花月庭 (Closed)

不愉快的一餐暑假尾，同小朋友食過自助午餐，打電話book位，問明有沒有燒牛肉，講明有，confirm booking.12:30到，一家4口，每人行出行入10多轉，不見燒牛肉，全程只有燒火腿，及見過隔離抬攞過燒豬肉。唔知是否農曆7月我時運太高，乜都睇唔到。淨係我自己途中問過負責的員工4-5次，話就有㗎……等陣喇。去到2:30，夠晒鐘，已經拉晒圍欄，仲未見有就算喇，去去洗手間就走喇。估唔到，就喺果時，才見到傳聞中嘅燒牛肉，無名火起三千丈……宜家才囉出嚟是什麼意思，做樣，擺吓門咁話吓！再睇睇，更火起，鉆板上都冇乜汁印(有相為証)，即係無乜切過，即係放出來不久喇！擺出來比鬼食咩。 咁矜貴不如限量配給，一人一小片或2人一份喇！又或者直接話無或唔肯定有無都得啫，明買明賣，不需講大話！火都嚟，出到門口問個員工寫個意見書，走左不到半小時有位自稱副經理打嚟，不過都係話係有供應㗎！吹漲！Ps:另外生蠔供應亦非常差勁，長期超過20-30人排隊，每人只可攞2隻，一個開蠔一個洗，非常慢。另枱上個牌話有2種蠔，但程只得一種，同個員工建議收起冇果個牌，但最後都冇改，真系有虚假聲名，相信已犯商品說明條例！

今晚預祝男朋友生日，選擇了全時段，沒有時間限制，估不到我人倆竟然坐足4小時其實都幾年無黎喇！翻新完的花月庭，環境比以前舒適，但飲品依舊都係自取。食物種類多元化，但沙律吧refill好慢成晚只出了一次燒牛肉，之後都係燒羊扒，想食多次都唔得燒龍蝦和生蠔經常要排隊，因為酒店分了兩輪時間，部分客人都會一開始去排隊，所以我都趁每輪開始左一段時間才去，因無需等太耐，如果大家有時間的話，其實全時段只需多付幾十元，就可以慢慢坐慢慢食，我十分建議的

平日lunch buffet, 見open rice咁多good, 以為冇死啦，雖然最近個評語話多人排隊，以為咁啱個日姐，點知真係完全中伏，因為取餐處貼左不能拍照，所以我冇post人龍相出黎，不過以我統計，排生蠔高峰期有15人，刺身有12人，西冷牛排有8人，豬腳彊有5人，海南雞飯有4人，係同一時間內存在多條人龍，驟眼睇以為係某超級市場清貨大減價。除人龍外，此buffet仲有另一特式，就係九成顧客年齡層都過50歲，本人曾去過至少5間酒店的平日lunch buffet ,都未曾見過依d場面，可能因為有長者優惠掛，至於食物質素，冇可否定係唔錯，侍應服務態度好好，特別係要不停手服務咁多人都可以keep 住有禮貌，細心係好難得。所以食完依餐我感到又氣憤又可惜難過，此酒店有好質素的食物和員工，卻敗於食物擺位，設置和分派安排上，如此多人龍擠擁的取餐環境又危險又浪費時間，咁大地方排座位竟然可以排到去門口，用餐人數遠遠多於食物可以應付的供應速度，好心＂冇咁大個頭就唔好戴咁大頂帽＂啦，做少半排枱開多檔食物吧仲好啦

前排, 大陸的表妹親戚黎左香港探我們媽子知道表妹好鍾意食buffet, 所以就叫我去搵間好食D既自助餐招呼表妹醒起花月庭自助晚餐「全時段」有75折, 加上評價一向不錯, 於是就決定食依間由於我勁鍾意食海鮮所以第一時間當然吾放過出名的生蠔啦...即開加拿大生蠔, 很大隻肉質非常高, 口感溫和, 但每次只能要兩隻, 鍾意食的話就要行多幾次仲有其他熟食如鵝肝, 龍蝦, 和牛, 長腳蟹等都不可錯過其中鵝肝入口即融, 細細件真係食到停吾到口海膽醬龍蝦好好食, 新鮮肥美, 好多蝦膏而且燒得幾香另外, 海膽壽司, 海膽份量很多, 有淡淡的海水味, 十分鮮甜而甜品方面都保持一定水準較特別係每晚甜品師傅會係指定時間推出一款甜品比客人當日係一個超大的梳乎厘, 熱乎乎, 好香蛋白味其他仲有燉蛋、朱古力cup cake、檸檬撻、日式芝士餅、木糠布甸、鮮奶布丁等賣相精緻漂亮最開心仲係Haagen Dazs任食, 足足食左3杯整體, 可以坐足3個小時, 而且不斷有食物refill價錢500蚊左右, 我覺得食得過, 加上近期做緊優惠食多幾次都吾怕啦

如果你鍾意排隊，如果你食自助餐只求回本，如果你只求兩個半小時過得充實，呢度係你不二之選。想食生蠔? 想食刺身? 想食牛扒? 想食mo 記雪糕? 排隊啦。但如果你追求輕輕鬆鬆，想同朋友傾下偈，sorry，呢度唔係sell 呢樣野。生蠔每次兩隻，每次約排五分鐘，刺身每次一款四件，又係約排五分鐘，牛扒條龍超長，無排，發覺食左成個鐘都無咩野落過肚後想去排，已經無晒轉左豬柳，條龍即時消失。一開始去心諗，排隊野不如遲少少先食啦，食住其他野先啦，乏善足陳。結果生蠔、刺身，由十二點直至兩點都有條龍。而且你唔一早排隨時無，好似牛扒。睇返食評好多人都覺得抵食，回本之作，我想講下另類觀點。我本身都算鍾意食buffet，但都係剪coupon 呀，或者網上有promo 先去，價錢大約都二百蚊一個人，但呢間真係俾我全新既感受。一去到，兩人檯坐正路口，張檯又細過平時果啲，算，都算近拎野食，見到D 檯真係多到，我估比平時多五成，擺野食位，最多只係同其他一樣，唔會比其他多，僧多粥少，下場當然係排隊。眼見好多人拎到成檯都係蠔/ 刺身，甚至一早拎雪糕，無錯，去呢度原來係咁樣食先正確，一開始頭半小時各自去排，跟住咪可以圍埋開

是日母親節，一行十二人打算到花月庭慶祝。酒店內環境優美，侍應的態度亦都唔錯日本部有冷烏冬，味道挺不錯，有不同醬汁可選。另有生蠔，同壽司，但壽司款式不多，只有蛋同三文魚。凍食個邊有蝦、凍肉同沙律，不過不失。廚師推介有烤牛肉，但d肉好紅，有好多血水，所以我拎左都唔敢食。熟食方面選擇算多，有肉同蔬菜都有，飯麵亦有，食得清淡或濃味的人士都照顧到。另有為數不少的甜品，甜品質素高，中西式都有，最驚喜係今次雪糕有fro yo 整體而言，食物質素不錯，但價錢有點貴，如非大時大節都唔會黎食。

補祝母親節去了食lunch buffet，撞正學校團體頒獎禮的午間宴會，擠得水洩不通。散客均安排在側邊走廊的位置，雖然比較狹窄和與食物area有點距離，但勝在安靜一點，不用混在團體客的人堆中。生蠔和魚生之類的熱門食物都有用圍杆間出一條路給人排隊，這裡的即切魚生厚度適中，又食到魚的鮮味，確是令人一攞再攞之選生蠔是我們的重點出擊之選，試過都會海逸、Macro polo 的生蠔都很好，但想不到這次到帝京酒店的花月庭是更加好又新鮮又肥美，即開即洗是需要排一點時間，但不論剛開始還是快收檔時去拿的生蠔也是質素非常高~~(有些地方，越遲去拎越細隻)圖右的海南雞飯是自助餐的得獎招牌，雞很嫩滑，雞油飯很香，還可自行澆上新加坡甜豉油調味。其他熟食算是不過不失，不算多款。甜品方面，都有很多特別配搭，例如越南咖啡啫喱、竹炭泡芙等等。雪糕是movenpick icecream，有乳酪味道是比較少見，另外有很多不同款式的nuts, 朱古力粒讓大家設計自己的雪糕甜品。杏汁燕窩，應是用粉溝出來，比例大概出了問題或本來的粉就出了問題吧，試了兩口已經吃不下只能把燕窩挑來吃算了。餐茶是任飲，凍飲大部份都擺在counter上

今晚本來諗住去花月庭walk-in食buffet，去到見到條條隊都好長，所以改食a la carte.環境: 店員安排左一張較靜的位置,同對面相比,真係靜好好多。如果想兩個人靜靜地食野，不妨考慮下(張枱係No.117呀😝)⼃食物:等左一陣,先送上兩款溫熱的餐包.Lobster Bisque配條香草麵包 我覺得個湯咸左小小，滕在入面有四舊龍蝦肉過下引Oyster($138/半打)menu本身冇生蠔點,你想食可以問店員另做.生蠔新鮮,淡淡海水味,蠔味唔重,淨配上檸汁食已經足夠.美中不足係蠔面雪到開始乾乾地凍到縮曬不過呢個價錢黎講差唔多啦~Caesar Salad中規中舉,煙肉碎同麵包粒好似石咁硬我記得menu寫沙律會跟隻熟蛋既,出到黎冇左(魔音:點解既?點解既?)最後叫杯熱檸蜜,清清口腔的蠔味,為呢餐寫下句號.

今年既週年紀念黎左花月庭自助晚餐，野食種類唔可以話好多，又唔係超少，一般啦，味道無話好突出，有三文魚（好食），長腳蟹（一般），芝士龍蝦仔（一般，芝士味唔夠），片皮鴨 (塊皮厚左D), 因為呢間有分全時段同A,B 段，只有全時段食客可以攞帶子刺身，佢食食下野會有人搖鐘有d 限時特別野食，有72吋長既燒肉pizza 同特大天掃羅拉麵蛋糕總括黎講不過不失，但因為我男朋友唔鍾意食自助餐，好似強迫佢食咁，所以攪到我覺得氣氛都唔好，不過有興趣試既可以去試，但淨係諗邊間自助餐好食，仲搵緊既，我覺得呢間唔會係首選！

It has been a while since I last had buffet. It really is not that worth it if one cannot eat much. Not to mention that the food is not always great. As part of a birthday celebration for a cousin who was in town, my family decided to have a go at La Scala. We booked the 8:00 - 10:30 time slot. The starting time was punctual; not one minute less, not one minute more. We were led to our seats at exactly 8:00pm. The restaurant was big, but the seats were not so it was a little tricky to sit comfor

黎到帝京酒店花月庭食自助餐,最美味既食物係海南雞飯.飯粒煙韌重雞味,而且不太油膩,雞肉嫩滑有彈性,連辣醬都係充滿誠意.少少一碟就已經打贏其他食物.(其他食物味道只是一般)難怪連美女廚神KIT MAK都推介~雖然如此,但係全城海南雞飯第一名,點樣都係GRAND HYATT.海鮮冷盤沒有蟹腳,幸好有生蠔補數~味道幾CREAMY.但我不愛美國蠔,所以只是輕嚐4隻.不過進食環境唔算太理想,客人超多,地方亦比較迫.....每個搵食位置都要排一條短隊.

待應及在場廚師唔係冇禮貌不過零交流，黑面甜品完全冇掂，唔吸引成晚只係排生蠔，每次拎兩隻，唔腥，唔難食鵝肝，細塊又薄，煎到乾晒，每次兩舊，兩啖食完六點幾早場全部大陸人，嘈爆四百幾蚊位。。對於未食過自助餐嘅人應該會覺得ok但我認為對得住價格，唔會唔滿意到炆，但唔覺得好食

這天去左花月庭食buffet,都有好多選擇既,地方好大,環境都好舒適,用信用卡有優惠,85折,午餐個日食左三百幾蚊,都算抵食啦,下午都有生蠔食,有好多人排隊拎,有壽司,但好少款,得3款,全場覺我最好食係意粉同件白汁三文魚,都食左幾次... 有海南雞,燒味, 雞都ok,好味的,好滑...  都有好多甜品食下,朱古力類的甜品覺我最好食,, 有暖暖的朱古力布甸,蛋糕,, 味道不錯... 午餐都食左好多野.. 三百幾蚊都值得 !

是日除夕, Honey和我都休息不用上班, 他欠我多餐自助餐趁機會用一個quota叫我自選, 但由於時間太迫切, 我最喜歡的Cafe on M 已全滿, 而其他餐廳有些趁節日加貴很多, 有些亦滿了, 見'花月庭'食評很多讚好, 未滿座又可用OR Coupon折後每位只是二百五, 即Book啦!  Let's Go, Go Go Go~~今日的食評很簡單, 一個字:     ~完~ 當然, 咁寫法實出唔到, 唯有乖乖寫埋落去, 但我一路寫都只是記得它的迫....所以各位下次去首要考慮的就是這點!一入到場, 嘩, 好耐都未見過咁迫的排位！　Buffet Counter到處都人山人海！　 出面攞食物的地方其實都幾大, 但唔知點解全部都清唔到Queue, 四處都係人或人龍, 攞新鮮即開生蠔每人每次只限兩隻, 我由頭到尾都只係食3轉即係6隻, 因為由開始到兩點幾都係有條隊, 雪糕有兩款HD: Strawberry and Chocolate, 兩款Mo記: Vanilla and Panna Cotta, 但又係由始至終都有條隊; 但呢條隊嘅師傅仔算手快, 但都排至少5分鐘一次; 好喇, 跟住係

辛苦一年後享用早一個月前已買票既聖誕大餐，綜合來說講，環境滿意，食物非常多選擇，唯一覺得的缺點是刺身食物位置的侍者態度像施捨，不過龍蝦侍者女士同火雞位置既伯伯，非常敬業同有禮貌，伯伯話燒火腿既皮好香好脆一定要試！