花月庭 (Closed)

揀佐星期一去食Buffet，已經提早兩星期預訂梳化六人位，時間由6:00-11:00頭四位七折第五、六位半價，平均每人消費四百幾蚊位，嘗算抵食！特別欣賞分時段7:30和9:30會有個火焰雪山雪糕蛋糕，師父即埸試範，非常壯觀！味道亦唔錯，另外一個🔥火炙龍蝦，師父即場燒，每次攞兩隻，味道亦好好！如果食就襯早排隧，冷盤有長腳蟹一般啦！亦有即開生𧐢較細隻亦冇乜肉，每人只限每次兩隻，亦有青口等，壽司亦得幾款非常普通，甜品就比較多選擇，雪糕，蛋糕、糕點，豆腐花，涼粉等等，味道唔太甜比較健康！整體算唔錯！抵食👍🏻

與久未見面的朋友約會, 大胃王的我們決定食自助餐!但糧尾, 見網上有優惠劵, 所以決定食花月庭!一入去, 雖然食物選擇不多, 但基本的都有!沙律, 魚生, 熟食, 甜品....... 重點是, 午市都有生蠔!!!!!!午市都有生蠔!!!!!!午市都有生蠔!!!!!!雖然洗蠔的手法令我有點側目, 但味道都可以啦~而甜品都幾好, 不會太甜, 多食幾件都不怕!總括而言, 不是一間令我念念不忘的餐廳, 但因價錢便宜, 食物質素不差, 都是一個不錯的選擇呢~

家中小朋友經過個多月忙碌於各式各樣嘅暑假班,今午終於得償所願,帶矩上新世紀嘅花月庭食中午自助餐。由於一早安排,所以可以用openrice網上提供嘅優惠。實價$218位,平宜過任何信用卡。已經好多年無嚟食lunch buffet, 但係今午所見都仍然係人頭湧湧開餐首選不離三文魚刺身等海鮮。特別一提生蠔係即場打開同檯女士特別鍾情豬腳薑醋最後到甜品時段都非常多品種,絕對唔會失望。令人驚喜係連中國傳統工藝嘅(龍鬚糖)都有得食

8月17日這天與好友試這buffet,食物質數唔錯，但可能到達時在後門，見不到任何職員，有點奇怪，仔細看貼出的指示需要走回正門排隊等候。不過入座時間安排很快，時間一到接待員立即安排入座，環境舒適，座位都算舒適。當日食物很新鮮，品種繁多，職員服務有禮，但甜品有點失望，雖然不差但我在流動站買回家的帝京酒店出品甜品比較美味。當天，有長腳蟹，味道鮮甜，不過桌上工具有點鈍，可能因安全而這安排，另外最喜歡是除了有雪糕還有乳酪食。

生日諗住揾間唔太貴嘅自助餐食 以前食過呢間花月庭 印象中都唔錯 所以揀再次黎食 不過今次有啲失望有生蠔同蟹腳係主要想食嘅 蟹腳fill得都快 不過生蠔即開嘅不嬲都要排下隊 排隊每人每次拎兩隻 其實排下唔緊要嘅 不過排完返黎隻蠔細到.....火灸龍蝦 肉有啲熟過頭 不過火燒過幾香記得以前食係有鵝肝食架 宜家冇又少左個吸引力甜品有限量梳乎厘 剛好我去拎甜品時梳乎厘出爐 聽到響鐘出去排隊就剛好 好彩未飽得晒生蠔cheap左咁多 又冇左鵝肝 我諗我唔會再食

依家帝京酒店花月庭自助餐做梗優惠都幾抵，自助晚餐全時段 4 人同行 7 折，第 5 至 6 位半價。之前未試過呢間餐廳，入到去裝修都真係幾靚下。而食物方面海鮮就包括有生蠔、長腳蟹、凍蝦、蟹鉗、青口及燒龍蝦，都有幾多選擇。蟹鉗好大隻啖啖肉，焗龍蝦好好食，而且排隊唔使排好耐，所以我食左好多隻，可惜每次限攞一隻。其他食物就有蠔仔粥、海南雞飯、牛雜麵、煙三文魚等等。刺身就有三文魚、八爪魚、吞拿魚及雕魚。而且甜品真係有好多款，粗略估計大約有二十款，而且呢間仲有乳酪雪糕，其他酒店都冇。最後生果佢都有成五款比你選擇，面且仲切成一粒粒方便客人進食，十分貼心。整體來講呢間餐廳做得十分出色。

當諗唔到食咩既時候就會自然諗到不如黎個自助餐！自助餐我比較喜歡位於帝京酒店入面既花月庭~因為地點方便，食物種類算多，價錢都唔太貴最最重要係佢地酒店不停refill 食物，咁樣食自助餐先會滿足。我地一黎到酒店，當然一定勁食佢既生蠔，雖然每次拎兩隻但人流去得快所以係可以不停食~再黎就係龍蝦 感覺番本先經過一輪冷盤後，花月庭既熱食都做得唔錯，酒店自助餐大路既菜式都有齊！最後就係佢既甜品，剛好做緊芒果系列，正呀！

相約家人在這裡吃晚飯，因這裡有蠔吃。我們是吃第二輪，可能是暑假關係。入座時條龍排到出去很遠很遠。(起碼排到在商場裡四至五個舖位以上。)入座後到就近的看看，見到有牛雜。可以淨食或加麵類等。當然要了我喜歡的淨食啦。它的味道很是濃郁，而且牛雜很淋，不會咬不開的，而蘿蔔也很入味。它們有片皮鴨的、但我只要它的脾，雖然它們已經沒有皮，但還剩很多肉，而且沒有肥的。而那海南雞飯，我只要了全翼，而且請他們不要切開。而即燒龍蝦，起初見很多人排隊，所以等到後期才去取。不用等去到便有，那肉味很是彈牙。那個威靈頓牛柳，很是好吃。外面那層好像吃蘇皮一樣，連牛柳一起吃是很夾的。那些凍蝦及凍長蟹腳都很彈牙。而甜品我只吃了窩夫，將它加埋雪糕吃很可口的。雪糕吃了三款：朱古力、椰子朱古力、士多啤梨。餐茶是有專櫃做的，只要排隊說出要凍熱及想要的飲品便可。凍、熱水都有，很是貼心。而且這個價錢，已包括加一。

太多人，菜色選擇一般，生蠔等十分鐘只有2隻派，似乞兒！整個用餐環境吵雜，擁擠。用優惠價格人均250! 唔划算、被當茶記食客看待。以這個價位午餐，有更多更好的選擇。服務員的態度也一般，不會有下次。

今次我地平日去 食7點到9點，生蠔 龍蝦都唔係好洗等。其他野食有潮州蠔仔粥，海南雞飯，牛雜面刺身有四款：三文魚 8爪魚 吞拿魚 雕魚 正常火炙三文魚壽司 好味焗龍蝦 - 好食，我地一人食左幾隻海鮮有凍蝦 青口 蟹鉗 最想食既長腳蟹 - 好霉，本來以為係尾水，所以等refill，點知都係好霉，有d直情有黑色點點 有d失望雪糕有8款movenpick 好多topping任簡甜品好多款 係雪櫃 自己拎用左優惠卷 四百幾蚊個 都算ok!

一進餐廳看見人山人海，很熱鬧，取刺生及生蠔均要排隊。因為我實在太肚餓，為了避開長龍，惟有先攻甜品😅先來一客格仔餅及一件迷你萄撻，不是太甜，可以接受。接著試水果、沙律及刺身，質素一般。之後開始熱葷，海南雞只吃雞不吃飯，因為朋友話飯不值得吃，免得浪費我的quota。燒排骨肉佔1成，肥膏佔1成，條骨佔8成，可以不試。見人龍不是太長便排生蠔，即場清洗，但我覺得不肥美及不新鮮，有點失望。最後再食豆腐花及雪糕，反而雪糕令我有驚喜，覺得很好味，而且可自己選配料，選擇也算多。另外想讚一下豬腳薑，雖然我取時無豬腳，但薑醋蛋好好味，好入味，而且不硬，平日很少食到，我很滿足。提一提，如果喜歡甜品，除了大廳有甜品自取外，近門口也有個雪櫃放了甜品，可向職員索取。

下午茶 Buffet 吸引之選就係有好多甜品款式可以選擇, 而且仲有不少鹹點食過夠本!!!最近帝京酒店既花月庭推出左【 清甜香芒初夏「燕」下午茶自助餐】超多款以菲律賓呂宋芒為主角既甜品, 仲有埋燕窩, 真係令芒果控不能自拔!!所以一定要帶喜歡食芒果既媽媽到來~~~先來燕窩香芒千層酥~~一件件既千層酥非常吸晴啊!!!千層酥既酥皮十分鬆脆；中間夾著幼滑既吉士醬及芒果肉, 淡淡既芒果味, 而且不太甜!!!面頭仲有一絲絲既燕窩碎, 不錯不錯~~另一款：燕窩芒果金黄朱古力歌劇院蛋糕呢款法式歌劇院蛋糕將朱古力改成了芒果口味~~中間有芒果吉士忌廉及杏仁蛋糕層, 面頭仲有新鮮芒果肉及燕窩~~~食落充滿濃郁奶香, 而且很有層次感!!!其餘既仲有：- 72% 黑朱古力鮮芒焦糖杏仁慕絲- 異國情調燕窩香芒椰子慕絲- 芒果棉花糖朱古力棒個人就好喜歡呢個芒果棉花糖朱古力棒~~朱古力棒棒糖既外型, 入面係白古力既外殼, 內裡就有芒果蓉及蛋白而成既棉花糖；特別地仲加有爆炸糖添呢!!!咬落去脆卜卜, 一口一粒, 不錯~~不過略嫌芒果味較淡, 比朱古力味蓋過了"*除左以芒果為題既甜品；自助下午茶都有多款環球美食~~例如

夏日將至，又係芒果既季節。帝京酒店的花月庭，推出了「清甜香芒初夏【燕】下午茶自助餐」。 出咗名多人食既花月庭自助餐，一早Book定位，就唔怕黎到白撞無位坐啦。 點咗一杯朱古力茶，微甜，微微的朱古力香，又幾特別～～ 女孩子第一時間當然係去了甜品區。過半的芒果甜品，全部都好吸引人。形形式式，總找到你所喜歡的。當然還有非芒果類的甜品了！ 有蛋糕、慕絲、撻類的甜品。 也有朱古力、啫喱等等的甜品哦～～ 更有Movipick的雪糕呢～～ 咸點方面，有咖喱牛肉酥、牛油焗粟米。 就連碗仔翅、生菜魚肉都有得你食。當然還少不了有點心、面食、Pizza等等添。 仲有越式米紙卷，即叫即卷。仲有腸粉、多士添呢～～ 重點甜品，是這個香芒燕窩千層酥。造型好靚呢～～ 其實是拿破崙的造法，中間夾有芒果慕絲，頂層還舖有燕窩絲了呢。一口咬落去，酥化的皮層，食起上黎，很有層次與口感。而且不太甜，好味！ 還有這個芒果千層蛋糕，整得金光閃閃的，很美啊～ 一層蛋糕一層芒果醬，食起上黎食到「千層」的感覺，很有趣。這個芒果味不會太濃，是清一點的口味。 還有72%黑朱古力焦糖杏仁慕絲伴鮮芒 （中）異國情調香芒

自助餐有很多美味海鮮：包括：生蠔和長腳蟹好鮮甜。爐端燒必食燒蠔和燒龍蝦。泰式椰汁雞湯海鮮麵唔錯。温泉蛋、片皮鴨和燒豬仔骨必試！只是刺身和壽司一般。最後必食甜品：窩夫配 movenpick ice-cream（有6種味道選擇）,blueberry cheese cake, New York cheese cake, bananas pancake...etc 整體有85分。我們揀咗5:45-8:15時段，成人$448/小童$308（全數已包加一服務費）好抵食👍🏻👍🏻👍🏻最後要讚係食物fill 得好快👍🏻👍🏻😋

之前去過兩次,冷物不夠冷,熱物不夠熱,今次因為到新世紀廣場行街, 決家比定比多次機會。今次裝修後,格局不同,坐位較闊,整個用餐都頗舒服。食物方面稍有進步,熱的食物真是熱, 甜品選擇多, 熱麵師傅都好有耐心, 因為都有不少老人家。強項主打仍是薑醋同海南雞,都補充得好快。唯一開蠔只有一位,可能要耐心一些。