花月庭 (Closed)

黎到見到新裝修，都差不多2年冇黎這裡食自助餐了。泰有瀛海鮮自助晚餐 全時段 $618今次泰國做主打，門口已經有胡為中的公仔甜品，味道普通冇咩特別。，一些泰國食物如冬陰公湯面吾得，冇咩味好求其。小食和金邊粉凍既，雞串和豬肉串只可叫熟吾係燒烤。海南雞不嬲帝京做得吾錯黎到客人仲有一人一隻大閘蟹，細細隻都幾靚王同拆出黎份量都吾少當然都有返生蠔（美國）都肥美肉厚，排隊十約8個人就拿到一次2隻吾算耐。刺身冇咩味，但起碼冇梅。生牛肉，長腳蟹，青口之類……正常味道飲品有檸茶，咖啡之類，仲有薑茶味道不錯甜品生果……甜品味道一般冇咩特別，窩夫和蛋撻味道吾錯夠脆又夠保持到熱度最後仲有獎抽……仲好堅難，抽果度有好似4色波，抽到同色就一個印，要一張咭有4個印先可以寫抽獎，最後好彩碰到同事佢比咭再加我抽到，先可以有一次抽獎機會總體只屬普通，樣樣野平均吾太特出

呀媽剪報紙食午市自助餐有折，佢地話長者有優惠，我無折不過陪佢地食啦！佢地折左$175，我就$318有75折，折左$260左右第一次嚟，無乜期望，不過估唔到咁多人嚟食，成場都係長輩多。環境算坐得幾舒服，唔逼，傾計隔離唔會聽到。甜品種類唔少，細細件足夠大家樣樣試少少推介大家試佢地嘅窩夫，即做好好食，仲見到係有加到雲呢那籽，難得自助餐足料旁邊有d醬料俾客人diy自己嘅窩夫由於當日我只食左少量鹹食，整體ok，沒有特別推介正價嚟講，不過不失，但長者們絕對超值

今年中秋節想一家人食得特別d, 所以黎花月庭食，因為媽媽唔可以行樓梯 ， 訂位時位時特別請求坐平地，拎位時真的比到平地位，值得一讚。 9月做緊泰國食物節， 有泰式雞肉，雞腿，熱食都不算太多。甜品反而不錯，芒果布丁，朱古力蛋糕慕絲，華夫，萄撻，燕窩椰奶，芒果蘿米飯⋯⋯

一張相也無影，因實在普通非常！冷盤有-蝦~又細又有一大條黑色腸！蟹腳~又細又得啖水！龍蝦仔~又細又小肉！生蠔~預先開定一碟碟放喺度，食嘅時候竟然係室溫，好恐怖！沙律~沙律菜款色少，都新鮮嘅！凍火腿~冇興趣冇食到！熱食有-芝士龍蝦~只食咗一邊冇乜肉食到！印度咖喱薄餅~正正常常！炒通菜~都係咁啦！湯河~好似係冬陰公湯底，自選配料，聞落去幾香，我冇食到！＊熱食，其實我冇興趣，所以冇認真睇，總之有好幾款一舊一舊啡色嘅肉，又或者有幾款炸物！甜品有-蛋糕~少件少件上，喜歡的可以試多幾款！豆腐花~好似啲糖水太甜，要睇住落！西米露~賣相似椰汁！棉花糖~最開心見到呢一樣，因為真係用砂糖生出嚟嗰啲棉花糖！朱古力瀑布~有最夾的菠蘿配搭！雪糕~係moven pick 好幾款味！有人幫你＂筆＂埋，都幾好！餐飲-呢樣都係值得一讚，因為係任攞，源源不絕！雖然價錢$350左右唔係貴，但本人覺得俾呢個價錢，又分兩段時間，大可以食到更好嘅食物！

早了15分鐘到，門口已經一大條人龍了！3:30一到就立刻安排入坐，雖然好多人，但入坐很快，旁邊企咗一大堆服務員安排每一位順利入座！讚！我係比胡X沖個廣告吸引嚟既，家人都鍾意泰國菜，諗住可以一次過試唔同既泰國野，但事實上泰菜唔係咁多，都係香茅雞翼，粉絲沙律果D！冬陰功，炒河，串燒乜鬼都冇！人好多，每次有食物一出，四方八面會有人衝出嚟... 有搶食情況，所以我每次都拎多小小，廢事同人迫... 食物質素普通，但一家人叫食吓buffet，乜都食吓，又唔貴，係可以接受既！用HSBX 信用卡最多優惠！

睇報紙有coupon, 頭50 位$398 per head就嚟試下話喜出望外嘅係，個場唔細，但食物種類算多； 服務食物counter人手足，唔會話一個人睇幾個counter; 而熟食唔係話超好食，但以自助餐嚟講算好入得口，睇得出唔係粗製濫造廚師有用心做菜；甜品都幾多，由於唔好食甜，只能推介龍眼紅棗水同窩夫；飲品方面有counter 不斷檸茶/水咖啡之類。仲有其他即煮麵食同燒味等，沙律頭盤更唔少得，但試唔晒喇~整體配套幾好，員工都好勤力收碟，個場管理得幾好，加上哩個價錢值得好評講番食物~煎和牛 - 韌咗啲，唔係好有牛味，麻麻，反而煎猪肉片半肥瘦更爽口魚生 - 就係哩幾款，普普通通，玻璃蝦ok火炙龍蝦仔 - 個人唔太喜歡芝士，但熱辣辣咁食都幾香，惟隻蝦真係超mini即開生蠔 - 已經兩個人開，但速度唔算快；細細仔蠔蠔味頗濃幾有海水味凍海鮮 - 就係咁多款，奇怪蟹腳同鉗好咸各款熟食燒猪肋骨 - 算嫩口唔鞋生炒糯米飯 - 炒得香口乾身，讚！天婦羅蝦 - 普通；泰式蝦餅 - 哩個好食，蝦肉中間仲有芝士；乾炒猪肉河 - 成盤冇乜人郁過，但奇怪一片猪肉都冇，但河粉炒得唔錯調味亦幾好咖哩牛腩配薄餅

之前都小野食，但都有點，一心諗住去食片皮鴨同鵝肝，今次去到，竟然無左， 禁既價錢，食菜粉飯 蛋糕，完全覺得唔值，小食呢d野，我洗鬼來酒店食呀，我唔好去大排檔叫幾個菜食仲好食過你呢間花月庭

食完Buffet去行街，又可以當減下肥! 食都可以食得盡興d今次揀左好方便既帝京酒店Buffet，食完附近好多街行，真係幾方便!一黎見到即開生蠔當然唔會放過，呢度既係美國蠔，食落去好Creamy! 一d都唔咸，好新鮮好好味! 如果食多幾隻，真係好易就回本! 不過要有d耐性排下隊，因為好多人都主攻生蠔!跟住就由食沙律開始! 呢度d沙律菜好新鮮，種類都好多! 仲有d切細左既煙肉乾比客人加入去，至於d醬汁都好多款，有唔同既醋、沙律汁、芝麻醬同千島醬等等..!自由選配~~呢度仲有好多野食，要數都真係有排數，味道都幾唔錯! 除左沙律，仲有扒類、刺身、壽司、麵檔、仲有好好好好多甜品! 先黎就叫左碗即煮湯麵，普通無咩特別! ok啦!呢度見好多人都推介食海南雞，咁我當然唔錯過啦! 味道真係好好，d雞肉好滑，仲好貼心無骨架! 入口啖啖肉，又香! 姐姐又好好人，切左好多舊比我，仲配左少少油飯比我!!力推!跟住仲有食左d熱食，蜜椒炒雞球啦，仲有炸魚柳! 好鐘意煎炸野既我...食左好多舊!完之前食左少少甜品咋，因為太多野食，食到太飽，無留到肚試多d甜品! 下次要再試過~~折左300蚊有找，都真係幾抵!p.s.

上星期同朋友黎食個lunch！！！輕鬆下｀尼度食物以尼個價錢㴝講都ok,,但我估唔到我拎食物時＼剛有個廚師加食物｀我拎錯左隔離樣食物個挾㴝挾野食！誰不知個廚師竟然說（超串）〈先生丶每樣食物都有個挾架丶咪Ｘ亂拎啦〉唔洗咁樣呀、有無家教架、我見到個名牌寫住KIT！！重要係高帽＼我呸！好心酒店管教下尼Ｄ員工、再培訓下如何同客人溝通！！㴝食野｀小心此人、好無禮貌。食物唔錯既、但人就……唉！！

上網見到有半價就即刻打去book自助晚餐，點知名額已滿，好失落但都book左三位。即開生蠔係大賣點，雖然我唔係太鍾意食，但見到咁多人排隊，羊群心理嘅影響下，我都排隊拎左兩隻。加左檸檬汁同辣椒仔嘅生蠔望落好生鮮，但食落去都係腥，可能係我口味嘅問題。(因為喺塔斯曼尼亞即撈即開嘅生蠔我都覺得有啲腥)刺身方面我食左三文魚，八爪魚，墨魚同呑拿魚。三文魚肥美，八爪魚好硬，墨魚正常，吞拿魚一般。焗龍蝦都係要排隊嘅，肉質較實，有啲老。不過我都食左一隻半。波子壽司圓碌碌幾得意，舊飯對我黎講有啲大。大部份staff都好有禮貌，只係門口嘅一個staff 態度比較串。開生蠔嘅師傅見過都覺得佢好辛苦，因為佢未停過手，不停開蠔，都幾攰！排隊拎蛋糕果陣，後面大叔話: 個個都係半價先會黎食架啦，邊有人比六百幾蚊食，仲要加一！我。無言。

公司聚會選擇了花月庭，當然充滿期待咁去，記得好幾年前，同朋友成日都去食，甜品都主菜選擇都好多，頭盤主要係海鮮，龍蝦仔、蟹腳、蝦、不過蟹腳唔太新鮮有點失望，有即開生蠔，還可以～沙律吧選擇幾多，特色壽司有波子壽司，（炙燒三文魚壽司），好好味！！不過排隊等好耐～刺身方面都算新鮮，不過選擇唔多，甜品方面勁多，都幾好味！朱古力布朗尼不會太甜，勁濃朱古力味，有movenpick 雪糕（口味很多），棉花糖夠特別，日式和風主題甜品也很多，有waffle，朱古力噴泉⋯數不完，而且refill很快！但認真失望係員工既教育，煎牛柳和煎豬柳係同一個煎pan，血淋淋既牛肉煎完，用同一個煎pan煎豬柳，本身想食豬柳既我為之卻步⋯希望酒店呢方面能得到改善！！整體上覺得退步了～價格亦偏貴～

原來，當晚還要品嚐父親節自助晚餐的特選菜式；無獨有偶，菜式都是關於牛的，牛魔爸爸到訪一定會很高興。　花月庭的 buffet 素來極其豐富，於馬上來臨的6月18日及6月19日，每位爸爸更可獲：海鹽燒澳洲M5和牛配帶子、「有吉士 ! 粒粒蘋果酥」各一；價值 $290 BIOTHERM HOMME禮券 (可換男士排毒防曬霜及20分鐘男士皮膚訓練護理服務)；惠顧全時段自助晚餐每位父親更額外獲贈紅 / 白餐酒乙枝。這晚我們也吃了 海鹽燒澳洲M5和牛配帶子，味道不錯，但更喜歡 香茅蒜片安格斯牛肩粒，肥瘦均勻、味濃肉嫩，如非太飽一定會停不了口！另外 紅酒香草燴和牛尾 的牛尾骨及肉幾近分離，入口近乎溶化，加上和牛油分也會混在醬汁之中，成品味道濃郁、豐腴酥軟。第二場故事結束，灰姑娘可以順利回家嗎？

接著便嚐花月庭於18-19/6專為父親節而推出的{與爸爸分享醉.牛時光}自助餐,首50位惠顧的父親可享小童優惠$318-$428(已包加一),而每位爸爸更可獲贈窩心獻禮包括{有吉士粒粒茨蘋果酥}一個,Biothrm Homme禮卷,惠顧全時段自助餐的每位爸爸亦可額外獲贈紅/白晨餐酒乙枝,另外亦奉送如下圖的{海鹽燒澳洲M5和牛,帶子}一客給父親們。詳情可參考下圖另外自助餐供應大量靚牛菜式如{紅酒香草燴牛尾}{香茅蒜片安格斯牛肩粒}給大家與爸爸分享醉.牛時光,下圖的紅酒香草燴牛尾具車爸爸品評,汁醬非常香濃,牛味十分出色,而且質感軟淋得來有咬口,十分好味道!!香茅蒜片安格斯牛肩,入口香滑,牛味香濃可以話係他吃過數一跤數二的質素啊~吃得車爸爸如癡如醉呢

花月庭搞左個用櫻花做主題既自助餐一去到已經俾corner既櫻花甜品吸引住由於甜品好好味，所以要介紹左先櫻花麻糬個皮好煙韌，個面酸酸地，真係好好食，同優xx品個啲一味得個甜字既好大分別！至於朱古力撻都好正，少少苦，撻皮鬆軟。布甸果啲就不過不失。黎果個係星期五，可能太多人既關係，食乜都要排隊，就連拎野飲都要排隊，建議平日黎食會舒服啲。美國蠔海水味較重，鮮甜度一般。反而芝士龍蝦啲芝士好creamy，好正。我都食咗三隻。刺身方面，我試咗三文魚，好肥美好新鮮，好食個放題嗰啲，good！北京片皮鴨，有酒樓質素，多個選擇都幾好。另外有一個台灣麵，燒味專區，試咗海南雞，比較肥。滷肉飯，俾左小朋友食，甜甜地，也不錯呢。雪糕品牌係movenpick，好多款式選擇，今次食咗咖啡，士多啤梨，乳酪味都好好味啊！最後，拎咗棉花糖俾小朋友食，小朋友食得好開心。總結嚟講， 帝京酒店嘅自助餐有好多選擇，系一件好賞心悅目的事

第一次去食，第一篇食評，之前上網見食評几好同好多朋友食过，点知生蠔只有一款usa..cheap貨,完全冇味刺身質数麻麻，放題仲好过佢 海鮮凍盤、熱葷种類小，連龍蝦，帶子，鵝肝都冇，牛雜甜既，芝士龍蝦仔淡而冇味，薄燒牛肉眼冇牛味，海皇羹冇味，海南雞飯都吾掂甜品都好小款，全部甜到食吾到總言之乜都吾掂，款式小到不得了,又cheap..一系甜得滯，一系冇味，全家人食了大半个钟也开始停手，6百几蚊一位呢个价錢真系差到冇人有buffet我都食过勁多间了。呢间真系貼$買难受，都吾知之前d食評系咪做馬既