吞POT 雞煲火鍋.住家菜 (山林道) (Closed)

坐完月帶寶寶食花膠補補佢！位於山林道銀座的上樓食肆、平時都好少行開呢頭、莫講話地舖，樓上食啲咩我其實都唔清楚 、不過我見OpenRice咁多好評、一於上來會回回佢😋滋補螺片花膠雞煲打邊爐，啲花膠好大塊！個湯底仲係奶白色添🥰，相當入昧。花膠我就唔敢食住、怕塞奶、畀晒老公食😄BB都食得好開心呀！Btw 呢度啲服務員、服務態度好好、起碼唔會嫌我個小朋友勁嘈🙂😌😌#吞POT 雞煲火鍋.住家菜尖沙咀山林道38號銀座12樓

在尖沙咀山林道有很多很多好吃的餐廳，今天我就是挑了這一家新蓋大樓裡面的火鍋店吃火鍋。到了以後侍應就已經跟我介紹餐牌的東西，挺熱情的，我就要了一個招牌鮮魚清湯($98) ，如果要雙併湯底的話也只需要+10塊錢而已。湯底上枱的時候發現湯底的顏色是奶白色的，看起來就像是很香很好味的樣子，因為好喝的鮮魚湯一般都是奶油白色的，真的時間沒多久，就看到湯最面層出現了一塊薄膜，好像煮豆漿時面層冷卻以後的那一層腐皮一樣，湯底的材料其實也不少，除了新鮮的魚湯之外，還有豆腐、蕃茄、蔬菜等的。另外我也要了一份生蠔和羊肉，生蠔有兩種，一是美國的，另外的一種就是日本廣島的生蠔，美國蠔我已經吃過很多次了，所以這一次我就特別要了日本廣島的生蠔，上台的時候有6隻上蠔，每一隻都是在冰櫃裡現拿出來的，沒有出水的情況出現，那就是把表示餐廳處理食材用心，客戶下單以後才從冰櫃里把食材拿出來給客戶吃，不像外面的餐廳食材一般，已經融水了，那就不太好了。

吞POT 雞煲火鍋.住家菜 滋補螺片花膠雞煲 手工鮮蝦雲吞 自家手工韭菜餃子 鮮味甘甜湯底回味無窮 小菜 和牛主打小菜,火鍋午市50多元就有一款午餐用料靚,食起來味道好,用心製作一定吃得出來  晚市多為打邊爐有招牌雞煲有辣酒花螺,有滋補,有花雕藥膳,胡椒豬肚,麻辣雞煲或可選清湯底有豆腐清湯,皮蛋,沙爹湯底,四川麻辣,番茄薯仔,鮮魚湯每一款都係新鮮製作,令食材更為味美的靚湯丸類,蝦滑,餃子加埋都有廿多款手打丸,牛,魚,蝦,墨魚,蟹粉丸另收醬料費$12有幾款醬比你先調醬汁不過我個人認為本身湯底亦好夠味,不調醬汁也沒問題呢 滋補雞湯配新鮮雞肉雞湯濃郁甘香 奶白色,應該係煎過再煲湯,特別濃郁一定要先喝一碗湯再慢慢食雞肉不用急著加配料打邊爐喝完整個人都暖和起來 湯底中另有多款食材 花膠片足料都有十塊八塊 個人喜歡追加紅薯粉,吸湯一流 手工餃子係店家招牌用上鮮肉製作而成食起來味道肉餡都明顯鮮味好多 雞肉嫩滑啖啖肉 餃子推薦大粒雲吞與韭菜餃飽滿肉餡鮮,食落非常爽甜另有魚蛋,魚滑蝦滑等等肉類,招牌本地手切牛,安格斯牛小排 雪花肥牛,牛柳粒,西班牙黑豚豬腩片豬肉片,雞肉(鮮雞),豬頸肉,羊肉海鮮有帶子王

吞POT 雞煲火鍋.住家菜 係油尖旺有唔少分店， 而且好評如潮， 今日收工相約友人到尖沙咀新店試一試。 尖沙咀店位於山林道 美食街， 差不多街尾位置嘅新商業大廈 『銀座38』。大廈設計高級，而且剛開 只得數層有食肆。 升降機門一開， 餐廳嘅玻璃外牆 一眼睇晒， 設計寬倘舒適 一啲都唔似 打邊爐！ 枱與枱之間空間感足夠。小至2人， 大至8－10人枱都有。 而且仲有室外位置，位於12／F 都睇到唔少美景。 打邊爐好怕餐具唔乾淨， 呢度完全無呢個問題。 點餐時間，餐牌有好多圖，睇到晒唔怕叫錯喇。 手工餃子同丸類 都好吸引， 特別係四寶丸 同餃子。 朋友唔食牛，所以轉攻豬肉，西班牙豬梅肉 ／豬腩肉 賣相都好吸引。 海鮮係我打邊爐嘅必點， 睇間餐廳用料新唔新鮮 就係啲海鮮到！ 重點湯底， 過八款選擇， 由養生雞湯 到惹味雞煲 ！ 因為尋日食完雞煲 所以 叫返個清清地嘅湯底。 《豆腐清湯 》$75首先上個湯底， 清湯但不馬虎 有大量布包豆腐 同秀珍菇。 湯底鮮甜。 《手製魚皮餃》$65由賣相所見都知道一定唔係「四x」，而且比平常嘅大粒 魚肉爆出嚟。 而且碌完之後完全無一層 滑潺潺嘅漿係表面。 食落

最近尋覓緊健康既養生鍋，見到呢間樓上舖有夜景睇下所以就上左黎試😋😋😋環境：因為係樓上店既關係，坐窗邊位可以望到出面既景色🤣🤣就算唔係，店內有電視，大家都可以睇下電視唔港怕悶！而且每張枱之間唔會好近，坐得好舒服，感覺好闊落！食物：今次叫左個滋補螺片花膠雞煲，一上即刻試下佢既湯底，好濃味，好足料，花膠份量唔少。而雞好滑身，每件都食到好新鮮既味道，唔會有雪味🤣🤣特別想講下佢個芝士響鈴，作為響鈴同芝士fans既我見到呢個combination 一定要叫黎試下。上菜時店員好細心提醒我地因爲係即炸，所以要盡快食用🤤😋😋食落真係好驚喜！！！係好流心既芝士，而且每條好厚身，無油味！！！大家黎到一定要試下！！！真係好好食😋😋另外呢到既肉份量好足，同價錢成正比😋特別想講下服務態度，店員好細心，連個煲既放位都有考慮到會唔會整到客人，經常留意住我地需唔需要加湯！服務一百分🤣🤣

下班了，經過尖沙咀食甚麼好呢?食甚麼好？去食雞煲火鍋。店裝修真不錯有露天露台，可以看到夜景吃火鍋。我點了滋補螺片花膠雞煲，美國桶蠔同冰菜。因為冰菜外面比較少可以㸃的，而且是季節性的蔬菜。滋補螺片花膠雞煲花膠雞湯湯水💦😋😋🥢正👅香濃的雞湯帶一點甜味，先飲左2碗湯先。之後來的是美國桶蠔，超大隻。我煮左8分鐘，剛剛好。😋😋😋🥢🥢🥢正👍🏻👍🏻👍🏻兩隻已經飽，美味可口👍🏻𣲙菜可涼拌生吃或飛水煮熟，冰菜細嫩無渣，脆爽多汁。㸃鮮醬油、芝麻醬別有一番風味🌶👍🏻👍🏻👍🏻

每一次行完山好肚餓的時候，就自自然然好想食雞煲！今次就揀呢左呢間，真心想讚的是，坐位一流，好舒服！！！我地叫左辣螺雞煲：（雖然最後都因為第二日要返工唔飲啤酒...)好好食啊，無諗過雞煲都可以加辣螺，好野味！又幾夾喎我地叫左中辣，不過食落都唔算辣，岩岩好！佢會俾埋竹簽你，一叉一扭一放入口就食得！仲內藏好多辣汁添！兩個女仔黎講，我地的份量都算岩岩好，加都幾飽，除左雞煲，我地仲叫左皇帝菜水魷：放落雞煲煮多陣，等d辣汁滲入，都幾好食！仲有四寶丸，兩個人食岩岩好，一人一粒，唔洗爭！最後想講一請呢個響羚，佢份menu有隻大大隻抄推介icon，本身都覺得無咩特別，因為平時餐廳基本上間間都有食物推介，但係呢個真係不得了，個皮超鬆脆！！！仲要都幾大舊，呢個千祈唔好浸咁耐先食，因為佢皮薄，浸多三秒都覺得好易淋... 識食最好浸兩秒就上水食得！半脆半淋，正！！為左呢個響羚，會再返黎幫襯，哈哈

同老友約好左今晚整個麻甩雞煲邊爐聚聚舊, 揀左呢間新開既連鎖餐廳「吞pot雞煲火鍋」開喺山林道銀座大廈。門面好市正 乾淨, 我地訂左18:00 相對早啲可以靜靜咁嘆下。Menu上有好多雞煲口味可以揀, 喺極品雞煲翅同辣酒花螺雞煲之間,我地揀左花螺 因為我地都係好海鮮既人。我地兩個人叫左半隻雞, 份量啱啱好 螺既數量都有十幾隻; 好香同開胃, 唔會太辣, 唔會嗆喉。火鍋料方面, 選擇有好多, 毫不猶豫就揀左推介既芝士響鈴,新鮮炸既響鈴夾左好大塊既芝士喺入面, 喺湯底輕輕浸兩秒, 吸哂湯既味道, 裡面有濃濃既芝士味好正. 愛芝士既人一定要點。另外我地叫左mix既手打丸, 有墨魚丸, 蝦丸, 豬肉丸同黑墨丸。好有彈牙口感,又夠新鮮!叫mix好處係一次可以試哂四個口味!  仲有朋友指定叫既水魷同油墨菜, 份量多到食唔哂。整體餐廳環境夠靜又乾淨 同食物質素都好高分. 下次會約多D人再黎, 可以試多啲唔同嘢食

約左個好朋友傾偈連食飯，對方揀左呢間位於尖沙咀山林道嘅《吞POT鷄煲火鍋. 住家菜》，打邊爐啱晒我，當然無異議啦！😊餐廳位於銀座38嘅12樓，地方闊落，裝修色調型格。鷄煲同火鍋湯底都有幾多款選擇，不過既然叫得“鷄煲火鍋”，D鷄煲應該唔錯，我哋就揀咗重慶麻辣鷄煲 ($168/半隻)。鷄煲好快上枱，D鷄塊一上枱就食得，香口惹味得嚟肉質爽嫩。食完鷄煲加入清湯，即刻變成麻辣火鍋湯底❤羊肉片($85) - 色澤鮮紅有光澤，羊味濃得嚟有鮮甜味，口感爽腍脆肉鯇片 ($68) - 非常新鮮，肉質有彈性有光澤，食落無泥味，口感爽脆西洋菜 ($36) - 時令新鮮汽水 ($16/罐)稻庭烏冬 ($30) - 呢餐有鷄、有魚、有羊，再食返個滑溜烏冬就非常滿足！

今日朋友係尖沙咀收工，就約左我去尖沙咀分店的吞POT 雞煲火鍋.住家菜食鷄煲！等我地都可以靜靜地食雞，吞POT 一陣。餐廳雞煲的選擇夠多！有辣有唔辣，仲有女士最愛的花膠雞。我地得2個人驚食唔曬，所以就叫左重慶麻辣雞煲(半隻$178)，雞煲的辣度可以選擇！朋友唔係好食得辣，所以就叫左BB辣。重慶麻辣雞煲(半隻)：一打開蓋雞煲的醬汁香氣就撲鼻而來！醬汁味道適中唔油膩，加上有少少辣辣地感覺好滋味。雞件很嫩滑，就算煲久了肉質也沒有變得粗糙，鷄肉配上惹味的醬汁令人不知不覺就食完。食完雞煲後店員為我們加上熱湯，然後可以揀配料打邊爐。爆芝響鈴：那個響鈴好特別，因爲響鈴中間的部分係有芝士的！！超正芝士控的人不能錯過。食完真的會令人很驚喜。蟹籽墨魚滑：墨魚滑彈牙爽口，而且鮮味十足！自制蟹粉蟹肉雲吞：餐廳自家製的雲吞好足料，雲吞皮薄餡靚！咬開充滿蟹的鮮甜味，仲能夠食到一絲絲的蟹肉，果然真材實料。呢餐我地食到好飽！！餐廳價錢合理，食材新鮮足料，選擇夠多。下次我們一定會再黎食。

同男朋友見到OpenRice 在山林道有新開餐，食雞煲打邊爐環境又舒服，就走左上去。先講雞煲，我們選了滋補螺片花膠雞煲，湯有著濃郁的嫩雞味及花膠膠質。選料也是上勝，螺肉花膠都好味。小食辣酒煮花螺，個汁是很辣，用上很多香料，先開胃口，酒味卻較少。十全大寶丸，有五款口味，手打丸質感彈牙，絕對是自家用料，黑松露味自然，黃金海膽非街外的現成金色海膽醬，是用真正新鮮海膽包著，鵝肝，生拆蟹粉及芝心牛丸也很特別。極品本地手切牛頸脊，待應細心提醒這個牛不要煮得太熟，果然燙兩燙，牛肉略略轉粉紅色，就剛剛好，脂肪比例均勻，嫩滑軟身，牛肉味濃，兩個人食其實有點多，但又不能不叫這個牛，如果餐廳有細SIZE會更好。炸魚皮及自制爆芝響鈴，兩者都是新鮮即炸，超鬆脆，芝士響鈴堅好味。但我們貪心，點了大份五件，我建議大家份量為每人一件就可以了，D芝士溶在炸腐皮中間，的確好好味，但也比較溜。油麥菜，新鮮，不用多著墨。飲品試左大大杯的大咸檸七及王老吉。整體用料新鮮，制作用心，值得再來。

哩幾日黎開佐敦做野，放工都喺附近食飯，前晚食左韓國野，琴晚黎左哩間食雞煲。喺山林道一座叫銀座38 12樓，其實一轉到入黎山林道已經望到橦大廈，好易搵。上到黎一出lift 就到，都望到唔少食客。餐廳空間大，唔會聞到好多時雞煲果陣味，食完個身都唔會有陣味咁。雞煲選擇同出面既都差唔多，但有個花螺煲同花膠螺片煲幾特別，下次試下先。醬料按人頭計每位收$12，都合理既，但醬料選擇可以再多d,好想加芫茜呀！等左一陣就上菜喇，好快。一開蓋聞到好香既藥材同花雕酒香，我地叫左半隻雞$178，花雕藥膳雞煲，一上台就食得，我試左個湯底好濃既花雕酒同藥膳味，好暖身。雞肉好嫩滑，新鮮雞黎，湯底仲有菇菌，紅棗，杞子同一d養身藥材。餃餃陣 $120共四款自家製水餃，粒粒都食得出新鮮，多料，特別中意食韮菜水餃同鮮蝦雲吞。吸埋湯汁好好味。手打墨魚丸 $85墨魚丸大大粒呀，爽口多墨魚粒，試得過。爆芝響鈴 $45/3件哩個真係好特別，出面冇食過，係哩間店自創的。即叫即炸超脆，芝士熱辣辣一咬流出，超滿足。

近排天氣轉涼所以想打邊爐，見e間幾好，個名又得意就試下。雖然e間招牌係食雞煲，但我得兩個人又想留肚唔食雞食其他，所以要左個鴛鴦湯底，螺片雞湯同魚湯，兩個都超足料，超濃湯味，基本上唔洗點豉油都得。火鍋料冇叫牛，唔係因為d咩，係因為見到隔離太大碟，會食唔晒。最後叫左芝士響鈴，十全大寶丸，廣島蠔同烏東。芝士響鈴超級芝味同新鮮，響鈴最怕d放係度勁耐冧晒，e個就唔同啦，一秒搞掂，d芝士係個底漏出黎，正！十全大寶丸係招牌既五款手打丸各兩粒，兩個人食岩晒，最中意個芝士牛丸，又彈牙又多芝士。蠔呢有得揀廣島蠔同美國筒蠔，我揀左廣島蠔，貪佢蠔味重。本來諗住廣島蠔應該細細隻啦，不過黎到其實唔細，好肥美。烏東係急凍果隻，例牌最後落，吸晒d精華，正。

本身諗住食辣雞煲，但好似個人有啲病，都係食啲清清地嘅湯底安全啲，左邊係螺片鮮魚湯，有菇係入面，螺片幾爽口，恰下恰下果時聞到好香魚味，但飲落又冇；右邊係雞湯，有蕃茄、菇、豆腐，味道偏咸。 因為湯底偏咸嘅關係，連呢個針左都冇用，呢12 蚊就唔抵俾！ 叫左唔算多野食，因為都偏貴，但十全大寶丸真係要試下，淨係睇名都好吸引，仲要我特登咬開啲丸，見到入面啲料都好豐富！ 每款兩粒，兩個人食其實都夠！ 我最中意係芝士牛丸，之前係第二啲鋪食過芝士牛丸但都做唔到呢度咁流心，正！ 第二中意係鵝肝蝦丸，好彈牙！其餘果三粒都好味！ 呢個響鈴都冇得頂，係芝士響鈴，真係第一次食，係似係自創食物，可能我中意食芝士，所以超中意！即炸好脆，加埋芝士都好夾！ 仲有好少有嘅冰菜，都算新鮮。 其他食物就冇咩特別，而且偏貴，要預多少少budget 食，我地兩個人食左五百幾蚊。

我同朋友兩個人叫咗半隻胡椒豬肚雞煲，湯底好鮮甜， 湯底有粟米、腐竹、蘿蔔……好重嘅胡椒味，十分暖胃！我地食咗好幾件雞，件件都好多肉，而且雞肉十分嫩滑，雞煲真係好香胡椒味，雖然半隻雞，兩個人都好夠，湯底好順喉，回一回氣之後我哋再加湯底打邊爐。肥牛質素很好，肥瘦適中，份量又夠！十全大寶丸，全部係手公，好有特色，入口有驚喜，賣相十分亮眼，每一粒都很唔錯！有黑松露墨魚丸、蟹粉墨魚丸、 鵝肝蝦丸、海膽墨魚丸及芝心牛丸。我個人就最喜歡海膽墨魚丸，海膽味很突出，而且墨魚丸十分爽口彈牙！