吞POT 雞煲火鍋.住家菜 (山林道) (Closed)

年尾特別多團年飯局，前排同朋友去左呢間雞煲火鍋店，呢間係尖沙咀嘅分店新開無耐，環境乾淨企理，而且抽風做得唔錯，唔會好大陣火鍋油煙味。一坐底店員就送上呢個九格醬料盤。我同朋友點左個胡椒豬肚雞煲，奶白色嘅湯底充滿濃郁嘅胡椒味，加上粟米令湯底更加清甜，雞件同豬肚都足料且夠新鮮，而煲內嘅炸支竹吸收晒湯底更加係精粹。羊肉片羶味突出，啱晒我呢啲鍾意羊羶味嘅人，而且羊肉片偏瘦，食落唔會好油膩。菜菜籃有生菜、娃娃菜、冬菇、金菇等，款式夠多之餘份量亦唔少。由於炸支竹吸晒湯底太好味嘅關係，我同朋友決定另外再追加一盤。

好耐冇食個雞煲，突然之間口痕想食雞煲諗咗好耐都唔知食邊間隨便去上網搵咗一間。而呢間新開環境好似幾新淨又舒舒服服咁諗全試吓，本來想試吓胡椒豬肚雞煲感覺好似好保暖，果日超涷但朋友話想食花膠養生啲。反正都冇咩所謂就揀咗花膠雞煲半隻，$198全隻就$288。雞好新鮮，感覺唔似係雪藏，店員都好好叫我地選左煲底先因爲要整熱先。螺片花膠雞煲一層乳白色，好濃郁既雞湯味，唔會好油，我最怕出面是是旦旦放曬d雞骨落去搞到成煲油😕 好新鮮既雞肉，螺片同花膠份量都好多，絕對係比甘既價錢比番相應既質素你。叫左象拔蚌片，切好曬店員叫我地煮幾秒就拎上來，開頭怕佢唔熟煮十幾秒😂 好un 乖乖碌幾片口感完全唔一樣，彈牙好多😂！ 叫左木薯粉，我以為係大大條好粗果種，原來係甘幼既，薯粉感覺健康點☺食完冇甘罪惡🤣再叫左一堆金菇，我地係金菇控！食完勁滿足🤣 叫左個青瓜特飲😂 有個青瓜片 我早知叫西袖 諗住貪得意試下🙊 但同想像中唔一樣🤣🤣

之前有朋友介紹吞port雞煲話旺角食過幾好食，今次諗住試下，見到尖沙咀開咗新分店試吓！ 我哋夜晚七點幾嚟到，果日係閒日來企驚好多人，見到日日都嗌雞煲打邊爐睇落去材料好新鮮甘。都諗咗好耐食藥膳雞煲定係花膠雞煲，就算全場啲客人好多都食唔同種類最後都係叫左花膠雞煲。好似女人食比較養生。我哋三個人叫咗半隻，本來都驚半隻唔夠但係一隻又有d多。雞都好新鮮！唔係俾啲骨頭骨尾，全部都係肉嚟嘅，花膠雞煲味道濃郁，好入味，成層膠係個煲面，啲花膠都係軟林林，發漲曬，然後又有啲秀珍菇同埋啲螺片係入面，邊對係足料既。食食下冇咩湯佢都幫我地加番豬骨湯😂雖然會好淡但係加番中和一下再打邊爐。我哋叫咗個菜菜盤、開心樂園餐、仲有金菇同埋其他林林嬸嬸嘅嘢。 菜菜盤有好多菜😂 有白菜仔（第一次用白菜仔打邊爐，原來都幾入味🤣）生菜、秀珍菇、金菇、冬菇，一次過滿足曬所有願望，如果樣樣叫會好貴，所以叫拼盤就有呢個選擇☺️仲有個開心樂園餐😂個名太有趣，有腸仔、芝士腸同埋蟹柳、午餐肉。份量唔係好多，每樣四件，但都係靚牌子食得出。對食物有要求既！

天氣無啦啦涼左一涼但岩岩經過就山林道於是一試朋友介紹吞pot 雞煲火鍋山林道新分店原來1930之前交枱或者夜晚九點半之後所有配料同小食都半價不過豬仔同朋友6點幾先去到下次可以試下早D黎食環境方面唔會好侷促每個位都有足夠空間雞煲都好多唔同嘅選擇 仲有半隻同一隻雞選擇可以選擇返自己既合適既食量今次我同朋友就清清地選左花雕藥膳雞煲湯底藥材好多個湯底直頭可以當湯飲落單之後等待時間好快加上店員熱心服務仲會問客人洗唔洗比個兜仔載袋雞煲一上枱就已經可以即刻食有陣陣酒味雞肉唔好太肥，好滑身仲帶香濃既藥膳味， 唔錯配料方面我地就好精明選擇左好吸味既生菜因為個湯太正雖然我地飽飽地，都叫左個烏冬簡單一碌就變左藥膳烏冬好滿足西柚特飲，酸酸甜甜，好爽

今晚想去食雞煲，上網見到啲人話呢間評價唔錯就去試吓啦。🤣有好多款雞煲同打邊爐，花多繚亂，叫咗一個招牌嘅花膠螺片雞煲。有分半隻雞同一隻雞，3個女仔都食唔到甘多，三個人食叫咗半隻$198，都好夠食！雞煲味道好濃郁同鮮甜，半隻雞既分量都唔係比頭頭尾尾好多肉。有些雞脾菇，螺片、花膠係個煲入面，湯都好creamy☺️花膠都起碼有十舊，因為太creamy 一滾就會有一層膠係煲上面甘🤣都有好多選擇有海鮮、肉類、手打丸、餃子等等。有好多招牌煲，大家今日勁素，又唔想食牛又唔想食豬，只係點左雞煲既雞😂仲有小食食，小食選擇都幾多，但就冇叫啦😂 十全大寶丸個名好吸睛！手打生拆蟹粉墨魚丸、手打黑松露墨魚丸、手打黃金海膽丸、手打香煎鵝肝丸、手打芝士牛丸。十粒，共5款，真係食得出好新鮮同特別。芝士牛最欣賞，一咬溶出來，牛肉又彈牙，大家都讚不絕口😂！ 蟹粉墨魚都好足料！每粒都好爽滑！一分錢一分貨。叫左些娃娃菜，$48 對比起出面酒樓既蔬菜明顯洗得乾淨好多！真係值得一讚👍🏾

吞POT係旺角同油麻地都有分店兩間小編都有食過 仲係小編嘅定期飯店添今次黎到位於尖沙咀山林道嘅新分店 裝修另外兩間一樣都有落地大玻璃驚喜位係仲有室外位 居高臨下咁食野真係夠哂好氣氛睇啱心水野就tick1tick 仲圖文並茂就唔驚會嗌錯啦！～<<<愛丸之人必試 全自家製手打 粒粒都係心機之作<<< 仲有唔同小食 最啱送酒傾計密密食！ 兩口子例牌叫重慶麻辣雞煲-半隻雞($168)  即炸響鈴 再加最愛嘅牛肉做打邊爐配料不過 食之前不得不提佢地嘅醬料九宮格(每位$12)9款必備配料 務求令大家調製出心水醬料小編係愛蒜之人 先唔好理食完個口有幾大陣味 打邊爐黎講真係唔可以無左蒜吞POT就合哂我要求 生蒜同炸蒜齊備加啲蔥 兩粒辣椒 同豉油就真係perfect池喇傾下計話咁快熱辣辣嘅雞煲就上台用8個字形容哂-- 醬汁濃郁 雞件嫩滑叫左小辣 開頭都唔覺辣 但愈食愈有後勁所以都要嗌左杯咸檸七gur1gur ($34)另一必食嘅就係吞POT嘅即炸爆芝響鈴($42/3件)手掌咁大件 入面包有芝士 蘸埋雞煲汁同吃 小心辣親個嘴呀最後當然唔小得打邊爐嘅另一靈魂-

天氣凍成日都想打邊爐，又想食雞煲因為女朋友唔食得辣，而且平時ｄ雞煲唔辣又唔好味，所以都好少食雞煲見到唎到既雞煲有螺片花膠雞煲，覺得幾特別，平時都唔太覺有咁多味道既雞煲，睇完就覺得一定要黎試試！我地去左尖沙咀分店，係山林道銀座38既12樓星期三晚６點９左右黎到唔太多人，可能咁早未放唒工，食完走果時已經差唔多滿唒人雞煲味道有７種，火鍋湯底都有７種，火鍋配料都有好多選擇今次第一次食唔諗咁多就試下螺片花膠雞煲先！螺片花膠雞煲（半隻雞）（＄１９８）湯好香濃，雞滑，花膠份量唔少，螺片好重螺味！ｄ湯好味到差ｄ飲唒食完就開始打邊爐喇，可以係原本個湯到加清湯繼續打，又或者再叫過湯底打打邊點少得牛肉，叫左最貴既極品本地手切牛頸脊（＄３３８）牛味極濃！烚到岩岩好變色就食得，唔好烚太耐，唔係就會'ＵＮ'自創爆芝響玲（３件）（＄４２）芝士響玲又係要試，有一片仔芝士夾左係自己炸既響玲到，浸一浸湯再食，正呀！冰菜 （＄４４）冰菜唔係成日見到有，我係第一次見冰菜天生有水珠痴係到，煮完都會有，同埋本身有鹹味菜身好爽，唔好烚太耐，唔係就會淋唒架喇

想食雞煲好耐 但一直未搵到令人滿意既雞煲據聞呢間雞煲非常特別 有款招牌菜係花膠響螺雞煲即刻約腳去試試佢先得依家好多餐廳都向上發展好彩都唔算難搵一入到去就已經聞到好香好似聞到呀媽靚湯既味咁原來係有幾台都叫左花膠響螺雞煲我都唔執輸 即刻叫番煲先得呀同出面一樣可以叫半隻同一隻我地2個人就叫半隻都夠啦順帶一提就係記得要BOOK定位晏左去就好FULL 我地早左到就可以坐到圓台~雞煲黎啦 好香呀真係望到奶黃色既就係佢個湯底係真正既響螺花膠湯底個雞煲係廚房已經煮滾上台已經食得所以我地都急不及待要飲淡湯試下湯底係雞湯 本身都好濃再加上響螺就當然鮮味提升左啦而花膠都非常淋 飲落每一淡都飲到骨膠原果然係養顏首選 女士點必而雞煲既主角當然係雞啦湯底咁出色 雞當然都無令人失望呢到既雞件非常嫰滑 調味亦無過重而且食落唔會覺得好漏 有點似蒸滑雞的感覺食完個雞煲就可以打邊爐啦呢到既好處係可以轉第二種底黎打邊爐不過我地覺得個雞湯都好濃 所以就咁加清湯黎打我地叫左好幾款食物不過兩個人真係有點多 食到好飽呢到有較特別既冰菜可以叫冬天用黎打邊爐岩哂本身都帶咸味既冰菜 輕輕淥一淥1分鐘都夠口感清脆 推介本地手切牛頸脊油脂分怖

有朋友食過推介話好食所以就黎試吓呢一間位於山林道嘅分店餐牌都幾多選擇同埋佢主打嘅係手打丸當然要試吓😃醬料都幾多選擇嘅嗌完嘢食之後就會有人送上醬料比我地調教醬料啦呢度竟然仲有XO醬個XO醬味道啱啱好唔會太咸用嚟點嘢食就啱晒👍🏻我哋叫咗香辣雞煲好貼心地香辣雞煲都有得俾揀辣度因為我同朋友都唔係好食得辣所以嗌左BB辣等佢有少少辣開胃之餘又唔會太辣😏啲雞上嘅時候本身就熟咗所以一嚟到就食得最鍾意就係佢個醬汁夠甜又有少少辣另外啲雞同埋洋蔥都好入味索晒啲汁🤤見佢個汁咁野味我哋仲嗌咗兩個白飯撈汁送飯一流呀 飯都食多兩啖🥴油麥菜夠晒大兜我覺得最特別嘅就係呢個手打蝦丸食落去真係有好新鮮嘅蝦味而且佢打得夠力啲丸夠晒膠煮熟左之後咬落去好彈牙手打嘅果然係唔同啲🤩推介手打丸💯💯

近排天氣一到夜晚都好凍，約埋三五知己去食個雞煲就最fit啦！咁去到就梗係簡返個雞煲，呢個嘅雞煲都有好多唔同嘅種類，有啲好似滋補螺片花膠雞煲就好養生咁。而我地就叫左辣酒花螺雞煲，雞煲一黎已經食得，唔使再左等右等咁。啲雞食落去係好嫩滑嘅，亦都好入味，不過係花螺方面，我就唔太識食，但就係好味。咁食完雞煲，都會叫啲配料打邊爐，當中我覺得刞特別嘅係芝士炸響鈴，呢個係響鈴入面會有芝士係入面，絕對係工夫野。咁食落嘅時候就好好味，芝士係可以拉到出黎嘅！除此之外，因為想食多啲唔同嘅牛，所以我地個叫左牛三朗，呢款係有雪花肥牛，牛肋片同牛柳粒。呢個分量都幾足，唔會話細細碟咁。食落嘅時候感覺到唔係平價嘅牛肉，都好好味！而飲品係大大杯嘅凍檸樂，熱辣辣嘅雞煲再配埋咁冰涼嘅飲品真係好爽！

尼排天氣又凍番，最岩去打邊爐，之前朋友推介過吞Pot呢間港式邊爐店，估唔到已經喺尖沙咀開第3間分店，一於去試試。凍凍地就梗係要食啲辣野，所以叫左個鴛鴦鍋。一邊係四川麻辣湯(bb辣)，上枱就已經聞好香既藥材味，不過唔多覺辣，下次可以叫中辣。另一邊係蕃茄薯仔湯，非常好足料，有新鮮蕃茄同薯仔，個湯飲落有蕃茄既甜。「特級雪花牛肋片」平時打邊爐多數都係食肥牛，今次就一反常態，試下呢度嘅牛肋片。佢地嘅牛肋片佈滿雪花，口感比較爽口，無咁油膩，淥完之後都唔會有層油喺湯面。「自家炸響鈴」響鈴大家食得多，呢度既響鈴特別在佢係即時生炸，上枱仲係熱辣辣。因為即製關係，所以特別脆口，唔放落湯，就甘咬一啖都好脆好濃豆味。「餃餃陣」4款餃(韭菜餃、鮮蝦餃、蟹粉蟹肉餃同魚皮餃)都係自家制既餃，所以皮薄餡足。最為特出既係韭菜餃，好多韭菜所以好香。「鮮雞件(半份)」係新鮮黃油雞，食落雞肉嫩滑又香。吞Pot除左打邊爐，仲有雞煲同好多野食嫁

又到凍冰冰嘅冬天，最好就係約埋班朋友去打邊爐。上次食過呢間「吞POT雞煲住家菜」油麻地店，覺得啲野食超新鮮。逛開Openrice知道最新開咗尖沙咀店，一於試下。一坐低，店員就奉上各種不同的醬料，可以依據自己嘅口味去抉擇。我勁鍾意食蒜蓉，所以生熟蒜蓉都落咗大量。再加上少少辣椒，真係勁惹味。上次剩係打邊爐，今次當然要食雞煲。我地兩個人，叫咗一個花雕藥膳雞煲（半隻）$168。湯底勁多藥材，超養生呀，打邊爐之前飲兩啖湯先。雞件好滑，啖啖肉，口感一流。我地仲叫咗一碟手打四寶丸$112，有手打牛丸、手打蝦丸、手打墨魚丸、手打黑墨丸。啲丸新鮮手打，粒粒都彈牙。自創爆芝響鈴（6件）$72。廚房新鮮即炸，內裡有醬爆芝士。淥三秒鐘就食得，一咬啲芝士係口裡面爆晒出黎，勁滿足！稻庭烏冬$30打邊爐烏冬真係少不了。烏冬索晒湯底啲精華，勁入味，而且口感一流。柑桔檸檬$22蜂蜜綠茶$22點了兩支飲品解渴，夠晒冰凍，爽！人頭/醬料費每位$12，比起一般火鍋店算係便宜。店舖裝修都幾雅緻，而且近佐敦地鐵站，交通方便，一大班 friend 聚會最好不過。

今天正值大寒﹐一定要吃點冬天的人氣食物。打邊爐和雞煲就選了雞煲了看到吞POT在佐敦開了第三家新分店﹐相信人流可能較少﹐就來舒適吃個晚餐。一踏出升降機就看到店裡情況﹐石屎風格的裝潢有點古舊風﹐感覺挺特別。石屎牆壁加上木桌子﹐感覺很配！碗碟也有點心思﹐有點藍藍的小點綴。點了個重慶麻辣雞煲（小辣）﹐一上桌就可以直接吃﹐不用再等它熟透。打開蓋子就芬香撲鼻有點芫荽放面﹐賣相不差！雞不是肥瘦適中﹐咬下去比較Juicy﹐也很嫩雞煲的重慶麻辣汁不會太辣﹐帶點甜﹐也帶點香料味道。口感﹐味道都很有層次﹐讚其他小配料也不能放過﹐洋蔥夠甜﹐芫荽很香﹐也夠吸汁。所以另外再追加了一碟！吃肉也就需要點清新來平衡一下﹐所以就點了吞POT招牌沙律。這個沙律由蟹柳﹐蟹子﹐蘋果﹐生菜絲組成。有蘋果絲的沙律在香港實在少之又少﹐要冒著會生"秀"的風險還真夠POT所以也試試這個沙律。沒想到蘋果和蟹柳一咸一甜的組合並不會很奇怪﹐還很有新意呢加上生菜絲和蟹子﹐還真有中和雞肉的油脂的效果。壓軸的就是它 - 自創爆芝響鈴﹐ 這個確實是最驚艷﹐響鈴一層一層都炸至很鬆化﹐中間可看到有點芝士。起初還沒吃到以為芝士很少﹐誰知咬到中間真的會爆芝它

又黎食吞POT,上次兩個人食完覺得唔錯今次叫埋朋友4個人去食又得先黎配料都係常見既 應有既都有就黎長過皮筷子既大檸樂熱辣辣雞煲夠哂醒神喇 雞肉滑唔老 醬汁夠哂味自家製芝士響鈴卷幾有特色 厚身得黎有兩層既口感 芝士味唔算太重可以一試既雙滑新鮮得黎仲幾大碟 4個人都夠食麵食每晚1930前埋單或者2130後去食都有半價 抵好多