Video
6-min walk from Exit A2, Sheung Wan MTR Station
continue reading
Opening Hours
Mon - Sun
12:00 - 23:00
Above information is for reference only. Please check details with the restaurant.
在歌賦街，從鴨巴甸街進入歌賦街，過九記牛腩再向前一分鐘，在同方向，比較低調。燈光較暗，帶到最裡面的房間，基本都是高凳子高椅子，基本都是六人桌子。桌面有很多醬料，胡椒，還有兩桶刀子和叉子，需要自己提取。中午有套餐，有普通的牛仔骨也有較高級的和牛，有鐵板的也有涮涮鍋。我選擇了牛仔骨，鐵板上，雜菜湯，沙拉，飯，配一罐飲料，味道不錯。78埋單。自己招呼後到櫃台付錢就是了。旁邊的九記等待較久，環境一般，味道也不至於讓我在太陽下排隊，開鋪也較晚。所以轉戰這裡也不錯。價錢差不多。
continue reading
Happy Friday約埋朋友食餐好既是常識吧! 今次去左呢間朋友介紹既Mental Steak Plus, 係中環地鐵站行15分鐘, 九記牛腩前少少, 地理位置唔算好方便, 但佢地既扒絕對值得你行呢一轉有七種扒可以揀, 侍應哥哥都好詳細咁介紹俾我地識, 簡單黎講:- 日本牛油分比較重; 美國牛肉味較重- 肉眼偏瘦; 西冷脂肪會多d, 燒出黎香d另外仲有黑毛豬, bb羊同豬手因為用鐵板上, 所以我地叫左五成熟所有日本牛都係黎自鹿兒島, 薄切牛扒, 燒走多餘既脂肪, 入口即溶, 令人有上癮既感覺為左試曬美國牛既西冷同肉眼, 我地每樣都係叫左200g, 大家share~ 其實呢個分量對女仔黎講都已經差唔多都係叫左五成熟, 肉質嫩滑燒得岩岩好, 無用多餘既調味料, 保留到牛既原味美國牛油份相對上無日本牛咁多, 但適當既油份加埋肉味, 又係另一種口感 就算女仔都唔會覺好大陣牛既騷味, 讚!建議大家除左試原味之後, 都可以試下兩種老闆自己調既醬汁香草汁比較清新, 赤麵豉較重味, 照顧到唔同口味既朋友, 亦睇得出老闆誠意十足豬手外皮超!級!脆! 裏面依然keep到嫩滑, 而且唔會整得好鹹, 恰到好處厚切黑毛豬, 好容易整到鞋烚烚, 因為豬好多菌, 一定要全熟! 但侍應哥哥話呢到既豬食既飼料超健康, 唔驚既生食都可以最後我地叫左七成熟, 一切開入面依然好嫩配上自家製紅酒醋, 讚!
continue reading
Happy Friday同一班朋友黎中環但唔係飲野，係食野扒，平時去啲高級得黎有情調既餐廳食個塊扒都唔一定好味，仲成日會overcook, 所以今次我地就黎左呢間唔係主打情調，而係主打質素既餐廳食扒～呢到有兩層，上層以高枱為主，牆身既分佈圖俾我地一眼睇晒唔同部位既名！餐牌簡而精，平時成日叫既牛，豬，羊扒都齊晒，而且佢地既出產地都係大有名堂既，另外呢到特別既地方係計g既，200g起，老闆話低過200g扒會太薄，好易會overcook，而且200g係一人份量，所以岩岩好！其實計番條數佢都真係唔算貴，A4 和牛扒$400中，U.S IBP 安格斯牛扒先$180, 呢個價錢係出面既高級餐廳點會食到！除左扒類，佢都仲有一系列小食同沙律俾人揀。 松葉蟹腳沙律一陣會食咁多肉，所以緊係要叫個清清地既沙律黎平衡下啦，呢個沙律既沙律菜都幾新鮮，用上黑醋汁感覺冇咁肥，另外佢既松葉蟹腳都係有經黑醋醃製，酸酸地好好味。原味炸粗薯條食扒點可以冇薯條，呢到係用粗薯條，岩晒我心水，不過就略嫌薯條表面仍冇少少油，炸得未夠透。 OMI A4 Sirloin Steak主角到，先係日本A4 和牛，我地食既部位係西冷，我地叫左Medium，佢真係岩岩好Medium，而且塊扒牛脂分佈得好好，食落去係入口即溶，配埋底下既洋蔥香味，真係好正，我地最後忍唔住叫多塊。 黎得食扒點會淨係食一款，我地仲點左出品自已經有悠久歷史既U.S. IBP既安格斯肉眼扒，師傅手勢好，塊扒都係Keep到Medium，肉質鮮嫩，而且有鎖住本身既肉汁。另外，佢少左A4 和牛西冷油膩感，但牛味就較重，女仔會鍾意食。呢到仲有兩款自家調製既醬汁，白酒白草汁係比較Fresh 啲既，冇咁易蓋過本身既牛味。而韓式赤麵醬就比較似韓式燒肉醬，味道較香口。Australian Lamb Rack 除左食牛扒，我地都點左澳洲羊扒，今次叫左Medium Well, 但都唔會太熟，肉質都係好鮮嫩，帶有少許蘇味，真係鍾意食羊既人會好中意，另外佢加配既薄荷香草醬係比較清新，搭配羊扒食都唔錯。Germany Pork Knuckle最後我地仲點左德國豬手，真係要超級表揚下師傳，豬手既皮烘到十分十分香脆同埋冇肥膏，但內裹肉質仍然係嫩滑既，真係幾高水準！
continue reading
大家都知道, 中上環真係真係真係有好多好多好多野食, 特別係西餐~ 多選擇到一個點係, 都唔知點選擇~另外就係價錢都有一定既貴~ 有時都唔知會簡左D咩國家既餐廳, 如果唔係食開個D味, 真係會好傷心~今次聽朋友介紹, 就去左一間叫做metal steak plus既扒房~ 其實佢既位置係比較遠, 係地鐵至少行15分鐘到先上到去, 係九記牛腩前小小, 行多30秒到就到~點解叫佢做扒房? 個到老細就好細心咁介紹俾我地知, 雖然佢既裝修係show到佢地係牛個方面好專業但佢地賣緊既唔單止係牛, 仲有豬同羊~ 而佢地入既扒全部都係有一定既質素 (每個老細一定會賣花讚花香 lol)同時, 睇住佢個menu真係頭都痛....除非我英文真係好靚~我識分既都只係邊隻係牛豬羊 同rib eye (請原諒我既孤陋寡聞...)就係依到同大家介紹下1. 日本A5和牛 (西冷) --> 佢係脂肪比較多所以會比較肥, 但煎出黎會比較香2 日本A5和牛 (肉眼) --> 佢係肉比較多所以比較瘦, 女士們應該會比較鐘意3 澳洲羊架4 西班牙黑毛豬 --> 老細話, 因為佢地由細到大都係食一樣叫"xx", 所以唔會有........完全唔記得左, 總之就係依隻豬係可以生食 lol, 佢話有見過客係叫3成熟~ 但如果接受唔到我地可以識下7成~ 但如果係香港同強國個d就真係唔好試喇~5. 美國安格斯牛 (西冷) --> 美國最大個間"XXX"出既安格斯牛6 美國安格斯牛 (肉眼) --> 美國最大個間"XXX"出既安格斯牛7 德國豬手介紹完點分, 大家有冇留意佢上面仲寫左200g up, 當時我地有問可唔可以叫150g? 因為其實咩都想試下, 如果下下次食200g真係會飽到死人~老細又話: set做200g係有原因, 因為佢地係用鐡板上, 如果牛扒叫200g以下, 就會好薄, 如果太薄再用鐡板上. 上到枱就會因為d熱力另到塊板over cook, 如果牛的話, 就做唔到入口即溶~另外, 佢地重點推薦唔係d扒既質素, 係佢地自己手工製既醬汁自我comment, 比較喜歡韓式赤麵~ 因為佢帶有小小小小辣, 當你點起上黎會令到d味更加出~另外白酒香草係比較清淡d, 等你塊肉食落冇咁油同肥~重頭戲黎喇!!首先上既係A5和牛肉眼就好似老細咁話, 200g其實唔係好太塊, 切開大概每人2舊左右, 佢用左好多洋蔥係底, 同時更加帶出牛肉既香味, 食落去真係入口即溶!!!!我地叫既係5成熟, 感覺好似唔太洗咬咁!!另外就係叫左羊~佢帶有小小小小小"蘇"味, 唔太濃烈, 可以接受, 但似質方面都非常好~之後就到佢講既黑毛豬, 我地真係信左佢叫左7成, 切開係冇血水, 只係有小小粉紅, 就好似佢咁講, 其實7成都真係岩岩好~ 咬落去一d都唔韌同好易就切得開~到最後, 就係佢個豬手! 依個豬手呢, 我strongly recommend大家真係一定要叫!! 同埋上枱時waiter係咁叫我地要快d食~ 佢個皮真係炸得好好好好脆, 同時佢d肉一定都唔硬, 仲有軟軟地!! 肥膏方面都唔算多~ 就算炸完你都唔會覺得佢好油!!! 所以強烈推薦大家一定要食豬手!!!當然中間唔少我朕好鐘意食既薯條啦~哈哈哈~佢岩岩上既時候, 其實仲見到有d油係面, 初初以為佢炸得不是太好, 但我估係因為岩岩新鮮炸起, 所以d油都未吸得晒~ 結果慢慢食完d扒, 再食下d薯條, 佢都仲係有小小外脆內軟!!價錢方面我地都點去計~ total around食左$1200左右~總結:如果以$1200, 食到有3-4塊扒, 仲要係A5同安格斯, 真心真心真心覺得好抵! 質素都係好好!
continue reading
想食好食嘅扒又吾想自己煮，又怕出街食唔夠食或者食唔哂？介紹你地去呢間"食幾多😋切幾多🔪"嘅中環扒房門口痴住各種肉來源地的証書，信心保証！US IBP Prime Angus Rib Eye 呢塊Rib Eye我就要左200g，都只係$$180咋，夠一個女仔份量，男仔就可以叫多100g啦 叫左五成熟，肉質嫩滑之餘肉味都好重，比一般澳洲牛嘅肉質更佳，不愧係有100年以上嘅IBP出品師傅手藝好，唔會令到塊扒失去原味，連啲洋蔥都好好味 💖溫馨提示，呢間店鋪嘅所有醬汁都係自家調製，每款肉都有獨特嘅醬汁，好有心機去做好每一塊扒OMI A4 Sirloin Steak鹿兒島縣嘅近江和牛，同神户牛、松板牛並列日本三大和牛。雖然係西冷部分，但A4和牛嘅質素依然充滿油份😋200g的份量以薄切方式燒烤，烤掉過多的油脂感。入口即溶，不需要用力咀嚼已經溶於口腔之中，齒頰留香😍😍肉味冇安格斯咁重，但油香味一流望住大廚係度燒塊扒，真係口水直流呀~Australian Lamb Rack羊肉既肉質好嫩滑，羊膻味適中，愛羊人士會勁鍾意陣味。點左7成熟，肉質依然好嫩滑，好腍！Spanish Iberico Pork Rack店家表示佢地黑毛豬三成熟已經可以食，但我地唔慣食太生的豬肉所以點左五成熟。肉質超腍，第一次食咁厚身豬肉可以咁軟身，但食得出唔係因為落左鬆肉粉，而係本身夠令，而烹飪得宜，令肉質唔會過硬。配上自家制的紅酒醋，好滿足！Germany Pork KnuckleEncore左一次的德國豬手，朋友都力讚。豬手先以麥啤醃過，令肉質變腍同更有風味，再豬皮部份打洞及單邊烤豬皮部份。豬皮脆卜卜，肉質惹味又唔會乾身，配埋蜜糖芥末，超正！當然，我都好自然叫左枝啤酒去送豬手啦！US IBP Prime Angus Sirloni Steak脂肪同肉味共存的一塊令扒，油香味同肉香都出到黎，肉質都好軟身。不過呢塊扒我地失誤點左7成熟，如果5成熟味道會更佳。松葉蟹沙拉，以基本的紅醋調味，蟹肉凍凍地，肉質結實，而且本身的蟹肉有種甜味，同醋味好夾炸薯條餐湯係粟米湯，味道唔算濃，但味道幾好。自家制的醬汁，特別喜歡韓式赤麵豉，配豬手丶牛肉都一流！
continue reading