喜膳燒

Open Now

Now Closed

係尖沙咀行街行到勁累，又係時候揾食。兩個女仔又要吹水，食野又唔食得多，最好就係食串燒，邊食邊講。佢哩度開放廚房，d 串燒係度燒，好彩佢抽風ok,唔會好焗成身串燒味！哩度好佢唔止買啤酒同紅酒，sake 都有好多款，真係啱哂酒鬼！佢都有d 平時串燒舖無既野，有d special,好似魚肚，龍躉皮同魚卜。。燒生豪燒完唔乾，仲好juicy,d 海水無乾哂，燒到剛剛好！燒五花腩油份燒哂，食落唔油，燒到面頭脆卜卜。燒盧旬無燒過頭起碼無細到同唔乾。安格斯牛肉串大約五成熟，唔鞋口，有小小肥所以唔乾！燒雞翼必叫，一串仲有三隻，落埋七味粉perfect.個皮脆卜卜。燒餃子第一次食，好special, 我餃子皮脆，而餃子入面有汁，好正。燒波羅燒完仲甜，仲好juicy.蒜蓉包如果有多d 蒜蓉會更正

星期日晚我們來到寶勒巷吃串燒。這間店的門面有點隱閉。入內是酒吧格局，枱椅以高桌為主。裝潢設計雖然有點陳舊，但是環境仍算清潔。燒美國珍寶生蠔 （$48）生蠔約有6吋長，沒有特別的調味。個人喜歡燒得乾身一點的燒蠔。這個好像熱的生蠔，感覺有些怪。燒蜜糖牛油粟米 （左，$19/2件）粟米粒飽滿及火喉到位，蜜糖及牛油味充足。日本霜降和牛串 （中，$59）牛味濃厚，脂肪均勻。燒新鮮白鱔 （右，$64）鮮甜可口，外皮燒得脆脆，口感也不錯不腥。燒美式豬肋排（半份）（$88）肉質稍硬，調味都可以。總括而言，價錢不便宜，不過在Openrice 預先訂位有折扣優惠。

一直都鐘情台灣既地鋪串燒店，可以點杯啤酒再慢慢點串燒。今日係尖沙咀出名人多車多酒吧多既Hart Avenue 隔離 搵到呢間小型串燒店，好cozy又唔會好嘈，野食整體中價，有啤酒有日本sake 我地坐店內最入既位置，自成一角。點左gill 既squid，牛肩胛，日本小紅薯，芝士蘑菇鑲雞翼，蘆筍，烤雜菇，芝士蠔，台灣烤香腸，墨魚丸等等。特別一定介紹既有台灣烤香腸，好大一條，外皮超脆有honey 入面有汁，真係好有台灣味道，好開心。另外雞翼同芝士蠔，都好足料，大大塊芝士，好想再encore 仲有佢上菜係一塊熱既石頭，令串燒唔會好似平時咁極速變凍。真係好貼心。

泰式燒原隻鮮魷魚原隻魷魚就算燒完都唔韌，加上泰式酸辣汁非常惹味！IPA手工啤酒呢款係比較甜嘅生啤，仲有另一款就比較重麥味，啤酒配串燒係完美蒜蓉燒珍寶大扇貝極重蒜蓉嘅大扇貝，d粉絲吸晒蒜蓉同豉油精華，正到爆！大扇貝除左粒帶子好大，仲有好多帶子裙邊，感覺有好多野食咁，而且帶子燒到剛剛好熟，鮮甜多汁。日本霜降和牛串未食已經香味撲鼻嘅和牛串，好多油脂，不過我就覺得少d調味好d，更加食到和牛本身既肉味。沙嗲燒雞串雞串幾抵食喎！24蚊咋！味道好似照燒汁雞排咁。芝士焗意大利大蘑菇Juicy大蘑菇加芝士冇得輸，仲要一早切開左4份方便share，燒過菇都知好花時間，同埋呢隻菇都唔平，所以我覺得幾抵食！黑松露焗什菇又係菇，焗菇都有分什菇同金針茹，又有得揀黑松露定牛油蒜蓉。雖然貴少少但黑松露係好多，所以菇味係超濃郁，好正～燒蒜蓉茄子又係切好左既茄子，塊皮冇燒到燶晒，可以成舊連皮食，燒到好腍又好入味～燒玉桂焦糖金菠蘿超級鍾意食呢個菠蘿，舊菠蘿已經好甜，仲要係表面掃左層焦糖，正到呢🤤

香港食串燒不嬲都唔係平架啦因為租金實在太貴今次同朋友行尖沙咀唔係太肚餓所以就決定食串燒了！因為一串串自己揀可以就到份量~.推介馬來西亞大蜆同野生大虎蝦大蜆有泰式辣汁可以點不過我就suggest先唔好點食下佢本身個鮮味先~蝦夠大隻膏多👍🏻肉爽口.雞腎爽口 好食 牛舌正常厚度如果覺得唔夠味可自行加調味料~~~.燒娃娃菜好juicy, 有啲木屋燒烤既feel~燒茄子就唔係話好大條果款不過就勝在已經切好一份份咁都幾細心.店內座位唔係太多望見2位店主全部落手落腳自己做曬👍🏻呢份小店人情味 加分

雖然未到happy friday 但約咗好耐冇見嘅朋友食飯，就去咗間串燒店慢慢傾，唔經唔覺嗌咗勁多野食，多到不能盡錄，就特別講幾款我覺得好味架啦！燒沙嗲魚皮餃 $24魚皮餃本應係普通丸類個格，但就放咗佢係推薦個欄，想必係有過人之處。原來係自家製嘅魚皮餃，食落好彈牙，配沙嗲汁燒成更是一絕。海鹽燒皇牌牛舌$ 49第一款試嘅就係牛舌，調味恰到好處，燒到有少少焦香，咬開中間肉質好軟熟，好易咬開，而且有肉汁！燒露筍 $30收30蚊估唔到只有一條，有點失望，正常燒蔬菜嘅味道，性價比低咗啲所以唔建議嗌～燒多春魚 $28多春魚相對就抵食好多，有三條～而且燒得乾身又唔會散晒，多春就梗架啦！好好食～燒牛仔骨 $68經典的黑椒醬味道，肥瘦均勻，油香好豐富～燒雞軟骨 $36雞軟骨都係串燒必食之列，呢度嘅夠晒香口，幾有水準。燒芝士焗扇貝 $48推薦嗌大扇貝，可以揀芝士或者蒜蓉，因為成日都食蒜蓉所以想試新口味。兩者味道好夾，香濃芝士包住鮮甜帶子，啖啖肉！燒韭菜 $18次次都食燒韭菜，但呢個調味重手咗～芝士響鈴 $19好特別嘅款式，好好食！！！脆口嘅響鈴中間包住融緊嘅芝士，兩種口感都超正！燒芝士蘑菇雞翼 $45雞翼

天氣涼涼地，好想食燒烤，但又懶得自己燒。懶人方法，當然是去串燒店吃了。今次竟然給我找到這家性價比高的串燒店，值得推介給大家。這串燒店採用高身檯凳，裝潢和氛圍加上微黃的燈光很有日本居酒屋的感覺。燒貴妃蚌大大隻貴妃蚌用上蒜蓉來燒，好惹味。貴妃蚌肉質彈牙而且很鮮味，估計是游水新鮮貨。上面蓋上粉絲，充分吸引蒜蓉汁，超美味。泰式燒原隻新鮮魷魚魷魚同樣是新鮮貨，肉質又彈牙又甜，$78 一條份量絕對收貨。如果再燒得焦一點，視覺和味覺上或會更佳。海鹽燒多春魚燒烤不能不點多春魚！燒得超焦香的多春魚卜卜脆，回味無窮。海鹽燒牛肩胛牛肩胛肉質很嫩，加少少海鹽調味，非常惹味。蜜糖燒墨魚丸墨魚丸一直是我最愛的燒烤食物，這裡的燒墨丸可選蜜糖、和風或沙嗲燒，我始終都是鐘情蜜糖燒烤，總覺得燒烤的香氣跟甜甜的蜜糖很匹配。燒芝士響鈴燒芝士響鈴都是首次吃，味感很不錯。又薄又脆的響鈴，加上內裡的芝士，感覺很獨特，風味一流。燒菜心苗本身已經很甜的菜心苗，加上輕輕烤一烤，正！吃燒烤都不忘吃多點蔬菜～再來一客蒜蓉娃娃菜。娃娃菜上放上蒜蓉，以鍚紙包好來燒，菜中水份不會流失，又嫩又juicy 的蒜蓉娃娃菜即成！吃串燒怎少得啤酒，邊吃邊喝

今晚同朋友行尖沙咀，經過寶勒巷10號，見有很多食肆水牌，望一望有乜好食，一望就見到這串燒店，裝修好別緻，横豎咁耐冇食過串燒，口痕入去試下。餐牌上的食物款式有很多，可能超過一佰款，真係花多眼亂。我哋都係第一次嚟，所以好隨意叫咗一啲串燒食物。沙嗲燒彈牙牛丸： 大大粒好惹味，真係彈牙的燒蒜蓉茄子： 熱辣辣食好正，但覺得油多了少少燒娃娃菜： 食串燒蔬菜，唔係淨食肉，感覺健康啲黑胡椒燒肥腸： 燒得好香，脆皮豬大腸燒馬來西亞大蜆： 啲蜆比街外的大隻，隻隻開口，好新鮮燒蒜蓉珍寶大扇貝： 好大隻扇貝，新鮮多汁，好好食海鹽燒皇牌牛舌，燒雞腎串： 海鹽牛舌鹹鹹哋，雞腎亦好入味，燒得好食燒蜜糖雞中翼： 好食到停唔到口海鹽燒脆雞皮： 燒得好香好脆另外還有燒蜜糖雞全翼，燒雞軟骨，燒大蝦 .... 等等，太多美食了。

雖然早排食過大阪炸串，亦晌間日式食堂食過串燒，不過，港式串燒印象中真喺好耐無食過，要數都可以喺成年前葵涌嗰次。友人介紹，晌尖沙咀寶勒巷有家串燒店「喜膳燒」，除咗有點質素外，亦有啲特色嘅串燒。寶勒巷可謂喺一條自然而成嘅食街，不知不覺間，短短街仔已經有好多食肆插旗，平貴、西式、日式、東南亞、印度……乜都有。今晚，同友人一起串燒吧！如果唔講佢喺間串燒店，話佢喺酒吧都無人唔信，因為鋪前已放咗座「麒麟」生啤櫃，入到裡面，燈光昏黃，全場都喺高脚枱櫈，水吧位之上更放滿唔同嘅支裝酒。不過，整體地方就唔喺好大，如果坐滿人反而幾有氣氛。其實，如果細心留意，有啲地方都花過心思裝修，好似天花燈、雀籠。晌門口，已見到有個螢光燈牌，有多款串燒推介。而餐牌，亦即喺點菜紙，雖然簡單，但選擇十分之多。單喺類別，就有店家推介、海鮮、牛肉、其他肉類、特別串燒、丸類、腸餃、蔬菜瓜果，仲有特色小食、烏冬、飯品（唔怕食極都唔飽），雖然甜品都有，就只喺雪米糍而已。另外一張紅色長形嘅，喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、花蜜茶、汽水……等等。最特色當然喺多款「麒麟」嘅果味生啤。剩番一大張白色嘅

平時最鍾意重口味既我當然係孜然粉串燒既忠實fans😄呢間串燒店瑟縮響大廈嘅一角，靜靜地又有手工啤飲，仲有三部零死角電視，正燒勁辣魚片頭，純粹係為左睇下佢有勁辣而叫，果然冇令我失望😊大蜆勁新鮮，好重海水味，隻隻都好飽滿，燒完都仲係勁鮮味，燒得剛剛熟，唔會韌金菇牛肉卷，牛肉唔會係得啖膏既肥牛，不過我就唔太鍾意燒汁呢隻大頭蝦勁大隻又多膏芝士尖椒燒豆卜，本身諗緊豆卜又點樣同尖椒結合，原來係切碎左既尖椒同芝士釀入豆卜裡面😘蒜蓉茄子必點係常識吧燒雞翼當然係壓軸登場

今日同男朋友去左尖沙咀食晚飯，但唔係食得好飽，所以就想搵一間串燒食下。嗰度嘅環境雖然唔係好大，但都幾有氣氛，啱飲下野食下宵，同朋友傾吓計。餐牌都有好多選擇，但我哋唔係好肚餓，所以叫咗少少嘢食。呢個係蒜蓉燒珍寶大扇貝，加埋啲粉絲係上面，連埋蒜一齊食，真係好好食燒得啱啱好！蒜蓉燒廣島生蠔。想講佢啲汁好好食，好creamy多汁，仲有陣鮮味雞軟骨、雞皮串、魚皮餃、肥腸都燒得好正，尤其係雞皮，燒得好脆口，好想再食多幾串韭菜大大條，男朋友話落左籽然粉之後，燒到佢勁香魚皮餃係我最鐘意食嘅，都keep到應有嘅水準。肥腸咬落口Q彈，肥膏燒到好香口，食過翻尋味！燒茄子燒到好軟熟蒜味香得嚟又冇蓋過茄子嘅原汁原味，推介因為唔係好想飲酒，所以叫咗巨峰提子梳打。下次再去尖沙咀食飯嘅話，會考慮同朋友一齊啤一啤

人多嘈雜的尖沙咀寶勒巷，有間不太起眼，不過好有質素，裡面有心思的裝潢的串燒店，令我彷似置身於日本的感覺！串燒店本來俾我的感覺係又貴又唔飽的餐廳，誰知呢間好滑的稻庭烏冬食，仲有隻超級流心的溫泉蛋！一邊食住熱辣辣嘅烏冬，一邊食啖啖肉嘅串燒，一邊食住青蘋果麒麟啤酒，真係好幸福喔！仲有窩心服務，串燒會放在一個熱辣辣的鐵板上，唔驚啲串燒傾傾下計凍哂燒露筍大大條，好甜，無渣燒雞腎，有三款（孜然/照燒/鹽燒），揀左孜然粉，少少辣，好爽燒豬頸肉，有兩款（沙嗲/BBQ）,揀左沙嗲,少少沙嗲汁，肉好冧滑燒牛肩胛，唔乾身，有牛香，好冧滑燒珍寶蒜蓉大扇貝，有蒜蓉粉絲，啖啖肉，一啖都咬唔哂！又新鮮，又爽甜！燒茄子，蒜蓉葱花鋪面，有少少油，不過好味！燒玉桂焦糖金菠蘿，焦糖脆面，淡淡的玉桂味，超甜的金菠蘿！法式牛油蒜蓉焗田螺，有六大粒，薯蓉襯托，特別好味！麒麟果味啤酒:可選青蘋果/桃/荔枝/蘋果，甜甜地，好易入口！好多款串燒未試，一定要Encore!

食物味道有水準，尤其海鮮夠鮮味，牛肩胛串都調得美味。但價錢唔算平 ，飲品平均三四十蚊一杯，手工啤要七八十蚊。 推薦馬來大蜆，扇貝，芝士蘑菇雞翼，牛肩胛，雞軟骨和美國珍寶蠔。員工服務殷勤，食物上得都算快。雖然用加熱石板放食物，以保持食物温度，但石板保溫力不太夠，食完第一輪已經冇熱力。由於店面細， 得10張小檯左右，枱與枱之間很近，鄰檯講嘢都聽得清楚。 大部分是細枱和高櫈， 坐得唔係太舒服，唔係咁適宜一大班人聚餐。

呢日本來去寶勒巷試下一間新開嘅餐廳點知去到先發現promotion已經完結， 餐單內容都唔同曬， 冇咗我想食嘅嘢。於是行下附近搵下第二啲嘢食咁啱見到呢個啱啱開始有下午茶 就入去坐低試下啦環境坐落都幾舒服我揀咗卡邦尼意粉 飲品就要冰糖雪梨水溫泉蛋配上卡邦尼意粉真係幾好而且雖然價錢只係幾十蚊， 但係份量十足食得好飽飲品都清清哋唔算太甜，飲入口後幾舒服 open kitchen 見到師傅煮嘢食都幾用心 下次有機會會試下佢晚餐嘅串燒

見到book枱有7折，所以試下囉，由於得兩個人，所以唔係食左好多野，但覺得最正係鵝肝多士，同埋燒菠蘿。芝士響鈴好特別，亦可一試。其他食物不過不失。不過座位比較少，walkin就可能要等。上枱既食物，係會比一隻燒熱左既鐵板你，放喺上面，等啲野食唔洗攤到凍晒，好細心既服務。