名館 (Closed)

一到步店員已幫忙帶位，態度非常好，也很有效率。環境很舒服，四周的裝潢十分特別，坐下來就禁不住不停拍照。餐具上也有很有意思的字句，印象十分深刻。點了刺蝟奶皇包，外觀精美不在話下，而且味道也是一流。軟軟的外層包裹著又滑又香濃的流心奶皇餡，吃下去是百般享受在心頭。另外也推介麻雀桂花糕，製作十分精緻，而且伴碟的紙幣也是能吃的，十分驚喜。味道方面，桂花糕底下還有一層薄薄的椰汁糕，加起來異常地合適，淡淡的桂花香配上香濃的椰汁，清新得也不會太淡。整體來說非常滿意，絕對會再來，十分推薦！

生日指定要encore的名館❤️吃中菜是幸福的生日飯而名館優雅既環境令人覺得非常寫意！終於一試宮廷點心拼盤上次見到人地食已經覺得好靚外表已經夠哂氣勢！👑食物還算不錯我覺最好味係天鵝酥(紅豆蓉)老鼠愛大米(咸水角餡)另外甜品有草莓同綠茶布甸草莓酸酸地非常清新，唔怕太飽食唔落綠茶布甸不過不失，個人唔太鐘意奶味大蝦粉絲 非常好食!!!粉絲不油膩，大蝦勁爽口👍🏻👍🏻自備candle慶祝生日甜品賣相好影靚相都無問題！

呢個星期日難得同女友黎到中環，行下古蹟群，不過出發前先食返個飯先。我地由石板街出發，所以就揀左<<名館>>。 裝修都幾別緻 坐低無耐，店員會送上蕎麥茶。飲落口，陣陣蕎麥穀香味，加分。 不過最吸晴都係呢一包溼紙巾，有創意，我鍾意。 睇完餐牌，好似平時飲茶咁，自已劃返要D乜就得。 先來的係<<亞瑪遜椰子川具炖鱷魚>> 呢個湯值得推薦，因為真係好入味又補身。先飲湯後食肉，鱷魚入口既口感原來有D似雞肉的。 <<厚切叉燒皇>>，肥瘦均勻，入口有嚼勁。 <<自製菌皇醬蒸腐竹>>女朋友好鐘意，有大量腐竹畀佢呢個腐竹控食，清清地，又健康。 <<老鼠愛大米>>西米做外層，晶瑩剔透，又可愛。食落口，入面有雞肉等。口感有層次，呃LIKE之選。 <<私房黃金泡飯>>呢個都好特別，食之前要將湯倒在飯球上，然後壓碎佢。兩個人食，好足夠呢。等飯均勻地沉入湯，就可以食。入口都有小小硬，但非常香口。而且用料豐富，湯底口味出色。鍾

麻雀好多人都打過，但未必有太多人食過落口？ 呢副麻雀仲要係13么只溶於口不溶於手添，真是獨一無二。呢間餐廳是走年輕新牌路線， 裝修風格摩登時尚，我好鍾意餐廳裝潢以藍色為主調，但可惜當天可能有公司包了部分埸地，所以略嫌有少少嘈，如果不是這麼嘈應該可以坐耐小小呢？首先要點個湯飲飲先，因當天已大部份湯售罄, 而經理推介溏心黑蒜燉響螺湯，補氣養陰，咁滋補冇理由唔試嘅。燉湯以茶壺盛著，喝時就把湯倒進茶杯內，自斟自飲，猶如品嚐功夫茶般，饒有趣味。每人約分到4－5碗。燉湯顏色清澈，味道清香甘甜，有住家湯的感覺。小食我們點了麻香龍鬚鴨舌，鴨舌辣中帶麻香，醬汁惹味。主菜我點了鮑魚汁扣柚皮， 黑椒葱爆安格斯牛柳粒，同極品黑松露小籠包;鮑魚汁扣柚皮這道菜不是太多地方有得食，因製作過程複雜，柚皮不能熟的太爛，又不能太生，如果唔係去不掉澀味，一般要焯水、擠水反覆三四次。而這裡的柚皮咬落口都沒有這澀味，這就已知這道菜真是誠意的菜式呀。而第二道主菜黑椒葱爆安格斯牛柳粒，最吸引是個顏色好有色彩，牛柳粒肉質非常嫩滑, 師傅已鎖住肉汁, 牛味濃郁, 肉汁有點黑椒味和辣香, 好惹味, 最利害的是切成一條條京蔥極爽口, 可能

今日嚟咗名館食晚飯係因為朋友介紹話呢度啲食物質素OK，環境亦都坐得好舒服。上到來店員好快已經安排左座位俾我哋。因為我哋兩個人，所以叫咗一個菜一個餸同埋一個飯仲加多一個甜品。上到嚟環境的而且確係坐得幾舒服，都係同朋友gathering嘅好地方。私房黃金球泡飯幾特別熱辣辣，不過要浸耐d lol~石鍋鮑魚鮮淮山炆雞值得推介！個人好鍾意食鮮淮山，啲雞又夠鮮嫩，仲要係喺個石鍋度熱辣辣，更添滋味！呢個招牌甜品，應該嚟得呢度食嘅都會知道—椰汁桂花糕！必叫，食過就知

今日同同事喺中環開完會就順便喺擺花街周邊食埋飯發現呢到有名館 之前行希慎已經好有興趣所以就入左去一試一共叫左4樣野個石窩鮑魚雞粒炒飯一上菜個陣勁香仲要望真啲勁足料 有十幾廿隻細鮑魚喺入面啖啖都爽口彈牙又好足穫氣然後叫左麥冬雪梨燉鷓鴣呢個湯滋補下好濃味 會想不停續杯入面料都好足 我同事直頭拎捚入面啲湯滓喺到食至於燕窩流沙包都好岀色奶皇好滑口同香 刺蝟造型都好趣怪最後一個就係菌皇醬蒸鮮腐竹個醬就咸咸地咁 而腐竹方面整得好好 唔會蒸得太耐 一夾上黎就爛

今日來到中環，朋友介紹有間樓上嘅新派粵菜。上到樓環境寬敞，裝修亦都十分特別，好有懷舊的感覺和時代感共融。餐具餐桌嘅擺設亦都十分乾淨企理。呢度出名功夫燉湯，係用海鹽燉嘅，令燉湯鮮味提升，主味更為突出。今次試咗個麥冬雪梨燉鷓鴣，可以舒緩失眠嘅狀況，好似都好適合唔同人嘅體質，所以同朋友都叫左呢一個燉湯試吓。個燉湯唔止賣相OK，連個味道都好一流，值得一試。因為我哋都係來短敊，所以再叫咗個點心和甜品當下午茶。叫咗個老鼠愛大米share，有啲似煎堆，但外面係d糯米。賣相OK，如果有小朋友一定吸引到佢地！最後叫咗個麻雀十三么，其實係椰汁桂花糕，像真度好似，味道亦都唔錯，值得推介。

午飯時間約了友人在中環用膳，地點選定名館。店內裝潢時尚得來又不失中國特色，牆上掛滿色彩鮮豔的小蒸籠，並大量搭襯少見於餐廳的海水藍色。 與其他中菜館一樣，午市除了有套餐組合外，亦有各式點心大盤供散點品嚐。 秋葵是一種營養豐富的植物，口感脆中帶軟，滑中帶黏，加上清清的口味，頗適合製成涼菜。這客京川汁秋葵，正正用上秋葵作菜，為了豐富菜式的味道，廚師特意配上京川汁，以搶味的蔥蒜及微微的辣意為秋葵引味，錦上添花。老鼠愛大米屬精選點心，挑選原因直接簡單，就是被它的名字吸引。老鼠愛大米的英文菜名是 Chicken Bun，起初以為是製作成老鼠模樣的雞包仔。直至菜式奉上的一刻，才發現包點不是小編所想，外層是口感黏糯帶甜的西米，內𥚃是雞粒、菇粒、花生等餡料。包點賣相可愛，鹹甜俱備，頗逗小朋友歡心。 私房金黃球泡飯是一道特色泡飯，廚師先把飯團搓圓，再落鍋炸至金黃色。上菜前一刻才把金黃球置於以豬骨湯中，並以明火加熱保溫。吃時輕輕壓破黃金球製成泡飯。依附著黃金飯焦的泡飯外脆內軟。豬骨湯口味輕盈不過鹹，適合講求清淡感覺的泡飯。 最後是甜品時間，點選了一份招牌麻雀甜品。每隻「麻雀」的主體勻以椰汁糕製作，底部

很開心繼銅鑼灣名館，又有一間新的分店在中環擺花街1號廣場又開了半年有多，今天男友收工說要吃中菜，我們七時就到名館了!地方比銅鑼灣大而且空間感很寬，我們先叫了兩個小食!陳醋珊瑚紅海蜇頭份量很足，有很多片，而且陳醋味很香，醃得很夠味道!沙薑豬手是冷盤，豬手很爽口，口感一絕!濃湯鮮茄珍菌煲又香又濃，蕃茄把珍菌的鮮味更加深，而且湯酸酸甜甜很不錯!自製菌皇醬蒸鐵棍淮山很惹味，而且准山很爽口，也很健康!不得不提老火湯是一個茶壺盛上，我們叫了糖心黑蒜燉響螺，火喉十足，夠潤肺，今天我們吃得很開心.

有時同男朋友食晚飯， 唔一定要食西餐既去食中菜都唔錯， 宜家多左好多新派中菜今次就去公司附近既呢一間食下先樓上鋪地方更加寛敞， 檯上的餐具亦都別具心思每個餐碟上都有不同字句， 好特別先飲「蕎麥茶」， 係來自四川涼山味道帶甘， 好開胃， 又唔苦再食男友最愛的「沙薑豬手」， 豬手煮得好稔好入味而且件件都大件多肉， 上面再放了蔥花令沙薑的味道更加突出惹味天氣開始乾燥梗係要叫個湯黎滋潤下，「麥冬雪梨燉鷓鴣」， 對於唔識煲湯既我岩晒， 因為雪梨夠晒清潤又唔燥， 麥冬又可以養陰生津、潤肺清心， 對肺部好好「鮮蝦野菜春卷」， 廚師將春卷切成不半， 排列得美觀之餘， 而且春卷入口好鬆脆， 春卷皮又夠薄， 而且缃戈材料包得好穩固「蜂蜜柚子蝦球」， 以為會好似普通蝦球， 原來唔係， 用鳥籠裝住， 賣相已好美， 將柚子、芝蔴、青檸用黎煮蝦球，味道好清新，好特別「魚米之鄉」，最初以為粉麵，原來係由魚肉魚鬆炒成的飯，飯炒到鬆軟，一粒粒咁，好乾身入味，而且材料豐富，啖啖都有魚肉整體食物味道都好好，下次午飯再過黎食

同家人食晚餐，最好都係食番傳統嘅粵菜。今次就帶屋企人去試左呢間睇落非常有新意嘅粵菜館試下，食完之後覺得非常有驚喜。一入到黎見到啲碗筷已經覺得好有新意，每食碗上都有一啲非常有詩意嘅句子。食粵菜當然唔少得叉燒，呢度嘅叉燒煮得非常出色!!叉燒外層佈滿左厚厚嘅蜜汁，肉質肥瘦均勻，食落口感軟腍，非常好食。蜂蜜柚子蝦球亦都相當唔錯，蝦球大大粒咁，炸到外脆內軟，外面佈滿左由蜂蜜、青檸同柚子調制嘅醬汁，食落酸酸甜甜，非常開胃。飽魚雞粒炒飯非常足料，真係有粒粒鮑魚同雞肉，味道非常唔錯。石窩令炒飯保持熱度，岩晒我呢啲食野慢吞吞嘅人。最後就有賣相非常精緻嘅麻雀桂花糕，我就係比呢個咁得意嘅桂花糕吸引左黎食呢間餐廳。唔單止個樣得食食落亦都非常唔錯，一開始以為果兩張紙幣係裝飾但原來連紙都食得，睇得出餐廳係呢方面嘅心思。整體黎請名館嘅粵菜無論係味道定賣相方面都非常出色，值得一試。💕

同老豆行完街見都肚餓啦就OpenRice 下有咩好食，發現呢間食粵菜嘅都幾多野揀就嚟食啦😊 首先嗌左個精選三精品($98),有拍青瓜，叉燒同海蟄😍 叉燒非常好食，肥瘦適中，外皮小小脆口，蜜汁咸甜調得剛好！青瓜同海蟄就正常🤗 功夫湯都幾好飲，帶麥冬香氣，偏淡味☺之後主食要個石窩鮑魚雞粒炒飯($118),勁多鮑魚仔！每粒都好彈牙有咬勁😎 飯炒得好香，用石窩裝住可以保持温度，而且底部仲有唔小飯焦🤡 另外仲叫左個菌皇醬淮山($78),比較清淡，淮山夠軟身幾入到個醬嘅味👍🏻 健康之選😍最後要左最signature geh 十三么👅 賣相一流！食落比較小椰汁味，但桂花味就幾出😆

晚上同友人黎食正野之前就有留意呢間位於擺花街既名館！是一間有趣食中菜的餐廳環境佈置得很得體,牆身用左好多蒸籠去佈置，幾得意兩個人 叫到一台送，食唔食得哂上菜既速度都好快，黎得設影張合照前菜唔少得蒜泥白肉白肉底下係好多切片既青瓜好好味，蒜香味配清淡青瓜勝瓜金菇都好好味，勝瓜係主菜，只有少量金菇係個底，整體好好食，好健康既一道菜大良炸鮮奶，估唔到可以咁脆個網紋皮好脆，好好味而且唔油，內面就係鮮奶，而且唔甜值得一試既小食蝦球粉絲煲熱辣辣，好好味呀，粉絲上有蝦子，蝦球好彈牙良好配塔，而且好在佢粉絲唔會好油金黃球泡飯好得意，有個窩熱住，慢慢食都唔怕，佢個湯底係好清的，有蕃茄粒，清清地，而個黃金球其實是飯來的，炸得金黃上台後店員為我們剪開，想食脆d既，可以即刻食，想食淋d既，可以等耐少少，用湯浸住最後，唔少得叫個甜品好得意！成副麻雀擺上台，店員細心提示，連兩張紙幣都可以食望一望麻雀背後，都放心d食係桂花布丁唔會太甜，但影相真係一流紙幣係米紙做成的買單500蚊，合理價！

早前跟好友食晚飯 特別挑選名館 因為太出名了！所有食物造型都精緻到一個點每飯碗都印上唔同字句 令人再三反思黃金泡飯健康飲食主義！湯底主要由番茄粒 菜粒 栗米 枝豆等五顏六色既蔬菜而成 配上上湯熬成 所以味道清新！主角黃金泡飯炸成一個大飯團 粒粒香脆 配上湯食口感頓時大增 而助又幫助去除肥膩感 大讚店員會剪開飯團 咁就易食d!炸鮮奶卷外皮酥脆（放左好耐都仲係咁脆）內裡甜！鮮奶滑嫩 兩種口感相互映襯 蒜泥白肉白肉薄切 肥瘦分佈平均而且無雜味！每口白肉都充滿蒜泥加上醬汁 令人食唔停口麻雀十三么（半份）無論幾飽都要食埋甜品先捨得走 名館招牌甜品 麻雀十三么！精緻造型令人大開眼界 不論麻雀或紙幣 像真度都極高似到令人諗多諗係咪真係可以食得落肚！食前相機先食左品少背面睇原來係桂花糕叉拮係麻雀上 有d違和感 但又好新奇最像真既紙幣都係甜品之一！有機會一定要試

又到一年幾度嘅好朋友聚會啦😆，今次當然例牌由我啲老友話事食咩啦，佢地話有朋友食過名館，幾好食，所以話試下喎，不過我地女仔多，所以只係叫咗三個餸食，我地叫咗銀湖天鵝酥🐧，水密桃咕嚕肉，仲有淮陽金腿煮豆乾絲。餐具好靚，懷舊得黎唔老土個銀湖天鵝酥做得好靚！差啲唔捨得食呀！我開頭以為會好似出面嘅咸水角味道，但原來完全兩回事，佢層酥皮面食落好脆，加埋咸咸地嘅涵，味道唔錯！之後食個水密桃咕嚕肉，佢啲水密桃好sweet呀！而且啲咕嚕肉唔會太硬，食落去啲肉好爽口，同出面嘅咕嚕肉做法好唔同，我鐘意哩個做法多啲！😁而我覺得最好味嘅就係淮陽金腿豆乾絲，佢用豆乾做到好似面嘅，但食落去就爽口，而且味道清淡，啱晒而家減緊肥嘅我！🙈有機會一定要再黎試下其他菜先得！