湯就正正常常冇咩特別，至於野菜係炒芽菜，生熟程度啱啱好度，食到芽菜既爽甜😚銀鱈魚師傅控制得岩岩好熟，大大件啖啖肉，簡單調味已經好食👍🏻大蝦果然係主角，一隻蝦可以分成3大件，爽口彈牙有蝦味，蝦頭既膏仲要好香😋😋安格斯牛肉已經切到一口size，配埋蒜片係最好味😚至於另一亮點就係炒飯，粒粒分明，香味十足，我成碗飯食晒😂😂🎈鵝肝多士 $89我真係好鍾意食鐵板鵝肝，因為高溫鐵板鵝肝兩邊煎得好香，咬落去再有油爆出黎🤤🤤一份兩件，同朋友一人一件岩岩好😋😋雖然今次坐得唔近鐵板位，不過就坐得近刺身位，可以睇住師傅整刺身，所以強烈推介大家叫龍蝦餐包埋有是日精選刺身，我見佢地既刺身拼盤都好正😋😋呢個價錢可以食到鐵板燒，仲要質素都算唔錯，值得推介👍🏻👍🏻

鍾意食日本料理既我，今日又同朋友去食啦。餐廳地方算大，座位都寬闊，服務員態度都好好！事不宜遲，睇一睇個餐單先！差啲主要係鐵板燒為主，有豐富嘅海鮮！亦都有刺身！第一道前菜小食就係清酒煮蜆，第一時間飲碗湯，好濃既清酒味，湯有鮮香既蜆肉味！再黎試啲蜆，比一般店舖大大舊，好多肉，都厚身，同好juicy，好新鮮！第二道就係刺身，有拖羅，三文魚，墨魚同八爪魚，全部都新鮮，魚就有油脂香味！下一道就係燒板燒蠔，咬落去勁多汁，好香既鮮味，蒜香配料都好惹味！另一道燒魷魚，勁彈牙煙韌，蒜香亦十足！鐵板燒牛肉，7成熟，油脂分布平均，香口！而呢個黃金炒飯，認真非常正，飯香粒粒，充滿蝦香同蔥香，正！最後一道鐵板燒芽菜，爽口勁多汁！最後有碗味增湯同雪糕送添！

今日約左朋友黎長沙灣既鳥海山食日本鐵板燒,朋友話想食好耐。餐廳雖然唔太大，不過坐得舒服，仲可以望坐師傅燒野食。打頭陣點左碟鐵板炒安格斯牛柳試試先，牛味又幾重，食得出唔係用平價牛，而且火喉控制得剛剛好，唔會太熟唔會太鞋。之後點左燒雞扒，雞肉仲好滑溜，雞皮脆卜卜可口。鐵板野菜係必點，有齊椰菜、芽菜、同菇菌，唔會太咸或者太淡，味道剛好。朋友點左三文魚頭，開頭以為無乜肉，點知又唔會，臉珠肉好多，滑溜溜，好香。另外，點左煙肉燒飯，每粒飯都金黃色，煙肉好大塊，而且色香味俱全！

在長沙灣有不少重建新盤🏗為社區注入活力的同時亦帶來了中高檔美食的需求，吸引了不少靚餐廳來進駐，今天和新搬屋的朋友來吃的就是其中一家精品鐵板燒店🕋 📓打開餐牌就已經見到幾款二人餐，另外亦有單點的鐵板料理、壽司和刺身等，算頗為全面的日式餐廳。今天就選了一個鐵板大蝦二人前($598) ，主打專人全鐵板料理，其他套餐則有是日刺身配搭鐵板熟食。有見到其他客人點龍蝦餐時，壽司師傅非常用心準備刺身拼盤，有海膽和深海池魚等靚料，完全不是普通貨色😍下次再來試試。 銀鱈魚魚肉的肉質細嫩潔白，入口油而不膩。大蝦蝦頭的味美濃香令人忍不住用力吸吮內裏精華😙 安格斯牛柳當看到牛柳時也相當驚訝，因為非常厚身，有近2吋厚。看著師傅手起刀落把它切成十粒一口牛，簡單加點鹽去料理已經滋味無窮。炒飯見證住師傅將白飯炒成一粒粒金黃既炒飯，真係好神奇😋加入兩隻蛋keep住炒乾飯，味道好好野菜最後食完主食後，師傅為我地送上炒芽菜，清一清油膩感甜品最後一人一粒雪米糍作結

鐵板燒餐廳在香港漸趨普及化，不少人都開始懂得欣賞鐵板燒席前料理的藝術，在粵菜我們常提及鑊氣的概念，在日本菜亦有鐵板燒去傳達這一份火熱感官享受的關注🔥 一看招牌木刻已有濃厚和風氣息，店內佈置的壁畫和木雕菜牌散發居酒屋感覺🎐吧檯位置約10個，有一個鐵板燒爐和一個壽司刺身料理區，令食客可以欣賞整個料理過程，另外亦有一些散檯供一些想專注聊天的客人所用。鐵板大蝦二人前 $598🥗前菜沙律羅馬生菜夠新鮮爽甜，醬汁夠酸開胃一流 🐟銀鱈魚 | 8.5/10第一道炮製的是銀鱈魚，師傅將兩邊輕烤，把藏在魚身的魚油迫出來，兩邊魚肉烤得香脆，上菜前用牛油、醬油和酒調味，使層次感更多。🦐大蝦 | 7.5/10第二道菜就是欣賞師傅行雲流水般處理大蝦，先把蝦頭和蝦身分開，接著用兩枝鐵板叉把白滑的蝦肉從蝦身一下抽出🍴放回備料碟上，因為要先烤蝦頭，將蝦膏和蝦頭油鎖住。蝦肉分成左邊、右邊和蝦尾，大蝦啖啖肉的快感仍然保留，帶點彈牙。🥩安格斯牛柳 | 8.5/10入口柔軟滑嫩，火喉控制恰到好處，牛柳的肉味濃又多汁，真的吃出了甜味。旁邊配上蒜片，但我覺得單吃原味已經好滿足😋 🍛鐵板炒飯 | 7/10炒得很乾身，用了蛋、炸蒜、蔥

最近留意到長沙灣有間新開嘅日式鐵板燒「鳥海山鐵板燒」，店內外裝修充滿日本風味，特設bar枱可以坐喺鐵板旁邊欣賞師傅嘅廚藝同英姿鐵板套餐有多款選擇，另外仲有壽司、刺身、丼飯等等。最後我同朋友揀咗兩位用的大蝦餐，價值$598沙律新鮮翠綠嘅沙律菜，加咗日本柚子醋汁調味，酸酸甜甜好開胃銀鱈魚魚肉質感鮮嫩滑溜，好juicy，鮮甜味美鐵板燒大蝦蝦肉已經去除外殼，啖啖肉，爽口彈牙又鮮甜！蝦頭裏面蘊藏着滿滿的蝦膏，正呀安格斯牛肉粒牛肉粒鐵板燒至七成熟，肉質有彈性，牛肉味道都幾濃郁～配上香脆蒜片，更加滋味炒椰菜簡簡單單嘅清炒椰菜絲，好爽脆，健康又美味日式炒飯鐵板炒飯加咗櫻花蝦乾、蔥粒、雞蛋絲等等一齊炒香，日本珍珠米飯粒粒分明，乾身唔油膩，帶點鑊氣，好好食哦味噌湯鹹鹹的味噌湯，裏面有豆腐粒同昆布甜品阿華田味雪米糍，外皮Q彈，甜而不膩

食材新鮮，主廚技巧一流，服務態度亦很好。我哋兩個大人一個小朋友，點左一個鐵板套餐加壽司，另加刺身，大家食到舔舔脷，最後服務員推介鵝肝多士，認真不錯。我哋喜歡幫襯這些小店，因為他們對顧客態度認真，我們感覺很良好。因為我哋坐吧枱，所以欣賞到鐵板主廚煮嘢食嘅技巧，見他手法純熟，對食材嘅眼神充滿熱誠，並且好有禮貌。所以坐吧枱係一個唔錯嘅選擇，而且一轉可以即刻送上，熱辣辣更加好味！過多一個月係小朋友嘅生日，佢話要再去依間舖頭幫襯幫襯

這間鐵板燒餐廳的氛圍不錯，可以望住師傅煮俾我哋食打卡一流，用餐的體驗都算不錯。我們點左大蝦餐，裡面的套餐給兩個人吃一定會足夠，因為套餐裡面的種類算多，有大蝦，鱈魚，安格斯牛肉同芽菜及炒飯。大蝦的口感是屬於彈牙香甜的，不同其他日本餐廳用的甜蝦是屬於又糯又甜，這個燒到蝦肉有少少香脆，吃起來不錯。鱈魚的部分就會給你兩大塊，煎到表面有少少脆化，味道上不會腥臭，食落油香豐富而且好香滑。安格斯牛肉就會切到小塊入口方便，再搭配上他煎的蒜片，牛肉的肉汁多，蒜片脆，加在一起的味道是不錯的，可以同廚師要多少少蒜片。之後還有炒當季野菜，可以同炒飯一起吃，炒芽菜食落好甜好爽口好新鮮。炒飯加人香蒽加孆花蝦及雞蛋。簡單的材料食落去好香並不會太單調。最後再加上一碗味噌湯，整個用餐就完了。味噌湯裡面還有不少材料，如果前面吃不飽，加上湯一定可以滿足你。