378
146
83
Exit B2, Prince Edward MTR Station/ Exit B3, Mong Kok MTR Station/ Exit D, Mong Kok East MTR Station continue reading
Telephone
26226154
Introduction
La Scala features a wide range of international cuisines. The spacious restaurant offers both a comfortable uncluttered dining area as well as an open kitchen. Conveniently located in Mongkok, La Scala will satisfy any appetite. continue reading
Awards and Titles
Best Buffet Restaurant (2015)
Good For
Group Dining
Special Occasion Dining
Opening Hours
Today
06:00 - 22:00
Mon - Sun
06:00 - 22:00
Payment Methods
Visa Master Cash AE
Number of Seats
380
Other Info
Online Reservation
Alcoholic Drinks
May Bring Your Own Wine
Cake-cutting
Parking
Phone Reservation
Reward Dining Points
10% Service Charge
About Reward Scheme
Review (693)
很久沒吃自助餐,今早突然想起花月庭,就立即訂座,幸好還有座位,而且職員說可以使用Openrice優惠劵,使用優惠後,第一時段(12pm-2:30pm)淨價$258/位; 而第二時段(2:45pm-5pm)淨價$228/位。相比其他酒店,它是較經濟的選擇。我們選了第一時段,不過入座時有點小插曲,職員說沒有我的訂座記錄,優惠劵亦不能使用,當下有點生氣,爭拗了一陣子,最後職員說可以酌情安排我們入座,用詞上其實讓人聽了不舒服,但不管了,反正這是我們應該獲得的安排。座位距離食物區不算太遠,尚算方便;餐廳當日入座率約九成,食客雖多但環境不會太嘈雜;而且我們坐的是四人檯,活動空間更多,所以很舒適。事不宜遲,立即到食物區取餐點。午市的凍海鮮中,最多人取生蠔,無時無刻都見食客排隊,其他凍海鮮就比較普通,都是凍蝦、蜆和青口等,沒發現蟹腳。刺身方面有八爪魚和三文魚等,不過個人對凍海鮮和刺身沒太大興趣,畢竟以往吃太多,吃膩了,所以比較偏向主攻熱葷和甜品。熱葷款式選擇不整體質素屬中上,特別推薦雜菌忌廉湯和三文魚忌廉意粉。雜菌忌廉湯單看顏色似模似樣,喝了一口果然沒失望。湯以雜菌為主角,雜菌沒完全攪成蓉,還保留碎粒口感,菌香非常突出,加上淡淡奶香和合宜的鹹味襯托,既不蓋過菇菌濃郁幽香的味道,亦為湯頭增添香氣,令味道更有層次。沒想到在$200多的自助餐喝到如此高水準的西湯,美味程度遠超很多西餐廳,如果追求濃郁菌香,一定不會失望。我一連喝了五碗,非常飽足呢!三文魚忌廉意粉個人不愛吃熟三文魚,不過記得它的忌廉汁水準不錯,所以也夾了一小撮意粉。三文魚肉弄成了極細碎的狀態,所以不太吃到魚味,反而吃到類似煙肉的味道 (但意粉看不到有煙肉)。意粉軟硬適中且沾滿濃稠的忌廉醬汁,醬汁味道濃郁,滲雜著淡淡的奶香味,再配上香草和「煙肉」味,非常惹味!所以我冒著飽肚的危險,添吃了4次。BBQ醬烤豬肋骨豬肋骨肉質尚算腍,而且不會烤得太乾;BBQ醬味道很濃,甜甜酸酸很惹味,不錯!素菜春卷餡料調味不錯,但略嫌外皮不夠香脆,一般。叉燒叉燒很瘦,吃起來又乾又嚡。海南雞嫩滑度一般,雞肉沒味,麻麻。壽司正常水準,飯不會太乾硬,調味恰當,自助餐來說已算不錯。魚香茄子味道不錯,但稍為欠缺鑊氣。台式三杯雞雞肉尚算嫩滑,味道調較得不錯,可以一試。叉燒包包質鬆軟,不過外皮有點厚,餡料調味不錯,但肥膏太多,整體麻麻吧!炸薯角外層乾硬且韌,內層薯仔肉不夠軟糯,而且完全冷掉,很差。火腿扒跟平常的火腿質感不同,是帶少許肉絲纖維的口感,鹹度適中,表層有一層蜜汁,鹹鹹甜甜,味道不錯。海鮮燉蛋燉蛋非常嫩滑,吃到淡淡的鰹魚湯味道,入面有蝦和蟹柳。整體味道雖較清淡,但味道不錯。咖喱雞咖喱汁帶點微辣,味道不錯,不過雞肉略嫌有點硬,而且不太入味,整體一般。蕃茄醬焗茄子蕃茄醬味道帶點酸甜,味道不錯,不過茄子不太入味,一般。日式燒雞外皮帶點微脆,雞肉嫩滑,但有雪味,麻麻。燴牛面頰肉牛肉很軟腍入味,但略嫌帶點牛肉騷味,麻麻。吃過鹹點,當然要以甜品作結,到甜品區巡了一圈,心感不妙,因為它以普通忌廉蛋糕和中式糕點為主,種類比以往少呢!(記得以前有朱古力布朗尼、水果千層酥等甜品) 陣容上絕對不吸引,但自助餐不吃甜品又好像不夠完滿,所以就勉強拿點試試吧!藍莓芝士蛋糕全場只有兩款芝士蛋糕:藍莓芝士跟豆腐芝士,酒店自助餐來說選擇不多,甚至有點差。藍莓芝士蛋糕軟硬度適中,芝士餡還算幼滑和帶芝士味,整體可以。朱古力貝殼蛋糕兩片蛋糕夾住朱古力餡料,蛋糕比較乾,質感較實,不夠濕潤鬆軟,而且沒有朱古力味,麻麻。朱古力餡料偏甜,但朱古力味不夠香濃,整體麻麻。意大利奶凍蛋糕眾多甜品中最好食,奶凍質感滑溜,奶香味不會過濃,而且甜度剛好;外層蛋糕則很鬆軟,不錯!曲奇餅曲奇雖然鬆化,但沒牛油香,甜度亦不夠,不試也罷。栗子忌廉蛋糕蛋糕鬆軟,忌廉幼滑,不過栗子蓉味道有點假,不是天然的栗子味,麻麻。窩夫餅外層微微香脆,內層鬆軟,口感不錯;粉漿應該是用現成班㦸粉,牛油香太重,花生醬沒花生香氣,煉奶沒香甜味道,兩種醬料味道都很淡,麻麻。至於其他如桂花糕、忌廉鮮果蛋糕等糕點,實在平凡得提不起勁去試。整體來說,它的熱葷比甜品吸引,熱葷雖然不是每款都好味,但有好幾款都令人眼前一亮,是超水準之作;反觀是次的甜品,除了意大利奶凍蛋糕較有水準外 (款式都是平凡,但至少味道好),其他的不但平凡,味道方面亦麻麻,酒店自助餐來說,無疑是有點失望。服務方面,除入座時那個小插曲扣了一點分數外,侍應的收碟速度和取食物時廚師的服務態度都令人滿意。希望下次再來時,甜品陣容可以回到以前一樣。 continue reading
(The above review is the personal opinion of a user which does not represent OpenRice's point of view.)
Level4 2021-04-07
8792 views
-🦄ROYAL PLAZA HOTEL 帝京酒店-住宿連早餐自助餐⚡️Rating🌕🌕🌕🌑🌑-前幾日清明節嘅時候 我就去咗帝京酒店住一晚🙈當日係星期日 晏晝14:30左右 我哋提早去排隊😌因為睇過好多人介紹 話CHECK-IN好多人要排好耐所以就早少少去排隊 誰不知條龍真係好長好長👏🏻我哋最後都排咗大約1個鐘 終於成功拎到房卡😆今次住嘅係12樓 屬於中高層嘅酒店房 都唔錯👍🏻望到嘅都係普通街景 係完全望唔到個泳池架🙈房間感覺上都算企理 不過有好多細節位其實好污糟例如係浴室會有上一手住客遺留落嚟嘅長頭髮🤢啲細節位真心希望打掃房間嘅員工可以再細心啲🙏🏻房間屬於家庭房 有兩張雙人床 基本上可以入住4人當然唔少得仲有打卡窗檯位 個個去都係呢個位影相一到埗我已經不停打卡 不過記得要先墊一墊被鋪😉我哋仲係 @mokohk 嘅 @yatahk 買咗好多零食🤤真心好似係日本超市同便利店買好多嘢食返酒店咁整體來講 住咗一晚都尚算舒服😌半夜瞓覺都幾靜嘅-到第二朝 我哋就落去2樓花月庭到嘆埋個自助早餐早餐時間由07:30去到10:00 一大清早已經好多人😉食物嘅選擇唔多 行一轉都已經睇完影完...😂詳情可以睇吓我影嘅個幾福圖 都係普通嘅食物😗日式🇯🇵嘅會有鯖魚同埋燒雞 仲有咖哩飯可以簡👏🏻西式嘅就比較多 不過都不外乎係腸仔煙肉同埋火腿仲有唔同嘅麵包比你自己烘 又或者係我最愛嘅穀物中式嘅會有幾款點心 例如燒賣 炒粉麵 同埋即煮粉麵而長期最多人排隊嘅都係即整嘅奄列蛋蛋區🍳🙈早餐就大至上係得咁多嘢食 我都係食咗2轉就停咗食物嘅味道正常 亦都無話有邊款食物係特別好食😗-整體來講 今次住帝京酒店🏨過咗個開心嘅假期😜呢兩日係有少少好似去咗日本🇯🇵旅行咁 好正👍🏻因為佢價錢相宜 又難怪會有咁多人去住同玩🥳我覺得 住帝京係唔差嘅 但當然有更好嘅選擇啦😌- continue reading
(The above review is the personal opinion of a user which does not represent OpenRice's point of view.)
❤️$250 任食有得食生蠔、大隻青口、Movenpick?🥓一望入去見到唔少冷盤,有帕爾馬火腿、西班牙辣肉腸、雜錦凍肉、煙三文魚,但賣相唔太吸引。唯獨係蟹肉蝶豆花杯紫藍色,好夢幻,味道一般。🦪不過最重要係品嚐回本之作,每次排隊可以拎到美國生蠔、法國生蠔各一隻,有少少海水味,較細隻,勝在可以食多幾隻。人龍幾乎未斷過,每次約8至10人,但係等候時間都幾快。🦐🐙仲有,幾款凍海鮮(海蝦、新西蘭青口、章魚仔),青口非常大隻,海蝦新鮮,會多食幾隻。🐟刺身小編試咗吞拿魚、鯛魚同三文魚,最推介係三文魚新鮮厚切。炙燒玉子、三文魚、吞拿魚卷同樣出色,更勝大多日本放題。🍤天婦羅有少量選擇,南瓜、冬菇,未見有炸蝦。🙈不過,尚算香脆可口。🍗燒味(叉燒、海南雞)叉燒肥瘦適中,但海南雞略為鞋口。烤火腿都值得排隊,不過不失。唯獨係是日熱葷有限,有牛仔骨、辣酒煮翡翠螺等,補充效率較慢,但係龍利柳卷係必食,煮得恰到好處,配合沙拉醬,非常滋味。🌮另一位置有珍珠雞、印度咖喱薄餅。咖喱有驚喜,辣度適中,大大件嫩滑無骨雞肉吸收醬汁精華。生滾粥亦係深受年長一輩喜愛,可㨂雞肉、帶子、蠔、螺片或蝦等,即叫即煮,可以清理腸胃,但小編未有呢個偏好。🧇甜品有窩夫、葡撻、多款蛋糕,估唔到夾糖、朱古力款式都幾齊全。🤣卷蛋製作精美,及得上咖啡室單件蛋糕。仲有,一大個雪櫃裝滿一杯杯甜品,其中抹茶杯賣相似藝術品。🍨最後,唔少得食雪糕,可以要求每樣試少少。Movenpick 士多啤梨、呍呢拿、瑞士朱古力,雀巢抹茶❣️二月份於 openrice 訂每位 $258 已包加一服務費(限頭100 個) 供應時間:12:00-14:30小編係過左100 個,但係恒生卡75折,折左$261 (另加一)原價星期一至五 成人$348 小童$248 長者$288星期六、日及公眾假期 成人$398 小童$278 長者$338 continue reading
(The above review is the personal opinion of a user which does not represent OpenRice's point of view.)
Level4 2021-01-30
19298 views
持續禁晚市堂食,肯花錢、想吃好一點的;都只能在日光中進行。花月庭這個「滋味海鮮自助午餐」應該可以滿足到要求,而且仲好超值㖭;皆因只在晚市出現的美食,宜家在星期六日及公眾假期的午市Buffet也能享用,以lunch的價錢就享有貼近dinner既質素,咁吸引,立即行動啦。午餐供應時間:12:00-14:30價錢星期一至五成人$348 小童$248 長者$288星期六、日及公眾假期成人$398 小童$278 長者$338*另加一服務費*小童:5歲至11歲 / 長者:65歲或以上會員經由OpenRice 網上訂座,可享有75折優惠 (星期六、日及公眾假期)。多款凍海鮮(雪花蟹爪、海蝦、新西蘭青口、大蜆、藍青口)、刺身、生蠔(美國及法國)、天婦羅、大量熱葷、燒味(叉燒、海南雞)、烤澳洲M5和牛肩、燒腩仔、關東煮、甜品及雪糕...當中的著眼點除了凍海鮮之外,鮮甜的雪花蟹爪和爽彈的海蝦更是吃完又要想再吃!生蠔有法國及美國兩款,識食一定揀法國蠔啦,混和了海水的潮鮮和礦物味,鮮甜得很!天婦羅有四款選擇,包括:番薯、南瓜、竹輪及炸蝦,粉漿一點也不厚;而南瓜及番薯就最得我心,香脆得嚟又唔油膩。杜洛克豬燒腩仔,看似平平無奇的一款中式燒腩,其實是以西式方法調味,後以鹽醃製一晚以助收水;以火燒香表皮便告完成。皮脆肉嫩,肥瘦均勻;好搶手的,要吃記得趁早呀。生滾粥是每到必吃的,可㨂雞肉、帶子、牛肉、蠔、螺片或蝦,即叫即煮,粥底綿滑,再加上少許薄脆、花生、芫茜、葱花,一碗熱騰騰的香滑粥品便在眼前。刺身有魷魚、馬刀貝、八爪魚、吞拿魚、鯛魚及三文魚,以馬刀貝及鯛魚最為出色。海南雞飯肉嫩惹味;驚太飽,小飯/ 走飯未嘗不是一個好主意。熱葷選擇多多,如關東煮(肥牛、墨魚丸、蘿蔔、魚片、魚蛋、冬菇、魚腐、時菜、豆卜、油面、米粉)、烤澳洲M5和牛肩、明太子忌廉焗薯、蕃茄芝士焗茄子、炸黃金流心芝士蝦球、黑椒謝謝啫啫牛仔骨、蛋白蟹柳扒時蔬、薑蔥龍躉煲、臘味糯米飯、辣酒煮翡翠螺、柚子麻油炸雞、韓式炆燒原件牛肋骨、泰式青檸蒸比目魚、迷迭香燒羊脾、芝士龍蝦汁海鮮闊條麵.....等。而其中的炸黃金流心芝士蝦球、薑蔥龍躉煲、韓式泰式青檸蒸比目魚和迷迭香燒羊脾,就最得我們喜歡了。而好辣之人就必不能錯過辣酒煮翡翠螺了,老婆食得好開心,個螺滋味是固然的了;個蘿蔔至係精粹,索晒汁、一流呀!甜品有藍莓芝士蛋糕、斑蘭蛋糕、雜果啫喱、意大利芝士奶凍卷、意大利芝士餅、香橙紙杯蛋糕、巴西莓慕絲蛋糕、石板街朱古力布朗尼、香印香檳青檸慕絲蛋糕及白桃慕絲,每樣試一件會好過份呀嗎?雪糕有士多啤梨、呍呢拿夢幻、綠茶、瑞士朱古力、薄荷朱古力及草莓香印乳酪雪條,識食當然揀Mövenpick,香滑得嚟更沒人工添加劑及色素。每次總要吃返碗豆腐花自助飲品區內有咖啡機、冷熱奶茶、朱古力、紅茶,更可自製冷熱檸水及檸茶,喜歡什麼悉隨尊便。正所謂化悲憤為食量,開唔開心日子照樣要過,吃得開懷滿足至有動力繼續前行嘛!花月庭地址: 旺角太子道西193號帝京酒店2樓電話: 26226154 continue reading
(The above review is the personal opinion of a user which does not represent OpenRice's point of view.)
2021年有甚麼期望/目標呀? 其實沒甚麼, 反而想不給自己訂下甚麼, 然後不知不覺地實行或完成了, 感覺上會更開心, 你們有同感嗎?  但在飲食方面, 當然希望能夠發掘更多美食啦, 就像旺角帝京酒店Lion Rock最近推出與 Elizabeth Arden聯乘的水漾春日下午茶, 主色調是紅及金, 與Elizabeth Arden互相輝映. 上兩層是咸點, 而精緻的甜點則在下層及另一碟呈上.松葉蟹沙律是咸點之中我最喜歡的, 一整件放入口, 蟹味鮮甜, 加上爽脆青瓜及飛魚籽, 是爽脆及軟滑的配搭.  火炙三文魚手鞠, size剛好是一口份量, 三文魚的油香及醬油均勻地滲入飯粒, 是幸福的滋味; 旁邊是黑松露野菌玉子燒, 軟滑香口.很創新的這件最中餅, 餡料換上碎吞拿魚腩牛油果, 效果也不錯, 是既可愛又健康的美食. 看似平平無奇, 但草莓上抹了一層赤酢, 吃起來酸甜醒胃.充滿水潤感的有金箔櫻花水信玄餅, 以寒天粉及鹽漬櫻花製成, 外貌協會來說, 已經贏了~很欣賞這件草莓抹茶朱古力千層酥啊, 既以抹茶軟心朱古力唧成葉子, 又有草莓慕絲、草莓啫喱及鮮草莓, 千層酥更是十分香脆, 層次感很豐富!  旁邊的是草莓白朱古力慕絲蛋糕, 以瑞士蓮出產的36%白朱古力打造, 奶香之餘亦嚐到草莓的香甜.  幼滑忌廉、香滑mascarpone cheese, 再有野莓啫喱,  就是這杯草莓意大利芝士慕絲, 很香甜呢~留至最後才吃的是這件54%朱古力草莓慕絲蛋糕伴草莓漿球, 以乾花點綴, 好優雅. 中間金球就像Elizabeth Arden招牌的膠囊精華啦~ 一切開, 草莓漿緩緩流出, 配合朱古力香滑慕絲及草莓果蓉啫喱, 超級誘人!!下午茶包兩杯特飲, 我點了這杯Ocean Blue(只限凍飲), 味道似益力多, 實情是以蘋果汁及鮮奶調製啊~ 朋友就喝了賣相毫不遜色的White Tea Latte, 以壽眉、鮮奶、薰衣草及玫瑰糖水等調製, 香氣十足.吃完還有護膚品送! 於2021年1月2日至3月31日期間, 凡惠顧兩位用下午茶, 每位可獲贈Elizabeth Arden膠囊精華體驗裝乙份 (每份價值HK$202). 下午茶每兩位用$508 / 每位用$270, 供應時間2:30PM-5PM  continue reading
(The above review is the personal opinion of a user which does not represent OpenRice's point of view.)