喜膳燒

Open Now

Now Closed

一直都鐘情港式既地道串燒店，可以飲住啤酒再慢慢點串燒。  最欣賞係呢度抽風ok,食完都唔會好成身味  燒魚片頭加燒賣，配埋啲辣醬一齊燒，絕對係另一種風味有串燒嘅絶配孜然粉，好惹味。牛舌正常厚度如果覺得唔夠味可自行加調味料~~~ 燒芝士響鈴  燒一燒就更香，而且裏面嘅芝士溶透產生拉芝效果，  另一個抵食又好味就一定係燒蒜蓉茄子。雖然係燒 但絕對唔乾身。燒玉桂焦糖金菠蘿，焦糖夠脆再加人岩岩好既玉桂味，同鮮甜的金菠蘿，值得一試。

今日同朋友去食串燒，😘去左尖沙咀嘅呢間小店。地方唔大，有高桌同椅嘅位置，都有地方放袋。叫左幾樣幾好食嘅，燒蒜蓉茄子🍆，茄子好入味，我哋仲傾緊究竟食唔食埋個皮。因為我成舊食左。😂跟著叫左個高質日本霜降牛肉串😍，呢一個高質！雖然唔平但係正。仲有燒流心鵪春蛋，真流心。仲有最愛嘅燒玉子❤️。開頭以為好普通，但食落又幾好味，小小甜，出面熱辣辣，咬入去好滑。🤤追加左燒珍寶大扇貝-蒜蓉！呢個扇貝超大隻，yumyum。😋

同事帶 L 到尖沙咀一間隱世烤物店，貪其位於大廈大堂內遠離街外人，是一個就腳的 蛇竇。店內裝潢格局有點像於沖繩美日混血的居酒屋。先來一客燒馬來西亞大蜆，全部都很大隻，而且鮮甜。如果想吃得濃味一點可以點隨碟附送的泰式辣汁，酸酸辣辣很惹味。食烤物又怎可缺少啤酒呢，這裡更有泰啤選擇, 當然絕配!珍寶大扇貝配蒜蓉粉絲平常於酒樓蒸就吃得多，燒就較小吃到。 很大隻值得一讚是經已去掉內臟，而且都算入味。燒玉桂焦糖金菠蘿真的要吃，菠蘿被切成一小口後面上塗上糖漿再烤，咬下去滲出香甜可口的菠蘿汁，面上那層糖漿凝固而成的焦糖、加上玉桂粉的香氣，嘗甜的一定喜歡。鹽燒黑豚肉龍躉卷很矜貴， 黑豚肉與龍躉肉的質感味道都不同咬落去，有層次得來亦很複雜。辛苦得來自在食，最合適辛苦工作過後要享受。至於籽然燒韮菜就當然惹味啦!燒娃娃菜都不錯但內裡假如不較乾身就更理想。這個蛇竇的確很正，冇介紹錯!

今日又同朋友捐窿捐啦揾好野食，最後就決定食呢間日式串燒！未入餐廳就見到大大個啤酒機，就知道係一個可以小酌兩杯嘅地方啦。餐廳裝修有啲似日本嘅居酒屋，仲有個小小嘅吧枱。關東煮呢度嘅關東煮唔係一般食開嘅熱食，反而係以涼拌嘅形式煮，蘿蔔幾清甜，係一個唔錯嘅前菜之選。牛油蒜蓉金菇串燒必點菜之一，份量都幾多，金菇吸哂牛油同蒜蓉嘅香，夠入味。沙嗲醬燒賣燒賣燒到外脆內軟，再加一層沙嗲醬就更香口。鵝肝多士係串燒店少見啲嘅菜色，份量雖然唔多，但勝在夠新鮮，鵝肝冇膻味，鵝肝嘅油脂同香脆嘅多士好match !雞腎串 玉子燒串燒配上咗泰式風味嘅醬汁，酸酸辣辣，都幾開胃。雞腎爽口；微甜嘅玉子燒加埋醬汁，食落就更多層次。燒貴妃蚌貴妃蚌大大隻，冇沙，加埋大量香蔥香蒜調味，識食一定食粉絲，吸哂啲鮮味。鹽燒秋葵就算食串燒，點都叫返啲蔬菜先感覺健康啲，秋葵唔會燒到好乾，啱啱好。

食物質素非常好，好好味燒蠔，燒魷魚，芝士燒烤菇，羊架，牛肉，煙肉韮菜，燒丸，雞亦，明太子，芝士響鈴，魯肉飯，烏冬...我帶埋兩歲半小朋友黎食都有野岩食，因為知道無BB櫈，我就自備一張過黎，想大人小朋友都食得舒服絕對會再黎食，回味

香港天氣時冷時熱, 就連安排晚餐都好有難度。既然今日轉冷, 一於嚓返餐串燒先！餐廳近近地係尖沙咀, 方便返屋企。燒煙肉鵪鶉蛋 $32少有食到既配搭, 蛋味同煙肉又出奇地夾到, 唔會太搶味。燒芝士響鈴 $19又一非常少有既配搭。響鈴當然香脆，入面仲有流心芝士。食落唔都幾邪惡。燒蜜蜂雞中翼 $36沙嗲燒牛餐肉 $24味道非常濃郁，比平時食午餐肉更加濃郁香口。海鹽燒牛肩胛 $48 / 海鹽燒皇牌牛舌 $48 /孜然燒雞腎串 $24 / 沙嗲燒豬頸肉 $24

喜膳燒喺尖沙咀寶勒巷， 門面唔算太顯眼， 不過出面都有一堆餐牌， 見到餐牌就知道餐廳喺邊。 餐廳唔算十分大， 以高而為主，然後係一個半開放式廚房， 一睇就知係日本居酒屋式的嘅格局。既然主打係食串燒，咁當然要試番幾串。燒山賊雞翼雞翼燒得皮脆肉嫩， 充滿胡椒的香辣， 仲好惹味香口 。海鹽燒牛肩胛牛肩胛肉質結實多汁， 有彈性同咬口， 以海鹽輕輕 燒後肉汁仍能夠保持在肉的入面， 非常好味。燒生蠔味道鮮味， 最欣賞係師傅火喉拿捏得很準， 上枱時生蠔仍然保持多汁嫩滑， 並附有青檸和檸檬一小片， 可隨意加添。肉質鮮嫩 細緻 ， 肥瘦兼備，入口溶化。自家製磯煮南非鮑南非 鮑魚以日式磯煮方法 烹調， 糖心鮑魚層次鮮味，膠質豐富。 蘿蔔滿是日本醬汁和昆布的味道， 非常濃郁。牛油蒜蓉焗田螺薯蓉滿是牛油香 ，田螺肉質嫩滑。

今日終於可以同朋友去試下呢間喜膳燒啦！平時經過都見到有人等位，今日唔駛等就決定一試! 雖然喺主打串燒，但入到去油煙味又唔算勁喎。餐廳面積唔算大，感覺幾熱鬧。Menu都有好多選擇，睇到花多眼亂呀！肉類，海鮮，蔬菜都有多款選擇。燒雞肉串有沙嗲同埋bbq味，我地叫左沙嗲。沙嗲味果然同雞肉好夾呀。雞肉非常入味，配料沙嗲勁惹味! 肉質唔會燒得太硬，推介! 叫左2款我至愛嘅牛!一款喺日本霜降和牛串。肉質較軟身，脂肪較多。另一款喺海鹽美國安格斯肉眼串。肉質較實在，牛味非常重，配搭少少海鹽提升左味道之餘唔會遮掩左啲牛味，唔錯! 極力推介燒蜜糖雞中翼。表皮味道帶蜜糖香味，脆身，咬落非常juicy! 燒到入面嘅肉汁冇流失到，讚! 肉質又好入味同嫩滑!海鮮方面叫左燒蠔，隻蠔嘅熟度啱啱好，一啲都唔乾。配搭番提供嘅檸檬，增加味道嘅層次感，仲要冇腥味。蔬菜方面叫左燒粟米。粟米色澤帶金黃色，微焦嘅感覺。好juicy, 又好方便食。另外茄子亦唔錯，有大量蒜蓉，茄子又燒到好淋，入晒味!

串燒癮發作, 同朋友入左喜膳燒進食晚餐。一人一碗烏冬, 加幾款串燒, 滿足滿足! 我們點了一豌熱烏冬, 一碗冷烏冬。稻庭烏冬豬骨湯很好吃, 它的湯有種鮮甜香滑, 溫泉蛋煮得剛好。胡麻醬涼拌稻庭烏冬令人吃出清新, 麻醬甜香, 烏冬彈牙。串燒也是有心之作, 特別喜歡燒新鮮白膳及燒原隻魷魚。 白膳軟滑而皮脆, 燒汁香甜。 魷魚很軟熟, 配上酸甜香辣汁, 惹味! 燒皇牌牛舌及燒豚肉龍躉卷也是不錯之選, 簡單的鹽燒, 把食物本質的鮮味托出, 值得試試! 最後要讚我最愛的炸美國穀飼雞塊, 它貌似麥樂雞, 但外皮香脆鬆口, 絕不油膩, 且雞肉鮮香, 食得出炸法的烹飪水準之餘, 也食出用心。 如果想點, 要早點叫, 因為製作需時, 即叫即炸! 喜膳燒絕對是串燒愛好者的好選擇。

同一大班朋友gathering想搵個地方食下野丶吹吹水👭👬有咩好地方推介？不如食串燒🍢也是個不錯的選擇😋。🍢霜降一口和牛🐂 $59係和牛啊😍見到仲要係廚師推介就立刻tick黎試吓 因為是燒的關係，所以鎖住肉汁，食落去勁Juicy，而且燒得好淋身👍🏻。🍢燒山賊雞翼 $39味道有點似譚仔土匪雞翼🧐但沒有它的那麼重口味 淡淡的孜然味 不好那麼重口味的朋友可以一試🌝。🍢明太子燒雞翼 $45賣相好吸引啊🤩燒到漲臌臌🍗裏面仲有明太子餡料 不過就有少少咸。🍢燒車厘茄煙肉卷 $29本身小編唔好車厘茄🍅但試左勁有驚喜😍💓車厘茄同煙肉勁夾 酸酸甜甜 小編私心推介❤️。🍢泰式燒原隻鮮魷魚🦑 $78食串燒當然要叫海鮮啦😆魷魚原隻上枱，而且燒得爽口彈牙 配上泰式醬汁 惹味十足❤️。📍喜膳燒 (尖沙咀)尖沙咀寶勒巷10號地舖

好耐無去過燒烤，突然挑起條根好想食燒烤肉，但又唔想自己郁手燒，搞到全身燒烤味。同事介紹喜膳燒有師父燒埋食物，時間仲控制得啱啱好，食物新鮮；種類多有創意又好味，就去試試。係尖沙咀地鐵站行幾分鐘就到，地方唔算大；天花燈罩有懷舊氣氛；馬賽克磁磚圍住小酒吧，增添幾分色彩。美國珍寶燒蠔足足6吋長；啖啖肉，有海產鮮味👍。燒紐西蘭羊架;醃得入味，師父燒得恰到好處。日本霜降和牛串；入口淋嫩😋。沙爹燒厚魚肚同燒黑豚肉龍躉卷都係幾矜貴食材，好有創意又估唔到魚肚有口感彈牙；豚肉龍躉卷兩種肉類卷埋一齊入口，風味獨特。燒香脆日本雪魚乾，一片片薄條好鬆脆，同朋友嚟一邊飲酒一邊嘆最好不過。

話說每年我都會去睇尖沙咀啲燈飾，之前好傻仔咁會揀聖誕節睇，逼人到爆！宜家老喇，只係想搵個無乜人既位打個卡就算_______________________🔹芝士響鈴 $19響鈴打邊爐就食得多，第一次見到烤成串燒，仲要加芝士，完全想像唔到係點既味.一食，不得了！響鈴好薄脆好鬆化，芝士好流心，都幾重芝士味！超完美組合！.🔹明太子釀雞翼 $45/2隻雞皮烤得好香脆內餡明太子唔係勁濃，但幾香.🔹黑松露鵝肝多士 $44要讚既係多士好脆，不過鵝肝味略嫌唔夠濃，黑松露聞落好香，但唔太食得到.🔹燒蒜蓉茄子 $24茄子唔係夠厚身大條既中國種，反而有啲似日本種，細條啲無乜籽，唔可以瘋狂加蒜蓉但蒜蓉味依然好夠.🔹燒黑豚肉龍躉卷 (鹽燒) $59用豚肉包住魚呢個組合真係幾特別龍躉味超強，魚肉札實彈牙豚肉其實都幾好味，不過相比之下完全變左大配角.🔹法式牛油蒜蓉焗田螺 $39新鮮焗出黎，夠晒熱田螺味香，而且有好多粒薯蓉染上牛油蒜蓉既咸香兩樣一齊食，味道真係好香濃.🔹貴妃蚌 隻蚌都幾大隻，食落非常爽口上面放上粉絲，蒜蓉同蔥配料份量同味道都剛剛好唔會搶過蚌既鮮甜.最後要大力讚一讚既係串燒都有鐵板上上枱時 吱吱聲而且啲

咁岩經過尖沙咀有d肚餓，凍冰冰又忽然很嚮往食串燒，於是來到這間喜善燒食返幾串。這裡用日式木質感的裝修，感覺温暖。食物水準不錯，讓我很懷念去日本🇯🇵旅遊行的某間居酒屋。 我同女仔朋友兩個，叫了幾串串燒及海鮮：牛肉都有幾款揀，我地揀左兩款，分別係日本霜降和牛（好香好有牛味又一d都唔膩）同埋安格斯肉眼串（有咬口，又唔靭，正）豬脛肉（以為燒完硬硬的，點知好 Juicy，有d似食肥美既叉燒）燒雞肉串 （揀左BBQ 汁，甜甜地味道好㚒）燒雞翼（燒雞翼～我鐘意食🎵味道調較得岩岩好，好野味~）蔬菜類叫左燒粟米 （個面有少少黑，擔心會苦苦地，點知又係估佢唔到既 Juicy ,加上同牛油既配撘，簡直無得輸）仲有燒茄子🍆，竟然半條開邊上，好抵食喎~海鮮呢，就叫左一隻蠔咁大把，因為朋友唔食蠔，而我.... 梗係唔理佢叫自己個份食啦。隻蠔好大隻好肥美呀，旁邊配左檸檬同青檸俾人選擇，又幾細心喎⋯⋯當然，最重要係新鮮同燒得剛剛好至於大蜆，又真係名副其實的幾大隻，肉身脹卜卜。至於係咪來自馬來西亞🇲🇾，我就梗係....食唔出啦🤣總之食落好鮮味~最後仲叫左隻燒魷魚🦑，咬咬下感好過癮，最適合做黎送酒啦！而且，非常抵食，份量

放左工好想食串燒就黎左呢間野 之前聽fd 講話佢門口好似間bar 原來真係 真心似 so chill haha行入去間舖唔算大 同埋都係六點零七點 所以唔多人 唔洗等位 可以食個early dinnerfirst round 嗌左個芝士響鈴卷 牛舌同和牛 等緊個陣已經聞到好香好想食 黎到個陣佢用個鐵板放住啲串燒 好貼心 可以keep warm 同埋唔洗用咁多碟 本身想食個響鈴先嘅不過岩岩整起好熱所以食左啲牛先啦 啲牛好香好juicy 同埋好軟身 岩晒我呢啲豆腐牙😂 之後試埋響鈴 個fd真係冇介紹錯 好脆同埋啲芝士好夠 雖然攤涼左陣 但都有少少拉絲效果 滿意😆 之後再嗌左蒜蓉扇貝 焗田螺 雞翼 燒茄子同埋流心鵪鶉蛋🤤🤤🤤扇貝好香好夠蒜味 田螺份量足 雖然細細兜咁但起碼都有六隻田螺 雞翼就正常燒雞翼 係有少少辣 燒茄子一向係我最愛所以都係好味的不得不提係個鵪鶉蛋 真心好正！！！一咬開啲黃係流心 細細粒可以成粒啪 正🤤🤤🤤 最後嗌左個大蜆 真心大粒 都好鮮甜 但就唔似燒出黎 可以再香啲呢間舖有得嗌手工啤 不過聽日要返工就唔好啦 唯有等下次happy friday 再試😝

今日同個舊同事食，傾下計咁😊，佢係個酒鬼來的，😂所以問下佢有咩想食咁啊。佢話佢想食串燒🍢，考起我nah🤨，平時好少食，所以都要openrice 搵下，尖沙咀嘅專食串燒，飲酒傾計嘅餐廳。搵到呢間見佢有海鮮🍤、牛🍖、蔬菜🥗，款式幾多又近近地，所以就揀左佢。位置都幾容易搵到，入面雖然唔大，但都坐得幾舒服，😘每枱都有多一個好似椅子咁嘅野俾你放袋。野食款式同種類都幾多，仲有d時令海鮮提供，呢個就要留意佢個牆。咁食物方面我地就叫左⭐️貴妃蚌 （時令海鮮）好有鮮味，上面又有粉絲👍🏼⭐️泰式燒原隻鮮魷魚🦑魷魚好大隻，點埋啲泰式醬幾好食❤️⭐️牛油蒜蓉焗什菇個人認為牛油蒜蓉焗咩都好食😂⭐️燒金菇肥牛卷呢個超級正🤤！配埋佢嗰啲肥牛醬❤️⭐️黑松露鵝肝多士