鳥海山鐵板燒 (Moved) New Location

有次同同事傾開食日式鐵板燒，佢介紹有間喺長沙灣，價錢合理，裝修環境好，仲有廚師係面前煮俾你睇，聽完心思思想搵日去食下。今日放工有時間，同埋個同事一齊去依間餐廳食飯，門口裝修已經好有日本feel, 入到去燈光同裝修都感覺好舒服又寬敞。Menu 印刷得好精美， 見到d 食物相已經開始好肚餓，今日order左幾個款式：1. 壽司： 油甘魚、三文魚、火炙左口魚邊壽司師傅喺我面前整，見佢好有心思，慢慢擺放同裝飾壽司碟。 手握壽司，飯好香軟，size 適中，一啖可以食晒，魚生好新鮮肥美, 食完仲有油香，好食到不得了。2.鐵板牛仔骨牛仔骨肉味香濃，加埋醬汁一齊燒，非常惹味。3.鐵板白鱔煮出黎既效果好特別，魚皮同魚肉分開，分別都煎得好香脆，脆卜卜，第一次咁樣食法，有驚喜亦都好味。4.煙肉燒飯最中意食鐵板炒飯，飯內加左雞蛋、煙肉、櫻花蝦米、香口好味，飯既口感都好好，真係食到一粒粒。5.季節蔬菜最後緊係食返d蔬菜，季節蔬菜係芽菜，初頭以為味道好普通，但原來都好爽脆清甜，用鐵板煮又有另一個風味，唔錯唔錯。