喜膳燒

Open Now

Now Closed

呢排天氣又涼番d，就會想食下燒物。見到喜膳燒就入左黎啦。呢度既環境好舒服，有種隱世既感覺。木牆上有木牌寫低推介既串燒。環境既設計都幾有特色。首先我地叫左燒玉子、鹽燒西班牙黑毛豬腩肉、海鹽燒牛肩胛。燒得甘香、加上滿滿肉汁 既 豬腩肉，配上呢個醬汁味道更加昇華。另外，海鹽燒牛肩胛都係我推介既串燒之一，灑係牛肩胛上面既海鹽，可以更加吊出燒牛肩胛既肉汁同香味，而且牛肩胛好淋身，一d都唔怕痴牙。除左串燒，亦都叫左個日式煎餃，食落外脆內軟。最抵食莫過於燒雞翼。雞翼都幾大隻，而且仲係蜜糖燒雞翼呢！平時燒烤必燒既食物，係呢度又點可以錯過呢。除左牛類，當然都要叫d蔬菜類既串燒。菇類既串燒係蔬菜類入面，必定係我既最愛，因為佢咬落去既時候好彈牙，而且好有汁，感覺上好健康。燒燒賣係幾有驚喜既串燒，本身叫左沙嗲醬，以為會同出面既車仔檔感覺會好相似。不過原來燒一燒粒燒賣，外皮會係好脆，所以感覺好特別呢。最後叫左個炸雞塊，份量都幾多，而且外皮超脆口，加上有醬可以沾，感覺唔會好乾架。總結黎講，食住好味既串燒、同朋友傾住計，會係一個好寫意既晚上呢。

昨日和朋友去了尖沙咀寶勒巷的喜膳燒，這間餐廳似日本居酒屋，氣氛有温情小店感覺此店以串燒為主打，確是和朋友吹下水，飲下啤酒的好地方，價錢也實惠，地點就腳海鹽燒王牌牛舌($49) 燒山賊雞翼三隻($39)牛舌1串3塊，肉汁豐富咸香，剛燒好即食，好味雞翼用秘製醃料醃製， 應該有些孜然粉味道， 配啤酒是不錯的選擇燒廣島蠔三隻（$58）配料用蒜蓉香蔥燒， 蒜蓉汁帶少少甜味， 蠔剛熟不過火，多汁味鲜燒龍躉黑豚肉捲三件($59)材料配搭有創意, 外面黑豚肉有咬口， 內裏龍躉肉軟腍多汁， 一口一件，口感豐富蒜蓉燒珍寶大扇貝（$48）扇貝配粉絲蒜蓉，燒得剛剛好，味道鮮美蒜蓉燒茄子（$24），即叫即燒，熱騰騰蒜蓉味香象啤($32) 雪梨水（$32），現還有所有飲品買一送一，所以飲得特別暢快

有成半年冇飛日本啦，好掛住日本嘅串燒店，今日搵左呢間喜膳燒，是要尋找日本嘅味道。首先點左海鮮系列先，叫左珍寶蠔同珍珠蚌！珍寶蠔有我隻手咁大隻，仲食到有少少海水味～珍珠蚌亦都好鮮甜，而且好大隻呀！之後叫牛舌同和牛，牛舌好彈牙，和牛亦都十分鬆化。竟然有燒魚皮餃，我一直都好鍾意食魚皮餃㗎，佢哋加咗特色醬汁去燒，我覺得超好味呀！最後點左燒茄子仔，上面有勁多蒜蓉，令到啲茄子好惹味呀！整體來講呢間日本串燒店都唔錯，價錢都算適中，仲加入左好多香港傳銷嘅元素添！

朋友帶我去寶勒巷食串燒，店舖小小有點似日本居酒屋⛩🔸海鹽燒皇牌牛舌。三片厚切，肉質爽中帶軟。🔸山賊雞翼。秘製香料帶微辣，外皮燒得脆脆，肉質卻嫩滑。🔸蒜蓉廣島蠔。味道鮮甜，肥美多汁🔸燒黑䐁肉龍躉卷。用䐁肉包住龍躉一齊燒，確係幾特別。串燒用石板上能保持溫度👍🏻🔸燒蒜🍆子，滿滿蒜肉舗滿茄子面上，香噴噴，只略為薄身，不夠厚🔸燒珍寶蒜蓉大扇貝。大大隻嘅扇貝上鋪滿粉絲加咗蒜蓉，粉絲吸收了蒜香及扇貝精華好美味😋食串燒通常配啤酒，但我卻點了一杯用❤️製的特色飲品～～自家製冰糖雪耳雪🍐水，正好解解串燒的🔥 適逢今個月飲料做繄買一送一推廣，同價錢的皆可選擇👍🏻

今日揸車過咗嚟尖沙咀接女朋友收工，我地今日揀咗朋友介紹呢間位於尖沙咀寶勒巷度食串燒呀。原來餐廳都幾近地鐵站㗎，由N2出口行幾分鐘就到，早知唔揸車😅 咁近唔使餓親女朋友呀。講下環境先 餐廳門口擺咗一行既Bar枱 可能太早去關係，唔太多人，但夜D去好適合同朋友摸下酒杯底傾下計，留意番佢地收1:30㗎 唔會太晏去呀Haha我同女朋友揀咗入去食。餐廳入邊既擺設都好靚，加上靚靚的柔和既燈飾坐得都幾舒服 。好了，我地開始揀野食了，入面都有好多種類俾我哋揀，女朋友有選擇困難症，所以全部由我包辦，我要推介大家既係「海鹽燒牛肩胛」「海鹽燒王牌牛舌」「燒豬頸肉串」<-呢個一定要揀(沙嗲汁)「燒珍寶大扇貝」其他都過不失 唔錯飲品就揀咗益力多沙冰 我同女友都試過好好飲，佢唔太甜又唔太淡調味調得好好總括嚟講 串燒如果可以多番dd醬汁就好了Btw下次會飛甩女友，帶埋成班Fd 飲吓嘢食下串燒摸下酒杯底👍🏼👍🏼

今日同朋友行尖沙咀 途經寶勒巷 見到有間串燒鋪好似唔錯咁 就貢左入去 入到去鋪仔細細 但BBQ既香味充斥整間鋪頭先黎一個珍寶蠔 夠肥壯🤣 再黎一客魷魚筒 好腍好咬口💗意大利大蘑菇 夠香夠腍💗燒多春魚 一啖一隻無難度💗燒金菇牛肉捲 肉汁滿滿💗山賊雞翼 金香鬆脆💗燒鵪鶉蛋 由內爆到外💗燒車厘茄煙肉捲 燒煙肉韭菜捲 呢2樣就大路野唔洗點介紹 出色燒雞肉串 燒雞軟骨 燒雞皮 夠香夠脆 重點係個醬汁 沙嗲汁無得輸鹽燒秋葵 燒露荀 💗💗

今晚同朋友經過尖沙咀寶勒巷，以前黎開呢邊都飲野多，今次同朋友約黎食串燒，第一次黎食，位置好方便，地舖易搵，舖頭細細，但環境唔錯，好有情調。見到佢地餐牌以海鮮做主打，點左最鐘意食既燒扇貝，手板咁大隻，必點！另外燒烤點可以唔點牛舌同雞腎，另外有一樣特別同驚喜既，係燒魚肚，用沙嗲黎燒，爽口，未試過既值得一試。仲有點到山賊雞翼同肥腸，本來都送酒一流，可惜今晚揸車冇飲酒，同朋友點左兩杯梳打，青檸同巨峰提子，咪道好夠，唔會飲到一半就冇曬味，好滿足

放工約左同事一齊去Happy hour, 呢間第一次去, 地方雖然細細, 但食品種類比預期多, 但有點港式, 不太覺得似日式.坐滿人後, 會有點嘈, 不過整體感覺不錯!食品質素整體很不錯, 出野夠快,會再去幫襯的!

平日如果食串燒都會同朋友返大陸食，因為大陸有好多串燒店，不過環境就相對差D～今次同朋友係尖沙咀行街，突然想食串燒, 一於係尖沙咀附近揾間餐廳試下香港既串燒啦！一上openrice 就揾到喱間喜膳燒～店內的環境雖然唔大，但係細細既木檯同整體氣氛都同日本既居酒屋有幾分相近，好適合三五知己上來食串燒飲下酒。今日由於時間尚早，又未係好肚餓，叫左幾樣野食同飲品，一路食一路傾下計。每次食串燒都好中意叫少少海鮮，今次都叫左扇貝、雞泡魚干同蠔。另外叫左和牛、豬頸肉、雞肉同埋燒娃娃菜。食物落左單唔夠十五分鐘就已經差唔多上齊，效率比起一般串燒店都高：）最有驚喜既一定係蠔，超級大隻，一黎到我同朋友都嚇親，味道鮮甜冇腥味，加埋檸檬汁食更加有鮮，口感帶少少脆，兩個人分一人都仲可以咬到幾啖，超抵食呢！另外，和牛等各樣串燒都帶有燒烤既香味，而且完全唔覺得過熟。店內不但有串燒食，仲有其他熟食架，有時食左太多串燒都想有其他野食一齊食，今日就叫左個胡麻醬烏冬，口感一咬就知道係正宗日本烏冬，煙煙韌韌，份量仲好多TIM！今次因為時間太早，仲未食得落好多野。如果下次有機會同朋友再黎，一定會再試下其他海鮮！

尖沙咀食晏~ 見呢間日本野幾抵食~午餐 $50起最貴都唔洗$60~  包主食+燒物+飲品仲要免加一-- 入到去見係open kitchen但一D油煙味都無~-羊架蕃茄燴飯 ($58) 羊架好淋而飯有好濃既蕃茄味!! 不過就似汁飯多D~送既  我揀左燒皇牌牛舌~好淋好香~~~ MY favourite~~平時 一串串燒都要成$2X 好貴午餐$50都送比你~ 抵! 而且唔縮水! 隔離楁枱竟然有隻全翼  真係抵抵抵!一個女仔應該岩岩好大食D就唔夠飽~我都一般般夠炸 HAHAH~下次要+$8加大~ 不過D肉真係唔錯~好滿足  值得再黎!!

見到呢間零負評Openrice又有75折同朋友去試下結果中大伏🤢🤢🤢成餐最正常係燒雞全翼牛舌同韮菜煙肉卷燒到好似柴皮咁見到都唔敢擺落口連最普通既牛油金菇都出事有陣怪味串燒唔好食飲品亦唔平一杯Kirin draft beer收68蚊手工啤要70幾去酒吧飲冇咁嬲服務就更加唔掂個男侍應由頭到尾黑口黑面講野冇尾音完全係趕客最後每人只係食左百幾蚊野因為真係食唔落去決定轉場😂一句講哂～呢間餐廳真係不可一不可再😓

尖沙咀有好多好嘢食就係人都知道，呢一間串燒店係我朋友推薦嚟食嘅，喺尖沙咀有咁平嘅嘢食真係好難得㗎menu有好多唔同嘅嘢食可以選擇，海鮮，豬牛雞肉都任君選擇，而且仲有好特別嘅嘢食可以揀，例如燒燒賣室內裝修大大隻嘅消蠔，超級無敵多汁，燒完都唔覺得佢好老，真係超新鮮㗎燒牛脷，燒翠玉瓜，燒蘆筍最鍾意食佢個翠玉瓜，咬入去淡淡都係汁燒鵪春蛋，係流心㗎 ！而且佢個特製醬汁好好味我哋仲叫咗個燒豬頸肉，平時豬頸肉都冇咁大舊呢個咁樣燒真係好特別好好味

夜晚同朋友諗住食少少野做宵夜，就嚟咗呢間食串燒嘅鋪頭，入到去見到張點菜紙之後都覺得都有好多選擇。另外飲品除咗普通飲料之外，仲有手工啤啦，山啤啦，仲有好多款sake之類，包你一定有岩飲既野👏🏻👍🏻👍🏻👍🏻叫咗呢杯杏桃水果啤酒，易入口，好好味，甜甜的，好岩女仔飲😍😍😍😍燒帶子，好香，好好味，帶子好入味，亦好juicy，唔會太乾身，再加左蒜蓉粉絲係面，好正呀。。。燒青椒，有d部分會食到好辣，有d部分就唔會辣，係好刺激既食物，外皮燒得好香脆👍🏻👍🏻👍🏻燒茄子，又係好juicy，店員好細心，將茄子切開方便食👍🏻👍🏻👍🏻燒一口牛，雞軟骨，雞翼，多春魚，一口牛好林，唔靭，雞翼燒到外皮好脆口好好味，而多春魚比較細條d。。。黑松露牛油什菌，黎到好香黑松露同牛油味，超級正👍🏻👍🏻👍🏻😋燒虎頭蝦，蝦🦐都夠大隻，啖啖肉，好鮮味，不錯不錯👍🏻👍🏻👍🏻

係尖沙咀行完街，都要搵下好野食。兩個人食野唔食得多，所以都係食下串燒，一邊食一邊講。入到去油煙味唔勁，抽風做得好。燒午餐肉，配埋沙爹醬一齊燒係另一種嘗試。 燒芝士響鈴  響鈴燒一燒再加芝士做到拉芝效果，燒出黎好香口燒茄子，蒜蓉葱花鋪面，加少油，不過好味！ 😄串燒燒四季豆真係唔錯😍第二轉試埋燒麵根同燒韭菜。另一個賣點係串燒放上石板上保溫，唔使怕凍。好貼心舉動。 燒菠蘿就非常鮮甜，值得一試😋😋

誰不愛燒烤？除了bbq動手自己燒，更適合我的選擇當然是安坐餐廳中，等廚師準備吧！友人介紹這家喜膳燒，店雖小卻有日式居酒屋的感覺。餐廳內燈光幽暗，佈置有日式懷舊風格，居有特色。燒物的選擇好多，讓我和男友選擇困難！所以我們都選了看起來較有特色，又多推薦的來吃。就如這蒜蓉燒廣島蠔，每隻都肥美肉厚，味道鮮甜，咬下去好juicy！加上蒜蓉更為香口，正牛舌是我倆最愛，當然不會錯過。只用簡單鹽燒，帶鹹香的味道已經很好吃。肉質爽中帶軟，是好的牛舌！原來點附上的醬汁吃會更為惹味，是另一種清新的感覺。山賊雞翼夠大隻，用香料燒，外皮香脆，內裡肉質嫩滑多汁，也好吃呢用黑豚片包著龍躉肉燒，創意十足！明明兩款肉的熟成時間不同，這串燒卻不乾身。咬下較厚的腌肉，就感受到滑又彈牙的龍躉肉，味道口感都豐富霜降和牛不會太油膩，卻充滿牛油香，入口牛味湧出來，很好享受~吃了那麼多肉，怎樣都要吃點其他，就選了芝士焗大蘑菇，熱騰騰上菜都是拉絲的，芝味濃郁，菇又多汁~燒烤不能或缺的當然是生啤！喝過冰凍的啤酒，感覺爽歪歪雖然這裡不算便宜，但整體的質素都很好，值得一來呢！